ອຸດົມໄຊ!ຊີ້ແຈງແລ້ວ ກໍລະນີແຕ່ດອງ ຊາຍ1ຍິງ2

ວັນທີ 6 ມິຖຸນາ 2023 ນີ້ ຫ້ອງການ ຖວທ ເມືອງຫລາ ແຂວງອຸດົມໄຊ ອອກມາຊີ້ແຈງວ່າ: ໃນນາມຕ່າງໜ້າພາກສ່ວນທີ່ກ່ຽວຂ້ອງ

ຫ້ອງການ ຖວທ ເມືອງຫລາ ໄດ້ລົງເກັບກຳຂໍ້ມູນນຳພວກກ່ຽວ ຊື່ ທ້າວ ສີແກ້ວ ອາຍຸ 29 ປີ, ສັນຊາດ ລາວ, ຊົນເຜົ່າ ອາຄາ,

ປະຊາຊົນ ຢູ່ບ້ານກົກໄມ້ໃຫຍ່, ເມືອງຫລາ, ແຂວງອຸດົມໄຊ ທັງໝົດເປັນພາບຂໍ້ມູນຄວາມຈິງກ່ຽວກັບການລົງຮູບພາບ

Pre-weddingກ່ອນການແຕ່ງດອງ ຜູ້ກ່ຽວໄດ້ໃຫ້ເຫດຜົນ ແລະ ຄວາມເປັນຈິງ ຄື:….

ເກີດເຫດ!ໄຟໄໝ້ລົດເກັງ ຍູ່ປະຕູໄຊ ເຈົ້າຫນ້າທີ່ເລັງສືບສາເຫດ

ເກີດເຫດໄຟໄໝ້ລົດເກງ ຢູ່ຂ້າງສວນປະຕູໄຊ

ເວລາປະມານ2ໂມງປາຍຕອນເດິກຂອງວັນທີ 7 ມິຖຸນາ 2023 ໄດ້ເກີດເຫດໄຟໄໝ້ລົດເກັງ ຢູ່ຂ້າງສວນປະຕູໄຊ

ຜູ້ເຫັນເຫດການໄດ້ເລົ່າວ່າ ເບື້ອງຕົ້ນລົດຄັນດັ່ງກ່າວໄດ້ມີຄວັນອອກມາແລ້ວຈຶ່ງເກີດແປວໄຟຂຶ້ນ

ໄຟໄດ້ໄໝ້ລົດຄັນດັ່ງກ່າວຈົນໝົດຄັນ, ຂະນະທີ່ໄຟພວມໄໝ້ຢູ່ນັ້ນໄດ້ມີສຽງຢາງຕີນລົດແຕກສ້າງ

ຄວາມຕົກໃຈໃຫ້ຜູ້ຢູ່ໃນເຫດການ ແລະ ຜູ້ເຫັນເຫດການຍັງໃຫ້ຮູ້ຕື່ມວ່າ: ລົດຄັນດັ່ງກ່າວຂັບຂີ່ມານຳກັນສອງຄົນປອດໄພ, ສ່ວນສາເຫດແມ່ນຍັງບໍ່ຮູ້ຊັດເຈນເທື່ອ.

ແຈ້ງດ່ວນ!ປິດເສັ້ນທາງ ພູເກົ້າຫລັກ ຍ້ອນດິນເຈື່ອນ

ແຈ້ງເຕືອນ ເປິດ-ປິດເສັ້ນທາງພູ9ຫລັກ

ເຖິງບັນດາທ່ານທີ່ນຳໃຊ້ເສັ້ນທາງ 4C ກາສີ-ເມືອງນານ, ເຂດພູ 9 ຫລັກ ພວກເຮົາຈະໄດ້ຂື້ນຕັດພູ ຈຸດດິນເຈື່ອນ.

ປິດ-ເປີດທາງ ຕາມໂມງເວລາເຮັດວຽກ ຄື:

ເລີ່ມປິດ 8:00 ຫາ 12:00 ໂມງ

ເປີດ 12:00 ຫາ 13:00 ໂມງ

ເລີ່ມປິດ 13:00 ຫາ 17:00 ໂມງ

ເປີດ 17:00 ຫາ 8:00 ໂມງຂອງທຸກມື້ຈົນກວ່າຈະສຳເລັດ.

ເລີ່ມປະຕິບັດວັນທີ 7.6.2023..

ຫວັງວ່າທຸກທ່ານຈະປະຕິບັດຕາມໂມງເວລາ ເພື່ອຄວາມປອດໄພ ແລະ ຈະບໍ່ເສຍເວລາລໍຖ້າ ຂໍຂອບໃຈ..

ສາທຸ!ພົບເຮືອເກົ່າແກ່ ອາຍຸກວ່າ100ປີ ຍູ່ແມ່ນ້ຳງື່ມ

ພາຍຫຼັງປະຊາຊົນຊາວບ້ານຖິ່ນຄໍາ ເມືອງທຸລະຄົມ ແຂວງວຽງຈັນ ໄດ້ພົບເຫັນເຮືອເກົ່າແກ່ຢູ່ແມ່ນໍ້າງື່ມເຂດບ້ານດັ່ງກ່າວ ແລະ ໄດ້ແຈ້ງໃຫ້ທາງອົງການປົກຄອງເມືອງຮັບຊາບແລ້ວ, ຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງ (ຖວທ) ໄດ້ເຮັດໜັງສືລາຍງານໃຫ້ພະແນກ ຖວທ ແຂວງວຽງຈັນ ເປັນລາຍລັກອັກສອນ.

ຈາກນັ້ນ, ໃນວັນທີ 2 ມິຖຸນາ 2023 ຄະນະຮັບຜິດຊອບຂັ້ນແຂວງ ແລະ ເມືອງ ໄດ້ລົງໄປເກັບກໍາຂໍ້ມູນຂອງເຮືອດັ່ງກ່າວ ໃນຂັ້ນເບື້ອງຕົ້ນ ໂດຍມີ ທ່ານ ແກ້ວອຸດອນ ສີຫາລາດ ຫົວໜ້າຂະແໜງວັດທະນະທໍາ ພະແນກ ຖວທ ແຂວງ, ທ່ານ ຄໍາພອນ ຈັນທະວົງສັກ ຫົວໜ້າຫ້ອງການ ຖວທ ເມືອງ ແລະ ສົມທົບກັບການຈັດຕັ້ງບ້ານລົງເຮັດວຽກຮ່ວມກັນ.

ຕາມການໃຫ້ຂໍ້ມູນຂອງ ທ່ານ ວຽງໄຊ ວົງໄຊ ຄະນະແນວລາວສ້າງຊາດບ້ານຖິ່ນຄໍາ ເວົ້າວ່າ: ມື້ພົບເຫັນເຮືອກົງກັບວັນທີ 19 ພຶດສະພາ 2023, ແຮມ 15 ຄໍ່າ, ເດືອນ 6 ພສ 2566 ຊຶ່ງມີປະຊາຊົນໄປໄຫຼມອງຫາປາ ແລະ ພາກັນຜັດລວງມອງອະນາໄມແລວນໍ້າ ແລ້ວມອງໄດ້ໄປເກາະເອົາເຮືອຈົ່ມຢູ່ພື້ນນໍ້າມີຂີ້ຊາຍ ແລະ ຂີ້ຕົມຖົ່ມໄວ້; ເມື່ອເປັນເຊັ່ນນັ້ນ ຈຶ່ງໄດ້ມາແຈ້ງຕໍ່ການຈັດຕັ້ງເຖົ້າແກ່ແນວໂຮມບ້ານພາກັນເຮັດພິທີຄອບໄຂ່ວ ແລ້ວເອົາເຮືອຂຶ້ນມາໄວ້ຢູ່ເທິງຝັງທີ່ຜາມໄຊບ່ອນເຮັດບຸນຊ່ວງເຮືອເດີ່ນວັດເກົ່າແຄມນໍ້າງື່ມບ້ານຖິ່ນຄໍາ.

ເຮືອມີຂະໜາດລວງຍາວ 8,50 ແມັດ, ກວ້າງ 70 ຊັງຕີແມັດ ເຮັດດ້ວຍໄມ້ແຄນ, ເປັນເຮືອເຈາະໄມ້ລໍາດຽວ, ຄາດວ່າຖືກສ້າງຂຶ້ນມາໄດ້ຫຼາຍປີ ແລະ ຈົມຢູ່ນໍ້າມາດົນແລ້ວ ຈຶ່ງມີສ່ວນໃດສ່ວນໜຶ່ງໂດກແຕກຫັກ; ຕາມການສັນນິຖານ ແລະ ບອກເລົ່າຂອງຜູ້ເຖົ້າຜູ້ແກ່ເຂດບ້ານດັ່ງກ່າວເວົ້າວ່າ: ເຮືອລັກສະນະແບບນີ້ ເມື່ອ 60 ປີຄືນຫຼັງປະຊາຊົນເຂດລ້ອງງື່ມກໍນິຍົມເຮັດ ແລະ ນໍາໃຊ້, ໂດຍສະເພາະເຂດບ້ານຫຼິ່ງຊັນ ກໍເຄີຍມີຄົນນໍາໃຊ້ຫຼາຍ, ຄາດຄະເນວ່າອາຍຸບໍ່ຕໍ່າກວ່າ 100 ກວ່າປີ, ນັບແຕ່ໄດ້ນໍາເອົາເຮືອຂຶ້ນມາໄວ້ເທິງຝັງ ກໍມີຄົນມາເບິ່ງມາຊົມ, ມາກາບໄຫວ້ຕາມການເຊື່ອຖື ເປັນຈໍານວນຫຼວງຫຼາຍ.

ທີ່ມາ: ປະຊາຊົນ (ຂ່າວ-ພາບ: ຍ່າວທົ່ງ-ລ້ອງງື່ມ)

ໂຄງການ!ກໍ່ສ້າງທາງດ່ວນ ວັງວຽງລ້ອງແຈ້ງ ຈະໃຊ້ເວລາສຶກສາ1ປີ

ການສຶກສາຄວາມເປັນໄປໄດ້ໃນໂຄງການກໍ່ສ້າງທາງດ່ວນຈາກວັງວຽງ, ແຂວງວຽງຈັນ ຫາ ເມືອງລ້ອງແຈ້ງ ແລະ ເມືອງອະນຸວົງ, ແຂວງໄຊສົມບູນ ພາຍຫລັງທີ່ມີການຮັບຮອງແລວທາງສໍາເລັດ, ຄາດວ່າຈະໃຊ້ເວລາ 1 ປີ ຈຶ່ງສໍາເລັດສົມບູນ, ຈາກນັ້ນບໍລິສັດຜູ້ລົງທຶນຈຶ່ງຈະປະເມີນຄືນວ່າສົມຄວນກໍ່ສ້າງ ຫລື ຄຸ້ມຄ່າກັບການລົງທຶນກໍ່ສ້າງຫລືບໍ່.

​ທ່ານ ໄຊສົມພັນ ລີເຕັ່ງເບຼຍຈື່, ຫົວໜ້າພະແນກໂຍທາທິການ ແລະ ຂົນສົ່ງແຂວງໄຊສົມບູນ ໃຫ້ສໍາພາດຜ່ານລາຍການຮອບບ້ານຜ່ານເມືອງຂອງວິທະຍຸກະຈາຍສຽງແຫ່ງຊາດລາວ ໃນວັນທີ 6 ມິຖຸນາ 2023 ນີ້ ວ່າ: ໂຄງການກໍ່ ສ້າງທາງດ່ວນຈາກວັງວຽງ, ແຂວງວຽງຈັນ ຫາ ເມືອງລ້ອງແຈ້ງ ແລະ ເມືອງອະນຸວົງ, ແຂວງໄຊສົມບູນ ໄດ້ຜ່ານກອງປະ ຊຸມຮັບຮອງເອົາແລວທາງການກໍ່ສ້າງຈາກອົງການປົກຄອງແຂວງໄຊສົມບູນແລ້ວໃນທ້າຍເດືອນພຶດສະພາຜ່ານມານີ້

ເຊີ່ງມີໄລຍະທາງທັງໝົດ 97,68 ກິໂລແມັດ, ໃນນີ້ ຜ່ານແຂວງວຽງຈັນ 24 ກິໂລແມັດ ແລະ ຜ່ານແຂວງໄຊສົມບູນ 73,68 ກິໂລແມັດ ໂດຍແມ່ນບໍລິສັດ ວຽງຈັນ ອໍໂຕເມຊັ່ນ ເອັນເຈີເນຍລິງ ຈໍາກັດ ຜູ້ດຽວ ຈະເປັນຜູ້ລົງທຶນໃນຮູບແບບ BOT ຫຼື Build Operate Transfer ແມ່ນການກໍ່ສ້າງ-ດຳເນີນງານ ແລະ ມອບໂອນ. ເບື້ອງຕົ້ນບໍລິສັດກໍານົດໃຫ້ມີ 4 ສະຖານີ, ແຕ່ທາງແຂວງໄຊສົມບູນ ຂໍໃຫ້ເພີ່ມອີກ 1 ສະຖານີ, ລວມເປັນ 5 ສະຖານີ, ໃນນີ້ ຢູ່ແຂວງວຽງຈັນ 2 ສະຖານີ ແລະ ຢູ່ແຂວງໄຊສົມບູນ 3 ສະຖານີ.

​ທ່ານໃຫ້ຮູ້ຕື່ມວ່າ: ໂຄງການດັ່ງກ່າວນີ້ ໄດ້ເຊັນບົດບັນທຶກຄວາມເຂົ້າໃຈ ຫລື MOU ໃນວັນທີ 18 ພຶດສະພາ ປີ 2022, ເບື້ອງຕົ້ນບໍ່ທັນໄດ້ລົງມືສໍາຫລວດຄວາມເປັນໄປໄດ້ຍ້ອນສະພາບການລະບາດຂອງພະຍາດໂຄວິດ-19. ແຕ່ຫລັງຈາກກໍານົດແລວທາງສໍາເລັດແລ້ວ ແມ່ນຈະກ້າວເຂົ້າສູ່ການສໍາຫລວດອອກແບບ ແລະ ສຶກສາຄວາມເປັນໄປໄດ້ທາງດ້ານເສດຖະກິດ-ສັງຄົມ, ຄາດວ່າຈະໃຊ້ເວລາປະມານ 1 ປີໃຫ້ສໍາເລັດສົມບູນ, ເຊີ່ງຄາດວ່າເສັ້ນທາງດັ່ງກ່າວຈະບໍ່ກະທົບຕໍ່ປະຊາຊົນຫລາຍ ເພາະສ່ວນໃຫຍ່ຜ່ານພູຜາປ່າດົງ. ສ່ວນຄວາມຫຍຸ້ງຍາກໃນການສຶກສາສໍາຫລວດ

ຕົ້ນຕໍແມ່ນເລື່ອງພູມສັນຖານ ເພາະເສັ້ນທາງດ່ວນທີ່ຈະມີການສຶກສາສໍາຫລວດເພື່ອກໍ່ສ້າງຜ່ານພູຜາປ່າດົງທີ່ສັບສົນສົມຄວນ, ບວກກັບສະພາບອາກາດຢູ່ແຂວງໄຊສົມບູນ ມີຝົນຕົກຕະຫລອດ. ຢ່າງໃດກໍຕາມ, ການສໍາສຶກສາສໍາຫລວດຄວາມເປັນໄປໄດ້ແມ່ນຈະໃຫ້ສໍາເລັດຕາມເວລາທີ່ກໍານົດໄວ້, ຈາກນັ້ນບໍລິສັດຜູ້ລົງທຶນຈະປະເມີນຄືນວ່າໂຄງການນີ້ສົມຄວນກໍ່ສ້າງ ຫລື ຄຸ້ມຄ່າກັບການລົງທຶນຫລືບໍ່, ຖ້າຄຸ້ມຄ່າກໍຈະລົງມືຈັດຕັ້ງປະຕິບັດໃນຂັ້ນຕອນຕໍ່ໄປ.

@FM90 ຮຽບຮຽງ ແລະ ລາຍງານ

ຈັບໄດ້!ພໍ່ຕູ້ອາຍຸ68ປີ ຜູ້ຕ້ອງຫາ ຄອບຄອງຍາເສຍຕິດ

ປກສ ແຂວງຫົວພັນລາຍງານວ່າ: ວັນທີ 5 ມິຖຸນາ 2023 ຜ່ານມານີ້ ປກສ ເມືອງຊຳໃຕ້ ແຂວງຫົວພັນ

ໄດ້ກວດຄົ້ນເຮືອນທ້າວ ຄົວຫວ່າງ ອາຍຸ 68 ປີ ຊົນເຜົ່າມົ້ງ ຢູ່ບ້ານຊຳໃຕ້ ເມືອງຊຳໃຕ້ ແຂວງຫົວພັນ ເນື່ອງຈາກເປັນເປົ້າໝາຍ…

ເກີດເຫດ!ເຮືອລົ້ມກາງແມ່ ນ້ຳຄຳມ່ວນ ມີຜູ້ສູນຫາຍ5-6ຄົນ

ເກີດເຫດເຮືອຫລົ້ມຢູ່ທ່າແຂກ ແຂວງຄຳມ່ວນ​ ແລງວັນທີ​ 6 ມິຖຸນາ​ 2023

ຄາດວ່າມີຜູ້ສູນຫາຍປະມານ 5-6 ຄົນ​ ຂໍໃຫ້ທຸກຄົນປອດໄພເດີ.​

ຫາກມີຄວາມຄືບໜ້າ​ ແລະ​ ລາຍລະອຽດ​ ທີມຂ່າວ​ໜັງສືພິມ​ລາວພັດທະນາ ຈະລາຍງານໃຫ້​ທ່ານ​ຮັບຊາບ​ຕື່ມ.