ແຊຣ໌ຕໍ່ຢ່າຫລົງເຊື່ອ! ທະນາຄານອອກແຈ້ງການ ການຖອນເງິນຝາກສະກຸນເງິນຕາຕ່າງປະເທດ ແມ່ນສາມາດຖອນ ຫຼື ໂອນສະກຸນນັ້ນໄດ້ປົກກະຕິ

ແຈ້ງການ ເຖິງ: ບັນດາລູກຄ້າ ຂອງ ທະນາຄານການຄ້າຕ່າງປະເທດລາວ ມະຫາຊົນ (ທຄຕລ), ທີ່ເຄົາລົບ ແລະ ນັບຖື,

ເລື່ອງ: ການຖອນເງິນຝາກສະກຸນເງິນຕາຕ່າງປະເທດ

ໂດຍມາລາຍລະອຽດດັ່ງນີ້:

ທີ່ມາ:

ຍົກເລີກແລ້ວ ແຈ້ງການທີ່ກຳນົດເອົາເງິນກີບຈ່າຍໃຫ້ລູກຄ້າທີ່ມາໃຊ້ບໍລິການ MoneyGram ໃຫ້ຈ່າຍເປັນສະກຸນໂດລາຕາມເຄີຍ

ອີງຕາມແຈງ້ການເລກທີ 1143/ທຄຕລ2022 ລົງວັນທີ່ 13 ມິຖຸນາ 2022

ແຈ້ງການເລື່ອງ: ການຈ່າຍໃຫ້ກັບລູກຄ້າທີ່ມາໃຊ້ບໍລິການຮັບເງິນດ່ວນ MoneyGram. ເນື່ອງຈາກຄວາມພ້ອມທາງດ້ານການຈັດຕັ້ງປະຕິບັດພາຍໃນ ແລະ ສາກົນ, ທຄຕລ ໃຫ້ບັນດາພະແນກ, ສູນ, ສາຂາ, ໜ່ວຍບໍລິການ, ຫ້ອງແລກປ່ຽນທົ່ວລະບົບ ທຄຕລ ແລະ ບັນດາຮ້ານຕົວແທນຍ່ອຍ ທີ່ມາໃຊ້ບໍລິການຮັບເງິນດ່ວນ MoneyGram ໂຈະທີ່ຈະປະຕິບັດຕາມແຈ້ງການເລກທີ 1120-1121/ທຄຕລ ລົງວັນທີ 09 ມິຖຸນາ 2022.

ໃຫ້ຈັດຕັ້ງປະຕິບັດແມ່ນໃຫ້ຈ່າຍເປັນເງິນສະກຸນໂດລາໃຫ້ລູກຄ້າຄືທີ່ຜ່ານມາ.

ລາຍລະອຽດດັ່ງເອກະສານແຈ້ງການລຸ່ມນີ້:

ສະພາສະເໜີໃຫ້ລັດຖະບານ ບໍ່ໃຫ້ສ້າງໜີ້ເພີ່ມ

ພາຍຫລັງ ທີ່ລັດຖະບານ ໄດ້ສະເໜີຕໍ່ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ IX ທີ່ດໍາເນີນໃນວັນທີ 13 ມິຖຸນາ 2022 ນີ້ ໂດຍຂໍໍດັດແກ້ຕົວເລກຫລາຍຄາດໝາຍດ້ານເງິນຕາ, ເນື່ອງຈາກໄດ້ຮັບຜົນກະທົບຈາກສະພາບເສດຖະກິດໂລກ ທີ່ຜັນຜວນຢ່າງຮຸນແຮງ ທີ່ຈະເຮັດໃຫ້ການຈັດ ຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ໃນປີນີ້ ບໍ່ບັນລຸຕາມຄາດໝາຍວາງໄວ້.

ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ໄດ້ຕາງໜ້າຄະນະປະຈໍາສະພາແຫ່ງຊາດ ຂຶ້ນປະກອບຄໍາເຫັນຕໍ່ບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ ແລະ ແຜນເງິນຕາ 6 ເດືອນຕົ້ນປີ ແລະ ທິດທາງ 6 ເດືອນທ້າຍປີ 2022.

ພ້ອມທັງລະບຸວ່າ ໃນກອງປະຊຸມສະພາແຫ່ງຊາດເທື່ອນີ້, ສະມາຊິກສະພາແຫ່ງຊາດ ຈະໄດ້ປະກອບຄໍາເຫັນໃສ່ຂໍ້ສະເໜີ ຂອງລັດຖະບານກ່ຽວກັບການຂໍດັດແກ້ ຕົວເລກຄາດໝາຍເສດຖະກິດມະຫາພາກຂອງແຜນການປີ 2022 ເປັນຕົ້ນແມ່ນການສະເໜີ ດັດແກ້ຄາດໝາຍດ້ານອັດຕາແລກປ່ຽນຈາກ “ການຄຸ້ມຄອງອັດຕາແລກປ່ຽນເງິນກີບ ທຽບເງິນໂດລາເໜັງຕີງໃນຂອບບໍ່ເກີນ +-5%” ມາເປັນ “ຄຸ້ມຄອງອັດຕາແລກປ່ຽນໃຫ້ເໜັງຕີງ ໃນລະດັບທີ່ສາມາດຮັບປະກັນການປະຕິບັດ ຄາດໝາຍວາລະແຫ່ງຊາດ ແລະ ບໍ່ສ້າງແຮງກົດດັນໃຫ້ອັດຕາເງິນເຟີ້ເກີນຄາດໝາຍ”.

ການສະເໜີຂໍດັດແກ້ຄາດໝາຍດ້ານການຂະຫຍາຍຕົວຂອງປະລິມານເງິນ M2 ຈາກ“ຂະຫຍາຍຕົວບໍ່ເກີນ 22% ທຽບໃສ່ປີຜ່ານມາ” ມາເປັນ “ຂະຫຍາຍຕົວບໍ່ເກີນ 28% ທຽບໃສ່ປີຜ່ານມາ” ແລະ ການສະເໜີຂໍດັດແກ້ຄາດໝາຍດ້ານອັດ ຕາເງິນເຟີ້ ຈາກ “ຄວບຄຸມອັດຕາເງິນເຟີ້ ສະເລ່ຍໝົດປີໃຫ້ຢູ່ໃນລະດັບບໍ່ເກີນ 5%” ມາເປັນ “ຄວບຄຸມອັດຕາເງິນເຟີ້ ສະເລ່ຍໝົດປີ ໃຫ້ຢູ່ໃນລະດັບບໍ່ເກີນ 12%”.

ທ່ານ ສົມມາດ ພົນເສນາ ຍັງໃຫ້ຮູ້ຕື່ມວ່າ: ສ່ວນເບື້ອງຄະນະປະຈໍາສະພາແຫ່ງຊາດ ກໍໄດ້ສະເໜີຕໍ່ລັດຖະບານ ໃຫ້ກວດກາຄືນບັນດາໂຄງການລົງທຶນຂອງລັດໃນສົກປີ 2021-2022 ແລະ ຈະສືບຕໍ່ປະ ຕິບັດໃນ 6 ເດືອນທ້າຍປີ, ໂຄງການໃດຄວນສືບຕໍ່ ແລະ ໂຄງການໃດຄວນສະລໍໄວ້ກ່ອນ, ທັງນີ້ ກໍເພື່ອບໍ່ເປັນການສ້າງໜີ້ສິນໃໝ່ເພີ່ມຂຶ້ນຕື່ມ, ທັງເປັນວິທີປະຢັດມັດທະຍັດໃນສະພາບ ທີ່ເສດຖະກິດມະຫາພາກຍັງບໍ່ມີຄວາມສະຫງົບ ລວມເຖິງການກວດກາ ແລະ ປະເມີນດຸນການຄ້າກັບຕ່າງປະເທດ ໃຫ້ມີຄວາມຊັດເຈນຂຶ້ນຕື່ມ ໂດຍຈໍາແນກເປັນແຕ່ລະສິນຄ້າ, ທັງກວດກາການແຈ້ງລາຄານໍາເຂົ້າສິນຄ້າປະເພດຕ່າງໆ ໃຫ້ມີຄວາມໂປ່ງໃສ ແລະ ຖືກຕ້ອງຫລາຍຂຶ້ນ.

ເງິນກີບ ຍັງເໜັງຕີງ-ອ່ອນຄ່າຕໍ່ເນື່ອງ ຍ້ອນການແຂງຄ່າຂອງເງິນໂດລາ

ປັດຈຸບັນ ອັດຕາແລກປ່ຽນ ຫລື ຄ່າເງິນກີບ ໂດຍລວມໄດ້ມີການເໜັງຕີງໃນທິດທາງທີ່ອ່ອນຄ່າຕໍ່ເນື່ອງ ໃນຈັງຫວະແຮງ ແລະ ມີຄວາມແຕກໂຕນລະຫວ່າງ ອັດຕາແລກປ່ຽນຂອງທະນາ ຄານ ແລະ ຕະຫລາດນອກລະບົບ; ໃນນີ້, ອັດຕາແລກປ່ຽນໄດ້ມີການເໜັງຕີງແຮງຫລາຍ ນັບແຕ່ໄລ ຍະທ້າຍເດືອນມີນາ 2022. ສາເຫດທີ່ພາໃຫ້ເກີດສະພາບດັ່ງກ່າວ ແມ່ນເກີດຈາກປັດໄຈພາຍນອກ ການແຂງຄ່າຂອງເງິນໂດລາຢູ່ສາກົນ, ການເພີ່ມຂຶ້ນສູງຫລາຍຕໍ່ເນື່ອງຂອງລາຄາຄໍາ, ລາຄານໍ້າມັນ ແລະ ທ່າອ່ຽງ ການເພີ່ມຂຶ້ນຂອງອັດຕາດອກເບ້ຍ ແລະ ອັດຕາເງິນເຟີ້ ໃນຂົງເຂດເສດຖະກິດສຳຄັນຂອງໂລກ ແລະ ພາກພື້ນ.

ທ່ານ ສອນໄຊ ສິດພະໄຊ ຜູ້ວ່າທະນາຄານແຫ່ງສປປ ລາວ ໄດ້ລາຍງານຕໍ່ກອງປະຊຸມສະໄໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ IX ໃນວັນທີ 13 ມິຖຸນາ 2022ວ່າ: ສຳລັບປັດໄຈພາຍໃນ ແມ່ນພື້ນຖານເສດຖະກິດພາຍໃນຍັງບອບບາງ ແລະ ຍັງຢູ່ໃນໄລຍະຟື້ນຕົວ, ລາຍຮັບທີ່ເປັນເງິນຕາຕ່າງປະເທດມີຈຳກັດ ແຕ່ພັນທະໃນການຊຳລະໃຫ້ຕ່າງປະເທດມີສູງຕໍ່ເນື່ອງ; ການຈັດຕັ້້ງປະ ຕິບັດນະໂຍບາຍ ແລະ ມາດຕະການດ້ານການຄຸ້ມຄອງເງິນຕາຕ່າງປະເທດ ຂອງທຸກພາກສ່ວນກ່ຽວ ຂ້ອງ ຍັງບໍ່ທັນກົມກຽວ ຮອບດ້ານ ແລະ ການປະຕິບັດລະບຽບກົດໝາຍ ຍັງບໍ່ທັນເຂັ້ມງວດເທົ່າທີ່ຄວນ ສົ່ງຜົນໃຫ້ຍັງມີສະພາບລາຍຮັບທີ່ເປັນເງິນຕາຕ່າງປະເທດ ແລະ ເງິນລົງທຶນ ຈາກຕ່າງປະເທດ

ຈໍານວນຫລາຍຍັງບໍ່ທັນເຂົ້າມາປະເທດ ຕາມລະບຽບການ, ຍັງມີການເຄື່ອນໄຫວທຸລະກໍາທີ່ຕິດພັນກັບເງິນຕາຕ່າງປະເທດ ແບບບໍ່ຖືກຕ້ອງຕາມລະບຽບກົດໝາຍ, ເຮັດໃຫ້ເງິນຕາຕ່າງປະເທດເຂົ້າສູ່ລະບົບທະນາຄານໜ້ອຍກວ່າທີ່ຄວນຈະເປັນ, ສົ່ງຜົນກະທົບຕໍ່ປະລິມານການສະໜອງເງິນຕາຕ່າງປະເທດຂອງລະບົບທະນາຄານ ໃນສະພາບທີ່ລາຄາສິນຄ້ານຳເຂົ້າທີ່ຈຳເປັນຕໍ່ການດຳລົງຊີວິດ ໄດ້ເພີ່ມຂຶ້ນສູງຫລາຍ ນອກເໜືອຈາກພັນທະໜີ້ສິນຕໍ່ຕ່າງປະເທດ,

ໃນ 5 ເດືອນຕົ້ນປີ 2022, ເຖິງແມ່ນວ່າຕົວເລກມູນຄ່າດູນການຄ້າດ້ານສິນຄ້າຂອງ ສປປ ລາວ ໄດ້ເກີນດູນຢູ່ໃນລະດັບເກືອບ 548,93 ລ້ານໂດລາ ດີກວ່າໄລຍະດຽວກັນຂອງປີຜ່ານມາ 9,62%, ແຕ່ໃນນີ້ມີພຽງແຕ່ 32% ຂອງມູນຄ່າການສົ່ງອອກ ເທົ່ານັ້ນ ທີ່ໄດ້ໂອນເຂົ້າມາປະເທດຜ່ານລະບົບທະນາຄານ; ໃນຂະນະທີ່ 92% ຂອງມູນຄ່າການນໍາເຂົ້ານັ້ນ ແມ່ນໄດ້ມີການໂອນອອກຜ່ານລະ ບົບທະນາຄານ ເຮັດໃຫ້ພວກເຮົາໄດ້ປະເຊີນກັບສະພາບການມີກະແສເງິນອອກປະເທດ ຜ່ານລະບົບທະນາຄານ ຫລາຍກວ່າມີກະແສເງິນເຂົ້າປະເທດຜ່ານລະບົບທະນາຄານ ໃນລະດັບທີ່ສູງ. ສະພາບດັ່ງ ກ່າວ ໄດ້ສົ່ງຜົນກະທົບເຮັດໃຫ້ທະນາຄານທຸລະກິດ ສາມາດເກັບຊື້ເງິນຕາຕ່າງປະເທດໄດ້ໜ້ອຍກວ່າລະດັບທີ່ຄວນຈະເປັນ ຫລື ໜ້ອຍກວ່າມູນຄ່າການສົ່ງອອກ ແລະ ມູນຄ່າການລົງທຶນຈາກຕ່າງປະເທດຫລາຍ ແຕ່ຄວາມຮຽກຮ້ອງຕ້ອງການເງິນຕາຕ່າງປະເທດຂອງທົ່ວສັງຄົມ ເພື່ອການຊຳລະສະສາງກັບຕ່າງປະເທດຍັງສືບຕໍ່ຢູ່ໃນລະດັບສູງ ແລະ ເພີ່ມຂຶ້ນຕໍ່ເນື່ອງ.

ທ່ານ ສອນໄຊ ສິດພະໄຊ ໄດ້ກ່າວວ່າ: ສະພາບຄວາມກັງວົນຕໍ່ຄວາມບໍ່ແນ່ນອນຢູ່ຕະຫລາດສາກົນ ແລະ ຕໍ່ສະພາບຄ່ອງດ້ານເງິນຕາຕ່າງປະເທດຂອງລະບົບທະນາຄານ ໄດ້ສົ່ງຜົນກະທົບຕໍ່ສະ ພາບຈິດໃຈ ຕໍ່ຈິດຕະສາດຂອງສັງຄົມຫລາຍ ພາໃຫ້ເກີດມີສະພາບທີ່ບໍ່ຊຸກຍູ້ຄວາມເຂັ້ມແຂງຂອງຄ່າເງິນຂອງຊາດຈຳນວນໜຶ່ງ ເປັນຕົ້ນການຂົນຂວາຍຊອກຊື້ເງິນຕາຕ່າງປະເທດເກີນຄວາມຈຳເປັນ, ກັກຕຸນເງິນຕາຕ່າງປະເທດ, ກຳນົດ ແລະ ຊື້-ຂາຍ ເງິນຕາແບບບໍ່ຖືກຕ້ອງຕາມກົດໝາຍ ໃນອັດຕາແລກ ປ່ຽນທີ່ອ່ອນຄ່າຫລາຍຕໍ່ເນື່ອງ ເກີນລະດັບດຸນຍະພາບດ້ານເສດຖະກິດ-ເງິນຕາ ທີ່ຄວນຈະເປັນ ໂດຍສະເພາະ ໃນໄລຍະທີ່ສະພາບລາຄານໍ້າມັນເຊື້ອໄຟສູງຂຶ້ນຫລາຍຕໍ່ເນື່ອງ ແລະ ການສະໜອງນໍ້າມັນເຊື້ອໄຟຢູ່ພາຍໃນປະເທດບໍ່ປົກກະຕິ ຍິ່ງເຮັດໃຫ້ຄວາມຕ້ອງການຖືຄອງເງິນຕາຕ່າງປະເທດເພີ່ມຂຶ້ນ ສ້າງແຮງກົດດັນໃຫ້ອັດຕາແລກປ່ຽນຍິ່ງອ່ອນຄ່າ.

ຂ່າວ: ກິດຕາ ພາບ:ເກດ

ລະວັງຕິດດອຍ! ລາຄາຄຳທີ່ຂຶ້ນຢູ່ຕອນນີ້ ບໍ່ແມ່ນມູນຄ່າທີ່ແທ້ຂອງມັນ

ໃຜກະຮູ້ເນາະຕອນນີ້ ລາຄາຄຳຂຶ້ນເອົາໆ ລ່າສຸດ 18,309,000 ກີບຕໍ່ບາດແລ້ວ ຫຼາຍຄົນກຳລັງຄິດກັນຢູ່ ຊື້ ຫຼືຂາຍດີ?

ຂໍບອກເລີຍວ່າ ທີ່ລາຄາຄຳຂຶ້ນຕອນນີ້ ບໍ່ແມ່ນປັດໄຈຂອງທອງຄຳເລີຍ ແຕ່ປັດໄຈສ່ວນໃຫຍ່ແມ່ນ ຄ່າເງິນກີບທີ່ອ່ອນຄ່າ ລາຄາຄຳໃນຕະຫຼາດໂລກ (ເບິ່ງຮູບໃນຄອມເມັ້ນ) ບໍ່ໄດ້ຂຶ້ນສູງແບບນີ້ເລີຍ

ສັງເກດເບິ່ງລາຄາຄຳໃນຕະຫຼາດໂລກຕອນນີ້ ຍັງບໍ່ສູງກວ່າຈຸດສູງສຸດທີ່ຜ່ານມາຊໍ້າ ລາຄາຍັງຢູ່ໃນລະດັບປີ 2011 ກັນຢູ່ເລີຍ

ແຕ່ເປັນຫຍັງລາຄາຕອນນີ້ ກັບປີ 2011 ຈຶ່ງຕ່າງກັນແທ້? ນັ້ນກໍເພາະຄ່າຂອງເງິນກີບອ່ອນຄ່າເທົ່ານັ້ນ ບໍ່ໄດ້ກ່ຽວກັບຄຳເລີຍ

ຍິ່ງທຽບໃສ່ກັບຕອນໂຄວິດໂຫດໆ ລາຄາຕອນນັ້ນ ຮອດ $2,073 ຕໍ່ອອນ

#ໝາຍເຫດ* (ອັນນີ້ສຳຄັນ ບາງຄົນຢາກຮູ້ ແລ້ວ 1 ອອນ ເທົ່າກັບຈັກບາດບ້ານເຮົາ? ຕອບ: 1 ບາດຄຳ = 0,49 ອອນ ງ່າຍໆເລີຍ: 1 ອອນ ເທົ່າກັບ 2 ບາດບ້ານເຮົາ)

ຕອນນັ້ນ ລາຄາບ້ານເຮົາ ຍັງບໍ່ຮອດ 10 ລ້ານເລີຍ ແຕ່ຕອນນີ້ ລາຄາຄຳໃນຕະຫຼາດໂລກ ພຽງແຕ່ $1,862 ຕໍ່ອອນ ແຕ່ລາຄາບ້ານເຮົາໄປ 18,309,000 ກີບຕໍ່ບາດແລ້ວ

ກຣາບລາຄາຄຳໃນຕະຫຼາດໂລກ ທຽບໃສ່ປີ 2011

#ເປັນຫຍັງຕ້ອງບອກວ່າ “ລະວັງຕິດດອຍ” ຖ້າເງິນເຟີ້ໃນລາວເຮົາຍັງສູງຂຶ້ນແບບນີ້ໄປຕະຫຼອດ ກໍຈະເຮັດໃຫ້ລາຄາຄຳສູງຂຶ້ນໄປອີກແນ່ນອນ

ແຕ່ຖ້າລັດຖະບານຈັດການໄດ້ (ຄືຊິຍາກເຕີບເນາະ ຮາຮາ) ອອກພັນທະບັດ ທີ່ມີດອກ 20% ແລ້ວ ໄດ້ຜົນ ເຮັດໃຫ້ເງິນເຟີ້ຫຼຸດລົງ ຕອນນັ້ນ ລາຄາຄຳອາດຫຼຸດລົງຢ່າງໄວໄດ້ ເພາະມັນຂຶ້ນຕອນນີ້ບໍ່ແມ່ນມູນຄ່າຂອງຄຳທີ່ຂຶ້ນ ແຕ່ຍ້ອນຄ່າຂອງເງິນກີບທີ່ອ່ອນຄ່າເທົ່ານັ້ນ

ທີ່ມາ: Genius Adverts

ນາຍົກຂອບໃຈ ທີ່ເວົ້າຕຳໜິລັດຖະບານ ພ້ອມພິຈາລະນາຄຳຕິຊົມ ແລ້ວນຳມາແກ້ໄຂ

ໄລຍະ 6 ເດືອນຜ່ານມາ ລັດຖະບານຊຸດທີ 9 ໄດ້ສຸມໃສ່ຈັດຕັ້ງປະຕິບັດ 6 ເປົ້າໝາຍຂອງແຜນພັດທະນາເສດຖະກິດສັງຄົມແຫ່ງຊາດ 5 ວຽກຈຸດສຸມຂອງວາລະແຫ່ງຊາດວ່າດ້ວຍການແກ້ໄຂຂໍ້ຫຍຸ້ງຍາກທາງດ້ານເສດຖະກິດ ແລະ ການເງິນ ແລະ 6 ວຽກຈຸດສຸມຂອງວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ທີ່ສະພາແຫ່ງຊາດໄດ້ຮັບຮັບຮອງ ເພື່ອສ້າງການຫັນປ່ຽນໃໝ່ໃຫ້ແຂງແຮງ ແລະ ເລິກເຊິ່ງຮອບດ້ານຕາມມະຕິກອງປະຊຸມໃຫຍ່ຄັ້ງທີ 11 ຂອງພັກທີ່ໄດ້ກຳນົດໄວ້.

ການປະຕິວັດແຜນດັ່ງກ່າວດຳເນີນໄປໃນເງື່ອນໄຂທີ່ສະພາບການສາກົນພາກພື້ນ ແລະ ຢູ່ພາຍໃນປະເທດ ມີທັງຂໍ້ສະດວກ ແລະ ຂໍ້ຫຍຸ້ງຍາກ ແລະ ສິ່ງທ້າທາຍຫຼາຍປະການ ໂດຍສະເພາແມ່ນການດຸນງົບປະມານ ຂາດດຸນເງິນຕາຕ່າງປະເທດ ການເໜັງຕີງຂອງອັດຕາແລກປ່ຽນເງິນຕາ; ການສະໜອງ ແລະ ການເໜັງຕີງຂອງລາຄານ້ຳມັນເຊື້ອໄຟ, ສິນຄ້າອຸປະໂພກ ແລະ ບໍລິໂພກ; ການແຜ່ລະບາດຂອງພະຍາໂຄວິດ-19 ແລະ ການຂວ້ຳບາດຂອງເສດຖະກິດຂອງປະເທດທາງຕາເວັນຕົກຕໍ່ຣັດເຊຍ ໄດ້ສົ່ງຜົນກະທົບທາງລົບຕໍ່ເສດຖະກິດໂລກໂດຍລວມ ແລະ ຕໍ່ປະເທດລາວເຮົາຢ່າາງໜັກໜ່ວງ ຕາມຂ່າວທາງສາກົນຫຼາຍປະເທດກໍປະສົບບັນຫານີ້ເຊັ່ນກັນ. ລັດຖະບານໄດ້ຕັ້ງໜ້າໃນການແກ້ໄຂບັນຫາເສດຖະກິດ-ສັງຄົມ ເຮັດໃຫ້ເຮົາສາມາດປະຄັບປະຄອງເສດຖະກິດພາຍໃນປະເທດບໍ່ໃຫ້ຕົກເຂົ້າວິກິດໜັກໜ່ວງ ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ.

ຂໍ້ຄົງຄ້າງສິ່ງທ້າທາຍທີ່ຕ້ອງໄດ້ແກ້ໄຂເປັນຕົ້ນແມ່ນ:

1.ການຜັນຂະຫຍາຍຕັ້ງປະຕິບັດແຜນພັດທະນາເສດຖະກິດສັງຄົມ ແລະ 2 ວາລະແຫ່ງຊາດທີ່ລັດຖະບານໄດ້ຕົກລົງແລ້ວ ໃຫ້ເປັນຮູບປະທຳ ຢູ່ບັນດາຂະແໜງສູນກາງ ແລະ ທ້ອງຖິ່ນຍັງຊັກຊ້າ ການຊີ້ນຳບັນຊາຂອງຂະແໜງການທ້ອງຖິ່ນຍັງບໍ່ທັນເດັດຂາດເຂັ້ມງວດ ຄວາມສະດວກວ່ອງໄວຕໍ່ຜົນກະທົບພາຍນອກ ແລະ ການໃຊ້ມາດຕະການແກ້ໄຂຍັງບໍ່ທັນເດັດຂາດ.

2.ການເພີ່ມຂຶ້ນຂອງອັດຕາເງິນເຟີ້ ໄລຍະ 6 ເດືອນຕົ້ນປີ 2022 ມີຈັງຫວະກະໂດດສູງຂຶ້ນ ສາເຫດຕົ້ນຕໍແມ່ນການປັ່ນປ່ວນຂອງເສດຖະກິດໂລກ, ລາຄານ້ຳມັນ, ລາຄາສິນຄ້າ ແລະ ເງິນເຟີ້ ເຮັດໃຫ້ສະກຸນເງິນກີບອ່ອນຄ່າ ແລະ ເຮັດໃຫ້ສະຖຽນລະພາບທາງດ້ານເສດຖະກິດມະຫາພາກທີ່ບອບບາງຢູ່ແລ້ວນັ້ນແຮງບອບບາງເຂົ້າໄປຕື່ມອີກ ເຊິ່ງອາດຈະສົ່ງຜົນກະທົບຕໍ່ການຂະຫຍາຍຕົວທາງດ້ານເສດຖະກິດ ແລະ ການເປັນຢູ່ຂອງປະຊາຊົນໝົດປີ 2022. ແລະ ອາດເຮັດໃຫ້ຕົວເລກມະຫາພາກລົດລົງບໍ່ໄດ້ຕາມເປົ້າໝາຍທີ່ວາງໄວ້.

3.ການຈັດຕັ້ງປະຕິບັດ 2 ວາລະແຫ່ງຊາດຍັງບໍ່ທັນເຂົ້າສູ່ລວງເລິກ ຫຼາຍຂະແໜງການທັງສູນກາງ ແລະ ທ້ອງຖິ່ນ ຍັງບໍ່ທັນຊຸກຍູ້ຂໍ້ຈັດຕັ້ງຜັນຂະຫຍາຍໄປສູ່ຕົວຈິງຢ່າງເປັນຮູບປະທຳ ໂດຍສະເພາະການເລັ່ງປັບປຸງຂັ້ນຂອດການດຳເນີນທຸລະກິດ ແລະ ສົ່ງເສີມການລົງທຶນກົນໄກການຄຸ້ມຄອງ ແລະ ການບໍລິຫານລັດຍັງບໍ່ທັນມີປະສິດທິຜົນເທົ່າທີ່ຄວນ.

4.ການແກ້ໄຂໜີ້ສິນສາທາລະນະສືບຕໍ່ເປັນສິ່ງທ້າທາຍໃນຕໍ່ໜ້າ ໂດຍສະເພາະການຊຳລະໄລຍະຫຼັງການຜ່ອນຜັນ, ການປະຕິຮູບການແກ້ໄຂໜີ້ສິນຂອງລັດວິສາຫະກິດຍັງມີຄວາມຄືບໜ້າຊັກຊ້າ ແລະ ກວມເອົາພຽງຈຳນວນໜ້ອຍ.

5.ການວ່າງງານ ຍັງບໍ່ທັນໄດ້ຮັບການແກ້ໄຂເຂົ້າສູ່ລົງເລິກ ແຮງງານທີ່ກັບຄືນປະເທດມີຫຼາຍ ແລະ ຍັງບໍ່ທັນໄດ້ຮັບການຈັດສັນຢູ່ຕະຫຼາດແຮງານພາຍໃນປະເທດ ອີກຈຳນວນໜຶ່ງກໍໄດ້ກັບຄືນໄປປະເທດເພື່ອນບ້ານຄືນແບບເກົ່າ.

6.ການແກ້ໄຂບັນດາປາກົດການຫຍໍ້ທໍ້ ດ້ານສັງຄົມຍັງສືບຕໍ່ເປັນສິ່ງທ້າທາຍເປັນຕົ້ນແມ່ນ: ຂີ້ລັກງັດແງະ, ການຄ້າຢາເສບຕິດ ເຖິງແມ່ນວ່າລັດຖະບານຈະສຸມໃສ່ຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາດັ່ງກ່າວກໍຕາມ.

7.ການໂຄສະນາບິດເບືອນຄວາມຈິງ ຕໍ່ການນໍາພາຂອງພັກການຄຸ້ມຄອງຂອງລັດຖະບານດ້ວຍຫຼາຍຮູບແແບບຜ່ານສື່ອອນລາຍ ໄດ້ເປັນສິ່ງສ້າງຄວາມສັບສົນວຸ້ນວາຍຢູ່ໃນສັງຄົມ ແຕ່ການແກ້ໄຂບັນຫານີ້ຍັງບໍ່ທັນໄດ້ດີເທົ່າທີ່ຄວນ.

ຢາກເນັ້ນຕື່ມສາເຫດນອກຕົວ ແມ່ນການແຜ່ລະບາດຂອງພະຍາດໂຄວິດ ແລະ ສະພາບການປັ່ນປ່ວນຂອງເສດຖະກິດໂລກ ຈາກການຂວໍ້າບາດຕໍ່ຣັດເຊຍ ທັງສອງຢ່າງນີ້ສົ່ງຜົນກະທົບຕໍ່ທຸກປະເທດຢູ່ໃນໂລກ. ສຳລັບຢູ່ປະເທດເຮົາເປັນປະເທດທີ່ກຳລັງສູ້ຊົນ ເພື່ອໃຫ້ຫຼຸດພົ້ນອອກຈາກສະຖານະພາບດ້ອຍພັດທະນາ ເສດຖະກິດມະຫາພາກຂອງພວກເຮົາທີ່ບອບບາງຢູ່ແລ້ວນັ້ນ ແຮງບອບບາງຂຶ້ນໄປຕື່ມອີກ. ສ່ວນສາເຫດໃນຕົວ ແມ່ນປັດໄຈພາຍໃນຂອງພວກເຮົາ ເຊິ່ງກໍເຄີຍເວົ້າແລ້ວວ່າເຊັ່ນ: ຄວາມຮັບຜິດຊອບບໍ່ສູງ, ຄວາມເສຍສະຫຼະເພື່ອຜົນປະໂຫຍດສ່ວນລວມມີໜ້ອຍ, ບໍ່ຍອມປ່ຽນແປງສູ່ອັນໃໝ່ທີ່ດີກວ່າ ຍ້ອນຕິດພັນກັບຜົນປະໂຫຍດສ່ວນຕົວ ແລະ ພາກສ່ວນ. ສິ່ງເຫຼົ່ານີ້ເປັນຈຸດອ່ອນຄົງຄ້າງ ເປັນທັງສາເຫດທີ່ພາໃຫ້ສະພາບຄວາມຫຍຸ້ງຍາກທາງດ້ານເສດຖະກິດການເງິນຂອງປະເທດ ບໍ່ໄດ້ຮັບການແກ້ໄຂໃຫ້ດີເທົ່າທີ່ຄວນ.

ບົດຮຽນຂໍ້ທີ 4 ນາຍົກຂະຫບຍາຍຄວາມຕື່ມອີກວ່າ: “ໄດ້ມີຫຼາຍທ່ານໄດ້ມີຄຳເຫັນໂດຍກົງນຳລັດຖະບານ ແລະ ຈຳນວນໜຶ່ງກໍອອກຄຳເຫັນຜ່ານສື່ອອນລາຍ ນອກຈາກຈະສະແດງຄວາມເຫັນໃຈ ແລະ ເປັນຫ່ວງເປັນໃຍນຳລັດຖະບານແລ້ວ ຍັງໄດ້ສະເໜີຂໍ້ຕຳໜິຕິຕຽນ ສະເໜີຄຳເຫັນທີ່ສ້າງສັນຢ່າງກົງໄປກກົງມາ ຍົກໃຫ້ເຫັນສາເຫດຂອງຄວາມຫຍຸ້ງຍາກ ແລະ ສະເໜີທາງອອກໃນການແກ້ໄຂບັນຫາຕ່າງໆຊ່ວຍລັດຖະບານ ໃນໂອກາດນີ້

ຂ້າພະເຈົ້າຂໍສະແດງຄວາມຂອບໃຈຢ່າງຈິງໃຈຕໍ່ບັນດາຄຳເຫັນເຫຼົ່ານັ້ນ ນັບທັງການແກ້ໄຂໂຄວິດ ແລະ ການແກ້ໄຂເສດຖະກິດການເງິນປັດຈຸບັນ ມີຄຳຄິດເຫັນທີ່ສ້າງສັນ ແລະ ເປັນປະໂຫຍດຫຼາຍແກ່ລັດຖະບານ ໄດ້ນຳມາພິຈາລະນາເຂົ້າມາດຕະການຂອງລັດຖະບານ, ພ້ອມກັນນັ້ນກໍມີຄຳຄິດເຫັນຈຳນວນໜ້ອຍທີ່ອອກສື່ສັງຄົມອອນລາຍ ເຊິ່ງອາດເກີດມາຈາກອາລົມຈິດຂອງຄວາມເປັນຫ່ວງເປັນໃຍ ຫຼື ເຫດຜົນສ່ວນຕົວອື່ນໆ ໄດ້ໃຊ້ວາຈາຄຳເວົ້າລັກສະນະຮຸນແຮງ ສຽດສີດ່າວ່າລັດຖະບານ. ເຖິງຢ່າງໃດກໍຕາມລັດຖະບານຈະຂອບໃຈເປັນຢ່າງຍິ່ງຖ້າຫາກວ່າໃນຕໍ່ໜ້າ ຄຳເວົ້າໃນລັກສະນະນັ້ນຫາກປ່ຽນແທນໄດ້ໂດຍການຕຳໜິຕິຊົມທີ່ກົງໄປກົງມາ ຈິງໃຈຫາທາງອອກຮ່ວມກັນຕໍ່ປະເທດຊາດບ້ານເມືອງຂອງເຮົາ”.

ຂໍ້ມູນຈາກ: ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX

Update​ ​ລາຄຳຂຶ້ນຮອດ 18.​189.​000​ ກີບຕໍ່ບາດຄຳ​ ຖືເປັນການປັບຄັ້ງທີ​ 1

ໜັກໄປກັນໃຫຍ່ ສູ້ໄຫວບໍ່ພີ່ນ້ອງເອີຍ

ອັບເດດລາຄາຄໍາປະຈໍາວັນ ວັນທີ13/06/2022 ຄັ້ງທີ1(09:50

1 ບາດ 18.189.000 ກີບ

1 ສະຫຼືງ 4.549.000 ກີບ

ພິທີໄຂ ກອງປະຊຸມສະໄໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ IX ຢ່າງເປັນທາງການ

ໄຂກອງປະຊຸມສະໄໝສາມັນ ເທື່ອທີ 3​ ຂອງສະພາແຫ່ງຊາດ ຊຸດທີ IX ຂຶ້ນຢ່າງເປັນທາງການ ໃນຕອນເຊົ້າວັນທີ​ 13​ ມິຖຸນາ​ 2022​ ແລະ​ ກອງປະຊຸມຈະດຳເນີນໄປ ຮອດວັນທີ 8 ກໍລະກົດ 2022​ ໂດຍຈະພິຈາລະນາ​ ແລະ ຮັບຮອງເອົາບັນຫາສຳຄັນພື້ນຖານຂອງປະເທດຊາດ.​

ຂໍເຊີນຊວນບັນດາທ່ານພະນັກງານ, ລັດຖະກອນ, ທະຫານ, ຕຳຫຼວດ, ນັກຮຽນ, ນັກສຶກສາ, ປັນຍາຊົນ, ກຳມະກອນ, ຊາວຜູ້ອອກແຮງງານ,ພໍ່ແມ່ພີ່ນ້ອງ, ປະຊາຊົນບັນດາເຜົ່າທຸກຊັ້ນຄົນໃນທົ່ວປະເທດ​ ແລະ ພີ່ນ້ອງຊາວລາວທີ່ອາໄສຢູ່ຕ່າງປະເທດຈົ່ງຕິດຕາມກອງປະຊຸມສະໄໝສາມັນເທື່ອທີ 3​ ຂອງສະພາແຫ່ງຊາດ ຊຸດທີ IX​ ຄັ້ງນີ້,

ໃນໄລຍະກະກຽມ ແລະ ດຳເນີນກອງປະຊຸມ, ຄະນະເລຂາທິການສະພາແຫ່ງຊາດໄດ້ຈັດຕັ້ງໜ່ວຍງານຮັບຜິດຊອບໂທລະສັບສາຍດ່ວນ​ ເພື່ອຮັບເອົາຄຳຄິດຄຳເຫັນແລະຄຳສະເໜີໂດຍກົງຈາກປະຊາຊົນ ທີ່ຈະສົ່ງໄປຍັງກອງປະຊຸມ, ເຊິ່ງທ່ານສາມາດສົ່ງຄຳຄິດຄຳເຫັນ ແລະຄຳສະເໜີໄປຍັງກອງປະຊຸມໄດ້ຕາມວິທີລຸ່ມນີ້: ສາຍດ່ວນ: 156​ ແລະ​ ອີເມວ: nalao.156@gmail.com

ເບິ່ງຖ່າຍທອດສົດໄດ້ທີ່ນີ້:

ຫຼື ກົດ ບ່ອນນີ້: https://fb.watch/dCleevG0Ya/