ເຕືອນ! ເອົາລົດໄປແປງ ພັດລັກເອົາເງິນຮອຍພວງມະໄລ, ລັກເອົານ້ຳມັນ

ຈາກຜູ້ໃຊ້ເຟສບຸກ ຊື່ SoNe XaiYaChuk ໄດ້ໂພສວ່າ:

ຝາກເຕືອນສະຕິຫລາຍຄົນໃຜທີ່ຊິເອົາລົດໄປແປງໃຫ້ກວດສອບໃຫ້ດີດຽວຊິເປັນຄືຂ້ອຍ ຍ້ອນຄວາມໄວ້ໃຈຄວາມໃຈແລະຄວາມໃຈງ່າຍຂອງຕົວເອງແດ່ແລະບໍໄດ້ເບີງດີ

ຕອນໄປແປງເຈົ້າຂອງບອກຖ່າຍຮູບໄວ້,ແຕ່ຕອນໄປເອົາດ້ວຍຄວາມໄວ້ໃຈຈື່ງບໍໄດ້ເບີງລະເອົາລົດອອກມາເລີຍແຕ່ພໍຂີ່ອອກມາເບີງເຫັນກະບໍທັນແລ້ວແລະ

ກະເຂົ້າໃຈຢູ່ວ່ານ້ຳມັນຊວງນີ້ມັນແພງແຕ່ກະບໍຄວນເຮັດຕິ່ເບາະແບບນີ້ນະ ເທື່ອສຸດທ້າຍເດີຊິໄປເຮັດນຳຮ້ານເຈົ້ານະ

ຫູັງແປງແລ້ວ

….

ທີ່ມາ:

ຂ້ອຍເຮັດແລ້ວ ທ່ານເດເລີ່ມແລ້ວບໍ່..? ປັ່ນລົດຖີບຊ່ວຍກັນຫຼຸດໂລກຮ້ອນ ກ້າບໍ່

ຊ່ວງນີ້ບໍ່ມີແຕ່ປະເທດເຮົາທີ່ພົບກັບວິກິດເສດຖະກິດເດີ້ທຸກຄົນ ນ້ຳມັນເປັນກັນທົ່ວໂລກ ສະນັ້ນ ເພື່ອຊ່ວຍແບ່ງເບົາເງິນໃນກະເປົາໂຕເງ ຊ່ວຍຊາດໃນການຈຳກັດອັດຕາເງິນໄຫລອອກນອກປະເທດໃຫ້ພາກັນປະຢັດ.

ການປະຢັດໃນທີ່ນີ້ບໍ່ໄດ້ໝາຍຄວາມວ່າບໍໃຫ້ເຮັດໃຫ້ຫາບໍ່ໃຫ້ໄປ ແຕ່ໝາຍເຖິງສິ່ງໃດສາມາດນຳໃຊ້ໄດ້ ແລະເກີດປະໂຫຍດກໍ່ໝູນໃຊ້ກັນໄປກ່ອນ ຕົວຢ່າງງ່າຍໆເລື່ອງພາຫະນະ ຖ້າມີເງື່ອນໄຂ ເຮືອນຢູ່ບໍ່ໄກຈາກບ່ອນເຮັດວຽກກໍສາມາດຂີ່ລົດຖີບໄປໄດ້.

ການປັ່ນລົດຖີບຊ່ວຍໄດ້ຫຼາຍຢ່າງບໍ່ພຽງເງິນໃນຖົງ ແຕ່ຍັງຊ່ວຍໃຫ້ຜູ້ຂີ່ມີກຳລັງວັງຊາຈາກການໄດ້ອອກກຳລັງກາຍ, ຊ່ວຍຫຼຸດໂລກຮ້ອນຈາກການເຜົາໄໝ້ຂອງນ້ຳມັນ.

ເຮົາມາຊ່ວຍກັນພີ່ນ້ອງ ໃນຍາມວິກິດແບບນີ້ ໃນຖານະປະຊາຊົນລາວຄົນໜຶ່ງ ວິນຢາກສົ່ງເສີມສິນຄ້າ ຜະລິດຕະພັນລາວເຮົາ ໃຫ້ໄດ້ຫລາຍທີ່ສຸດ ເພື່ອເປັນສ່ວນໜຶ່ງໃນການປົກປ້ອງຄຸນຄ່າຂອງເງິນກີບ ແລະ ເຫັນແກ່ຜົນປະໂຫຍດສູງສຸດຂອງຊາດລາວ.

ເບິ່ງບ່າວຫຼໍ່ສາວງາມເຂົາຂີ່ແລ້ວເປັນຕາຢາກຂີ່ນຳແທ້ເນີ້

ຈັບຕົວໄດ້ແລ້ວ ເຫດສໍ້ໂກງຊັບຢູ່ຕະຫຼາດເຊົ້າມໍ ເຈົ້າໜ້າທີ່ມອບ ຄຳ 25 ບາດຄືນເຈົ້າຂອງ

ພັທ ຄໍາພອນ ພົມມະຈັນ ຫົວໜ້າພະແນກຕໍາຫຼວດປ້ອງກັນເສດຖະກິດ ພ້ອມດ້ວຍຄະນະ ໄດ້ມອບເຄື່ອງຂອງກາງຄໍາຮູບປະພັນ ຈໍານວນ 25 ບາດ ທີ່ເກັບກູ້ມາໄດ້ຈາກຄະດີສໍ້ໂກງຊັບ (ຄໍາຮູບປະພັນ ຢູ່ຕະຫຼາດເຊົ້າມໍ) ຄືນຜູ້ຖືກເສຍຫາຍ ເມື່ອວັນທີ 7 ມິຖຸນາ 2022 ຜ່ານມາ.

ໃນວັນເກີດເຫດ, ພາຍຫຼັງເຈົ້າໜ້າທີ່ ໄດ້ຮັບຂໍ້ມູນເມື່ອເວລາ 14:50 ໂມງ ຂອງວັນທີ 18 ພຶດສະພາ 2022 ວ່າ: ມີກຸ່ມຄົນຈໍານວນໜຶ່ງຕົວະຍົວະຫຼອກ ລວງສໍ້ໂກງເອົາຄໍາ 25 ບາດ ຢູ່ຮ້ານຂາຍວັດຖຸມີຄ່າຢູ່ຕະລາດເຊົ້າມໍ. ເຈົ້າໜ້າທີ່ ຈຶ່ງຮີບຮ້ອນປະສານສົມທົບ ເພື່ອດໍາເນີນການສືບສວນສອບສວນມີຂໍ້ມູນຫຼັກຖານຊີ້ໃຫ້ເຫັນຜູ້ກະທຳຜິດ

ຈຶ່ງຈັບຕົວຊື່ນາງ ອຸໄລພອນ ອາຍຸ 31 ປີ, ຢູ່ບ້ານຮ່ອງຄ້າ ເມືອງຈັນທະບູລີນະຄອນຫຼວງວຽງຈັນ ຢູ່ສະຖານທີ່ຮ້ານຄໍາ ພ້ອມທັງສອບສວນຂະຫຍາຍຜົນ. ຮອດເວລາ 23:40 ໂມງ ຂອງວັນດຽວກັນ, ສາມາດຈັບທ້າວອຸ້ຍ ອາຍຸ 35 ປີ ປະຊາຊົນ ຢູ່ບ້ານໜອງບົວທອງໃຕ້ ເມືອງສີໂຄດຕະບອງ ມາດຳເນີນຄະດີ.

ຈາກນັ້ນ, ເຈົ້າໜ້າທີ່ໄດ້ສອບສວນຊອກຫາຜູ້ຮ່ວມຂະ ບວນການອີກ. ຮອດວັນທີ 7 ມິຖຸນາ 2022, ຈຶ່ງໄດ້ເຂົ້າຈັບຜູ້ຮ່ວມຂະບວນ ການອີກ 2 ຄົນຊື່: ທ້າວ ຕານ້ອຍ ອາຍຸ 25 ປີ, ຢູ່ບ້ານໜອງບົວທອງເໜືອ ແລະ ນາງ ແສງທະວີ ອາຍຸ 35 ປີ, ຢູ່ບ້ານໜອງບົວທອງເໜືອ ເມືອງສີໂຄດຕະບອງ ນວ

ພ້ອມທັງເກັບກູ້ຄືນມາໄດ້ ພາຍຫຼັງສຳເລັດການດຳເນີນຄະດີ ຈຶ່ງໄດ້ມອບຄຳ 25 ບາດທີ່ເກັບກູ້ມາໄດ້ສົ່ງມອບຄືນເຈົ້າຂອງ.

ປັດຈຸບັນ, ຕໍ່ກັບພວກກ່ຽວທັງ 4 ຄົນ ເຈົ້າໜ້າທີ່ຈະໄດ້ດໍາເນີນຄະດີຕາມຂັ້ນຕອນຂອງກົດໝາຍ.

ຂ່າວ: ຄວາມສະຫງົບ

ພໍ່ແມ່ກິນບໍ່ໄດ້ນອນບໍ່ຫຼັບ ລູກຊາຍຫາຍຕົວໄປຫຼັງຝຶກງານງານມື້ສຸດ ໃຜພົບເຫັນຊ່ວຍແຈ້ງດ່ວນ

ຈາກຜູ້ໃຊ້ເຟສບຸກຊື່ພົງພັດ ພົມສຸວັນ ໄດ້ໂພສໃນວັນທີ 08/06/2022 ວ່າ: ຝາກແຊໃຫ້ແດ່ ພີ່ນ້ອງເອີຍໃຜເຫັນນ້ອງຊາຍຄົນນີ້ ບອກລາວແຊດຫາຂ້ອຍແດ່ ຊື່ ມີໄຊ ສູທໍາມະວົງ ບ້ານຕານປ່ຽວ ເມືອງທຸລະຄົມ ແຂວງວຽງຈັນ ໝີຈາກບ້ານໄປເປັນທິດແລ້ວ ພໍ່ແມ່ຍາດພີ່ນ້ອງຫມົດຫົນທາງນໍາຫາແລ້ວ ແຕ່ວັນທີ28

ຖ້າໃຜພົບເຫັນນ້ອງ ກະລຸນາ ບອກນ້ອງໂທກັບໄປບ້ານແດ່ ພໍ່ແມ່ຢູ່ບໍ່ໄດ້ ກີນບໍ່ເປັນແລ້ວ ບໍ່ຮູ້ຕົ້ນປາຍສາຍເຫດ ໄປໃສ ຢູ່ໃສ ກັບໃຜ ບໍ່ມີໃຜຮູ້.ຈັກເປັນຕາຍຮ້າຍດີ…!!

ພໍ່ແມ່ນອນບໍ່ລັບຫລາຍຄືນແລ້ວ ແມ່ກະເຝົ້າແຕ່ໂທລະຊັບ ແຕ່ງກີນໄວ້ຖ້າລູກ ຫວັງວ່າລູກຈະກັບມາ

ສົງສານພໍ່ກັບແມ່ຫລາຍ ຖ້າໃຜພົບເຫັນນ້ອງ ຫລືຮູ້ນ້ອງຢູ່ໃສ ກະລຸນາ ໂທຫາແດ່ ນີ້ຄືເບີໂທຂອງພໍ່ 20 9164 6526ຫລືຖ້ານ້ອງຢູ່ຕ່າງແຂວງ ກະລຸນາແຊດມາຫາອ້າຍ ອ້າຍຈະສົ່ງຄ່າເດີນທາງໃຫ້ນ້ອງຫາຍໄປ ແບບປິດສະຫນາເລີຍ ບໍ່ມີຮ້ອງຮອຍເລີຍເຄື່ອງນູ່ງນັກຮຽນຊຸດດຽວຕິດໂຕ ຈົນນື່ງອາທິດຜ່ານມາແລ້ວ…

ຝາກແຊຊອ່ຍແດ່ຂໍຂອບໃຈທຸກທ່ານ ເປັນຢ່າງສູງ…

ໜ້າເສົ້າ ອຸປະຕິເຫດພາຫະນະລົດຈິບ ຕຳກັບ ພາຫະນະລົດບັນທຸກພວງ ດັບ 2 ຄົນ.

ໃນເວລາປະມານ 23 ໂມງ 00 ນາທີ, ຂອງວັນທີ 08 ມິຖຸນາ 2022 ໄດ້ມີອຸບປະຕິເຫດເກີດຂຶ້ນຢູ່ບໍລິເວນເຂດ ບ້ານ ນາຫຍ້າຫວາຍ, ( ເສັ້ນທາງເລກທີ 13 ໃຕ້ ), ເມືອງ ທ່າແຂກ, ແຂວງ ຄຳມ່ວນ. ລະຫ່ວາງພາຫະນະລົດຈິບ, ຍີ່ຫໍ້ ໂຕໂຍ ຕ້າຟໍຈຸນເນີ, ສີ ຂາວ, ໝາຍເລກທະບຽນ ຮຮ 2222 ກຳແພງນະຄອນ. ຂັບຂີ່ໂດຍທ້າວ ເອ ບຸນຍະສີ, ອາຍຸ 22 ປີ, ນັກຮຽນ, ຢູ່ປັດຈຸບັນ ຫ້ວຍເຂົ້າພື້ນ, ເມືອງ ຫີນບູນ, ແຂວງ ຄຳມ່ວນ ແລະ ມີຜູ້ນັ່ງມານຳ ຈຳນວນ 03 ຄົນ ຄື ທ້າວ ໂຈ, ອາຍຸ 21 ປີ, ຢູ່ບ້ານຫ້ວຍເຂົ້າຫຼິ້ນ, ເມືອງ ຫີນບູນ, ແຂວງ ຄຳມ່ວນ, ທ້າວ ອອຍ ບຸນມະນີ, ອາຍຸ 19 ປີ ບ້ານຢູ່ປັດຈຸບັນ ຫ້ວຍເຂົ້າ ໝັ້ນໃຫຍ່, ເມືອງ ຫີນບູນ, ແຂວງ ຄຳມ່ວນ ແລະ ທ້າວ ເກ ພັນໂນ, ອາຍຸ 18 ປີ ຢູ່ບ້ານຫ້ວຍເຂົ້າຫຼິ້ນ, ເມືອງ ຫີນບູນ ແຂວງ ຄຳມ່ວນ.

ພວກກ່ຽວໄດ້ຂັບຂີ່ພາຫະນະລົດຈິບຄັນດັ່ງກ່າວອອກມາຈາກຮ້ານ ເພື່ອນເບຍ ທີ່ຕັ້ງຢູ່ບ້ານ ຫີນບູນໃຕ້, ເມືອງ ຫີນບູນ, ແຂວງ ຄຳມ່ວນ. ຈຸດປະສົງແມ່ນຈະໄປຫຼິ້ນຢູ່ເທດສະບານເມືອງ ທ່າແຂກ, ແຂວງ ຄຳມ່ວນ. ພໍຂັບຂີ່ມາຮອດ ບໍລິເວນເຂດບ້ານ ນາຫຍ້າຫວາຍ, ເມືອງ ທ່າແຂກ, ແຂວງ ຄຳມ່ວນ ແມ່ນໄດ້ເກີດອຸປະຕິເຫດ ຕໍາທ້າຍ ພາຫະນະລົດ ບັນທຸກພວງ, ປີ້ຫໍ້ ອີຊູຊູ, ໝາຍເລກທະບຽນ ບກ 1049 ສະຫວັນນະເຂດ (ຫົວ), ບກ 1106 ສະຫວັນນະເຂດ (ຫ່າງ) ທີ່ຈອດເປ່ເພຢູ່ແຄມທາງ, ສ່ວນຜູ້ຂັບຂີ່ແມ່ນບໍ່ຮູ້ຊື່ ເນື່ອງຈາກຜູ້ກ່ຽວແມ່ນໄດ້ເອົາຕົວຫຼົບໜີຈາກສະຖານທີ່ເກີດເຫດ.

ຜ່ານການກວດກາເກັບກຳຂໍ້ມູນ, ຊັນນະສູດ ແລະ ແຕ້ມແຜນວາດສະຖານທີ່ເກີດເຫດຂອງເຈົ້າໜ້າທີ່ ຢູ່ທີ່ສະຖານທີ່ເກີດເຫດຕົວຈິງ, ຈຶ່ງເຫັນໄດ້ດ້ານຕ່າງໆດັ່ງນີ້:

❖ ສະພາບຂອງພາຫະນະແຕ່ລະຄັນ

– ພາຫະນະລົດຈິບ, ຍີ່ຫໍ້ ໂຕໂຍຕ້າ ພໍຈູນເນີ້ ແມ່ນນອນສະຄຽງປິ່ນໜ້າໄປທາງທິດເໜືອ.

– ພາຫະນະລົດບັນທຸກພວງ, ຍີ່ຫໍ້ ອີຊູຊູ ແມ່ນຈອດປິ່ນໜ້າໄປທາງທິດໃຕ້.

❖ ຜົນເສຍຫາຍທາງດ້ານສຸຂະພາບ

– ທ້າວ ເອ ບຸນຍະສີ, ຜູ້ຂັບຂີ່ພາຫະນະລົດຈິບ, ຍີ້ຫໍ້ ໂຕໂຍຕ້າ ຟໍຈູນເນີ້, ສີ ຂາວໝາຍເລກທະບຽນ ຮຮ 2222 ກຳແພງ ນະຄອນ ແມ່ນໄດ້ຮັບບາດເຈັບສົມຄວນ, ສ່ວນຄົນອື່ນໆແມ່ນໄດ້ຮັບບາດເຈັບເລັກໜ້ອຍ,

ຢາກໄປເຮັດວຽກຢູ່ປະເທດເກົາຫຼີ ບໍ່ມີເງິນກໍ່ໄປໄດ້.

ບໍລິສັດ ໄອຈອບ ຈຳກັດ ຮ່ວມກັບ ສະຖາບັນການເງິນຈຸລະພາກ BNK ເຊິ່ງເປັນສາຂາຂອງກຸ່ມການເງິນຊັ້ນນຳຢູ່ປະເທດເກົາຫຼີ ໄດ້ສະໜອງເງິນກູ້ຢືມໃຫ້ແກ່ແຮງງານລາວທີ່ພົບຄວາມຫຍຸ້ງຍາກດ້ານຄ່າໃຊ້ຈ່າຍທີ່ຕ້ອງການໄປເຮັດວຽກຢູ່ ສ.ເກົາຫລີ ຕາມລະດູການເປັນເວລາ 6 ເດືອນ.

ທ່ານ ບຸນທ່ຽງ ລັດຕະນະວົງ, ຜູ້ອໍານວຍການບໍລິສັດ ໄອຈອບ ຈໍາກັດ ໃຫ້ສໍາພາດຜ່ານລາຍການຮອບບ້ານຜ່ານເມືອງຂອງວິທະຍຸກະຈາຍສຽງແຫ່ງຊາດລາວ ໃນວັນທີ 8 ມິຖຸນານີ້ ວ່າ:

ບໍລິສັດ ໄອຈອບ ຈຳກັດ ເຊິ່ງເປັນບໍລິສັດຈັດຫາງານທີ່ຢູ່ພາຍໃຕ້ການຄຸ້ມຄອງຂອງ ກະຊວງ ແຮງງານ ແລະ ສະຫວັດດີການສັງຄົມ ໄດ້ຮັບອະນຸຍາດໃຫ້ທົດລອງຈັດສົ່ງແຮງງານລາວໄປເຮັດວຽກຕາມລະດູການໃນຂະແໜງກະສິກໍາຢູ່ ສ.ເກົາຫຼີ ເນື່ອງຈາກມີຄວາມຕ້ອງການແຮງງານເປັນຈໍານວນຫລວງຫລາຍ.

ດັ່ງນັ້ນ, ເພື່ອຊ່ວຍເຫລືອແຮງງານທີ່ພົບຄວາມຫຍຸ້ງຍາກດ້ານຄ່າໃຊ້ຈ່າຍແລ່ນເອກະສານຕ່າງໆ ໃນການເດີນທາງໄປເຮັດວຽກ, ບໍລິສັດ ໄອຈອບ ໄດ້ຮ່ວມມືກັບສະຖາບັນການເງິນຈຸລະພາກ BNK ເພື່ອສະໜອງເງິນກູ້ຢືມໃຫ້ແກ່ແຮງງານລາວດັ່ງກ່າວ ເຊີ່ງຜ່ານມາໄດ້ຈັດສົ່ງແຮງງານເຮັດວຽກຢູ່ ສ.ເກົາຫລີຕາມລະດູການແລ້ວ 1 ຊຸດໃນເດືອນພຶດສະພາ ຜ່ານມານີ້ ເຊີ່ງມີທັງໝົດ 58 ຄົນ, ໃນນີ້ ມີເຖີງ 56 ຄົນທີ່ໃຊ້ບໍລິການເງິນກູ້ຈາກສະຖາບັນການເງິນຈຸລະພາກ BNK. ສ່ວນອີກ 2 ຄົນແມ່ນໃຊ້ຈ່າຍເງິນຂອງຕົວເອງ.

ທ່ານໃຫ້ຮູ້ຕື່ມວ່າ: ຄ່າແລ່ນເອກະສານ, ລວມເຖີງຄ່າວິຊ່າ, ປີ້ຍົນ ແລະ ອື່ນໆ ເພື່ອເດີນທາງໄປເຮັດວຽກຕາມລະດູການຢູ່ ສ.ເກົາຫລີ ລວມທັງໝົດແລ້ວຜູ້ໜຶ່ງບໍ່ເກີນ 2.800 ໂດລາສະຫະລັດ, ໃນນີ້ ຖ້າແຮງງານຕ້ອງການເງິນກູ້ຢືມເງິນຈາກສະຖາບັນດັ່ງກ່າວ ຕາມລະບຽບແລ້ວຕ້ອງມີຫລັກຊັບຄໍ້າປະກັນ

ແຕ່ໃນກໍລະນີບໍ່ມີຫລັກຊັບຄໍ້າປະກັນ ຕ້ອງໄດ້ຜ່ານການພິຈາລະນາດ້ານຄຸນສົມບັດຕົວຈິງຈາກຄະນະຮັບຜິດຊອບຢ່າງລະອຽດກ່ອນເພື່ອປະເມີນວ່າຜູ້ກ່ຽວມີຄວາມຕັ້ງໃຈ, ຄວາມຮັບຜິດຊອບ ແລະ ຫ້າວຫັນໃນການອອກແຮງງານແທ້ ຫລື ບໍ່ ຈິ່ງສາມາດໃຫ້ເງິນກູ້ໄດ້ ເພາະໃນຊຸດຜ່ານມາກໍເຄີຍອະນຸມັດເງິນກູ້ໃນລັກສະນະນີ້ມາແລ້ວ.

ຢ່າງໃດກໍຕາມ ຖ້າຫາກແຮງງານທີ່ໄປເຮັດວຽກໄດ້ຮັບເງິນກູ້ໄປແລ້ວ ຕ້ອງຫັກທົດແທນຄືນໃຫ້ສະຖາບັນການເງິນຈຸລະພາກ BNK ເມື່ອໄດ້ເງິນເດືອນໃນແຕ່ລະເດືອນຈົນຄົບກໍານົດ,ເຊີ່ງເງິນເດືອນພື້ນຖານຂອງແຮງງານລາວທີ່ໄປອອກແຮງງານຕາມລະດູການຢູ່ ສ.ເກົາຫລີ ແມ່ນປະມານ 1.700-1.800 ໂດລາສະຫະລັດ/ຄົນ/ເດືອນ, ໃນນີ້ ສະຖາບັນການເງິນດັ່ງກ່າວຈະຫັກເອົາປະມານ 560 ໂດລາສະຫະລັດ/ຄົນ/ເດືອນ.

ຜູ້ອໍານວຍການບໍລິສັດ ໄອຈອບ ຈໍາກັດ ໃຫ້ຮູ້ອີກວ່າ: ການໄປເຮັດວຽກຕາມລະດູການຢູ່ ສ.ເກົາຫລີ ມີກໍານົດເວລາ 6 ເດືອນ ບໍ່ຈໍາເປັນຕ້ອງໄດ້ກຽມພາສາເກົາຫລີ ແຕ່ຢ່າງໃດ. ປັດຈຸບັນ ບໍລິສັດ ໄອຈອບ ພວມກະກຽມສົ່ງແຮງງານໄປ ສ.ເກົາຫລີເພື່ອເຮັດວຽກຕາມລະດູການອີກ 92 ຄົນ ແລະ ຈະສືບຕໍ່ຮັບເອົາຜູ້ທີ່ສົນໃຈໄປເຮັດວຽກດັ່ງກ່າວອີກຈໍານວນຫລາຍໃນຕໍ່ໜ້າ.

ສະນັ້ນ ຜູ້ໃດມີຄວາມສົນໃຈ, ສະເພາະຢູ່ຕ່າງແຂວງໃຫ້ໄປແຈ້ງທີ່ຫ້ອງການແຮງງານ ແລະ ສະ ຫວັດດີການສັງຄົມເມືອງ ຫລື ພະແນກແຮງງານ ແລະ ສະຫວັດດີການສັງຄົມແຂວງ ທີ່ຕົນອາໃສຢູ່,ສ່ວນຜູ້ທີ່ອາໃສຢູ່ນະຄອນຫລວງວຽງຈັນ ສາມາດເຂົ້າໄປພົວພັນ ບໍລິສັດ ໄອຈອບ ເຊີ່ງສໍານັກງານຕັ້ງຢູ່ຕໍ່ໜ້າມະຫາວິທະຍາໄລແຫ່ງຊາດ (ດົງໂດກ) ໃນໂມງລັດຖະການ.

iJobs.laລະບົບ iOS https://apps.apple.com/la/app/lesa/id1597214178 ລະບົບ Android https://play.google.com/store/apps/details?id=com.xprogram.resume

ບໍ່ມີມູນຄວາມຈີງ ທີ່ວ່າລາວອັດຕາເງິນເຟີ້ ຕິດອັນດັບ 6 ຂອງໂລກ

ອີງຕາມການລາຍງານຈາກເວບໄຊ
https://worldpopulationreview.com/country-rankings/inflation-rate-by-country

ລາຍງານວ່າ ອັດຕາເງິນເຟີ້ຖືກແບ່ງອອກເປັນສາມປະເພດຄື: ອັດຕາເງິນເຟີ້ທີ່ດຶງເອົາຄວາມຕ້ອງການ, ອັດຕາເງິນເຟີ້ລາຄາຊຸກຍູ້, ແລະອັດຕາເງິນເຟີ້ທີ່ສ້າງຂຶ້ນ. ທັງສາມຢ່າງນີ້ແມ່ນກ່ຽວຂ້ອງກັບຄວາມສົມດຸນລະຫວ່າງການສະຫນອງເງິນແລະການສະຫນອງສິນຄ້າໃນເສດຖະກິດຂອງປະເທດ.

ອັດຕາເງິນເຟີ້ – ດຶງຄວາມຕ້ອງການ – ເກີດຂື້ນໃນເວລາທີ່ຄວາມຕ້ອງການສິນຄ້າແລະການບໍລິການ – ເວົ້າອີກຢ່າງຫນຶ່ງ, ຈໍານວນເງິນແລະ / ຫຼືສິນເຊື່ອທີ່ປະຊາຊົນຕ້ອງໃຊ້ – ເພີ່ມຂຶ້ນໄວກວ່າກໍາລັງການຜະລິດຂອງເສດຖະກິດ. ຄວາມຕ້ອງການແມ່ນສູງແຕ່ການສະຫນອງບໍ່ສາມາດຮັກສາໄດ້, ສະນັ້ນລາຄາເພີ່ມຂຶ້ນ. ລາຄາທີ່ເພີ່ມຂຶ້ນເຮັດໃຫ້ຜູ້ຊື້ບາງຄົນອອກຈາກຕະຫຼາດ, ເຊິ່ງເຮັດໃຫ້ຄວາມຕ້ອງການຫຼຸດລົງແລະຟື້ນຟູຄວາມສົມດຸນລະຫວ່າງຄວາມຕ້ອງການແລະການສະຫນອງ.

ອັດຕາເງິນເຟີ້ທີ່ຊຸກຍູ້ຄ່າໃຊ້ຈ່າຍ – ເກີດຂື້ນຍ້ອນການເພີ່ມຂຶ້ນຂອງຕົ້ນທຶນການຜະລິດ. ຕົວຢ່າງ, ຖ້າວັດຖຸດິບທີ່ໃຊ້ເພື່ອສ້າງລາຄາຜະລິດຕະພັນເພີ່ມຂຶ້ນ, ລາຄາສໍາລັບລາຄາທີ່ດີສຸດທ້າຍເພີ່ມຂຶ້ນຍ້ອນວ່າຜູ້ຜະລິດສົ່ງຄ່າໃຊ້ຈ່າຍຂອງພວກເຂົາໃຫ້ກັບຜູ້ບໍລິໂພກ.

ອັດຕາເງິນເຟີ້ໃນຕົວ – ເກີດຂື້ນຍ້ອນຄວາມຄາດຫວັງວ່າອັດຕາເງິນເຟີ້ຈະສືບຕໍ່, ດັ່ງນັ້ນຄ່າຈ້າງຕ້ອງເພີ່ມຂຶ້ນເພື່ອຮັກສາສະຖານະພາບເດີມ. ໃນຂະນະທີ່ລາຄາສິນຄ້າແລະການບໍລິການເພີ່ມຂຶ້ນ, ແຮງງານຄາດວ່າຈະໄດ້ຮັບຄ່າຈ້າງຫຼາຍຂຶ້ນເພື່ອຮັກສາມາດຕະຖານການດໍາລົງຊີວິດຂອງພວກເຂົາ (ນີ້ແມ່ນສິ່ງທີ່ຮູ້ທົ່ວໄປວ່າ “ຄ່າໃຊ້ຈ່າຍດໍາລົງຊີວິດ” ເພີ່ມຂຶ້ນໃນສະຫະລັດ). ເນື່ອງຈາກການເພີ່ມຂຶ້ນຂອງລາຄາແຮງງານ, ລາຄາຜູ້ບໍລິໂພກສໍາລັບສິນຄ້າຫຼືການບໍລິການທີ່ແຮງງານຜະລິດຫຼືສະຫນອງການກໍ່ເພີ່ມຂຶ້ນ.

ນອກຈາກນີ້ໃນເວບດັ່ງກ່າວກໍຍັງມີການລາຍງານການຈັດອັນດັບ 10 ປະເທດທີ່ມີອັດຕາເງິນເຟີ້ສູງອີກ ຄື:

  1. Venezuela — 1198.0%
  2. Sudan — 340.0%
  3. Lebanon — 201.0%
  4. Syria — 139.0%
  5. Suriname — 63.3%
  6. Zimbabwe — 60.7%
  7. Argentina — 51.2%
  8. Turkey — 36.1%
  9. Iran — 35.2%
  10. Ethiopia — 33.0%

ນອກນີ້ໃນເວບໄຊ https://tradingeconomics.com/country-list/inflation-rate?continent=asia ກໍມີການລາຍງານເຊັ່ນດຽວກັນ. ທ່ານສາມາດເຂົ້າໄປເບິ່ງຕາມລິ້ງນີ້ໄດ້ເລີຍ.

ສະນັ້ນ, ແອດມິນຈຶ່ງຢາກແຊຂໍ້ມູນນີ້ໄວ້ເປັນອຸທາຫອນແກ່ຜູ້ສ້າງຂ່າວບິດເບືອນ ແລະ ຜູ້ທີ່ຮູ້ເທົ່າບໍ່ເຖິງການໃນການແຊຂໍ້ມູນທີ່ວ່າລາວຕິດອັນດັບທີ 6 ໃນບັນດາປະເທດທີ່ມີອັດຕາເງິນເຟີ້ສູງນັ້ນ ແມ່ນບໍ່ມີມູນຄວາມຈິງແຕ່ຢ່າງໃດເລີຍ, ເຖິງວ່ານະປະຈຸບັນທຽບໃສ່ເມື່ອກ່ອນອາດສູງຂຶ້ນແຕ່ກໍຍັງບໍ່ທັນແມ່ນອັນດັບທີ 6 ຕາມສື່ສັງຄົມອອນລາຍໄດ້ປະໂຄມຂ່າວເທື່ອ, ດັ່ງນັ້ນແອດມິນຢາກຂໍຝາກວ່າສິ່ງໃດຍັງບໍ່ມີການພິສູດແລະອາດເຊິ່ງນຳມາແກ່ການສ້າງຄວາມວຸ້ນວາຍໃນສັງຄົມ ພວກເຮົາຄວນຫລີກລ້ຽງ ແລະພ້ອມໃຈກັນຕ້ານແລະສະກັດກັ້ນວິກິດນີ້ໄປດ້ວຍກັນ ມີປະເທດຈຶ່ງມີເຮົາ ປະເທດຫລົ້ມ ເຮົາຫລົ້ມ.

ທີ່ມາ: Media Laos

ບັງຈື່ໄດ້ບໍ່ ເຫດຈັບຄົນຮ້າຍບຸກໄລ່ຍິງເຈົ້າໜີ້ ເມື່ອປີ 2021 ເຈົ້າໜ້າທີ່ຖະແຫຼງລາຍລະອຽດ

ຫຼາຍຄົນອາດຍັງຈື່ໄດ້ ເຫດການທີ່ມືປືນຂີ່ລົດຈັກຄຣີກໄອ ໄລ່ຍິງຊາວຈີນ ຂີ່ກໍາລັງຂີ່ລົດຈັກຟີໂນ ໄປຕາມເສັ້ນທາງປະຕູໄຊ ຫາ ໄຟແດງສີດຳດວນ ບ້ານ ສີບຸນເຮືອງ ເມືອງ ຈັນທະບູລີ ນະຄອນຫຼວງວຽງຈັນ ໃນຄໍ່າຄືນ ຂອງວັນທີ 1 ກັນຍາ 2021 ເຮັດໃຫ້ຜູ້ຖືກເຄາະຮ້າຍບາດເຈັບສາຫັດ ແລະ ຜູ້ກໍ່ເຫດເອົາຕົວຫຼົບໜີ.

ຄລິບຂ່າວ

ພັອ ແກ່ນຈັນ ພົມມະຈັກ ຮອງຫົວໜ້າກົມໃຫຍ່ຕໍາຫຼວດ ຫົວໜ້າກົມຕໍາຫຼວດສືບສວນ-ສອບສວນ ຖະແຫຼງຂ່າວກ່ຽວກັບເຫດການດັ່ງກ່າວໃນວັນທີ 8 ມິຖຸນາ 2022 ວ່າ:

ໃນວັນທີ 1 ກັນຍາ 2021 ປີຜ່ານມາ ເວລາ 20:40 ໂມງ ໄດ້ມີຄົນຮ້າຍຈຳນວນຫນຶ່ງ ໄດ້ຂີ່ລົດຈັກຄຼີກໄອ ປະຄົບລົດຈັກຟີໂນ ແລະ ໃຊ້ປືນຍິງ ທ້າວ ຫຼິວລີ້ຊວນ ສັນຊາດຈີນຢູ່ເສັ້ນທາງປະຕູໄຊ ຫາໄຟແດງສີດຳດວນ ເມືອງຈັນທະບູລີ ເຮັດໃຫ້ໄດ້ຮັບບາດເຈັບສາຫັດ; ຈາກນັ້ນ ຖືກນຳຕົວສົ່ງໂຮງຫມໍ ໄດ້ຮັບການປິ່ນປົວຈົນປອດໄພໃນເວລາຕໍ່ມາ.

ຫຼັງຈາກເກີດເຫດ ເຈົ້າໜ້າທີ່ໄດ້ລົງຊັນນະສູດສະຖານທີ່ເກີດເຫດ, ເອົາຄໍາໃຫ້ການພະຍານ, ຜູ້ເຫັນເຫດການ ແລະ ສາມາດຂຶ້ນເປົ້າໝາຍກະທຳຜິດໄດ້ຈຳນວນໜຶ່ງ.

ມາຮອດວັນທີ 9 ກັນຍາ 2021, ເຈົ້າໜ້າທີ່ສາມາດຈັບຕົວ ຜູ້ວ່າຈ້າງ ຫຼື ຫົວໂປ່ໂຕການ ແມ່ນ ທ້າວ ຕີ່ຕີ່ ຢູ່ນະຄອນຫຼວງວຽງຈັນ ເຊິ່ງຜູ້ກ່ຽວໄດ້ຈ້າງມືປືນ 3 ຄົນ ໃຫ້ໄປຄາດຕະກຳ ທ້າວ ທ້າວ ຫຼິວລີ້ຊວນ ແລະ ຕໍ່ມາເຈົ້າໜ້າທີ່ສາມາດຕິດຕາມຈັບຕົວຜູ້ກໍ່ເຫດໄດ້ 2 ຄົນ, ສ່ວນຜູ້ລົງມືກໍ່ເຫດຍິງແມ່ນເອົາຕົວລົບໜີ ເຈົ້າໜ້າທີ່ກໍາລັງເລັ່ງຕິດຕາມຈັບຕົວ, ປັດຈຸບັນ ຈົ້າໜ້າທີ່ຈັບຕົວຜູ້ກ່ຽວຂ້ອງໄດ້ແລ້ວລວມ 3 ຄົນ.

ຜ່ານການສືບສວນ-ສອບສວນ ຈຶ່ງຮູ້ວ່າ ແຮງຈູງໃຈໃນການຄາດຕະກໍາ ທ້າວ ຫຼິວລີ້ຊວນ ໃນຄັ້ງນັ້ນແມ່ນເພື່ອຫວັງປິດໜີ້ໃຫ້ແກ່ທ້າວ ຕີ່ຕີ່ ( ລູກຫນີ້ ) ເພາະໃນໄລຍະຜ່ານມາຜູ້ກ່ຽວໄດ້ຢືມເງິນນຳທ້າວ ຫຼິວລີ້ຊວນ ຈຳນວນເງິນຫຼາຍແສນໂດລາສະຫະລັດອາເມລິກາ.

ມາຮອດປັດຈຸບັນ, ເຈົ້າໜ້າທີ່ໄດ້ສະຫຼຸບສຳນວນຄະດີ ສົ່ງໃຫ້ອົງການໄອຍະການ ປະຊາຊົນ ນະຄອນຫຼວງວຽງຈັນ ຟ້ອງສານຕັດສິນຕາມລະບຽບກົດໝາຍ.

ພາບ-ຂ່າວ: ໜັງສືພິມຄວາມສະຫງົບ.

ນັກຊົກອາຟຣິກາໃຕ້ເສຍຊີວິດ ເຫດເລືອດອອກໃນສະໝອງ

ໂສກນາດຕະກຳໄດ້ເກີດຂຶ້ນໃນວົງການມວຍໂລກ ເມື່ອ ຊິມິໂຊ ບູເທເລຊີ່ ນັກມວຍຊາວອາຟຣິກາໃຕ້ ອາຍຸ 24 ປີ ໄດ້ເສຍຊີວິດຈາກອາການເລືອດອອກໃນສະໝອງ ເມື່ອວັນທີ 8 ມິຖຸນາ ຫຼັງຈາກຂຶ້ນຊົກມວຍສາກົນຊິງແຊັມອາຟຣິກາໃຕ້ ຮຸ່ນນ້ຳໄລເວດ ຂອງສະຫະພັນມວຍໂລກ (WBF) ເມື່ອທ້າຍອາທິດທີ່ຜ່ານມາ.

ບູເທເລຊີ່ ຂຶ້ນຊົກກັບ ຊິເຟ ຊິເລ ເອັມເອັນ ຕຸງ ວາ ໃນລະບົບ 10 ຍົກ ຢ່າງໃດກໍຕາມ ໄດ້ເກີດເຫດການທີ່ບໍ່ຄາດຝັນຂຶ້ນ ເມື່ອ ບູເທເລຊີ່ ເກີດອາການຜິດປົກກະຕິ ພະຍາຍາມໄລ່ຊົກເສົາໃນມຸມເວທີເບື້ອງໜຶ່ງ ທັງທີ່ຄູ່ຊົກບໍ່ໄດ້ຢູ່ຈຸດນັ້ນ ກໍາມະການຈຶ່ງຮີບຢຸດຕິການຊົກ ແລະ ປະກາດໃຫ້ ເອັມເອັນ ຕຸງ ວາ ເປັນຜູ້ຊະນະ.

ຫຼັງຈາກນັ້ນ ບູເທເລຊີ່ ກໍຟຸຍໝົດສະຕິ ຈົນຕ້ອງຮີບນໍາໄປໂຮງໝໍ ເຊິ່ງເຂົານອນຢູ່ໃນສະພາບໂຄມ່າເປັນເວລາ 3 ມື້ ຈຶ່ງເສຍຊີວິດ.

ສະຫະພັນມວຍອາຊີບຂອງອາຟຣິກາໃຕ້ ໄດ້ຖະແຫຼງສະແດງຄວາມເສຍໃຈຕໍ່ເຫດການທີ່ເກີດຂຶ້ນ ແລະ ຈະເລັ່ງສືບສວນຂໍ້ເທັດຈິງທາງການແພດເພື່ອນໍາມາເປີດເຜີຍຕໍ່ສາທາລະນະຕໍ່ໄປ.