ອີກໜຶ່ງເຫດການໃຫຍ່ໃນການແຂ່ງຂັນບານເຕະທົ່ວປະເທດ ທີ່ນະຄອນຫຼວງວຽງຈັນ ລະຫວ່າງວັນທີ 16-21 ພະຈິີກ 2020 ໃນນັດຊີງຊະນະເລີດປະຈໍາວັນທີ 21 ພະຈິກ 2020 ເມື່ອ ອຸດົມສິດ ສິງລາດສົມບູນ ກອງຫຼັງເບີ 7 ຂອງທີມບານເຕະຊາຍແຂວງຈໍາປາສັກ ປະທະຢ່າງຮຸ່ນແຮງກັບ ຜູ້ຮັກສາປະຕູຂອງແຂວງຈໍາປາສັກ ໃນເຂດໂທດ ກ່ອນທີ່ ຫຼວງພະບາງ ຈະໄດ້ປະຕູຈາກຈັງຫວະດັ່ງກ່າວ.
.
ເຊິ່ງຈັງຫວະດັ່ງກ່າວເຮັດໃຫ້ ຕ້ອງຢຸດເກມໄປຫຼາຍນາທີ ເພາະທີມແພດປະຈໍາສະໜາມຕ້ອງເຂົ້າໄປຮັກສາອາການຂອງ ອຸດົມສິດ ທີ່ມີອາການໝົດສະຕິດົນພໍສົມຄວນ ແລະ ໃນທີ່ສຸດກໍສາມາດກູ້ຊີວິດຂອງນັກເຕະຄົນດັ່ງກ່າວໄດ້ສໍາເລັດ.(ເບິ່ງຄລິບລຸ່ມນີ້)
.
ຫຼ້າສຸດ ທ່ານ ດຣ ບົວພັນ ສີຫາວົງ ທີມແພດປະຈໍາສະໜາມດັ່ງກ່າວ ໃຫ້ຄໍາຊີ້ແຈງຕໍ່ເຫດການດັ່ກ່າວວ່າ: ຂໍອະນຸຍາດແຈ້ງການ ເລື່ອງທີ່ສັງຄົມເປັນຫ່ວງແລະເປັນນາທີທີ່ສາຕາສັງຄົມພົບເຫັນ ເກືອກຊັອກທັງສະໜາມແລະນອກສະໜາມ ຕົ້ນເຫດກະຄື: ນັກກິລາເບີ7ຖືກກະທົບຮຸນແຮງ ບວກກັບອາການອິດເມື່ອຍທີ່ໃຊ້ກໍ່າລັງແລ່ນຫຼາຍ ໝົດສະຕິ ຫົວໃຈຢຸດເຕັ້ນ ກໍາມະຈອນຈັບບໍ່ໃດ້ ກະເລີຍເຮັດ CPR ຄາເດີ່ນ ປະມານ 10ນາທີໄດ້ ນ້ອງເຂົາກະເລີ້ມມີກໍາມະຈອນກັບມາ ສຸກເສີນເບື້ອງຕົ້ນແລ້ວໃຫ້ດົມອົກຊີ ເກືອບປະມານ 30ນາທີ ຮູ້ສືກວ່າເຂົາຕອບສະໝອງໃດ້ດີທຸກພາກສ່ວນ ປະຈຸບັນຜູ້ກ່ຽວແມ່ນປົກກະຕິແລ້ວດີ ຂໍໃຫ້ທຸກທ່ານສະບາຍໃຈໄດ້ ຂໍຂອບໃຈທຸກພາກສ່ວນທີ່ໃຫ້ກໍ່າລັງໃຈເຊື່ອໝັ້ນທີມງານແພດລາວພວກເຮົາ ຂໍຂອບໃຈທີ່ນໍ້າໃຈຂອງຄົນລາວຍາມໃດກະຮັກເຊື້ອແພງຊາດ ແຈ້ງມາດ້ວຍຄວາມຮັບຖືເປັນຢ່າງສູງ.
.
ຂະນະທີ່ F.C.Champasak ເພຈ໌ບຸກທີ່ມີຊື່ສຽງຂອງວົງການບານເຕະແຂວງຈໍາປາສັກ ລາຍງານວ່າ: ອຸດົມສິດ ສິງລາດສົມບູນ ຈະບໍ່ໄດ້ເດີນທາງກັບພ້ອມຄະນະໃນມື້ນີ້ ຕ້ອງໄປກວດສຸຂະພາບອີກເທື່ອໜື່ງ, ເຊິ່ງແອັດມິນຂໍຍົກຍ້ອງໃນຄວາມເປັນນັກສູ້ຂອງອຸດົມສິດ ໄດ້ມີໂອກາດລົມກັນ ຫຼັງຈາກແພດໝໍປ້ຳຫົວໃຈຟື້ນຂື້ນມາມີສະຕິ ທ່ານໝໍຈະພາໄປໂຮງໝໍ ແຕ່ອຸດົມສິດຖາມໝໍວ່າ ສະກໍເທົ່າໃດ໋ໝໍ ທ່ານໝໍຕອບແຂວງຫຼວງພະບາງຂື້ນນຳ1-0 ຕອນນັ້ນອຸດົມສິດເປັນຫ່ວງນຳທິມ ທ່ານໝໍບອກວ່າບໍ່ຕ້ອງເປັນຫ່ວງ ເອົາຊີວິດເຈົ້າໄວ້ກ່ອນ ແຕ່ອຸດົມສິດກໍ່ຂໍຢືນຢັນວ່າ #ຂໍຕາຍໃນສະໜາມ ໃນໃຈອຸດົມສິດຕອນນັ້ນເຂົາຄິດວ່າເຂົາຕ້ອງບໍ່ເປັນຫຍັງເພື່ອບໍ່ໃຫ້ອ້າຍນ້ອງນັກກິລາ-ຄູຝຶກ ເສຍຂວັນກຳລັງໃຈ ໃນທີ່ສຸດ ອຸດົມສິດ ສິງລາດສົມບູນ ໝາຍເລກ7 ກໍ່ກັບມາໄດ້ ທິມກໍ່ກັບມາໄດ້ ຊົມເຊີຍໃນເລືອດນັກສູ້ແດນໃຕ້.
ສ່ວນຫຼັງຈົບການແຂ່ງຂັນ ກ່ອນຈະມີການມອບລາງວັນ ໂຄສົກປະຈໍາສະໜາມໄດ້ປະກາດວ່າ: ອຸດົມສິດ, ພ້ອມດ້ວຍ ສັງວອນ ພົມມະເສນ ແລະ ຄໍາຫຼ້າ ປິ່ນແກ້ວ ອະດີດນັກເຕະທີມຊາດລາວ ຊຸດຊີເກມ 2009 ພ້ອມພາກັນປະກາດອໍາລາວົງການຮັບໃຊ້ທີມແຂວງຈໍາປາສັກ ເພື່ອເປີດໂອກາດໃຫ້ກັບນັກເຕະຮຸ່ນໃໝ່ສານຕໍ່ພາລະກິດ ຫຼັງຊ່ວຍທີມແຂວງມາຢ່າງຍາວນານເຖິງ 20 ປີ.
.
ຂ່າວ: Sport Update ແລະ ຂ່າວກິລາ lao national tv