ມຽນມາ ຕິດເຊື້ອໂຄວິດ-19ເພີ່ມຂຶ້ນ 11.631 ຄົນ


ຂປລ.ຕາມ​ຂ່າວ​ຈາກ ​ຢ່າງ​ກຸ້ງ,ວັນ​ທີ29​ກັນຍາ​ນີ້, ລັດຖະບານ ມຽນມາ ຢືນຢັນ ຈຳນວນ​ຜູ້​ຕິດ​ເຊື້ອ ​ໂຄ​ວິດ-19 ​ເພີ່ມ​ຂຶ້ນ ​ຢ່າງ​ໜ້ອຍ 11.631 ຄົນ ລື່ນ​ກາຍ ​ມາ​ເລ​ເຊຍ ກາຍ​ເປັນອັນ​ດັບ 4 ຂອງ​ອາຊີ ​ຕາ​ເວັນ​ອອກ​ ສ່ຽງ​ໃຕ້ ຮອງ​ຈາກ​ຟີ​ລິບ​ປິນ, ອິນ​ໂດ​ເນ​ເຊຍ ​ແລະ ສິງກະ​ໂປ.

ຂະນະ​ທີ່ ​ ມຽນມາ ຂະຫຍາຍ ​ເວລາ​ບັງຄັບ ​ໃຊ້​ມາດ​ຕະການ ​ທາງ​ສັງຄົມ​ ຈົນ​ເຖິງ​ທ້າຍ​ເດືອນ​ຕຸລາ​ນີ້.ສຳລັບ ຍອດ​ຜູ້​ເສຍ​ຊີວິດ ​ເພີ່ມ​ຂຶ້ນ 256 ຄົນ ​ເປັນອັນ​ດັບ 3ຂອງ​ພາກ​ພື້ນ ຮອງ​ຈາກ ອິນ​ໂດ​ເນ​ເຊຍ ​ແລະ ຟີ​ລິບ​ປິນ ​ເພີ່ມ​ຂຶ້ນ 30 ຄົນ ​ແລະ ຜູ້​ໄດ້​ຮັບ​ການ​ປິ່ນປົວ​ດີ​ແລ້ວ 3.073 ຄົນ.

ຂະນະນີ້ ສ.​ເກົາຫລີ ​ໄດ້​ສົ່ງ​ເຄື່ອງ​ຊ່ວຍ​ເຫລືອ ທີ່​ເປັນ​ຊຸດກວດ​ ຫາ​ເຊື້ອ​ມາ​ໃຫ້ 200.000 ຊຸດ.

ຮຽງ​ຮຽງ​ຂ່າວ​ໂດຍ ສະໄຫວ

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້