ເປີດນິມິດໝາຍ ຍຸກໃໝ່ແຫ່ງການຜະລິດຄຳ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວພາຍໃນ

ເປີດນິມິດໝາຍ ຍຸກໃໝ່ແຫ່ງການຜະລິດຄຳ

Published

on

ໃນ​ວັນ​ທີ 24 ກັນຍາ ຜ່ານ​ມາ ລັດຖະມົນຕີ​ກະຊວງ​ພະລັງ ງານ ແລະ ບໍ່​ແຮ່ ທ່ານ ຄຳ​ມະນີ ອິນ​ທິ​ລາດ ພ້ອມ​ຄະນະ, ລວມ ​ມີລັດຖະມົນຕີ​ປະຈຳ​ສຳນັກ ງານ​ນາຍົກລັດຖະມົນຕີ ທ່ານ ຈະເລີນ ເຢຍ​ປາວ​ເຮີ ແລະ ຮອງ​ເຈົ້າແຂວງ​ສະຫວັນ​ນະ​ເຂດ ທ່ານ ທ່ອນ​ແກ້ວ ພຸດ​ທະ​ໄກ​ຍາ​ລາດ

ໄດ້​ລົງ​ກວດກາ​ການ ​ພັດທະນາ​ບໍ່​ຄຳ​-​ທອງ ເຊ​ໂປນ ຂອງ​ບໍລິສັດ ລ້ານ​ຊ້າງ ມີ​ເນ​ໂຣນ ລິ​ມິ​ເຕັດ (ລຊມລ) ຢູ່ ເມືອງ ວິລະ​ບູ​ລີ ແຂວງ​ສະຫວັນ​ນະ​ເຂດ, ຈາກ​ທີ່​ທ່ານເຄີຍ​ໄດ້​ລົງ​ໄປ​ຢ້ຽມຢາມ​ຄັ້ງ​ຫຼ້າ​ສຸດ ໃນ​ປີ 2014 ຊຶ່ງ​ເປັນ​ໄລຍະ​ທີ່ ບໍລິສັດ ລຊມລ ໄດ້​ເປັນ​ບໍລິສັດ​ບໍ່​ແຮ່​ທອງ ໃນ​ລະດັບ​ສາກົນ ທີ່​ໃຫຍ່​ທີ່​ສຸດ​ໃນ ສປປ ລາວ.

ການ​ຢ້ຽມຢາມ​ຄັ້ງ​ນີ້ ເປັນ ​ນິມິດ​ໝາຍ​ສຳຄັນ​ໃຫ້​ແກ່​ບໍລິ ສັດ ທີ່​ໄດ້​ຫັນປ່ຽນ​ຈາກ​ການ​ຜະລິດ​ທອງ ກັບ​ມາສູ່​ໂຄງການ​ທີ່​ສຸມ​ໃສ່​ການ​ຜະລິດ​ຄຳ ເພື່ອ​ຍາດ​ເອົາ​ໂອກາດ​ຈາກ​ສະພາບ​ເສດຖະກິດ​ໂລກ​ໃນ​ປັດ​ຈຸ​ບັນ. ປີ 2020 ນີ້ ເປັນ​ປີ​ທີ່ ບໍລິສັດ ລຊມລ ສະເຫຼີມສະຫຼອງ “ຍຸກ​ໃໝ່​ແຫ່ງ​ການ​ຜະລິດ​ຄຳ” ຍ້ອນ​ບໍລິສັດ​ໄດ້​ບັນລຸ​ຫຼາຍ​ຂີດ​ໝາຍ​ສຳຄັນ

ເຖິງ​ແມ່ນ​ວ່າ ບໍລິສັດ​ຈະ​ພົບພໍ້​ກັບ​ຄວາມ​ທ້າ​ທາຍ​ຫຼາຍ​ປະການ​ຈາກການ​ລະບາດ​ຂອງ​ພະຍາດ ໂຄ​ວິດ-19 ກໍ​ຕາມ. ບໍລິສັດ ລຊມລ ມີ​ຄວາມ​ມຸ່ງ​ໝັ້ນ​ໃນ​ການ​ສະ ໜັບສະໜູນ​ລັດຖະບານ ເພື່ອ​ຮັບປະກັນ​ຄວາມ​ປອດ​ໄພ​ຈາກການ​ຕິດ ເຊື້ອ​ພະຍາດ​ດັ່ງກ່າວ ໃຫ້​ແກ່​ພະນັກງານ, ຄອບຄົວ​ຂອງ​ພະ ນັກງານ ແລະ ຊຸມ​ຊົນ ໃນ​ໄລຍະ​ວິ​ກິດ​ການ​ໂຣກລະບາດນີ້.

ໃນ​ປີ​ນີ້ ບໍລິສັດ ລຊມລ ໄດ້​ຫັນ​ກັບ​ຄືນ​ມາ​ຂຸດ​ຄົ້ນ​ແຮ່​ຄຳ ເປັນ​ຄັ້ງ​ທຳອິດ ໂດຍ​ໄດ້​ເລີ່ມ​ເປີດ​ນຳ​ໃຊ້​ໂຮງງານ​ປຸງ ແຕ່ງ​ – ​ຜະລິດ​ຄຳ ທີ່​ໄດ້​ສ້ອມ​ແປງ ​-​ ປັບປຸງ​ຄືນໃໝ່ ເພື່ອ​ໃຫ້​ສາມາດ​ເລີ່ມ​ຜະລິດ​ຄຳ​ຈາກ​ແຮ່​ຄຳ​ອ໊ອກ​ໄຊ​ ແລະ ໃນ​ບໍ່​ດົນ​ມາ​ນີ້ ທາງ​ບໍລິສັດ​ກໍ​ໄດ້​ເປີດ​ໂຮງງານ​ປຸງ​ແຕ່ງ​ສິນ​ແຮ່​ແບບ​ຕີ​ຝອດ​-​ຟູ​ລອຍ ເພື່ອ​ໃຫ້​ສາມາດ​ເລີ່ມ​ຕົ້ນ​ການ​ຜະລິດ​ຄຳ​ຈາກ ແຮ່​ຄຳ​ເຄົ້າ.

ທ່ານ ຄຳ​ມະນີ ອິນ​ທິ​ລາດ ລັດຖະມົນຕີກະຊວງ​ພະລັງງານ ແລະ ບໍ່​ແຮ່ ໄດ້​ກ່າວ​ວ່າ: “ຂ້າພະເຈົ້າ​ມີ​ຄວາມ​ຍິນດີ​ທີ່​ໄດ້​ເຂົ້າ​ຮ່ວມ​ເປັນ​ນິມິດ​ໝາຍ ແລະ ເປັນ​ສັກຂີ​ພິຍານ ໃຫ້ແກ່​ຄວາມ​ຄືບ​ໜ້າສູ່​ການ​ເພີ່ມການຜະລິດ​ຄຳ ແລະ ຄວາມມຸ່ງໝັ້ນ ​ໄລຍະ​ຍາວ​ຂອງ​ບໍລິສັດ ລຊມລ ໂດຍ​ສະເພາະ​ແມ່ນ​ຕໍ່​ກັບ​ຄວາມ​ປອດ​ໄພ, ການຢຶດຖື​ ມາດຕະຖານ​ສາກົນ​ໃນການ​ຂຸດ​ຄົ້ນ​ບໍ່​ແຮ່ ແລະ ການ​ພັດທະນາ​ເສດ​ຖະ​ກິດ​ໃນ ສປປ ລາວ ຂ້າພະເຈົ້າ​ຫວັງ​ວ່າບໍລິ ສັດ ລຊມລ ຈະ​ສືບຕໍ່​ເປັນ​ບໍລິ ສັດ​ແນວ​ໜ້າ ພ້ອມ​ທັງ​ເປັນ​ບໍລິສັດ​ບໍ່​ແຮ່ ທີ່​ເປັນ​ແບບຢ່າງ​ທີ່​ດີເລີດ ແລະ ແບ່ງປັນ​ປະສົບ​ການ ແລະ ມາດຕະຖານ​ສາກົນ ໃຫ້​ແກ່​ຜູ້​ພັດທະນາ​ບໍ່​ແຮ່​ພາຍ​ໃນ​ອື່ນໆ ຢູ່​ໃນ ສປປ ລາວ.”

ການ​ກັບ​ຄືນ​ມາ​ຜະລິດ​ຄຳ ຈະ​ຍືດ​ອາຍຸ​ການ​ຂຸດ​ຄົ້ນ​ບໍ່​ແຮ່​ຂອງ​ໂຄງການ​ຄຳ​-​ທອງ​ເຊ​ໂປນ ໄປ​ອີກ​ຢ່າງ​ຕ່ຳ 10 ປີ ແລະ ຈະ​ສືບຕໍ່ ສ້າງ​ວຽກ​ເຮັດ​ງານ​ທຳ, ສ້າງ​ລາຍ​ໄດ້ ກໍ​ຄື ປັບປຸງ​ຊີວິດ​ການ​ເປັນ​ຢູ່​ຂອງ​ຊຸມ​ຊົນ​ເຈົ້າ​ພາບ. ບໍລິສັດ ລຊມລ ຈະ​ສືບຕໍ່​ປະກອບສ່ວນ​ໃສ່​ການ​ພັດທະນາ​ເສດ​ຖະ​ກິດ​-​ສັງຄົມ ຂອງ ສປປ ລາວ ໂດຍ​ຄາດ​ວ່າ ຈະ​ຜະລິດ​ແທ່ງ​ຄຳ ໄດ້​ປະມານ 250.000 ອອນ ຕໍ່​ປີ ພ້ອມ​ທັງ​ລົງທຶນ​ຫຼາຍ​ຂຶ້ນ​ໃສ່ວຽກ​ງານ​ສຳຫຼວດ ແລະ ໂຄງການ​ຂະຫຍາຍ​ອື່ນໆ.

ທ່ານ ພໍ ແຮ​ຣິສ ຜູ້​ຈັດການ​ໃຫຍ່ ລຊມລ ໄດ້​ກ່າວ​ວ່າ: “ພວກ​ເຮົາ​ມີ​ຄວາມ​ຮູ້​ບຸນຄຸນ​ສູງ​ຕໍ່​ລັດຖະບານ​ລາວ ໂດຍ​ສະເພາະກະຊວງ​ພະລັງງານ ແລະ ບໍ່​ແຮ່ ທີ່​ໄດ້​ໃຫ້ການສະ ໜັບສະໜູນ​ໂຄງການ​ຄຳ​-​ທອງ​ເຊ​ໂປນ ສະເໝີ​ມາ ຊຶ່ງ​ໄດ້ຊ່ວຍ​ໃຫ້​ບໍລິສັດບັນລຸ​ຂີດ​ໝາຍ​ສຳຄັນ​ຫຼາຍ​ປະການ ໃນ​ການ​ກັບ​ຄືນ​ມາ​ຜະລິດ​ຄຳ ໄວ​ກວ່າ​ແຜນທີ່​ວາງ​ໄວ້.”

ຕັ້ງແຕ່​ເລີ່ມ​ດຳເນີນ​ການ​ຂຸດ​ຄົ້ນ​-​ຜະລິດ​ຄຳ​-​ທອງ​ໃນ​ປີ 2002, ໂຄງການ​ຄຳ​-​ທອງ​ເຊ​ໂປນ ໄດ້​ຜະລິດ​ແທ່ງ​ຄຳ​ຫຼາຍ​ກວ່າ 1,2 ລ້ານ ອອນ ແລະ ຜະລິດ​ແຜ່ນ​ທອງ​ຫຼາຍ​ກວ່າ 1 ລ້ານ​ໂຕນ; ໄດ້​ສ້າງ​ຜົນ​ປະໂຫຍດ​ໂດຍ​ກົງ​ຫຼາຍ​ກວ່າ 1,5 ຕື້ ໂດ​ລາ ໃຫ້​ແກ່ ສປປ ລາວ ໂດຍ​ຜ່ານ​ການ​ຈ່າຍ​ພາ​ສີ​-​ອາກອນ, ພາສີ​ຊັບພະຍາກອນ​ແຮ່​ທາດ ແລະ ເງິນ​ປັນ​ຜົນ.

ນອກຈາກ​ນັ້ນ ໂຄງການ​ຄຳ​-​ທອງ​ເຊ​ໂປ​ນ​ຍັງ​ໄດ້​ສ້າງ​ຜົນ​ປະໂຫຍດ​ທາງ​ອ້ອມ ດ້ວຍ​ການ​ສ້າງ​ວຽກ​ເຮັດ​ງານ​ທຳ, ການ​ພັດທະນາ​ຊັບພະຍາກອນ​ມະນຸດ ຜ່ານ​ການ​ຝຶກ​ອົບຮົມ​ຕ່າງໆ, ການ​ພັດທະນາ​ຊຸມ​ຊົນ ແລະ ລາຍ​ໄດ້​ໃຫ້​ແກ່​ຜູ້​ຮັບ​ເໝົາ​ທ້ອງຖິ່ນ ອັນ​ໄດ້​ສ້າງ​ຜົນ​ປະໂຫຍດ​ທາງ​ບວກ​ຢ່າງ​ມະຫາສານ​ໃຫ້​ແກ່​ການ​ພັດທະນາ​ເສດ​ຖະ​ກິດ​-​ສັງ​ຄົມ.

ໃນ​ປີ 2003 ກໍ​ຄືໄລຍະ​ທີ່​ໄດ້​ມີ​ການ​ນຳ​ໃຊ້​ກຳລັງ ແຮງ​ງານ​ສູງ​ສຸດ, ໂຄງການ​ຄຳ​-​ທອງ​ເຊ​ໂປນ ໄດ້​ສ້າງ​ວຽກ​ເຮັດ​ງານ​ທຳ​ໄດ້​ຫຼາຍ​ກວ່າ 5.000 ຄົນ ແລະ ໄດ້​ລົງທຶນ​ຫຼາຍ​ຮ້ອຍ​ລ້ານ​ໂດ​ລາ​ເຂົ້າ​ໃສ່​ການ​ພັດທະນາ ແລະ ການ​ຝຶກ​ອົບຮົມ​ພະນັກ​ງານ. ໃນ​ຊຸມ​ຊົນ​ເມືອງ ວິລະ​ບູ​ລີ ໄດ້​ມີ​ປະຊາຊົນ​ກວ່າ 14.000 ຄົນ ໄດ້​ຮັບ​ຜົນ​ປະໂຫຍດ​ຈາກ ໂຄງການ​ພັດທະນາ​ຊຸມ​ຊົນ ຂອງ​ໂຄງ ການ​ຄຳ​ -​ ທອງ​ເຊ​ໂປນ ລວມ​ມູນ​ຄ່າ 13 ລ້ານ​ໂດ​ລາ ແລະ ລາຍ​ໄດ້​ຂອງ​ກຸ່ມ​ທຸລະ​ກິດ​ທ້ອງຖິ່ນ​ກໍ​ໄດ້​ທະວີຄູນ ຂຶ້ນ​ເປັນ 32 ລ້ານ​ໂດ​ລາ.

ບໍລິສັດ ລຊມລ ໄດ້​ໂຈະ​ການ​ຜະລິດ​ຄຳ​ໃນ​ເດືອນ ທັນວາ 2013 ຍ້ອນ​ສິນ​ແຮ່​ຄຳ​ມີ​ຄຸນ​ນະ​ພາບຫຼຸດລົງ ແລະ ລາຄາ​ຂາຍ​ຄຳ​ຕົກຕ່ຳ​ລົງ. ການ​ກັບ​ຄືນ​ມາ​ຜະລິດ​ຄຳ ຈະ​ຮັບປະກັນ​ໃຫ້​ຜົນ​ປະໂຫຍດ​ເຫຼົ່າ​ນີ້ ສືບຕໍ່​ເສີມ ຂະຫຍາຍ​ຂຶ້ນ​ໄປ ແລະ ທັງ​ຈະ​ວາງ​ພື້ນຖານ​ດ້ານ​ເສດ​ຖະ​ກິດ-​ສັງຄົມ ທີ່​ເຂັ້ມແຂງ​ໃນ​ໄລຍະ ດຳເນີນ​ໂຄງການ ແລະ ພາຍຫຼັງ​ສິ້ນ​ສຸດ​ອາຍຸ​ການ​ຂຸດ​ຄົ້ນ​ບໍ່​ແຮ່.

Continue Reading

ຂ່າວພາຍໃນ

ແຈ້ງດ່ວນ! ກຽມປ່ອຍນ້ຳເຂື່ອນໄຟຟ້າເຊລະນອງ​ 1 ເລີ່ມ​ 28​ ກັນຍານີ້

Published

on

ວັນທີ 28/09/2022 ທາງເຂື່ອນ ໄຟຟ້າເຊລະນອງ1 ມີແຜນຈະເປີດປະຕູນໍ້ານອງ ເພື່ອລະບາຍນໍ້າ ອອກຈາກອ່າງເກັບນໍ້າຂອງເຂື່ອນ.​

ເນື່ອງຈາກປັດຈຸບັນລະດັບນໍ້າຂອງເຂື່ອນ ແມ່ນຢູ່ໃນລະດັບໃກ້ກັບລະດັບສູງສຸດ ໂດຍຈະປ່ອຍນໍ້າອອກຕາມປະລິມານນໍ້າໄຫຼເຂົ້າອ່າງ ເລີ່ມແຕ່ວັນທີ 28/09-15/10/2022 ເຂື່ອນໄຟຟ້າເຊລະນອງ1 ປ່ອຍ 500 m3/s ຫາ 8500 m3/s ລວມທັງຜ່ານກົງຫັນຜະລິດໄຟຟ້າ, ພ້ອມນີ້ໃນໄລຍະດັ່ງກ່າວກໍມີພາຍຸພັດຜ່ານອີກດ້ວຍ.

ຊື່ງຈະເຮັດລະດັບນໍ້າຢູ່ຕອນລຸ່ມຂອງ ເຂື່ອນສູງຂຶ້ນຢ່າງກະທັນຫັນການປ່ອຍແມ່ນຈະປ່ອຍເລີ່ມຈາກ 159.77 m3/s ຈະປ່ຽນແປງຕາມສະພາບຕົວຈິງ.

ດັ່ງນັ້ນ, ເພື່ອເປັນການຮັບມືຈາກຜົນກະທົບທີ່ອາດຈະເກີດຂຶ້ນໃນເຂດພື້ນທີ່ຕອນລຸ່ມເຂື່ອນ ແລະ ຕາມສາຍນ້ຳເຊລະນອງ1 ເຊບັ້ງຫຽງ ທາງກົມນະໂຍບາຍ ແລະ ແຜນພະລັງງານ, ກະຊວງພະລັງງານ ແລະ ບໍ່ແຮ່ ຈຶ່ງຂໍແຈ້ງມາຍັງທ່ານຊາບ ເພື່ອກະກຽມຮັບມື.

Continue Reading

ຂ່າວພາຍໃນ

ແຂວງອັດຕະປື ເລີ່ມໄດ້ຮັບຜົນກະທົບຈາກພາຍຸໂນຣູ

Published

on

ເຂດຈະເລີນໄຊ ເມືອງຊານໄຊ ແຂວງອັດຕະປື ໄດ້ຮັບຜົນກະທົບຈາກພາຍຸ ໂນຣຸ ວັນທີ 28 ກັນຍາ 2022

……

….

Continue Reading

ຂ່າວພາຍໃນ

ຈັບຜູ້ແອບອ້າງແລ່ນຄົນເຂົ້າຕຳຫຼວດ.

Published

on

By

ເຈົ້າໜ້າທີ່ ປກສ ເມືອງຈັນທະບູລີ ນະຄອນຫລວງວຽງຈັນ ສາມາດກັກຕົວຜູ້ແອບອ້າງແລ່ນຄົນເຂົ້າ ທະຫານ-ຕໍາຫຼວດ ໄດ້ຜູ້ຖືກຫາ 3 ຄົນມາດໍາເນີນຄະດີຕາມລະບຽບກົດໝາຍ. ໃນວັນທີ 27 ກັນຍາ 2022 ເຈົ້າຫນ້າທີ່ ປກສ ເມືອງຈັນທະບູລິໃຫ້ຂໍ້ມູນວ່າ:

ມີຜູ້ຖືກເສຍຫາຍເຂົ້າມແຈ້ງຄວາມຕໍ່ເຈົ້າຫນ້າທີ່ ຈາກນັ້ນ ຈິ່ງແຕ່ງຕັ້ງວິຊາສະເພາະ ກໍລົງເກັບກຳຂໍ້ມູນ ຕົກມາຮອດວັນທີ 14 ກໍລະກົດ 2022 ເຂົ້າກັກຕົວພວກຖືກຫາ 3 ຄົນ ຊື່ ທ້າວ ແຕ ອາຍຸ 46 ປີ ບ້ານໂພນສະຫວ່າງ ເມືອງສີສັດຕະນາກ, ທ້າວ ຈິດສະຫວາດ ອາຍຸ 36 ປີ ຢູ່ບ້ານໄຜ່ລ້ອມ ເມືອງໄຊທານີ ແລະ ທ້າວ ສອນນະພາ ອາຍຸ 36 ປີ ຈອມມະນີ ເມືອງໄຊເສດຖາ ນະຄອນຫຼວງວຽງຈັນ ທີ່ເປັນຜູ້ປອມແປງເອກະສານຂໍ້ຕົກລົງແລ່ນຄົນເຂົ້າທະຫານ ແລະ ຕໍາຫຼວດ.

ຜ່ານການສອບສວນຂອງເຈົ້າໜ້າທີ່ ພວກຖືກຫາ

ສາລະພາບວ່າ: ໃນວັນທີ 26 ມິຖຸນາ 2022 ແມ່ນເຄື່ອນ
ໄຫວຊອກຫາຄົນທີ່ຢາກເຂົ້າເຮັດວຽກເປັນກຳລັງທະຫານ, ຕຳຫຼວດໂດຍອ້າງວ່າສາມາດແລ່ນໃຫ້ໄດ້ແຕ່ຕ້ອງມີ
ຄ່າແລ່ນເອກະສານ ຄົນລະ 280.000 ບາດ ຈາກນັ້ນ ທ້າວ ແຕ

ແມ່ນໄດ້ຕິດຕໍ່ຄົນມາໄດ້ 2 ຄົນ ແລະ ຮຽກຮ້ອງໃຫ້ຈ່າຍລ່ວງໜ້າກ່ອນ ຈໍານວນ 15.000.000 ກີບ ຕໍ່ຄົນ ແລະ ກໍໄດ້ໂອນເງິນໃຫ້ ທ້າວ ຈິດສະຫວາດ ທັງໝົດ ຈໍານວນ 30.000.000 ກີບ.

ຕົກມາຮອດວັນທີ 12 ກໍລະກົດ 2022 ທ້າວ ຈິດສະຫວາດ ໄດ້ແຈ້ງມາວ່າ: ຂໍ້ຕົກລົງຮັບເຂົ້າກຳລັງອອກແລ້ວ ຈາກນັ້ນກໍໄດ້ສົ່ງຂໍ້ຕົກລົງເຂົ້າກໍາລັງໃຫ້ ທ້າວ ແຕ ທາງວອດແອັບ ທັງສອງແມ່ນຮູ້ແລ້ວວ່າເປັນເອກະສານປອມ ທີ່ທ້າວ ສອນນະພາ ສ້າງຂຶ້ນມາໂດຍພິມລາຍຊື່ປອມແບບບໍ່ມີຕົວຕົນໃສ່ຂໍ້ຕົກລົງ ມີທັງໝົດ 137 ຄົນ, ໃນນັ້ນແມ່ນມີລາຍຊື່ແທ້ຂອງຜູ້ຖືກເສຍຫາຍ 2 ຄົນທີ່ຈ່າຍເງິນມັດຈຳລ່ວງ

ໜ້າ, ເພື່ອນຳໄປຮຽກຮ້ອງເອົາເງິນສ່ວນທີ່ເຫຼືອນຳຜູ້ຖືກເສຍຫາຍ.

Continue Reading
ເດືອນກັນຍາ 2022
ເສົາ ​ອາ ​ຈ ​ພ​ຫ ​ສ
 12
3456789
10111213141516
17181920212223
24252627282930

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້