ໃນວັນທີ 25 ກັນຍາ 2020, ຢູ່ທີ່ຫໍປະຊຸມແຫ່ງຊາດ ຫລັກ 6 ນະຄອນຫລວງວຽງຈັນ ໄດ້ມີິກອງປະຊຸມໃຫຍ່ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ) ຄັ້ງທີ VIII ຂື້ນຢ່າງເປັນທາງການ ໂດຍການເປັນປະທານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ມີລັດຖະມົນຕີ, ຮອງລັດຖະມົນຕີ, ຫົວໜ້າກົມ, ສະພາການຄ້າ ແລະ ອຸດສະຫະກໍາແຂວງ, ສະມາຄົມນັກທຸລະກິດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ 400 ກວ່າພາກສ່ວນ.
ໃນກອງປະຊຸມ ທ່ານ ອຸເດດ ສຸວັນນະວົງ ໄດ້ລາຍງານການເຄື່ອນໄຫວຂອງວຽກງານ ສຄອຊ ໄລຍະ 3 ປີຜ່ານມາ ແລະ ນຳສະເໜີແຜນຍຸດທະສາດການພັດທະນາທາງທຸລະກິດລາວ 2021-2025 ນັບແຕ່ປີ 2017 ເປັນຕົ້ນມາ ຄະນະບໍລິຫານງານ ສອຄຊ ໄດ້ສຸມໃສ່ສ້າງແຜນຍຸດທະສາດພັດທະນາພາກທຸລະກິດໃນປະເທດລາວ ເປັນຕົ້ນແມ່ນ ການວາງແຜນຈັດຕັ້ງປະຕິບັດວຽກງານຂອງ ສຄອຊ ເປົ້າໝາຍໄລຍະຍາວ ເຊັ່ນ “ເສີມສ້າງຄວາມເຂັ້ມແຂງຂອງທຸລະກິດໃນລາວ ເພືື່ອພັດທະນາເສດຖະກິດແຫ່ງຊາດ ຕາມທິດພັດທະນາສີຂຽວ ແລະ ຍືນຍົງ” ຍຸດທະສາດການພັດທະນາໄດ້ມີ 4 ເສົາຄໍ້າ ເສີມສ້າງສິ່ງແວດລ້ອມທຸລະກິດໃຫ້ດີຂຶ້ນ
ພັດທະນາສົ່ງເສີມທຸລະກິດຂະໜາດນ້ອຍ ຂະໜາດກາງ (SME) ພັດທະນາສົ່ງເສີມຜະລິດຕະພັນລາວ (Made in Laos) ແລະ ສ້າງຂໍໍ້ມູນທຸລະກິດ ພ້ອມກັນນັ້ນຍັງມີ 6 ເປົ້າໝາຍ ເສີມສ້າງການດຳເນີນທຸລະກິດໃຫ້ດີຂຶ້ນ ໂດຍນຳໃຊ້ເວທີກອງປະຊຸມທຸລະກິດລາວ ແລະ ເວທີປຶກສາຫາລືພາກລັດ ພາກທຸລະກິດອື່ືນໆ ເສີມສ້າງຄວາມເຂັ້ມແຂງຂອງທຸລະກິດລາວ ໂດຍສະເພາະຂອງທຸລະກິດ SME
ໂດຍພັດທະນາສູນບໍລິການ SME ພ້ອມທັງຂະຫຍາຍຖານການຜະລິດທຸລະກິດທີ່ຖືກຕ້ອງຕາມລະບຽບກົດໝາຍໃຫ້ຫລາຍຂຶ້ນກວ່າເກົ່າ ພັດທະນາສົ່ງເສີມຜະລິດຕະພັນລາວ ຍີ່ຫໍໍ້ລາວ ເພືື່ອການສົ່ງອອກ ແລະ ຕະຫລາດພາຍໃນ ສ້າງຖານຂໍໍ້ມູນຂອງພາກທຸລະກິດ ເຊືື່ອມໂຍງທຸລະກິດລາວເຂົ້າສູ່ເສດຖະກິດພາກພື້ນປະຊາຄົມອາຊຽນ ກໍ່ຄືໃນໂລກ ແລະ ປັບປຸງລະບົບການຈັດຕັ້ງສົ່ງເສີມການບໍລິການຂອງ ສຄອຊ ສຄອ ແຂວງ ແລະ ສະມາຄົມທຸລະກິດ ແລະ ອື່ນໆ.
ນອກຈາກນີ້ ໃນກອງປະຊຸມໄດ້ປະດັບຫລຽນໄຊແຮງງານ ຫລຽນກາ ແລະ ມອບໃບຍ້ອງຍໍ ໃຫ້ແກ່ຜູ້ທີ່ມີຜົນງານດີເດັ່ນໃນການຈັດຕັ້ງປະຕິບັດວຽກງານໄລຍະ 3 ປີຜ່ານມາ ໃນນັ້ນ ລັດວິສາຫະກິດໄຟຟ້າລາວ ກໍ່ແມ່ນຫົວໜ່ວຍທຸລະກິດໜຶ່ງທີ່ໄດ້ຮັບລາງວັນດັ່ງກ່າວ ໂດຍການຂື້ນຮັບຂອງ ທ່ານ ຟອງປະສິດ ເພັດສີສຸກ ຮອງຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ.
ພາບ-ຂ່າວ: ລັດວິສາຫະກິດໄຟຟ້າລາວ
