ແຫຼ່ງຂ່າວຕ່າງປະເທດ ວັນທີ 24 ກັນຍານີ້ ໃຫ້ຮູ້ວ່າ: ເຮືອບິນລຳໜຶ່ງຖືກລັກຢູ່ໃນ ແມັກຊິໂກ ເພື່ອເອົາໄປຂົນຢາບ້າ ແຕ່ຖືກຕົກລົງໃນປ່າຕຶບແຫ່ງໜຶ່ງຢູ່ທີ Guatemala ໃກ້ກັບລານຈອດປິດລັບຢູ່ໃນປ່າແຫ່ງໜຶ່ງ ໃນວັນທີ 23 ກັນຍາທີ່ຜ່ານມາ.
ຢູ່ທີ່ສະຖານທີ່ເກີດເຫດເຈົ້າໜ້າທີ່ໄດ້ພົບເຫັນ 2 ສົບ ແຕ່ບໍ່ຮູ້ຊື່ສຽງຮຽງນາມ, ພົບເຫັນ ໂຄເຄ 3 ກິໂລກລາມ ແລະ ປືນຈຳນວນໜຶ່ງ.
ເຮືອບິນລຳດັ່ງກ່າວບິນຂຶ້ນໃນຕອນທ່ຽງຂອງມື້ວັນອັງຄານທີ່ຜ່ານມາຈາກສະໜາມບິນ Cuernavaca ຫ່າງຈາກນະຄອນຫຼວງຂອງ ແມັກຊິໂກ ໄປທາງທິດໃຕ້ປະມານ 72 ກິໂລແມດ ຊຶ່ງບໍ່ໄດ້ຮັບການອະນຸຍາດ ແລະ ກໍບໍ່ໄດ້ມີແຜນການບິນ. ເຈົ້າໜ້າທີ່ແມັກຊິໂກ ໄດ້ຮັບລາຍງານວ່າມີເຮືອບິນລຳດັ່ງກ່າວຖືກລັກໄປ.
ທ່ານ Pablo Ojeda ເຈົ້າໜ້າທີ່ທ້ອງຖິ່ນຄົນໜຶ່ງໃຫ້ຮູ້ວ່າ: “ມີຜູ້ຊາຍ 2 ຄົນເຂົ້າໄປໃນສະໜາມບິນ Cuernavaca, ໃນນັ້ນ 2 ຄົນບອກວ່າພວກເຂົາເປັນ ແມັກຂະນິກ ຈະນຳເອົາເຮືອບິນຂຶ້ນໄປບິນທົດລອງ. ພາຍຫຼັງເຕີມນໍ້າມັນເປັນທີ່ຮຽບຮ້ອຍແລ້ວ ພວກເຂົາ 2 ຄົນກໍບີນຂຶ້ນໄປ ໂດຍບໍ່ໄດ້ຮັບອະນຸຍາດ”.
ຫຼັງຈາກນັ້ນ, ເຮືອບິນລຳດັ່ງກ່າວໄດ້ລົງຈອດຢູ່ທີ່ສະໜາມບິນ Zulia (ທາງທິດເໜືອຂອງ ເວເນຊູເອລາ ໃກ້ກັບຊາຍແດນ Colombia. ຫຼັງຈາກນັ້ນກໍບິນໄປ Guatemala ບ່ອນທີ່ເຮືອບິນຕົກລົງ.
ກະຊວງຄົມມະນາຄົມຂອງແມັກຊິໂກ ຢືນຢັນວ່າ ເຮືອບິນລຳດັ່ງກ່າວຖືກລັກເອົາຈາກສະໜາມບິນ Cuernavaca ແລະ ຕົກລົງໃນ Guatemala.
ຂໍຂອບໃຈຂ່າວຈາກ: ລາວພັດທະນາ
