ເດັກໜຸ່ມອາຍຸ 15ປີ ກັບສາວນ້ອຍອາຍຸ 12ປີ ຖືກບັງຄັບໃຫ້ແຕ່ງດອງກັນ ຍ້ອນໄປຫຼິ້ນແລ້ວກັບເຮືອນຊ້າ
ໃນຊ່ວງຊີວິດໄວລຸ່ນ ຫຼາຍຄົນອາດຈະເຄີຍມີປະສົບການທີ່ອອກໄປຫຼິ້ນກັບແຟນ ຈາກນັ້ນກໍ່ພາແຟນໄປສົ່ງເຮືອນ ແຕ່ບາງເທື່ອກໍ່ອາດຈະກັບຮອດຊ້າແດ່ໜ້ອຍໜຶ່ງຈົນສ້າງຄວາມເປັນຫ່ວງໃຫ້ກັບຜູ້ປົກຄອງຂອງທັງສອງຝ່າຍ.
ຄູ່ຮັກໄວລຸ່ນຄູ່ໜຶ່ງຝ່າຍຊາຍອາຍຸ 15ປີ ຝ່າຍຍິງອາຍຸ12ປີ ເຫດການນີ້ເກີດຂຶ້ນວັນທີ 12 ກັນຍາທີ່ຜ່ານມາໃນປະເທດອິນໂດເນເຊຍ ຝ່າຍຊາຍໄດ້ພາຝ່າຍຍິງໄປຫຼິ້ນ ໂດຍອອກຈາກເຮືອນໄປເວລາປະມານຕອນທ່ຽງ ຫຼັງຈາກນັ້ນທັງສອງກໍ່ໄດ້ກັບມາຮອດເຮືອນຕອນເວລາປະມານ 18ໂມງ30(ຕາມເວລາທ້ອງຖິ່ນ) ແລະ ນັ້ນກໍ່ເຮັດໃຫ້ພໍ່ແມ່ຂອງຝ່າຍຍິງເບິ່ງວ່າ ”ພວກເຂົາກັບມາເຮືອນຊ້າຫຼາຍ”ຈົນເກີດຄວາມເປັນຫ່ວງແລະບໍ່ສະບາຍໃຈ.
ພໍ່ແມ່ຝ່າຍຍິງຮັບບໍ່ໄດ້ອອກປາກບັງຄັບໃຫ້ຝ່າຍຊາຍຕ້ອງແຕ່ງດອງກັບລູກສາວຂອງພວກເຂົາ ພໍ່ແມ່ຝ່າຍຍິງໜັກແໜ້ນກັບການຕັດສິນໃຈທີຈະໃຫ້ພວກເຂົາແຕ່ງງານກັນພຽງເພາະວ່າພວກເຂົາກັບມາຮອດເຮືອນຊ້າ.
ທາງດ້ານຜູ້ບ່າວນ້ອຍອາຍຸ 15ປີ ລາວກໍ່ບອກວ່າເດັກຍິງອາຍຸ 12ປີນັ້ນເປັນ ຮັກຄັ້ງທຳອິດຂອງລາວແລະຍິນດີທີ່ຈະແຕ່ງດອງກັບນາງ ເຖິງແມ່ນວ່າໃນສາຍຕາຂອງຜູ້ໃຫ່ຍໃນບ້ານຫຼາຍໆຄົນອາດຈະບໍ່ເຫັນດີນຳ ແຕ່ສຸດທ້າຍການແຕ່ງງານກໍ່ເກີດຂຶ້ນ. ຜູ້ໃຫ່ຍອີກຫຼາຍຄົນຕ່າງກໍ່ພາກັນເບິ່ງວ່າການແຕ່ງງານດ້ວຍອາຍຸສ່ຳນີ້ ມັນອາດຈະເຮັດໃຫ້ພວກເຂົາທັງສອງຜິດພາດທີ່ຈະຮຽນຮູ້ສິ່ງໃໝ່ໆຫຼາຍຢ່າງໃນຊີວິດ.
