ນັກການເມືອງອິນເດຍອ້າງວ່າ ອາບນ້ຳຂີ້ຕົມຊ່ວຍປ້ອງກັນໂຄວິດ19ໄດ້ ແຕ່ຫຼັງຈາກກວດຮ່າງກາຍໂຕເອງປາກົດວ່າ…

ນັກການເມືອງອິນເດຍອ້າງວ່າ ການອາບນ້ຳຂີ້ຕົມຊ່ວຍປ້ອງກັນໂຄວິດ19ໄດ້ ແຕ່ຫຼັງຈາກກວດຮ່າງກາຍໂຕເອງປາກົດວ່າ…..!

ທຸກຄົນຍັງຄົງສັນຫາວິທີການປ້ອງກັນໂຄວິດ-19 ກັນຢ່າງຕໍ່ເນື່ອງທົ່ວໂລກ ບໍ່ວ່າຈະຄົ້ນຄວ້າຜະລິດວັກຊີນເພື່ອສີດປ້ອງກັນ ເພື່ອຫວັງຈະສ້າງພູມຄຸ້ມກັນຂຶ້ນມາເອງໄດ້ເຊັ່ນດຽວກັນ ແຕ່ສ່ວນຫຼາຍກໍ່ບໍ່ຄ່ອຍໄດ້ຜົນ.

ຕົວຢ່າງລ່າສຸດ ຈາກນັກການເມືອງຊາວອິນເດຍ Sukhbir Singh Jaunapuria ໄດ້ໂພສວີດີໂອຄລິບທີ່ໂຕເອງເອົາລົງໄປນັ່ງໃນບວກຂີ້ຕົມ ພ້ອມກັບໃຊ້ຫອຍສັງໃນການອາບຂີ້ຕົມໂດຍອ້າງວ່າເພື່ອພິສູດວ່າມັນຊ່ວຍສ້າງພູມຄຸ້ມກັນປ້ອງກັນໂຄວິດ-19ໄດ້.

ຄລິບນີ້ຖືກເຜີຍແຜ່ໃນຊ່ວງເດືອນສິງຫາ ເປີດເຜີຍໃຫ້ເຫັນວ່າ ລາວນັ່ງຢູ່ກາງບວກຂີ້ຕົມ ເປົ່າຫອຍສັງແບບເພີນໆ ຕາກ້ອງໄດ້ເຂົ້າໄປຖາມວ່າເປັນຫຍັງຈຶ່ງມານັ່ງເຮັດອີຫຍັງແບບນີ້?

ລາວໄດ້ອ້າງວ່າ ການມານັ່ງເປົ່າຫອຍສັງກັບອາບຂີ້ຕົມຈະຊ່ວຍເພີ່ມປະສິດທິພາບປອດໃຫ້ແຂງແຮງ ແລະ ການໄດ້ຢູ່ໃກ້ຊິດກັບທຳມະຊາດແບບທີ່ສຸດຂອງທີ່ສຸດແບບນີ້ຈະຊ່ວຍປົກປ້ອງລາວຈາກການຕິດເຊື້ອໂຄວິດ-19ໄດ້.

ຢ່າງໃດກໍ່ຕາມຈາກການລາຍງານຂອງເວັບໄຊຕ໌ Mumbai Mirror ລະບຸວ່າລາວໄດ້ຮັບການກວດຫາເຊື້ອໂຄວິດ-19 ໃນວັນທີ່ 14ກັນຍາທີ່ຜ່ານມາແລະຜົນກໍ່ອອກມາລາວຕິດເຊື້ອໂຄວິດ-19. ທັງນີ້ກໍ່ຍັງບໍ່ຮູ້ວ່າການນັ່ງແຊ່ອາບຂີ້ຕົມກັບເປົ່າຫອຍສັງຊ່ວຍສ້າງພູມຄຸ້ມກັນໃຫ້ກັບຮ່າງກາຍຄືລາວເວົ້າໄດ້ແທ້ຫຼືບໍ່? ຫຼືອາດຈະເປັນເພາະລາວຍັງແຊ່ອາບຂີ້ຕົມຍັງບໍ່ດົນພໍ!!

ທີ່ມາ: mumbaimirror, gulfnews, dailymail

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້