ເກີດອຸບັດຕິເຫດ ວີໂກ້ປີ້ນກາງເດິກທາງໄປເມືອງປາກແຊງ ບາດເຈັບ 1 ຄົນ
ໃນວັນທີ່ 21.09.2020 ເວລາ 23:52 ນາທີ ໄດ້ຮັບແຈ້ງຈາກປະຊາຊົນຜ່ານເບີ 071 1625 ວ່າມີ ອຸບັດຕິເຫດລົດກະບະ VIGO ປີ້ນ ຢູ່ບ້ານ ວຽງສະຫວັນ ເສັ້ນທາງໄປເມືອງປາກແຊງ ນະຄອນຫລວງພະບາງ
ເມື່ອຫນ່ວຍກູ້ຊີບອົງການກາແດງລາວ ອອກກວດສອບເຫດພົບຄົນເຈັບເພດຊາຍ 01ຄົນ ອາການບາດເຈັບເບື້ອງຕົ້ນແມ່ນ: ເຈັບບາໄຫລ່ເບື້ອງຊ້າຍ ແລະ ເຈັບຫນ້າເອີກ.
ດັ່ງນັ້ນຫນ່ວຍກູ້ຊີບອົງການກາແດງລາວແດງລາວຫຼວງພະບາງຈຶ່ງ ໄດ້ປະຖົມພະຍາບານເບື້ອງຕົ້ນແລ້ວນຳສົ່ງໂຮງໝໍ 107.
ສ່ວນລົດແມ່ນປີ້ນຫງ່ຽງຂ້າງ ແລະ ເປເພສົມຄວນ.
ສາເຫດຂອງການປີ້ນເຈົ້າໜ້າທີ່ຈະສອບສວນຜູ່ຂັບຂີ່ຕື່ມພາຍຫຼັງປິ່ນປົວ.