ປະກາດການຈັດຕັ້ງຫຼາຍຕຳແໜ່ງຢູ່ກອງບັນຊາການທະຫານອາກາດ – ສື່ລາວ.ຄອມ
Connect with us

ຂ່າວພາຍໃນ

ປະກາດການຈັດຕັ້ງຫຼາຍຕຳແໜ່ງຢູ່ກອງບັນຊາການທະຫານອາກາດ

Published

on

ໃນວັນທີ 16 ກັນຍາ 2020 , ກອງບັນຊາການທະຫານອາກາດ ຈັດຕັ້ງພິທີປະກາດການຈັດຕັ້ງ ຂັ້ນບັນຊາຫົວໜ້າພະແນກ, ຮອງ ພະແນກ, ຫົວໜ້າກອງພັນ, ຮອງ ຫົວໜ້າກອງພັນ ແລະ ວິຊາການ ຊວ່ຍວຽກ, ໂດຍການເຂົ້າຮ່ວມ ເປັນປະທານຂອງ ສະຫາຍ ພົນ ຈັດຕະວາ ພູຫຼວງ ບົວພະຈັນ ເລ ຂາຄະນະພັກ, ຫົວໜ້າການເມືອງ ກອງບັນຊາການທະຫານອາ ກາດ, ມີຄະນະພັກ-ຄະນະບັນຊາ, ຄະນະຫ້ອງ, ຫົວໜ້າພະແນກ, ຕະຫຼອດຮອດພະນັກງານຫຼັກ ແຫຼ່ງເຂົ້າຮ່ວມ.

ສະຫາຍພັນໂທ ສິງພອນ ແກ້ວຈໍາປາ ຮອງຫົວໜ້າ ຫ້ອງ ການເມືອງກອງບັນຊາການທະຫານອາກາດໄດ້ຂຶ້ນຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການແຕ່ງຕັ້ງຂັ້ນບັນຊາ ຫົວໜ້າພະແນກ, ຮອງພະແນກ, ຫົວໜ້າກອງພັນ, ຮອງຫົວໜ້າກອງພັນ ແລະ ວິຊາການຊ່ວຍ ວຽກອີງຕາມກົດໝາຍນາຍທະ ຫານກອງທັບປະຊາຊົນລາວ ວ່າດ້ວຍການແຕ່ງຕັ້ງ ແລະ ຍົກ ຍ້າຍນາຍທະຫານໃນການປັບ ປຸງບູລະນະກົງຈັກການຈັດຕັ້ງ ນໍາພາ-ບັນຊາໃນກໍາລັງປະກອບ ອາວຸດໃຫ້ເຂັ້ມແຂງໜັກແໜ້ນ ຮອບດ້ານເພື່ອເຮັດສໍາເລັດໜ້າ ທີ່ ປົກປັກຮັກສາ ແລະ ພັດທະນາ ປະເທດຊາດ.

ກົມໃຫຍ່ການ ເມືອງກອງທັບຕົກລົງແຕ່ງ ຕັ້ງ ພັນໂທ ມະມັດໄຊ ລາສີ ເປັນ ຫົວໜ້າພະແນກໄອຍະການທະ ຫານ ຂັ້ນສູງ , ຮ້ອຍເອກ ສົມພູວັນ ສຸວັນດີ ເປັນຮອງ, ແຕ່ງຕັ້ງ ພັນຕີ ໄຊແກ້ວ ທອງເຮືອງໄຊ ເປັນ ຫົວໜ້າພະແນກກົດລັບ, ຮ້ອຍ ເອກ ຄໍາສົນ ສຸຫວັນພອນ ເປັນ ຮອງ, ແຕ່ງຕັ້ງ ພັນຕີ ນາງ ມະ ນີວັນ ເຮືອງພະຈິກ ເປັນຫົວໜ້າ ພະແນກປະກັນສັງຄົມ, ພັນຕີ ບົວທອງ ແສງມະນີ ເປັນຮອງ, ພັນຕີ ນາງ ເພັດສະໝອນ ວິໄລ ທອງ ແລະ ຮ້ອຍໂທ ນາງ ສຸພາ ພອນ ພົມມະລິນ ຊ່ວຍວຽກ,

ແຕ່ງ ຕັ້ງ ພັນໂທ ບຸນປະສິດ ຈັນທະ ລາດ ເປັນຫົວໜ້າພະແນກຊາວ ໜຸ່ມ, ພັນໂທ ຄໍາພັດ ສອນຕາວັນ ເປັນຫົວໜ້າພະແນກຫ້ອງທົດ ລອງ, ພັນຕີ ບົວໄລ ໄຊຍະວົງ ເປັນ ຫົວໜ້າ ພະແນກພົວພັນຮ່ວມມື-ພິ ທີການ, ຮ້ອຍເອກ ອາລຸນສະຫວັດ ພູນສະຫວັດ ເປັນຫົວໜ້າພະແນກ ຄົ້ນຄ້ວາສັງລວມ, ພັນໂທ ຄຳຕາ ຕິ່ງສະຫວັນ ເປັນຮອງຫົວໜ້າພະ ແນກສື່ສານ, ພັນຕີ ວັນນະກອນ ກໍຜາສຸກ ເປັນຮອງຫົວໜ້າພະ ແນກຈັດຕັ້ງພັກ, ພັນຕີ ອາຕຸຊາ ບຸດຕະລາດ ເປັນຮອງຫົວໜ້າ ພະແນກກຳລັງພົນ, ຮ້ອຍເອກ ລຳພັນ ວົງມະນີວັນ ເປັນຮອງ ຫົວໜ້າພະແນກບໍລິຫານ-ສັງ ລວມຫ້ອງອົບຮົມການບິນ, ຮ້ອຍ ຕີ ລຳພັນ ວົງມະນິວັນ ເປັນຮອງ ຫົວໜ້າພະແນກຄຸ້ມຄອງສັນ ຍາຫ້ອງການ , ແຕ່ງຕັ້ງ ພັນຕີ ສອນເພັດ ຈັນທະນະ ເປັນຫົວໜ້າ ພະແນກເຄມີສາດ, ຮ້ອຍເອກ ໂພ ໄຊ ສີພັນທອງ ເປັນຮອງ ແລະ ຂໍ້ຕົກລົງວ່າດ້ວຍແຕ່ງຕັ້ງບັນດາ ຫົວໜ້າ,

ຮອງຫົວໜ້າພະແນກ ແລະ ຮອງຫົວໜ້າກອງພັນທີ່ຂຶ້ນ ກັບກອງພັນໃຫຍ່ 703 ຕົກລົງ ແຕ່ງຕັ້ງ ພັນໂທ ສິນນະກອນ ຄອນ ສະຫວັນ ເປັນຮອງຫົວໜ້າ ພະແນກການເມືອງ, ພັນໂທ ຄໍາ ສີ ພັນທະລາວົງ ເປັນຮອງຫົວ ໜ້າພະແນກການອົບຮົມການ ບິນ-ເຮືອບິນ, ພັນຕີ ລຸນທອງ ຍອດອາລຸນ ເປັນຮອງຫົວໜ້າພະ ແນກບໍລິຫານ-ສັງລວມ, ຮ້ອຍ ເອກຂຸນສີ ແກ້ວມະນີວົງ ເປັນ ຮອງຫົວໜ້າພະແນກອົບຮົມ ການບິນ, ພັນໂທ ແສງແກ້ວ ຄຳ ບານໄຊ ເປັນຫົວໜ້າການທະຫານ ກອງພັນ 303 , ພັນໂທ ແສງຈັນ ວົງສາລີ ເປັນຮອງຫົວໜ້າພະ ແນກການເມືອງກອງພັນ 301, ພັນໂທ ຄຳເຜີຍ ເອກທະນົງສັກ ເປັນຮອງຫົວໜ້າການທະຫານ ກອງພັນ 303, ພັນໂທ ສຸລິເດດ ເພຍຟອງສະໝຸດ ເປັນຮອງຮັບຜິດ ຊອບວຽກງານ ເຕັກນິກ ກອງພັນ 303 ແລະ ຂໍ້ຕົກລົງແຕ່ງຕັ້ງພະ ນັກງານຊ່ວຍວຽກພະແນກຫຼາຍ ຕຳແໜ່ງ.

ໂອກາດນີ້, ສະຫາຍພົນ ຈັດຕະ ວາ ພູຫຼວງ ບົວພະຈັນ ໄດ້ໂອ້ລົມ ຕໍ່ພະນັກງານຫຼັກແຫຼ່ງທີ່ໄດ້ຮັບ ໜ້າທີ່ໃໝ່ຈົ່ງຍົກສູງພາລະບົດ ບາດຂອງຕົນປັບປຸງລະບຽບ ແບບແຜນການນໍາພາ-ວິທີເຮັດ ວຽກໃຫ້ມີຄວາມໜັກແໜ້ນ, ເຂັ້ມ ແຂງ, ປອດໃສຂາວສະອາດ, ບົນພື້ນຖານເປັນເອກກະພາບມີ ຄວາມສາມັກຄີຕາມຫຼັກການ ລວມສູນປະຊາ ທິປະໄຕ, ປຶກສາ ຫາລືນໍາພາວຽກງານເປັນໝູ່ຄະ ນະຢ່າງລະອຽດຄົບຖ້ວນ, ລົງ ເລິກໃກ້ຊິດຕິດແທດກັບວຽກ ງານຕົວຈິງ,

ມີການຕິດຕາມກວດ ກາສະຫຼຸບຖອດຖອນບົດຮຽນ ເປັນປົກກະຕິ, ເຮັດໜ້າທີ່ວຽກ ງານດ້ວຍຄວາມຮັບຜິດຊອບສູງ ຫັນປ່ຽນດ້ວຍຕົນເອງ, ຍົກສູງ ເຊີດຊູນໍ້າໃຈຮັກຊາດ, ປະຕິບັດ ຂໍ້ກຳນົດກົດລະບຽບຂອງກອງ ທັບ, ມີສະຕິເປັນເຈົ້າຕົນເອງ, ເພີ່ມທະວີການສຶກສາອົບຮົມ ການເມືອງແນວຄິດໃຫ້ໜັກ ແໜ້ນ, ເຝິກຝົນຫຼໍ່ຫຼອມຄວາມຮູ້ ຄວາມສາມາດ, ຄຸນສົມບັດ- ສິນ ທໍາປະຕິວັດ, ປັບປຸງແບບແຜນ ດໍາລົງຊີວິດ, ຍົກສູງລັກສະນະນໍາ ໜ້າເປັນແບບຢ່າງທີ່ດີ ແລະ ໜັກ ແໜ້ນໃນໜ້າທີ່ວຽກງານການ ເມືອງກາຍເປັນແກ່ນສານນໍາພາ ຢ່າງແທ້ຈິງ ແລະ ເຮັດສໍາເລັດໜ້າ ທີ່ຕາມການຈັດຕັ້ງຂັ້ນເທິງມອບ ໝາຍ.

Continue Reading

ຂ່າວພາຍໃນ

ລັດຖະມົນຕີ ເວົ້າເດັດຂາດ ຈະເຄັ່ງຄັດ ຄວາມປອດໄພຂຶ້ນເຕື່ມ

Published

on

By

ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີກະຊວງປ້ອງກັນ ຄວາມສະຫງົບ ລົງ ເຄື່ອນໄຫວຊີ້ນໍາວຽກງານປ້ອງກັນຄວາມສະຫງົບ ຢູ່ເຂດເສດຖະກິດ ພິເສດສາມຫຼ່ຽມ-ຄໍາ ພ້ອມເນັ້ນຢໍ້າໃຫ້ພາກສ່ວນ ທີ່ກ່ຽວຂ້ອງ ໃຫ້ຄວາມ ສໍາຄັນກັບວຽກງານຄວາມສະຫງົບໃນຂົງເຂດ ດັ່ງກ່າວຫຼາຍຂຶ້ນ.

ໃນວັນທີ 28 ມັງກອນ 2023, ທ່ານ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບ ຢູ່ເຂດເສດຖະກິດພິເສດ ເມືອງຕົ້ນເຜີ້ງ ແຂວງບໍ່ ແກ້ວ,

ໂດຍການຕ້ອນຮັບຂອງ ທ່ານ ຈ້າວເຫີວຍ ປະທານສະພາຜູ້ ບໍລິຫານເຂດເສດຖະກິດພິເສດ ສາມຫຼ່ຽນຄໍາແຂວງບໍ່ແກ້ວ, ມີບັນດາ ການນໍາພັກແຂວງ, ຫົວຫນ້າ-ຮອງຫົວຫນ້າຫ້ອງວ່າການແຂວງ, ເຈົ້າເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະພັກ, ຄະນະຄຸ້ມຄອງເຂດເສດຖະກິດພິເສດ ເຂົ້າຮ່ວມ.

ໂອກາດດັ່ງກ່າວ ທ່ານ ພົອ ວິໄລ ກໍໄດ້ມີຄໍາເຫັນໂອ້ລົມຊີ້ນໍາຕໍ່ ຄະນະ ຄຸ້ມຄອງເຂດເສດຖະກິດພິເສດ ຈົ່ງພ້ອມກັນພັດທະນາເຂດເສດຖະກິດ ພິເສດໃຫ້ກາຍເປັນຕົວເມືອງທີ່ທັນສະໄຫມ, ມີພື້ນຖານເສດຖະກິດທີ່ເຂັ້ມ ແຂງ, ສັງຄົມມີຄວາມສີວິໄລຍຸຕິທໍາ, ເປັນສູນການຄ້າ-ການລົງທຶນ,ສາມາດກາຍເປັນແຫຼ່ງທ່ອງທ່ຽວລະດັບອາຊຽນ.

ພິເສດແມ່ນໃຫ້ມີຄວາມ ສະຫງົບ, ມີຄວາມປອດໄພ, ແຕ່ສິ່ງສໍາຄັນຕ້ອງຕິດພັນກັບ ຮ່ອງຮ້ອຍ ປະຫວັດສາດ, ຮີດຄອງວັດທະທໍາອັນເກົ່າແກ່ ແລະ ສ້າງໃຫ້ເຂດດັ່ງກ່າວ ກາຍເປັນການຄຸ້ມຄອງບໍລິຫານຕາມກົນໄກ ຕາມຫົວຫນ່ວຍບໍລິຫານໃນ ເງື່ອນໄຂເສດຖະກິດ ມີການເຕີຍໃຫຍ່ຂະຫຍາຍຕົວ, ເຂດພິເສດ ຕ້ອງໄດ້ ຍົກລະດັບການຄຸ້ມຄອງໃຫ້ສູງຂຶ້ນ

ໂດຍມອບໃຫ້ສູນກາງປະສານສົມທົບ ກັບທ້ອງຖິ່ນ ພ້ອມກັນຈັດຕັ້ງປະຕິບັດ, ສ້າງເປັນຫນ່ວຍງານຫນຶ່ງຄຸ້ມຄອງ ບໍລິຫານເຂດພິເສດ ເພື່ອແກ້ໄຂສະພາບທີ່ເກີດຂຶ້ນໃຫ້ທັນເວລາ ເພື່ອໃຫ້ ກາຍເປັນເມືອງທີ່ມີຄວາມສະຫງົບ, ທັນສະໄຫມ, ເປັນບ່ອນພັກຜ່ອນ, ທີ່ມີ ຄວາມເປັນລະບຽບຮຽບຮ້ອຍ, ສະຫງົບປອດໄພ, ກາຍເປັນເຂດພິເສດທີ່ ເປັນເຂດຕົວແບບ ແລະ ຄຸ້ມຄອງໃຫ້ມີປະສິດທິຜົນທີ່ດີຂຶ້ນກວ່າເກົ່າ.

ໂດຍໃນປີ 2022 ທີ່ຜ່ານມາ ສໍາລັບວຽກງານ ປ້ອງກັນຄວາມສະຫງົບ ໃນ ເຂດເສດຖະກິດພິເສດ ສາມຫຼ່ຽມຄໍາ ໄດ້ມີປະກົດການຫຍໍ້ທໍ້ເກີດຂຶ້ນ ທັງຫມົດ 153 ເລື່ອງ, x`ແກ້ໄຂໄດ້ທັງຫມົດ 107 ເລື່ອງ, ສົ່ງໃຫ້ ປກສ ແຂວງ ດໍາເນີນ 27 ເລື່ອງ ແລະ ຄະດີພວມດໍາເນີນແກ້ໄຂມີ 19 ເລື່ອງ.

ທີ່ມາ: ວຽງຈັນທາຍ

Continue Reading

ຂ່າວພາຍໃນ

ຮູ້ແລ້ວ ຍ້ອນສາເຫດນີ້ ຍິ ງ ກັນຕ າ ຍ 2 ຄົນເມືອງປາກງື່ມ

Published

on

By

ຂໍສະແດງຄວາມເສຍໃຈນຳຍາດຜູ້ເສຍຊີວິດ ເຫດ ຍິ ງ ກັ ນທີ່ເມືອງປາກງື່ມ.

ຕາມການລາຍງານຂອງ ໜ່ວຍກູ້ໄພອາສາເພື່ອປະຊາຊົນ ໃຫ້ຮູ້ວ່າ ໃນວັນທີ 1/2/2023 ເວລາ 13:30 ນາທີ ມີຄົ ນ ຍິ ງ ກັ ນເສຍຊີວິດ

ຈຸດເກີດເຫດທີ່ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ.ໃນບໍລິເວນເກີດເຫດ ມີຜູ້ປະສົບເຫດ2ຄົນເພດຊາຍ, ຜູ້ທີ່ 1 ເພດຍິງ ຖື ກ ຍິ ງ ເສຍຊີວິດຄາທີ່ ແລະ ຜູ້ທີ 2 ເພດຊາຍ ເສຍຊີວິດຢູ່ໂຮງໝໍ.

ປັດຈຸບັນເຈົ້າໜ້າທີ່ກຳລັງກວດສອບ ຖ້າມີຂໍ້ມູນເພີ່ມເຕີມຈະລາຍງານໃນພາຍຫຼັງ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້