ພາຍຸໂນອຶລ ພັດຂຶ້ນຝັ່ງຫວຽດນາມ ມີຜູ້ເສຍຊີວິດຢ່າງໜ້ອຍ 1 ຄົນ

ຕາມ​ຂ່າວ​ຈາກ​ ຮ່າ​ໂນ້ຍ,ພາຍຸ​ໂຊນ​ຮ້ອນ​ໂນ​ອຶ​ລ ພັດ​ຂຶ້ນ​ຝັງ ຫວຽດນາມ ​ໃນ​ວັນ​ທີ 18ກັນຍາ​ນີ້ ​ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 1 ຄົນ​ ແລະ ບາດ​ເຈັບ​ອີກ 1 ຄົນ​ ຫລັງ​ຈາກ ພາຍຸ​ພັດ​ຂຶ້ນ​ຝັ່ງ​ດາ​ນັງ ກ່ອນ​ປ່ຽນ​ທິດ​ຂຶ້ນ​ເໜືອ ​ໄປ​ຍັງ ​ແຂວງ​ເຖືອນ​ທຽນ-​ເວ້(Thua Thien-Hue)​ແລ້ວ​ເຂົ້າ ລາວ.

ອິດ​ທິພົນ​ ພາຍຸ​ດັ່ງກ່າວ ​ເຮັດ​ໃຫ້​ຕົ້ນ​ໄມ້​ໃຫຍ່​ ຫລາຍ​ຕົ້ນຫັກລົ້ມລົງ ຕາມ​ຖະໜົນ ​ແລະ ​ເຮືອນ​ປະຊາຊົນ ຫລາຍ​ຮ້ອຍ​ຫລັງ ​ໄດ້​ຮັບ​ຄວາມ​ເສຍ​ຫາຍ.

ກ່ອນ​ໜ້າ​ນີ້ ຫວຽດນາມ ​ໄດ້​ຍົກຍ້າຍ​ ປະຊາຊົນ 500.000 ຄົນ​ ອອກ​ຈາກ​ພື້ນ​ທີ່​ ແຄມ​ຝັ່ງ​ທາງ​ພາກ​ກາງ ທີ່​ພັດ​ຂຶ້ນ​ຝັ່ງ​ ດ້ວຍ​ແຮງ​ລົມ 135 ກິ​ໂລ​ແມັດ​ຕໍ່​ຊົ່ວ​ໂມງ.ຂະນະ​ນີ້ ພວມ​ອ່ອນ​ກຳລັງ​ລົງ​ແລ້ວຮຽບຮຽງ​ຂ່າວ​ໂດຍ ສະ​ໄຫວ

ເນື້ອໃນ: ຂປລ

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້