ຂ່າວດ່ວນ ເດັກນ້ອຍຍິງອາຍຸ 14 ປີ ຈົມນ້ຳເຂດຂົວບ້ານນາໄຫ-ນາໂນ ກູ້ໄພເລັ່ງຄົ້ນຫາ

ລາຍງານຈາກ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623 ໃຫ້ຮູ້ວ່າ: ເມື່ອເວລາປະມານ 20:00 ໂມງ ຂອງມື້ນີ້ (16 ກັນຍາ 2020) ໄດ້ຮັບແຈ້ງເຫດວ່າມີຄົນຈົມນ້ຳເຂດຂົວບ້ານນາໄຫ-ນາໂນ ເມືອງຫາດຊາຍຟອງ ນະຄອນຫຼວງວຽງຈັນ. ຂໍ້ມູນເບື້ອງຕົ້ນໃຫ້ຮູ້ວ່າ ຜູ້ທີ່ຈົມນ້ຳເປັນເພດຍິງ ອາຍຸປະມານ 14 ປີ ເປັນຄົນບ້ານຊຽງດາ ເມືອງໄຊເສດຖາ ນະຄອນຫຼວງວຽງຈັນ.

ປັດຈຸບັນນີ້ທາງເຈົ້າໜ້າທີ່ຍັງບໍ່ພົບໂຕເທື່ອ ແລະ ຢູ່ໃນລະຫວ່າງການຄົ້ນຫາໂຕຢູ່.

ສ່ວນສາເຫດ ຍັງບໍ່ທັນຮູ້ເທື່ອ ແລະ ຫາກມີຫຍັງເພີ່ມເຕີມທາງເຮົາຈະແຈ້ງໃຫ້ຊາບທັງທີ. ແລະ ຂໍເປັນກຳລັງໃຈໃຫ້ທາງກູ້ໄພພົບໂຕຂອງນ້ອງໄວໆນີ້ດ້ວຍເທີນ.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້