ຜົວເມຍກັນ ຫາກຮ່ວມເພດກັນແບບຝ່າຍໜຶ່ງບໍ່ຍິນຍອມກໍຜິດກົດໝາຍ ຖືກປັບໄໝດັ່ງນີ້

ຄູ່ຜົວເມຍຄວນຮູ້ ໂດຍສະເພາະຝ່າຍຊາຍ ການແຕ່ງດອງໝາຍເຖິງການມາຢູ່ຮ່ວມກັນເພື່ອພ້ອມກັນສ້າງສາຄອບຄົວ ເປັນການສະແດງຄວາມເປັນເຈົ້າຂອງໃນແງ່ຂອງສັງຄົມອີກປັດໃຈໜຶ່ງທີ່ມັກເກີດກັບສັງຄົມ ຄູ່ຜົວເມຍບາງຄູ່ອີກຝ່າຍນັ້ນ ບໍ່ມັກມີເພດສໍາພັນ, ແຕ່ອີກຝ່າຍພັດຕ້ອງການຢ່າງແຮງ ເຮັດໃຫ້ອາດເກີດມີການຂື່ນໃຈເກີດຂຶ້ນ.

ດັ່ງນັ້ນ, ມື້ນີ້ທີມງານ ສື່ລາວ.ຄອມ ໄດ້ນຳເອົາກົດວ່າດ້ວຍການບັງຄັບຮ່ວມເພດກັບເມຍ ມາຝາກທ່ານຜູ້ອ່ານໃນກົດໝາຍໄດ້ລະບຸໄວ້ວ່:

ບຸກຄົນໃດຫາກໄດ້ຮ່ວມເພດກັບເມຍຕົນເອງດ້ວຍການໃຊ້ກຳລັງ, ບັງຄັບ, ຂົ່ມຂູ່ ເຊິ່ງຝືນໃຈຜູ້ເປັນເມຍ ຫຼື ໃນເວລາທີ່ເມຍຢູ່ໃນສະພາບບໍ່ພ້ອມທີ່ຈະມີເພດສຳພັນ ແມ່ນຈະຖືກລົງໂທດຕັດອິດສາລະພາບແຕ່ 3 ເດືອນຫາ 1 ປີ ຫຼື ດັດສ້າງບໍ່ຕັດອິດສາລະພາບ ແລະຈະຖືກປັບໃໝແຕ່ 500.000 ກີບຫາ 3.000.000 ກີບ

ໃນກໍລະນີການບັງຄັບຮ່ວມເພດທີ່ພາໃຫ້ມີການບາດເຈັບໜັກ ຈະຖືກລົງໂທດຕັດອິດສາລະພາບ ແລະຖືກປັບໃໝ ແຕ່ 1.000.000-5.000.000 ກີບຮູ້ແບບນີ້ແລ້ວຢ່າພະຍາຍາມຝືນໃຈເມຍເດີບັນດາສຸພາບບຸລຸດ ເພາະວ່າເຮົາເປັນເຈົ້າຂອງຫົວໃຈເຂົາບໍ່ໄດ້ໝາຍເຖິງເປັນເຈົ້າຊີວິດ ທີ່ຈະເຮັດຫຍັງຕາມໃຈຊອບໄດ້.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້