ວິທະຍາຄານປ້ອງກັນຊາດ ໄກສອນ ພົມວິຫານ ເປີດສົກຮຽນໃໝ່ປະຈຳປີ 2020 – 2021

ໃນວັນທີ 10 ກັນຍາ 2020 ນີ້, ວິທະຍາຄານປ້ອງກັນຊາດ ໄກສອນ ພົມວິຫານ ໄດ້ຈັດພິທີ ເປີດສົກ ຮຽນໃໝ່ ປະຈຳປີ 2020- 2021, ໂດຍການເຂົ້າຮ່ວມຂອງ ສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການ ເມືອງສູນກາງພັກ, ລັດຖະມົນຕີ ກະຊວງປ້ອງກັນປະເທດ, ມີຄະ ນະພັກ-ຄະນະບັນຊາ, ພະນັກງານ ຄູ-ອາຈານ ພ້ອມດ້ວຍນັກສຶກ ສາເຂົ້າຮ່ວມ. ສະຫາຍ ພັນເອກ ປອ ສົງກາ ບຸນຄຸນ ຮອງຫົວໜ້າການທະ ຫານ, ຫົວໜ້າກົມອົບຮົມກໍ່ສ້າງ ວິທະຍາຄານປ້ອງກັນຊາດ ໄກ ສອນ ພົມວິຫານ ຂຶ້ນຜ່ານແຜນ ການ, ການຮຽນ-ການສອນ ສົກປີ 2020-2021

ເພື່ອເປັນການຍົກ ສູງລະດັບຄວາມຮູ້, ຄວາມສາ ມາດເຂົ້າໃຈຕໍ່ພື້ນຖານທິດສະດີ, ຫຼັກມູນວິທະຍາສາດຂອງລັດ ທິມ າກ-ເລນິນ, ແນວທາງແຜນ ນະໂຍບາຍຂອງພັກ ແລະ ແນວ ທາງປ້ອງກັນຊາດ-ປ້ອງກັນ ຄວາມສະຫງົບຂອງພັກ ແລະ ໜ້າທີ່ການເມືອງຂອງກອງທັບ ໃນສະພາບການຮອບດ້ານໃນ ເງື່ອນໄຂວິທະຍາສາດ-ເຕັກໂນ ໂລຊີຂະຫຍາຍຕົວແບບກ້້າວ ກະໂດດ ແລະ ເປັນການສືບຕໍ່ປະ ຕິບັດແນວທາງປ້ອງກັນຊາດ-ປ້ອງກັນຄວາມສະຫງົບຮອບ ດ້ານ ທັງເປັນການປັບປຸງວິທີ ນຳພາ-ບັນຊາ, ການເຄື່ອນໄຫວ ດໍາລົງຊີວິດ, ເຝິກຝົນຫຼໍ່ຫຼອມ ຄຸນສົມບັດສິນທໍາປະຕິວັດຕາມ ຄວາມຮຽກຮ້ອງຕ້ອງການໃນ ໄລຍະໃໝ່. ສຳລັບນັກສຶກສາ ໃນສົກປີ 2020-2021 ມີທັງ ໝົດ 634 ສະຫາຍ.

ໃນນັ້ນ, ນັກສຶກສາເກົ່າ 238 ສະຫາຍ, ນັກສຶກສາເຂົ້າໃໝ່ 308 ສຫາຍ, ສົກຮຽນ 2020-2021 ໄດ້ ແບ່ງເປັນຫຼາຍສາຂາ ເຊັ່ນ: ການ ກໍ່ສ້າງປະລິນຍາໂທການທະ ຫານ ລະບົບ 2 ປີ ຊຸດທີ XIII, ກໍ່ສ້າງປະລິນຍາໂທ ການເມືອງ ລະບົບ 2 ປີ ຊຸດທີ XIII, ປະລິນ ຍາຕີ ການທະຫານ ລະບົບ 3 ປີ ຊຸດທີ XI, ປະລິນຍາຕີ ການ ເມືອງ ລະບົບ 3 ປີ ຊຸດທີ XI , ກໍ່ ສ້າງຍຸດທະບັ້ນຮົບຍຸດທະສາດ ລະບົບ 1 ປີ ຊຸດທີ XVII, ກໍ່ສ້າງ ທິດສະດີມາກ-ເລນິນ ລະບົບ 1 ປີ ຊຸດທີ XVIII, ກໍ່ສ້າງການທະ ຫານຂັ້ນກອງພັນໃຫຍ່ລະບົບ 1 ປີ ຊຸດທີ VI, ກໍ່ສ້າງການເມືອງຂັ້ນ ກອງພັນໃຫຍ່ ລະບົບ 1 ປີ ຊຸດທີ VI, ກໍ່ສ້າງການທະຫານຂັ້ນກອງ ພັນນ້ອຍລະບົບ 1 ປີ ຊຸດທີ VI, ກໍ່ ສ້າງການເມືອງຂັ້ນກອງພັນນ້ອຍ

ລະບົບ 1 ປີ ຊຸດທີ VI, ກໍ່ສ້າງ ພາສາອັງກິດຊັ້ນສູງ ລະບົບ 4 ປີ ຊຸດທີ XVI, ກໍ່ສ້າງພາສາຈີນ ຊັ້ນສູງ ລະບົບ 4 ປີ ຊຸດທີ XX, ກໍ່ສ້າງພາສາຣັດເຊຍຊັ້ນສູງ ລະບົບ 3 ປີ ຊຸດທີ VI, ກໍ່ສ້າງ ພາສາຫວຽດນາມຊັ້ນສູງ ລະບົບ 3 ປີ ຊຸດທີ X, ບໍາລຸງພາສາອັງ ກິດ ລະບົບ 10 ເດືອນ ຊຸດທີ XIV. ໃນນີ້, ຍັງມີບຳລຸງວຽກ ງານການທະຫານທ້ອງຖິ່ນ ລະບົບ 3 ເດືອນ ຊຸດທີ V ທີ່ຈະ ກະກຽມເປີດໃນພາກຮຽນ II.

ໂອກາດນີ້, ສະຫາຍ ພົນເອກ ຈັນສະໝອນ ຈັນຍາລາດ ໄດ້ໂອ້ ລົມ ແລະ ເນັ້ນໜັກໃຫ້ ຄະນະພັກ-ຄະນະບັນຊາ, ພະນັກງານຄູ-ອາ ຈານ ຕະຫຼອດຮອດນັກສຶກສາ ເອົາໃຈໃສ່ຄົ້ນຄວ້າ, ສຶກສາຮໍ່າ ຮຽນໃຫ້ໄດ້ຮັບຜົນສຳເລັດຕາມ ແຜນການ ແລະ ຍົກສູງຄຸນທາດ ການເມືອງເຂົ້າໃນວຽກງານ ການສິດສອນໃຫ້ໄດ້ທັງປະລິມານ ແລະ ຄຸນນະພາບ ເພື່ອຕອບສະ ໜອງໜ້າທີ່ປົກປັກຮັກສາ ແລະ ສ້າງສາພັດທະນາປະເທດຊາດ ໃນໄລຍະໃໝ່ ແລະ ພ້ອມກັນນຳ ເອົາບົດຮຽນມາໝູນໃຊ້ໃຫ້ໄດ້ ຮັບໝາກຜົນສູງ.

ໂດຍ: ອາຫວຸ້ນ

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້