ສະມາຄົມນັກຂ່າວ ປຶກສາຫາລືທິດຊີ້ນຳຂອງທ່ານນາຍົກ ເພື່ອອອກຈາກການເຮັດຂ່າວແບບເກົ່າ ທີ່ເນື້ອໃນແຂງກະດ້າງ ຮູບແບບແຫ້ງກະແດ້ງ – ສື່ລາວ.ຄອມ
Connect with us

ຂ່າວພາຍໃນ

ສະມາຄົມນັກຂ່າວ ປຶກສາຫາລືທິດຊີ້ນຳຂອງທ່ານນາຍົກ ເພື່ອອອກຈາກການເຮັດຂ່າວແບບເກົ່າ ທີ່ເນື້ອໃນແຂງກະດ້າງ ຮູບແບບແຫ້ງກະແດ້ງ

Published

on

ວັນທີ 10 ກັນຍາ 2020 ທີ່ຜ່ານມາ, ສະມາຄົມນັກຂ່າວ ສປປ ລາວ ໄດ້ຈັດກອງປະຊຸມຄົ້ນຄ້ວາທິດຊີ້ນໍາຂອງທ່ານນາຍົກລັດຖະມົນຕີທີ່ວ່າ: ສື່ມວນຊົນຕ້ອງເປັນ: “ຜູ້ກ້າ ປາກອອກແສງ, ຜູ້ຮູ້ແທງ ຈິດໃຈ, ຜູ້ສະດຸ້ງໄວ ເມື່ອອ່ານ, ຜູ້ຮູ້ຜ່ານ ອຸປະສັກ, ຜູ້ທີ່ຮັກ ຄວາມຈິງ, ຜູ້ຍິງ ຖືກເປົ້າ”, ໂດຍແນໃສ່ໃຫ້ນັກສໍາມະນາກອນໄດ້ປຶກສາຫາລື ແລະ ແລກປ່ຽນຄໍາຄິດຄໍາເຫັນໃນການຜັນຂະຫຍາຍ ແລະ ຈັດຕັ້ງປະຕິບັດທິດທາງແຜນພັດທະນາຄຸນນະພາບວຽກງານສື່ມວນຊົນ ທີ່ໄດ້ສະເຫນີໃນງານໂຮມຊຸມນຸມສະເຫຼີມສະຫຼອງວັນສື່ມວນຊົນ ແລະ ການພິມຈໍາໜ່າຍ ຄົບຮອບ 70 ປີ ທີ່ຜ່ານມາ.

ທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ທັງເປັນປະທານສະມາຄົມນັກຂ່າວໄດ້ກ່າວໃນກອງປະຊຸມວ່າ: ຕໍ່ຄວາມເວົ້າຂອງທ່ານນາຍົກທີ່ວ່າ: “ຜູ້ກ້າ ປາກອອກແສງ, ຜູ້ຮູ້ແທງ ຈິດໃຈ, ຜູ້ສະດຸ້ງໄວ ເມື່ອອ່ານ, ຜູ້ຮູ້ຜ່ານ ອຸປະສັກ, ຜູ້ທີ່ຮັກ ຄວາມຈິງ, ຜູ້ຍິງ ຖືກເປົ້າ” ພວກເຮົາຈະໄດ້ເອົາແນວທາງ, ມະຕິ, ກົດຫມາຍ ທີ່ກ່າວມາຂ້າງເທິງນັ້ນ ມາເຍືອງເບິ່ງຄວາມເປັນຈິງໃນການເຮັດຫນ້າທີ່ຂອງສື່ມວນຊົນເຮົາເພື່ອໃຫ້ເຫັນຈຸດແຂງທີ່ຕ້ອງເສີມຂະຫຍາຍ ແລະ ຈຸດອ່ອນທີ່ຕ້ອງແກ້ໄຂໃຫ້ສາມາດຕອບສະຫນອງຄວາມຮຽກຮ້ອງຕ້ອງການຂອງສັງຄົມໄລຍະໃຫມ່, ໂດຍສະເພາະໃນໄລຍະທີມີການລະບາດຂອງພະຍາດໂຄວິດ-19 ໃນທົ່ວໂລກ

ທ່ານກ່າວຕື່ມວ່າ: ພວກເຮົາຕ້ອງປັບປຸງປ່ຽນແປງ ໂດຍລຸກໃຫມ່ ນັ່ງໃຫມ່ ໃນການສະຫນອງ ຂໍ້ມູນຂ່າວຜ່ານຜະລິດຕະພັນສື່ຂອງຕົນສູ່ສັງຄົມ ໂດຍພະຍາຍາມອອກຈາກແບບແຜນການເຮັດຂ່າວ ກໍ່ຄືການໂຄສະນາແບບເກົ່າ ດັ່ງທີ່ທ່ານນາຍົກໄດ້ກ່າວວ່າ: ເນື້ອໃນແຂງກະດ້າງ ຮູບແບບແຫ້ງກະແດ້ງ,ຂ່າວຊໍ້າຊາກແຕ່ອັນເກົ່າ ບໍ່ມີໃຜຢາກເບິ່ງ, ຢາກອ່ານ ໄດ້ຟັງເທື່ອຫນຶ່ງ ເບິ່ງເທື່ອດຽວ ກໍ່ເຊົາ ຫຼື ວ່າການຈັດລໍາດັບການອອກຂ່າວຖືກແລ້ວບໍ່?

ການຈັດໜ້າໜັງສືພິມ, ຜັງລາຍການວິທະຍຸ ແລະ ໂທລະພາບຖືກຕາມຫຼັກວິຊາການທີ່ດຶງດູດຄົນເເລ້ວບໍ່? ຫຼື ໜ້າໜັງສືພິມ, ລາຍການຂ່າວວິທະຍຸ ແລະ ໂທລະພາບ ສ່ວນຫຼາຍມີແຕ່ຂ່າວຈັດຂອງກອງປະຊຸມ ພັກ-ລັດ, ຊື່ງເຮັດໃຫ້ສັງຄົມເຂົ້າໃຈວ່າລັດຖະບານລາວບໍ່ເຮັດຫຍັງມີແຕ່ປະຊຸມເປັນຕົ້ນ ແລະ ອື່ນໆ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading

ຂ່າວພາຍໃນ

ລ່າສຸດ! ລາຄານ້ຳມັນ +1.010ກີບ/ລິດ ກາຊວນ +420ກີບ/ລິດ

Published

on

By

ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/01/2023 ຕາມແຈ້ງການຈາກ ກຊ ອຸດສະຫະກຳແລະການຄ້າ

ເລກທີ 0056/ອຄ ລົງວັນທີ 18 ມກ 2023.

Continue Reading

ຂ່າວພາຍໃນ

ດ່ວນ! ແຈ້ງການຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາ ຕົວແທນຂອງທະນາຄານທຸລະກິດ ທົ່ວປະເທດ

Published

on

By

– ອີງຕາມກົດຫມາຍວ່າດ້ວຍທະນາຄານທຸລະກິດ (ສະບັບປັບປຸງ) ສະບັບເລກທີ 56/ສພຊ, ລົງວັນທີ 07 ທັນວາ 2018;

– ອີງຕາມກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15 /ສພຊ, ລົງວັນທີ 07 ກໍລະກົດ 2022;

– ອີງຕາມຂໍ້ຕົກລົງວ່າດ້ວຍການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022;

ອີງຕາມແຈ້ງການກ່ຽວກັບການຫັນຮ້ານແລກປ່ຽນເງິນຕາໄປເປັນຕົວແທນຂອງທະນາຄານທຸລະກິດ ສະບັບເລກທີ 111/ທຫລ, ລົງວັນທີ 12 ສິງຫາ 2021.

ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທະນາຄານທຸລະກິດ ແລະ ຮ້ານແລກປ່ຽນເງິນຕາຕົວ ແທນ ຊາບວ່າ: ເພື່ອເປັນການຜັນຂະຫຍາຍກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບ ເລກທີ 15/ສພຊ, ລົງວັນທີ 7 ກໍລະກົດ 2022, ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງວ່າດ້ວຍການບໍລິການ ແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022 ເພື່ອປ່ຽນແທນສອງຂໍ້ຕົກລົງຄື: ຂໍ້ຕົກລົງວ່າ ດ້ວຍທຸລະກິດແລກປ່ຽນເງິນຕາ ສະບັບເລກທີ 393/ທຫລ, ລົງວັນທີ 02 ກໍລະກົດ 2020 ແລະ ຂໍ້ຕົກລົງວ່າດ້ວຍການ ບໍລິການແລກປ່ຽນເງິນຕາຂອງທະນາຄານທຸລະກິດ ແລະ ຮ້ານແລກປ່ຽນເງິນຕາຕົວແທນ ສະບັບເລກທີ 449/ທຫລ, ລົງວັນທີ 14 ມິຖຸນາ 2022.

ໃນນີ້, ຂໍ້ຕົກລົງວ່າດ້ວຍການບໍລິການແລກປ່ຽນເງິນຕາສະບັບດັ່ງກ່າວໄດ້ກໍານົດໃຫ້ ທະນາຄານທຸລະກິດ ທີ່ຕັ້ງຢູ່ ສປປ ລາວ ເທົ່ານັ້ນ ສາມາດໃຫ້ບໍລິການແລກປ່ຽນເງິນຕາ. ສະນັ້ນ, ເພື່ອຈັດຕັ້ງປະຕິບັດໃຫ້ ສອດຄ່ອງກັບບັນດານິຕິກໍາທີ່ມີຜົນສັກສິດໃນປັດຈຸບັນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງບັນດາທະນາຄານທຸລະ ກິດ ແລະ ຮ້ານແລກປ່ຽນເງິນຕາຕົວແທນ ດັ່ງນີ້:

1. ທະນາຄານແຫ່ງ ສປປ ລາວ ຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທັງໝົດ 113 ຮ້ານ ທີ່ຂຶ້ນກັບ 6 ທະນາຄານທຸລະກິດ;

2. ໃຫ້ທະນາຄານທຸລະກິດທີ່ມີຮ້ານແລກປ່ຽນເງິນຕາຕົວແທນຂຶ້ນກັບ ຢຸດເຊົາການຕໍ່ອາຍຸສັນຍາ ແລະ ຍົກເລີກ ສັນຍາຕົວແທນບໍລິການແລກປ່ຽນເງິນຕາກັບຮ້ານແລກປ່ຽນເງິນຕາຕົວແທນຂອງຕົນທັງໝົດ,

ດໍາເນີນການປິດບັນຊີເງິນຝາກທີ່ອອກຊື່ຮ້ານແລກປ່ຽນເງິນຕາຕົວແທນ ຢູ່ທະນາຄານທຸລະກິດທີ່ກ່ຽວຂ້ອງ, ນໍາສົ່ງບົດບັນທຶກ ການຍົກເລີກສັນຍາການເປັນຕົວແທນແລກປ່ຽນເງິນຕາ ລະຫວ່າງ ທະນາຄານທຸລະກິດ ແລະ ຮ້ານແລກປ່ຽນ ເງິນຕາຕົວແທນ ພ້ອມທັງໜັງສືອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທີ່ ຂຶ້ນກັບທະນາຄານທຸລະກິດຕົນ ສົ່ງຄືນໃຫ້ແກ່ກົມນະໂຍບາຍເງິນຕາ ຫຼື ສາຂາທະນາຄານແຫ່ງ ສປປ ລາວ ປະຈໍາ ພາກ ທີ່ກ່ຽວຂ້ອງ ພາຍໃນວັນທີ 31 ມັງກອນ 2023;

3. ທະນາຄານທຸລະກິດທີ່ມີຈຸດປະສົງຕ້ອງການສ້າງຕັ້ງໜ່ວຍແລກປ່ຽນເງິນຕາ ແມ່ນໃຫ້ປະຕິບັດຕາມຂໍ້ຕົກລົງວ່າດ້ວຍ ການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022.

Continue Reading
ເດືອນມັງກອນ 2023
ເສົາ ​ອາ ​ຈ ​ພ​ຫ ​ສ
 123456
78910111213
14151617181920
21222324252627
28293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້