ສຳນັກຂ່າວຊິນຫົວລາຍງານເມື່ອບໍ່ດົນມານີ້ວ່າ ຊາຍໜຸ່ມຈີນຄົນໜຶ່ງເຊິ່ງອາໄສຢູ່ໃນເມືອງຈາງໂຈວ ມົນທົນຝູຈ້ຽນ ເຂົ້າຮັບການຮັກສາໂຕໃນໂຮງໝໍ ຈາກການຕິດເຊື້ອລາໃນປອດ ແພດຜູ້ຮັກສາຊີ້ວ່າ ເລີ່ມທໍາອິດຄົນປ່ວຍຜູ້ນີ້ກໍ່ຮັບການຮັກສາດ້ວຍໂລກປອດອັກເສບທົ່ວໄປ ປາກົດວ່າອາການບໍ່ດີຂື້ນ ແຕ່ກັບຊຸດລົງໜັກລົງໄປອີກ ເມື່ອແພດສອບຖາມຄົນເຈັບເພີ່ມເຕີມຈຶ່ງຮູ້ວ່າ ຄົນເຈັບຜູ້ນີ້ມີນິໄສຢ່າງໜຶ່ງຄືເລີກວຽກເມື່ອກັບມາທີ່ບ້ານແລ້ວ “ມັກຖອດຖົງຕີນອອກມາດົມໆ ແລ້ວຈຶ່ງເອົາໄປຊັກ”
ນອກຈາກນີ້ຍັງມີສາເຫດຮ່ວມຄືເພາະມີໜ້າທີ່ເບິ່ງແຍງເດັກນ້ອຍໃນບ້ານ ເຮັດໃຫ້ພັກຜ່ອນບໍ່ພຽງພໍ ພູມຕ້ານທານຫຼຸດຕໍ່າລົງ ຈົນເປັນສາເຫດໃຫ້ຕິດເຊື້ອລາໃນປອດນັ້ນເອງການຕິດເຊື້ອລາໃນປອດສ່ວນໃຫຍ່ເກີດຈາກການສູດດົມສະປໍເຂົ້າໄປໃນປອດ ເຊິ່ງສ່ວນໃຫຍ່ມີນົກກາງແກເປັນພາຫະນະ ແຕ່ປົກກະຕິແລ້ວ ຫາກພູມຄຸ້ມກັນເປັນປົກກະຕິກໍ່ຈະບໍ່ຕິດເຊື້ອ ແຕ່ຜູ້ທີ່ມີພູມຄຸ້ມກັນຕໍ່າຫຼື ຢູ່ລະຫວ່າງການຮັບເຄມີບໍາບັດຈະມີຄວາມສ່ຽງຫຼາຍກວ່າ
ບໍ່ໜ້າເຊື່ອວ່າການຕິດນິໄສເລັກໆ ນ້ອຍໆ ໃນຊີວິດປະຈໍາວັນກໍ່ເຮັດໃຫ້ເກີດໂລກອັນຕະລາຍແບບບໍ່ຄາດຄິດ ຄລິບວິດີໂອຈະສົ່ງຕໍ່ຢ່າງວ່ອງໄວ ໃນເທິງອິນເຕີເນັດຈີນ ເພື່ອເຕືອນໃຫ້ລະວັງການສູດດົມເຊື້ອໂລກເຂົ້າປອດ ຮັກສາພູມຄຸ້ມກັນໃຫ້ເປັນປົກກະຕິ ແລະ ໝັ່ນລ້າງມືໃຫ້ສະອາດ ເພື່ອປົກກັນການຕິດເຊື້ອ.
