ຄະນະຊ່ຽວ​ຊານ​ແພດຈີນກັບຄືນປະເທດ – ສື່ລາວ.ຄອມ
Connect with us

ຂ່າວພາຍໃນ

ຄະນະຊ່ຽວ​ຊານ​ແພດຈີນກັບຄືນປະເທດ

Published

on

ຕາມຂ່າວສານ cri ໃຫ້ຮູ້ວ່າ ໃນວັນ​ທີ 12 ເມ​ສາ​ນີ້, ໜ່ວ​ຍ​ຊ່ຽວ​ຊານ​ປິ່ນ​ປົວ​ທີ່​ຈີນ​ຊ່ວຍ​ເຫຼືອ​ລາວ​ຕ້ານ​ພະ​ຍາດ COVID-19 ໄດ້ສຳ​ເລັດ​ໜ້າ​ ແລ້ວ​ເດີນ​ທາງ​ກັບ​ເມືອ​ຈີນ. ທ່ານບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ແລະ ທ່ານ​ຈ່ຽງ​ຈ້າຍ​ຕົ່ງ ເອກ​ອັກ​ຄະ​ລັດ​ຖະ​ທູດ​ຈີນ​ປະ​ຈຳ​ລາວ​ໄປ​ສົ່ງ​ໜ່ວຍ​ຊ່ຽວ​ຊານ​ຢູ່​ສະ​ໜາມ​ບິນ.

ໃນ​ເວ​ລາ 2 ອາ​ທິດ​ທີ່​ເຮັດ​ວຽກ​ຢູ່​ລາວ,ຊ່ຽວ​ຊານ12 ທ່ານ​ໃນໜ່ວຍ​ໄດ້​ຈັດ​ແຜນ​ການປ້ອງ​ກັນ ແລະ ປິ່ນ​ປົວ​ພະ​ຍາດ​ໂດຍ​ອີງ​ຕາມ​ບົດ​ຮຽນ​ຂອງ​ຈີນ​ ​ແລ້ວ​ປະ​ສານ​ກັບສ​ະ​ພາບ​ຕົວ​ຈິງ​ຂອງ​ລາວ,ໄດ້​ສ້າງ​ໂຮງ​ໝໍ​ມິດ​ຕະ​ພາບ​ນະ​ຄອນ​ຫຼວງວຽງ​ຈັນ​ເປັນ​ໃຫ້​ໂຮງ​ໝໍ​ປິ່ນ​ປົວ​ພະ​ຍາດ COVID-19 ໂດຍ​ສະ​ເພາະ,​ໄດ້ຈັດ​ຊຸດ​ອົບ​ຮົມ 20 ກວ່າເທື່ອ​ໃຫ້​ແກ່​ພະ​ນັກ​ງານ​ການ​ແພດ​ຂອງ​ລາວ​ທີ່​ມາ​ຈາກ 18 ແຂວງ ແລະ ນະ​ຄອນ, ພ້ອມ​ທັງ​ຍົກ​ສູງ​ຄວາມ​ສາ​ມາດກວດ​​ໄວ​ຣັ​ສຂອງ​ຫ້ອງ​ທົດ​ລອງ​ຂອງ​ລາວ.

ທ່ານບຸນກອງ ສີຫາວົງ​ໄດ້​ຕີ​ລາ​ຄາ​ສູງ​ຕໍ່​ວຽກ​ງານ​ຂອງ​ໜ່ວຍ​ຊ່ຽວ​ຊານ​ປິ່ນ​ປົວ​ຂອງ​ຈີນ. ທ່ານ​ກ່າວ​ວ່າ, ການ​ຊ່ວຍ​ເຫຼືອ​ລາວ​ຂອງ​ຈີນ​ເທື່ອ​ນີ້​ມີ​ຄວາມ​ໝາຍ​ເລິກ​ເຊິ່ງ, ໜ່ວຍ​ຊ່ຽວ​ຊານ​​ໄດ້​ໃຫ້​ການ​ຊ່ວຍ​ເຫຼືອ​ອັນ​ເຕັມ​ທີ່ ແລະ ຈິງ​ໃຈ​ຕໍ່​ລາວ, ​ເຊິ່ງ​ໄດ້ສະ​ແດງ​ໃຫ້​ເຫັນ​ເຖິງ​ຈິດ​ໃຈ ແລະ ເນື້ອ​ໃນຂອງປະ​ຊາ​ຄົມ​ຮ່ວມ​ຊາ​ຕາ​ກຳ​ລາວ​-ຈີນ​ຢ່າງ​ແທ້​ຈິງ.
ທ່ານສອນໄຊ ຣາຊວົງ ຮອງ​ຜູ້​ອຳ​ນວຍ​ໂຮງ​ໝໍ​ມິດ​ຕະ​ພາບ​ນະ​ຄອ​ນ​ຫຼວງວຽງ​ຈັນ​ກ່າວ​ວ່າ, ໜ່ວຍ​ຊ່ຽວ​ຊານ​ປິ່​ນ​ປົວ​ຈີນ​ໄດ້​ປະ​ຕິ​ບັດ​ວຽກ​ງານ​ຢ່າງ​ຕັ້ງ​ໃຈ, ມີ​ປະ​ສິດ​​ພາບ​ສູງ ແລະ ຮອບ​ດ້ານ, ​ສອງ​ຝ່າຍຮ່ວມ​ມືກັນເຮັດ​ວຽກ​ຢ່າງ​ສະ​ດວກຫຼາຍ,​ໄດ​ຮັບ​ຜົນ​ທີ່​ດີກວ່າຄາດ​ໝາຍ​ຂອງ​ໂຮງ​ໝໍ.

ແລະໃນວັນທີ 12 ເມສາ 2020 ນີ້, ທີ່ສະໜາມບິນສາກົນວັດໄຕ, ໄດ້ມີພິທີສົ່ງຄະນະຊ່ຽວຊານການແພດ ແລະເຈົ້າໜ້າທີ່ທາງການ ຈາກ ສປ ຈີນ ຈຳນວນ 12 ທ່ານ ກັບຄືນປະເທດ ຢ່າງເປັນທາງການ, ພາຍຫຼັງທີ່ໄດ້ເດີນທາງມາໃຫ້ການຊ່ວຍເຫຼືອວຽກງານການຕ້ານ ແລະສະກັດກັ້ນ ພະຍາດອັກເສບປອດຈາກເຊື້ອຈຸລະໂລກ ສາຍພັນໃໝ່ (COVID-19) ຢູ່ ສປປ ລາວ, ແຕ່ວັນທີ 29 ມີນາ ເຖິງ 10 ເມສາ 2020 ນີ້. ເຊິ່ງການປະຕິບັດວຽກຂອງຄະນະຊ່ຽວຊານການແພດ ຈາກ ສປ ຈີນ ທີ່ໄດ້ຮ່ວມເຮັດວຽກກັບແພດຝ່າຍລາວ ໃນໄລຍະເວລາ 2 ອາທິດ ຜ່ານມາ, ທັງຢູ່ຂັ້ນສູນກາງ ແລະບັນດາແຂວງ ທັງພາກເໜືອ-ພາກໃຕ້ ເພື່ອຍົກລະດັບຄວາມຮູ້ຄວາມສາມາດ, ມາດຕະການ ແລະມາດຕະຖານໃນການປ້ອງກັນພະຍາດ Covid-19 ເປັນຕົ້ນແມ່ນ ໄດ້ຈັດຝຶກອົບຮົມ, ຖ່າຍຖອດບົດຮຽນ ແລະປະສົບການຕົວຈິງ, ໂດຍໃຫ້ຄຳປຶກສາ ແລະແນະນຳວິທີການປ້ອງກັນພະຍາດໂຄວິດ-19.

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading

ຂ່າວພາຍໃນ

ລ່າສຸດ! ລາຄານ້ຳມັນ +1.010ກີບ/ລິດ ກາຊວນ +420ກີບ/ລິດ

Published

on

By

ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/01/2023 ຕາມແຈ້ງການຈາກ ກຊ ອຸດສະຫະກຳແລະການຄ້າ

ເລກທີ 0056/ອຄ ລົງວັນທີ 18 ມກ 2023.

Continue Reading

ຂ່າວພາຍໃນ

ດ່ວນ! ແຈ້ງການຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາ ຕົວແທນຂອງທະນາຄານທຸລະກິດ ທົ່ວປະເທດ

Published

on

By

– ອີງຕາມກົດຫມາຍວ່າດ້ວຍທະນາຄານທຸລະກິດ (ສະບັບປັບປຸງ) ສະບັບເລກທີ 56/ສພຊ, ລົງວັນທີ 07 ທັນວາ 2018;

– ອີງຕາມກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15 /ສພຊ, ລົງວັນທີ 07 ກໍລະກົດ 2022;

– ອີງຕາມຂໍ້ຕົກລົງວ່າດ້ວຍການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022;

ອີງຕາມແຈ້ງການກ່ຽວກັບການຫັນຮ້ານແລກປ່ຽນເງິນຕາໄປເປັນຕົວແທນຂອງທະນາຄານທຸລະກິດ ສະບັບເລກທີ 111/ທຫລ, ລົງວັນທີ 12 ສິງຫາ 2021.

ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທະນາຄານທຸລະກິດ ແລະ ຮ້ານແລກປ່ຽນເງິນຕາຕົວ ແທນ ຊາບວ່າ: ເພື່ອເປັນການຜັນຂະຫຍາຍກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບ ເລກທີ 15/ສພຊ, ລົງວັນທີ 7 ກໍລະກົດ 2022, ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງວ່າດ້ວຍການບໍລິການ ແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022 ເພື່ອປ່ຽນແທນສອງຂໍ້ຕົກລົງຄື: ຂໍ້ຕົກລົງວ່າ ດ້ວຍທຸລະກິດແລກປ່ຽນເງິນຕາ ສະບັບເລກທີ 393/ທຫລ, ລົງວັນທີ 02 ກໍລະກົດ 2020 ແລະ ຂໍ້ຕົກລົງວ່າດ້ວຍການ ບໍລິການແລກປ່ຽນເງິນຕາຂອງທະນາຄານທຸລະກິດ ແລະ ຮ້ານແລກປ່ຽນເງິນຕາຕົວແທນ ສະບັບເລກທີ 449/ທຫລ, ລົງວັນທີ 14 ມິຖຸນາ 2022.

ໃນນີ້, ຂໍ້ຕົກລົງວ່າດ້ວຍການບໍລິການແລກປ່ຽນເງິນຕາສະບັບດັ່ງກ່າວໄດ້ກໍານົດໃຫ້ ທະນາຄານທຸລະກິດ ທີ່ຕັ້ງຢູ່ ສປປ ລາວ ເທົ່ານັ້ນ ສາມາດໃຫ້ບໍລິການແລກປ່ຽນເງິນຕາ. ສະນັ້ນ, ເພື່ອຈັດຕັ້ງປະຕິບັດໃຫ້ ສອດຄ່ອງກັບບັນດານິຕິກໍາທີ່ມີຜົນສັກສິດໃນປັດຈຸບັນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງບັນດາທະນາຄານທຸລະ ກິດ ແລະ ຮ້ານແລກປ່ຽນເງິນຕາຕົວແທນ ດັ່ງນີ້:

1. ທະນາຄານແຫ່ງ ສປປ ລາວ ຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທັງໝົດ 113 ຮ້ານ ທີ່ຂຶ້ນກັບ 6 ທະນາຄານທຸລະກິດ;

2. ໃຫ້ທະນາຄານທຸລະກິດທີ່ມີຮ້ານແລກປ່ຽນເງິນຕາຕົວແທນຂຶ້ນກັບ ຢຸດເຊົາການຕໍ່ອາຍຸສັນຍາ ແລະ ຍົກເລີກ ສັນຍາຕົວແທນບໍລິການແລກປ່ຽນເງິນຕາກັບຮ້ານແລກປ່ຽນເງິນຕາຕົວແທນຂອງຕົນທັງໝົດ,

ດໍາເນີນການປິດບັນຊີເງິນຝາກທີ່ອອກຊື່ຮ້ານແລກປ່ຽນເງິນຕາຕົວແທນ ຢູ່ທະນາຄານທຸລະກິດທີ່ກ່ຽວຂ້ອງ, ນໍາສົ່ງບົດບັນທຶກ ການຍົກເລີກສັນຍາການເປັນຕົວແທນແລກປ່ຽນເງິນຕາ ລະຫວ່າງ ທະນາຄານທຸລະກິດ ແລະ ຮ້ານແລກປ່ຽນ ເງິນຕາຕົວແທນ ພ້ອມທັງໜັງສືອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທີ່ ຂຶ້ນກັບທະນາຄານທຸລະກິດຕົນ ສົ່ງຄືນໃຫ້ແກ່ກົມນະໂຍບາຍເງິນຕາ ຫຼື ສາຂາທະນາຄານແຫ່ງ ສປປ ລາວ ປະຈໍາ ພາກ ທີ່ກ່ຽວຂ້ອງ ພາຍໃນວັນທີ 31 ມັງກອນ 2023;

3. ທະນາຄານທຸລະກິດທີ່ມີຈຸດປະສົງຕ້ອງການສ້າງຕັ້ງໜ່ວຍແລກປ່ຽນເງິນຕາ ແມ່ນໃຫ້ປະຕິບັດຕາມຂໍ້ຕົກລົງວ່າດ້ວຍ ການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022.

Continue Reading
ເດືອນມັງກອນ 2023
ເສົາ ​ອາ ​ຈ ​ພ​ຫ ​ສ
 123456
78910111213
14151617181920
21222324252627
28293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້