ທ້າຍເດືອນ ຜ່ານມາ, ພະແນກຕຳຫຼວດສະກັດກັ້ນ ແລະຕ້ານຢາເສບ ຕິດ ປກສ ແຂວງວຽງ ຈັນ ໄດ້ນຳກຳລັງເຈົ້າໜ້າທີ່ວິຊາສະເພາະ ສະກັດກວດຄົ້ນລົດເປົ້າໝາຍຢາເສບຕິດ ທີ່ເດີນທາງມາແຕ່ແຂວງອຸດົມໄຊ ພົບຢາບ້າ 111 ມັດ ເທົ່າກັບ 222.000 ເມັດ ພ້ອມທັງຈັບຕົວຂັບຂັບຂີ່ລົດຄັນດັ່ງກ່າວ ທີ່ເປົ້າໝາຍຕິດຕາມ ໄປດຳເນີນຄະດີ.
ເຈົ້າໜ້າທີ່ ປກສ ແຂວງວຽງຈັນ ເປີດເຜີຍໃຫ້ຮູ້ວ່າ: ຜູ້ຖືກຫາ ຊື່ ທ້າວ ເນັ່ງວ່າ ອາຍຸ 32 ປີ ຢູ່ ບ້ານນາວ່າງ ເມືອງຮຸນ ແຂວງອຸດົມໄຊ. ຄະດີຢາເສບ ຕິດດັ່ງກ່າວນີ້ ໃນເບື້ອງຕົ້ນ ແມ່ນໄດ້ຮັບລາຍ ງານວ່າ ຈະມີການລັກລອບຂົນຢາບ້າຈໍານວນຫຼາຍ ດ້ວຍລົດຟໍຈູເນີ ຈາກແຂວງອຸດົມໄຊ ໄປຂາຍຢູ່ເຂດບ້ານຫຼັກ 52 ເມືອງໂພນໂຮງ ແຂວງວຽງຈັນ.
ຈາກນັ້ນ, ກໍໄດ້ສົ່ງເຈົ້າໜ້າທີ່ວິຊາສະເພາະ ລົງຕິດ ຕາມ ຊອກຫາລົດເປົ້າໝາຍ ຮອດວັນທີ 25 ມິຖຸ ນາ ຜ່ານມາ ກໍພົບລົດຖືກສົງໄສ ເປັນລົດໂຕໂຍຕ້າ ຟໍຈູນເນີ ສີປອນ ໝາຍເລກທະບຽນກລ 9718 ກໍາແພງນະຄອນ ມາຕາມເສັ້ນທາງ 13 ເໜືອ ຈຶ່ງໄດ້ສະກັດກວດຄົ້ນລົດຄັນດັ່ງກ່າວ ຢູ່ເຂດບ້ານນໍ້າແຈ້ງ ເມືອງໂພນໂຮງ ພົບຢາບ້າ 111 ມັດ ເທົ່າກັບ 222.000 ເມັດ ແລະ ໄດ້ຈັບຕົວຜູ້ຂັບລົດ.
ຜ່ານການສອບສວນ ທ້າວ ເນັ່ງວ່າ ສາລະພາບວ່າ: ຢາບ້າຈຳນວນດັ່ງກ່າວ ແມ່ນໄດ້ຕິດຕໍ່ຊື້ ຢູ່ບ້ານຫຼັກ55 ເມືອງໄຊ ແຂວງອຸດົມໄຊ ເພື່ອຈະເອົາ ມາຂາຍໃຫ້ຜູ້ສັ່ງຊື້ຕໍ່ ໂດຍນັດຈຸດຊື້ຂາຍກັນຢູ່ເຂດຫຼັກ 52 ເມືອງໂພນໂຮງ ແຕ່ມາຖືກເຈົ້າໜ້າທີ່ ປກສ ຈັບ ໄດ້ກ່ອນ.
