ພໍ່ໃຈເດັດ! ແຈ້ງຈັບລູກດຳເນີນຄະດີ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວພາຍໃນ

ພໍ່ໃຈເດັດ! ແຈ້ງຈັບລູກດຳເນີນຄະດີ

Published

on

ພໍ່ຂອງ ທ້າວ ສຸພາລັກ ອາຍຸ 25 ປີ, ຢູ່ບ້ານສາຍລົມ ເມືອງຈັນທະບູລີ ນະຄອນຫຼວງວຽງຈັນ ພົບເຫັນການກະທໍາຂອງລູກທີ່ບໍ່ຖືກຕ້ອງຕາມລະບຽບກົດໝາຍ ໄປລັກຕີນລົດໃຫຍ່ມາຊຸກເຊື່ອງໄວ້ເຮືອນເພື່ອຂາຍ ຈຶ່ງໄດ້ແຈ້ງເຈົ້າໜ້າທີ່ຕໍາຫຼວດ ປກສ ເມືອງ ຈັບຕົວໄປດໍາເນີນຄະ ດີ.

ເຈົ້າໜ້າທີ່ສືບສວນ-ສອບສວນຄະດີອາຍາ ປກສ ເມືອງຈັນທະບູລີ ໃຫ້ຮູ້ວ່າ: ໃນລະຫວ່າງວັນທີ 8-11 ສິງຫາ 2020 ໄດ້ມີຜູ້ເສຍຫາຍເຂົ້າມາແຈ້ງຄວາມໄວ້ຢູ່ທີ່ກອງບັນຊາການວ່າ ມີຄົນລັກຕີນລົດ, ເຈົ້າໜ້າທີ່ໄດ້ເຮັດບົດບັນທຶກແຈ້ງຄວາມ ພ້ອມທັງຂຶ້ນເປົ້າໝາຍ ເພື່ອຕິດ ຕາມຕົວຜູ້ກໍ່ເຫດ; ຕໍ່ມາໃນວັນທີ 12 ສິງຫາ 2020, ມີຄົນເຂົ້າມາຫ້ອງການ ແລ້ວແຈ້ງເຈົ້າ ໜ້າທີ່ໃຫ້ໄປນໍາຕົວລູກຊາຍມາດໍາເນີນຄະດີ ຍ້ອນລູກຊາຍໄດ້ໄປລັກຕີນລົດໃຫຍ່ມາຊຸກເຊື່ອງໄວ້ຢູ່ເຮືອນເພື່ອກຽມຂາຍ. ຈາກນັ້ນ, ກໍໄດ້ແຕ່ງຕັ້ງພະນັກງານໄປນໍາຕົວມາທີ່ກອງບັນ ຊາການ ປກສ ເມືອງ.

ຜ່ານການສອບສວນ, ຜູ້ຖືກຫາສະລະພາບວ່າ: ໃນວັນທີ 8 ສິງຫາ 2020 ເວລາປະມານ 23:00 ໂມງ ຂັບຂີ່ລົດຈັກໂຄລາວສີດໍາ ຊ້ອນໝູ່ 1 ຄົນ ຈຸດປະສົງໄປຊອກລັກຕີນລົດໃຫຍ່ ໄປຕາມເສັ້ນທາງຂອງບ້ານ ໂດຍກະກຽມກະລິກ ແລະ ກະແຈໄປພ້ອມ; ໃນຂະນະຂັບຂີ່ຢູ່ນັ້ນ, ໄດ້ພົບເຫັນລົດໂຕໂຢຕ້າໝາຍ ເລກທະບຽນ ກຍ 5437 ກໍາແພງນະຄອນ ຈອດຢູ່ເຂດບ້ານສາຍລົມ ຈຶ່ງພາກັນຈອດລົດ, ໃຫ້ໝູ່ທີ່ນໍາເບິ່ງຕົ້ນທາງໃຫ້ ແລ້ວລົງມືເອົາກະລິກຄໍ້າ, ຫັນນ໋ອດຕີນລົດໃຊ້ເວລາພໍສົມຄວນຈຶ່ງສໍາເລັດ. ຈາກນັ້ນ, ກໍນໍາເອົາຕີນລົດໄປຊຸກເຊື່ອງຢູ່ເຮືອນເພື່ອລໍຖ້າຂາຍ. ມາຮອດວັນທີ 10 ສິງຫາ 2020, ໄດ້ນໍາເອົາຕີນລົດໄປຂາຍໄດ້ເງິນ 100.000 ກີບ, ຢູ່ຮ້ານແຫ່ງໜຶ່ງເຂດບ້ານຫ້ວຍຫົງ ເມືອງຈັນທະບູລີ ແລ້ວເອົາເງິນມາປັນໃຫ້ຜູ້ທີ່ຮ່ວມລັກ ຈໍານວນ 40.000 ກີບ.

ຕໍ່ມາໃນວັນທີ 11 ສິງຫາ 2020, ຄັ້ງນີ້ໄດ້ເຄື່ອນໄຫວຜູ້ດຽວ ໂດຍໄດ້ຂັບຂີ່ລົດກະບະຮຸນໄດຊອກລັກຕີນລົດໃຫຍ່ ໄດ້ພົບເຫັນລົດຈິບ ເລກທະບຽນ ນຍ 6688 ກໍາແພງນະຄອນ ຈອດຢູ່ເຂດບ້ານສະຫວ່າງ ຈຶ່ງໄດ້ລົງມືລັກ. ຈາກນັ້ນ, ກໍເອົາມາຊຸກເຊື່ອງໄວ້ເຮືອນເພື່ອຂາຍ; ເຊົ້າຂອງມື້ຕໍ່ມາ, ພໍ່ຜູ້ເປັນພົບເຫັນຕີນລົດທີ່ຊຸກເຊື່ຶອງໄວ້ຢູ່ເຮືອນ ຈຶ່ງຖາມວ່າ ໄປເອົາມາແຕ່ໃສ ແລະ ໄດ້ຕອບພໍ່ວ່າລັກມາ, ຈາກນັ້ນໃນເວລາຕໍ່ມາຂອງວັນດຽວກັນ, ພໍ່ໄປແຈ້ງເຈົ້າໜ້າ ທີ່ມາຄຸມຕົວໄປດໍາເນີນຄະດີ.

ໃນອາທິດທີີ່ຜ່ານມາ, ປກສ ເມືອງ ຈັນທະບູລີ ໄດ້ມອບຕີນລົດ ຈໍານວນ 2 ຕີນ ມູນຄ່າ 4.000.000 ກີບ ຄືນເຈົ້າຂອງເດີມ, ມອບໂດຍ ຮອ ນາງ ນົງຄານ ພົງເທບ ພະນັກງານສືບສວນ-ສອບສວນຄະດີອາຍາ ແລະ ຕາງໜ້າຮັບໂດຍ ທ່ານ ສົມບັດ ອາຍຸ 53 ປີ, ບ້ານບຶງຂະຫຍອງ ເມືອງສີສັດຕະນາກ ນະຄອນຫຼວງວຽງຈັນ ພ້ອມພາກສ່ວນກ່ຽວຂ້ອງ.

Continue Reading

ຂ່າວພາຍໃນ

ດ່ວນ ໄຊຍະບູລີ ອອກແຈ້ງການຮັບມືນໍ້າຖ້ວມ

Published

on

ດ່ວນທີ່ສຸດ ແຂວງໄຊຍະບູລີ ອອກແຈ້ງການ ຮັບມືນໍ້າຖ້ວມ ສະບັບເລກທີ 354/ຫວຂ.ຊຍ ລົງວັນທີ 12 ສິງຫາ 2022

ເລື່ອງ ແຈ້ງການສຸກເສີນ ໄພພິບັດນ້ຳຖ້ວມ ເຖິງ ບັນດາທ່ານ ຫົວໜ້າພະແນກການ, ອົງການ, ກົມກອງ, ສະພາປະຊາຊົນແຂວງ, ລັດວິສາຫະກິດ, ຫ້ອງການອ້ອມຂ້າງແຂວງ ແລະ ທ່ານເຈົ້າມືອງ 11 ເມືອງ ພາຍໃນແຂວງ.

ລາຍລະອຽດເອກະສານລຸ່ມນີ້:

Continue Reading

ຂ່າວພາຍໃນ

ໂຮງໝໍບໍ່ມີຕຽງພຽງພໍສຳລັບຜູ້ປ່ວຍທີ່ເປັນໄຂ້ເລືອດອອກ ໃນນະຄອນຫຼວງວຽງຈັນ

Published

on

ໂຮງໝໍໃນນະຄອນຫຼວງວຽງຈັນບໍ່ມີຕຽງພຽງພໍ ເພື່ອຮອງຮັບຜູ້ປ່ວຍທີ່ເປັນໄຂ້ເລືອດອອກ.ວັນທີ 10 ສິງຫາ 2022 ອ້າງອີງຈາກ ວຽງຈັນທາຍ ໄດ້ລາຍງານວ່າ: ໂຮງໝໍບາງແຫ່ງໃນນະຄອນຫຼວງວຽງຈັນ ໄດ້ປ່ຽນຫ້ອງປະຊຸມ ເປັນຫ້ອງທີ່ຮອງຮັບຜູ້ປ່ວຍ ເນື່ອງຈາກຂາດສະຖານທີ່ປິ່ນປົວຄົນເຈັບ, ໃນຂະນະທີ່ບາງບ່ອນຍັງຂໍຕຽງນອນຈາກປະຊາຊົນຕື່ມອີກ ເພື່ອໃຫ້ສາມາດຮັບມືກັບຈໍານວນຜູ້ປ່ວຍໄຂ້ເລືອດອອກທີ່ເພີ່ມຂຶ້ນ.

ຈໍານວນຜູ້ທີ່ເປັນພະຍາດໄຂ້ເລືອດອອກ ໄດ້ເພີ່ມຂຶ້ນຢ່າງຫຼວງຫຼາຍໃນລະຫວ່າງເດືອນພຶດສະພາ ຫາ ເດືອນກໍລະກົດ.

ກະຊວງສາທາລະນະສຸກ ແລະ ແພດໝໍ ໃນໂຮງໝໍຕ່າງໆທົ່ວປະເທດ ພະຍາຍາມຮັບມືກັບການເພີ່ມຂຶ້ນຂອງ ກໍລະນີຜູ້ປ່ວຍໄຂ້ເລືອດອອກ ແມ່ນສູງຜິດປົກກະຕິເມື່ອທຽບໃສ່ປີ 2019.ກະຊວງ​ສາທາລະນະສຸກ ​ມີ​ແຜນ​ຈະ​ຍົກຍ້າຍ​​ແພດໝໍ​ທີ່ຢູ່​ໂຮງໝໍ​ໃຫຍ່​ໃນ​ນະຄອນຫຼວງ​ວຽງ​ຈັນ ​ໄປ​ຢູ່​ໂຮງໝໍນ້ອຍໆທົ່ວນະຄອນທີ່ມີບຸກຄະລາກອນບໍ່ພຽງພໍ.

ທ່ານ ດຣ. ຄໍາຫຼ້າ ຈູມລິວົງ ຮອງອຳນວຍການໂຮງໝໍເສດຖາທິລາດ ກ່າວຕໍ່ສື່ມວນຊົນໃນວັນຈັນທີ່ຜ່ານມານີ້ວ່າ ປີນີ້ມີຜູ້ປ່ວຍໄຂ້ເລືອດອອກເພີ່ມຂຶ້ນ ແລະ ມີຄົນມາຮັບການປິ່ນປົວພະຍາດຫຼາຍຂຶ້ນ, ຈຳນວນຄົນເຈັບທີ່ເປັນໄຂ້ເລືອດອອກຢູ່ໂຮງໝໍ ເສດຖາທິລາດ

ແມ່ນສູງຜິດປົກກະຕິ.ກະຊວງສາທາລະນະສຸກກ່າວວ່າ ການປ່ຽນແປງຂອງດິນຟ້າອາກາດ ກໍເປັນສ່ວນໜຶ່ງທີ່ພະຍາດໄຂ້ເລືອດອອກລະບາດໃນໄລຍະນີ້ ໂດຍມີຝົນຕົກ ຜິດປົກກະຕິ ໃນຕົ້ນລະດູຝົນ ເຮັດໃຫ້ເກີດມີຍຸງລາຍ ທີ່ເປັນຕົວແຜ່ພະຍາດ.ເຈົ້າໜ້າທີ່ສະກັດກັ້ນ ແລະ ຕ້ານອັກຄີໄພ ນະຄອນຫຼວງວຽງຈັນ ໄດ້ຕິດຕາມ ສະຖານະການ ຂອງການຕິດເຊື້ອ ທີ່ຈະເພີ້ມຂຶ້ນ ຍ້ອນວ່າລະດູຝົນ ຍັງສືບຕໍ່ໃຫ້ມີຍຸງລາຍ ເປັນຈຳນວນຫຼວງຫຼາຍ.

Continue Reading

ຂ່າວພາຍໃນ

ປ້າຍໃຜເຮ່ຍ ມາເອົາເດີ້ ແຖວຮ້ານສຸວັນນີ ສີໄຄ

Published

on

ນຳ້ຖ້ວມທາງ ແຖວຮ້ານສຸວັນນີ ສີໄຄ ໃນມື້ວານ. ( ປ້າຍໃຜເຮ່ຍ ໃຫ້ເອົາເອກກະສານມາຢັ້ງຢືນເອົາ ເພື່ອປ້ອງກັນມິສາຊິບ )

ນ້ຳທີ່ກິນບໍ່ມີມື້ໝົດ..ກໍ່ຄືນ້ຳໃຈ

ປະກາດຫາເຈົ້າຂອງປ້າຍລົດ

ແຈ້ງເຖິງທຸກທ່ານທີ່ທຽວທາງໃນຜ່ານເສັ້ນທາງ 13ເໜືອ ໜ້າ ສຸວັນນີ ໂຮມຊັນເຕີ ສາຂາ ສີໄຄ ບ້ານ ນາແຮ່ ມ. ສີໂຄດຕະບອງ ນະຄອນຫຼວງວຽງຈັນ,

ເຊິ່ງເປັນເຂດນ້ຳຖ້ວມໜັກ ເຮັດໃຫ້ປ້າຍທະບຽນລົດຂອງຜູ້ຂັບຂີ່ຜ່ານເຂດດັ່ງກ່າວຫຼຸດອອກຈາກລົດ ເຊິ່ງລວມຈຳນວນ 26 ປ້າຍ ແລະ ກະເປົ໋າ 1 ໜ່ວຍ ໄດ້ຖືກນ້ຳໄຫຼພັດມາທີ່ ສຸວັນນີ ໂຮມເຊັນເຕີ ສາຂາ ສີໄຄ ໂດຍມີປ້າຍທະບຽນດັ່ງນີ:

  1. ກຕ 3712
  2. ກທ 4380
  3. ກຕ 8403
  4. ກຕ 6642
  5. ກທ 5077
  6. ກລ 1309
  7. ວຄ 8118
  8. ມລ 4666
  9. ກທ 1483
  10. ກດ 6628
  11. ກວ 3722
  12. ກກ 4934
  13. ຄພ 8299
  14. ກຫ 5278
  15. ກຣ 8810
  16. ກສ 1178
  17. ກຍ 9758
  18. ກລ 3802
  19. ກຮ 7787
  20. ກວ 3452
  21. ກບ 8063
  22. ກຫ 1655
  23. ກມ 9038
  24. ກຜ 2860
  25. ກພ 1399

26. ກວ 2946

ຕິດຕໍ່ພົວພັນເອົາທະບຽນລົດ ແລະ ກະເປົ້າຂອງທ່ານ ຄືນໄດ້ທີ່ ສຸວັນນີ ໂຮມເຊັນເຕີ ສາຂາ ສີໄຄ ເດີ: ພີ່ນ້ອງ: ໂທ 020 5788 5806 (ຜູ້ຈັດການສາຂາສີໄຄ)

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້