ຈັບໄດ້ແລ້ວ 5 ຄົນ ຍັງອີກ 7​ຄົນ ນັກໂທດທີ່ ໂຕນໜີຈາກຄ້າຍຄຸມຂັງ ໂພນຕ້ອງ

ອີງຕາມການລາຍງານຂ່າວຂອງໜັງສືພິມວຽງຈັນທາຍໃຫ້ຮູ້ວ່າ: ນັກໂທດທີ່ໂຕນໜີອອກຈາກຄ້າຍຄຸມຂັງວັນທີ 24​ ສິງຫາ​ທັງໝົດມີ 12 ຄົນ, ມາຮອດປັດຈຸບັນນີ້ເຈົ້າໜ້າທີ່ສາມາດຈັບກຸມ ນັກໂທດໄດ້ 5 ຄົນ ແລ້ວ ຍັງ 7 ຄົນ ຊຶ່ງເປັນນັກໂທດຄະດີຢາເສບຕິດທັງໝົດ.

ປັດຈຸບັນທາງເຈົ້າໜ້າທີ່ ຄ້າຍຄຸມຂັງໂດຍການສົມທົບ ແລະ ຮ່ວມມືກັບເຈົ້າໜ້າທີ່ແຕ່ລະເມືອງ ພາຍໃນນະຄອນຫຼວງວຽງຈັນ ແລະ ບັນດາແຂວງຕ່າງໆ ເລັ່ງຕິດຕາມ ນັກໂທດທີ່ຍັງຫຼົບຫນີດັ່ງກ່າວເພື່ອໃຫ້ກັບຄືນມາດໍາເນີນຄະດີຕາມ ກົດຫມາຍຂອງບ້ານເມືອງ, ຊຶ່ງມີການຄົ້ນຊອກຢູ່ໃນຕົວເມືອງ ແລະ ມີການກວດຄົ້ນລົດ ແລະ ກວດຄົນພາຍໃນລົດທີ່ເດີນທາງໄປຕ່າງແຂວງ.

ທີ່ມາ:ໜັງສືພິມວຽງຈັນທາຍ

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້