ຈັບໜຸ່ມ ປະກາດຢາກມີເພດສຳພັນ ກັບສົບ ຢາກກິນສົບຍິງສາວ

ສໍານັກຂ່າວເອເອບພີລາຍງານຈາກເມືອງໄມອາມີ ປະເທດສະຫະລັດອາເມຣິກາ ວ່າ ທ້າວ ອາເລັກຊານເດີຣ ບາຣເຕີຣ ອາຍຸ 21 ປີ ຊາວລັດເທກຊັສ ຖືກຈັບກຸມຫຼັງຈາກຕໍາຫຼວດນອກເຄື່ອງແບບປອມໂຕເປັນພໍ່ ສະເໜີຈະໃຫ້ລູກສາວເພື່ອຕອບສະໜອງຄວາມຕ້ອງການຂອງບາຣເຕີຣ

ທີ່ລົງປະກາດໃນ ເວັບມືດ (Dark web) ທ່ານ ເວນ ໄອວີ ຫົວໜ້າສໍານັກງານເຂດປົກຄອງເບຣເວິຣດ ເຄົາຕີ ໃນລັດຟໍຣິດາ ກ່າວວ່າ ນີ້ອາດຈະເປັນຄະດີທີ່ວິປະລິດ ແລະ ໜ້າລັງກຽດທີ່ສຸດ ທີ່ເຄີຍພົບ

ການສອບສວນເລີ່ມຂື້ນເມື່ອຕໍາຫຼວດເບຣເວີຣດ ເຄົາຕີ ຄົນໜຶ່ງ ສັງເກດເຫັນໂຄສະນາປະຫຼາດທາງອິນເຕີເນັດ ເຊິ່ງທ່ານບາຣເຕີຂຽນຂໍ້ຄວາມວ່າ ຂ້ອຍຢາກລອງມີເພດສໍາພັນ ແລະ ການກິນຊີ້ນສົບ ແລະ ຢາກຮູ້ການຂ້າຄົນຈະໃຫ້ຄວາມຮູ້ສຶກຢ່າງໃດ

ຕໍາຫຼວດຈັດການຕິດຕໍ່ໄປທີ່ບາຣເຕີຣ ໂດຍປອມໂຕເປັນຊາຍຄົນໜຶ່ງ ທີ່ປະສົງຈະໃຫ້ລູກສາວອາຍຸຍັງນ້ອຍ ຕອບສະໜອງຕາມຄວາມຕ້ອງການຂອງ ບາຣເຕີຣ ເຊິ່ງໜຸ່ມເທກຊັສກ່າວເຕືອນ ຂະນະຕອບຮັບຂໍ້ສະເໜີຂອງຕໍາຫຼວດປອມວ່າ ຂ້ອຍບໍ່ໄດ້ເວົ້າຫຼີ້ນ ຂ້ອຍຕ້ອງການຂົ່ມຂືນ ຂ້າ ແລະ ກິນຊີ້ນສົບເຂົາແທ້ໆ

ຕໍາຫຼວດຂອງເບຣເວິຣດ ເຄົາຕີ ຄົນນີ້ ເດີນທາງໄປຍັງລັດເທກຊັສ ເພື່ອພົບກັບບາຣເຕີຣ ເຊິ່ງບໍ່ມີການຕໍ່ສູ້ຂັດຂືນ ເມື່ອຖືກຈັບກຸມ ເມື່ອວັນທີ່ 19 ຕຸລາ ທີ່ຜ່ານມາ ແລະ ຖະແຫຼງການຂອງສໍານັກງານຕໍາຫຼວດເບຣເວິຣດ ເຄົາຕີ ລະບຸວ່າ ບາຣເຕີຣກ່າວຂອບໃຈຕໍາຫຼວດ ທີ່ຂັດຂວາງເຂົາບໍ່ໃຫ້ເຮັດຕາມແຜນ ເພາະເຂົາບໍ່ສາມາດຄວບຄຸມໂຕເອງໄດ້

ບາຣເຕີຣຈະຖືກຕັ້ງຂໍ້ຫາຫຼາຍກະທົງ ລວມເຖິງ ຊັກຊວນໃຫ້ມີການກະທໍາຜິດທາງອາຍາ ສົມຄົບຄິດກັນຂ້າຜູ້ອື່ນ ຫາກສານຕັດສິນວ່າມີຄວາມຜິດຕາມຟ້ອງ ບາຣເຕີຣອາດຖືກລົງໂທດຕິດຄຸກຕະຫຼອດຊີວິດ.

error: ເນື້ອຫາໄດ້ຮັບການປົກປ້ອງ !!