ມໍລະສຸມເຂົ້າອິນເດຍ ນໍ້າຖ້ວມລັດ ອັສສຳ ຕາຍແລ້ວ 70 ຄົນ ໄຮ້ທີ່ຢູ່ ສອງລ້ານກວ່າຊີວິດ

ວັນທີ່ 15 ເດືອນ ກໍລະກົດປີ 2020 BBC ແລະ The Sun ລາຍງານສະຖານະການນໍ້າຖ້ວມມໍລະສຸມທີ່ລັດ ອັສສຳ ທາງຕາເວັນອອກສ່ຽງເໜືອຂອງປະເທດ ອິນເດຍ ຕາຍໄປແລ້ວຢ່າງນ້ອຍ 70 ຊີວິດ ແລະ ປະຊາຊົນໄດ້ຮັບຜົນກະທົບຫຼາຍກວ່າ 2 ລ້ານກວ່າຄົນ ເນື່ອງຈາກຝົນຕົກໜັກເຮັດໃຫ້ໝູ່ບ້ານຫຼາຍພັນແຫ່ງຈົມຢູ່ໃຕ້ນໍ້າ ເປັນເມືອງບາດານໄປແລ້ວ.

ເມື່ອວັນອັງຄານທີ່ຜ່ານມາເຈົ້າໜ້າທີ່ລະບຸວ່າ ພື້ນທີ່ແຖວ ອຸທະຍານ ຊາຕິກາຊີຣັງຄາ ໃນລັດ ອັສສຳ ແຫຼ່ງມໍລະດົກຂອງຢູເນສໂກ ແລະ ຖີ່ນອາໃສຂອງ ແຣດນໍ່ດຽວ ດ້ວຍຈຳນວນ 2 ໃນ 3 ຂອງໂລກ ຈົມຢູ່ໃຕ້ນໍ້າ ແລະ ສັດປ່າຕາຍຢ່າງນ້ອຍ 51 ໂຕ ເຈົ້າໜ້າທີ່ຊ່ວຍຊີວິດສັດ 102 ໂຕ ນອກຈາກນີ້ຍັງມີເສືອໂຄ່ງ ແລະ ແຣດ ບາງໂຕຫຼົງເຂົ້າໄປໃນໝູ່ບ້ານໃກ້ຄຽງ ເພື່ອໜີຈາກນໍ້າຖ້ວມ

ຂ່າວຈາກ: khaosod

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້