ເຈົ້າໜ້າທີ່ສືບສວນແລ້ວ! ແມ່ນຫຼົງໂຕງົວ ເຫດເກີດຂຶ້ນຢູ່ ບ້ານປາກເປາະ ເມືອງວັງວຽງ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວພາຍໃນ

ເຈົ້າໜ້າທີ່ສືບສວນແລ້ວ! ແມ່ນຫຼົງໂຕງົວ ເຫດເກີດຂຶ້ນຢູ່ ບ້ານປາກເປາະ ເມືອງວັງວຽງ

Published

on

ຜ່ານການ ສືບສວນ – ສອບສວນ ເກັບກໍາຂໍ້ມູນ ຂອງເຈົ້າຫນ້າທີ່ວິຊາສະເພາະ. ທ່ານ ພັທ ສູນທອນ ໄຊຍະເດດ ຮອງຫົວຫນ້າຫ້ອງການກອງບັນຊາການ ປກສ ເມືອງວັງວຽງ ໄດ້ຊີ້ແຈ້ງກ່ຽວກັບ ການຫຼົງໂຕງົວ ໃນຄັ້ງນີ້ວ່າ: ໃນວັນທີ 06 ກໍລະກົດ 2020 ເວລາປະມານ 19 ໂມງ ກອງບັນຊາການ ປກສ ເມືອງ ວັງວຽງ ໄດ້ຮັບແຈ້ງ ຈາກການຈັດຕັ້ງບ້ານ ປາກເປາະ ວ່າ:

ໄດ້ກັກຕົວຜູ້ຊາຍບໍ່ຊາບຊື່ ຈໍານວນ 03 ຄົນ ແລະ ລົດກະບະຮຸນໃດສອງຄັນ ພ້ອມກັບໂຕ ງົວຢູ່ໃນລົດ ຈໍານວນ 13 ໂຕ ທີ່ພວກກ່ຽວກໍາລັງຈັບເອົາໂຕງົວຂອງປະຊາຊົນ ຈໍານວນ 02 ໂຕ ຂຶ້ນໃສ່ລົດ ຢູ່ຕໍ່ຫນ້າເຮືອນ ປະຊາຊົນ ບ້ານ ປາກເປາະ ແຄມທາງເລກທີ 13 ເຫນືອ

ເຈົ້າຫນ້າທີ່ພວກເຮົາຈຶ່ງໄດ້ລົງໄປສົມທົບ ແລ້ວນໍາຕົວພວກກ່ຽວເຂົ້າ ມາຫ້ອງການ ປກສ ເມືອງ ວັງວຽງ ເພື່ອທໍາການ ສືບສວນ – ສອບສວນ ຈຶ່ງຮູ້ວ່າ: ຜູ້ກ່ຽວທັງ 03 ຄົນຊື່ 1. ທ້າວ ພູວົງ ສະວົງສາ, ອາຍຸ 36 ປີ, ອາຊີບ ຄ້າຂາຍ, ສັນຊາດ ລາວ, ຊົນເຜົ່າ ລາວລຸ່ມ, ຢູ່ບ້ານ ນໍ້າຫງໍາ, ເມືອງ ແປກ, ແຂວງ ຊຽງຂວາງ. 2. ທ້າວ ສີພັນດອນ ວອນທະວົງ, ອາຍຸ 43 ປີ, ອາຊີບ ຄ້າຂາຍ, ສັນຊາດ ລາວ, ຊົນເຜົ່າ ລາວລຸ່ມ, ຢູ່ບ້ານ ດ໋ອງ, ເມືອງ ແປກ, ແຂວງ ຊຽງຂວາງ. 3. ທ້າວ ສົມຊາຍ ຈໍສະເຫຼີມພົນ, ອາຍຸ 39 ປີ, ອາຊີບ ຄ້າຂາຍ, ສັນຊາດ ລາວ, ຊົນເຜົ່າ ລາວລຸ່ມ, ຢູ່ບ້ານ ນາດີສີດາ ເມືອງ ຄູນ, ແຂວງ ຊຽງຂວາງ.

ໃນເບື້ອງຕົ້ນ ວັນທີ 05 ກໍລະກົດ 2020 ທ້າວ ພູວົງ ແລະ ທ້າວ ສີພັນດອນ ໄດ້ພ້ອມກັນຂັບຂີ່ລົດກະບະຮຸນໃດ, ສີ ຂາວ, ທະບຽນ: ກທ 2935 ກໍາແພງນະຄອນ ອອກຈາກຊຽງຂວາງ ໄປຊື້ໂຕງົວນໍາ ທ້າວ ຄໍາອອນ. ອາຍ 48 ປີ ອາຊີບ ທະຫານ, ຢູ່ບ້ານ ຫນອງປຸ່ງ ເມືອງໂພນໂຮງ ແຂວງ ວຽງຈັນ, ຈໍານວນ 15 ໂຕ ມີງົວຜູ້ 14 ໂຕ ແລະ ງົວແມ່ 01 ໂຕ ລາຄາ=48.400.000 ກີບ (ສີສິບແປດລ້ານສີແສນກີບ). ແລະ ໄດ້ເຮັດຫນັງສືຊື້ຂາຍ ສະບັບເລກທີ 521 /ໜປ. ລົງວັນ ທີ 05 ກໍລະກົດ 2020.

ພາຍຫຼັງ ຊື້ – ຂາຍກັນແລ້ວ ກໍ່ເອົາງົວດັ່ງກ່າວຂຶ້ນໃສ່ລົດຮຸນໃດ ແລ້ວອອກເດີນທາງໄປຊຽງຂວາງ ເມື່ອມາຮອດ ເມືອງ ວັງວຽງ ເຫັນວ່າ ງົວແອອັດ ຢ້ານງົວຕາຍ ຈຶ່ງໄດ້ເອົາງົວລົງມັດໄວ້ຢູ່ບ່ອນດິນຫວ່າງ ແຄມທາງໄປ ເທັກ ຮາດບິດ ແລ້ວທ້າວ ພູວົງ ໄດ້ໂທລະສັບບອກໃຫ້ຄົນຮັກແພງຊື່ ທ້າວ ສົມຊາຍ, ບ້ານ ນາດີສີດາ, ເອົາລົດມາຊ່ວຍທ່ຽນເອົາງົວ.ຮອດເວລາປະມານ 05 ໂມງ ຂອງວັນທີ 06 ກໍລະກົດ 2020 ພວກກ່ຽວ ຕື່ນນອນ ເຫັນແຕ່ງົວ 13 ໂຕ ອີກ 02 ໂຕບໍ່ເຫັນ, ເຊືອກຂາດ.

ພວກກ່ຽວຈຶ່ງໄດ້ຊອກຫາ ແລະ ແຈ້ງພີ່ນ້ອງຢູ່ ເມືອງວັງວຽງ ຊອກຊ່ວຍ. ຮອດເວລາປະມານ 13 ໂມງ ທ້າວ ສົມຊາຍ ໄດ້ຂັບຂີ່ລົດກະບະຮຸນໃດ, ສີຟ້າ, ທະບຽນ ກກ 8365 ຊຽງຂວາງ ມາຮອດ ເມືອງ ວັງວຽງ ແລ້ວທັງ ສາມຄົນ ໄດ້ພາກັນເລາະຊອກງົວແຕ່ບໍ່ເຫັນ.

ຮອດເວລາປະມານ 17 ໂມງ ຈຶ່ງເອົາງົວຂຶ້ນໃສ່ລົດຮຸນໃດທັງສອງຄັນ ເພື່ອກຽມກັບບ້ານ. ເວລານັ້ນ ໄດ້ມີພີ່ນ້ອງຢູ່ ເມືອງ ວັງວຽງ ໄປພົບເຫັນ ງົວຜູ້ ຈໍານວນ 02 ໂຕ ສີດໍາ ແລະ ສີແດງ ລັກສະນະຄ້າຍຄືງົວ ທ້າວ ພູວົງ ແລະ ທ້າວ ສີພັນດອນ ທີ່ເສຍ ຢືນຢູ່ບ່ອນດິນຫວ່າງ ຂອບເຂດ ບ້ານ ພູດິນແດງ.

ຈິ່ງໂທ ບອກວ່າ: ດຽວນີ້ຂ້ອຍເຫັນງົວຄ້າຍຄືງົວພວກເຈົ້າ ໃຫ້ມາເບິ່ງເດີ່. ຈາກນັ້ນ ທ້າວ ພູວົງ ແລະ ທ້າວ ສີພັນດອນ ກໍ່ໄປເບິ່ງ ເຫັນງົວທັງສອງໂຕມີເຊືອກມັດຄໍ ຄິດວ່າແມ່ນງົວຂອງພວກ່ຽວ ຈຶ່ງພ້ອມກັນຈັບເອົາງົວຜູ້ ສິແດງ ຂຶ້ນໃສ່ລົດ, ສ່ວນງົວຜູ້ ສີດໍາ ແລ່ນຫນີໄປຕາມທາງ ມຸ່ງຫນ້າໄປທາງ ບ້ານ ປາກເປາະ.

ຈາກນັ້ນ ກໍ່ນໍາໄປ ຈັບເອົາງົວໂຕດັ່ງກ່າວ ຂຶ້ນໃສ່ລົດ ແຕ່ບໍ່ ທັນສໍາເລັດ, ພໍດີເຈົ້າຂອງງົວ ມາພົບເຫັນ ຈຶ່ງໄດ້ແຈ້ງການຈັດຕັ້ງບ້ານກັກຕົວພວກກ່ຽວ.ຮອດວັນທີ 07 ກໍລະກົດ 2020 ທ້າວ ຄໍາອອນ, ອາຍຸ 48 ປີ, ອາຊີບ ທະຫານ, ສັນຊາດ ລາວ, ຢູ່ບ້ານ ຫນອງປຸ່ງ.

ເມືອງ ໂພນໂຮງ, ແຂວງ ວຽງຈັນ ໄດ້ເຂົ້າມາຢັ້ງຢືນຕໍ່ເຈົ້າຫນ້າທີ່ວ່າ: ໃນຄັ້ງວັນທີ 06 ກໍລະກົດ 2020 ທ້າວ ພູວົງ ແລະ ທ້າວ ສີພັນດອນ ໄດ້ໄປຊື້ງົວ ຈໍານວນ 15 ໂຕ ນໍາຜູ້ກ່ຽວແທ້ ແລະ ງົວຈໍານວນ 13 ໂຕ ທີ່ເຈົ້າຫນ້າທີ່ຮັກສາໄວ້ຢູ່ ກອງບັນຊາການ ປກສ ເມືອງ ວັງວຽງ ແມ່ນງົວທີ່ຜູ້ກ່ຽວຂາຍໃຫ້ແທ້.ສ່ວນງົວຈໍານວນ 02 ໂຕ ທີ່ ທ້າວ ພູວົງ ແລະ ທ້າວ ສີ ພັນດອນ ຈັບເອົາຢູ່ ບ້ານ ປາກເປາະ ບໍ່ແມ່ນງົວຂອງຜູ້ກ່ຽວ ຂາຍໃຫ້.

ໂຕງົວຈໍານວນ 02 ໂຕ ທີ່ທ້າວ ພູວົງ ແລະ ທ້າວ ສີພັນດອນ ຈັບເອົາຢູ່ ບ້ານ ປາກເປາະ ແມ່ນງົວຂອງ ທ້າວ ພານາວັນ ແລະ ທ້າວ ອໍາ ຕາມການຢັ້ງຢືນຂອງ ນາຍບ້ານໆ ປາກເປາະ ສະບັບ ລົງວັນທີ 07 ກໍລະກົດ 2020. ເຈົ້າຫນ້າທີ່ພວກ ເຮົາ ຈຶ່ງໄດ້ມອບຄືນໃຫ້ແກ່ເຈົ້າຂອງເດີມ.

ຕໍ່ກັບເຫດການດັ່ງກ່າວ ເຫັນວ່າ: ທ້າວ ພູວົງ ແລະ ທ້າວ ສີພັນດອນ ແມ່ນໄດ້ຫຼົງຈັບເອົາໂຕງົວ ຂອງປະຊາຊົນ ບ້ານ ປາກເປາະ ຈໍານວນ 02 ໂຕ ຢ່າງແທ້ຈິງ. ເຫັນວ່າ: ທ້າວ ສົມຊາຍ ແມ່ນບໍ່ມີສ່ວນກ່ຽວຂ້ອງກັບການ ຊື້ – ຂາຍໂຕງົວຂອງ ທ້າວ ພູວົງ ແລະ ທ້າວ ສີພັນດອນ, ຜູ້ກ່ຽວເປັນພຽງຜູ້ມາຊ່ວຍແກ່ງົວ.

ພາບ-ຂ່າວ:ນັກຂ່າວເມືອງວັງວຽງ.

Continue Reading

ຂ່າວພາຍໃນ

ດ່ວນ ໄຊຍະບູລີ ອອກແຈ້ງການຮັບມືນໍ້າຖ້ວມ

Published

on

ດ່ວນທີ່ສຸດ ແຂວງໄຊຍະບູລີ ອອກແຈ້ງການ ຮັບມືນໍ້າຖ້ວມ ສະບັບເລກທີ 354/ຫວຂ.ຊຍ ລົງວັນທີ 12 ສິງຫາ 2022

ເລື່ອງ ແຈ້ງການສຸກເສີນ ໄພພິບັດນ້ຳຖ້ວມ ເຖິງ ບັນດາທ່ານ ຫົວໜ້າພະແນກການ, ອົງການ, ກົມກອງ, ສະພາປະຊາຊົນແຂວງ, ລັດວິສາຫະກິດ, ຫ້ອງການອ້ອມຂ້າງແຂວງ ແລະ ທ່ານເຈົ້າມືອງ 11 ເມືອງ ພາຍໃນແຂວງ.

ລາຍລະອຽດເອກະສານລຸ່ມນີ້:

Continue Reading

ຂ່າວພາຍໃນ

ໂຮງໝໍບໍ່ມີຕຽງພຽງພໍສຳລັບຜູ້ປ່ວຍທີ່ເປັນໄຂ້ເລືອດອອກ ໃນນະຄອນຫຼວງວຽງຈັນ

Published

on

ໂຮງໝໍໃນນະຄອນຫຼວງວຽງຈັນບໍ່ມີຕຽງພຽງພໍ ເພື່ອຮອງຮັບຜູ້ປ່ວຍທີ່ເປັນໄຂ້ເລືອດອອກ.ວັນທີ 10 ສິງຫາ 2022 ອ້າງອີງຈາກ ວຽງຈັນທາຍ ໄດ້ລາຍງານວ່າ: ໂຮງໝໍບາງແຫ່ງໃນນະຄອນຫຼວງວຽງຈັນ ໄດ້ປ່ຽນຫ້ອງປະຊຸມ ເປັນຫ້ອງທີ່ຮອງຮັບຜູ້ປ່ວຍ ເນື່ອງຈາກຂາດສະຖານທີ່ປິ່ນປົວຄົນເຈັບ, ໃນຂະນະທີ່ບາງບ່ອນຍັງຂໍຕຽງນອນຈາກປະຊາຊົນຕື່ມອີກ ເພື່ອໃຫ້ສາມາດຮັບມືກັບຈໍານວນຜູ້ປ່ວຍໄຂ້ເລືອດອອກທີ່ເພີ່ມຂຶ້ນ.

ຈໍານວນຜູ້ທີ່ເປັນພະຍາດໄຂ້ເລືອດອອກ ໄດ້ເພີ່ມຂຶ້ນຢ່າງຫຼວງຫຼາຍໃນລະຫວ່າງເດືອນພຶດສະພາ ຫາ ເດືອນກໍລະກົດ.

ກະຊວງສາທາລະນະສຸກ ແລະ ແພດໝໍ ໃນໂຮງໝໍຕ່າງໆທົ່ວປະເທດ ພະຍາຍາມຮັບມືກັບການເພີ່ມຂຶ້ນຂອງ ກໍລະນີຜູ້ປ່ວຍໄຂ້ເລືອດອອກ ແມ່ນສູງຜິດປົກກະຕິເມື່ອທຽບໃສ່ປີ 2019.ກະຊວງ​ສາທາລະນະສຸກ ​ມີ​ແຜນ​ຈະ​ຍົກຍ້າຍ​​ແພດໝໍ​ທີ່ຢູ່​ໂຮງໝໍ​ໃຫຍ່​ໃນ​ນະຄອນຫຼວງ​ວຽງ​ຈັນ ​ໄປ​ຢູ່​ໂຮງໝໍນ້ອຍໆທົ່ວນະຄອນທີ່ມີບຸກຄະລາກອນບໍ່ພຽງພໍ.

ທ່ານ ດຣ. ຄໍາຫຼ້າ ຈູມລິວົງ ຮອງອຳນວຍການໂຮງໝໍເສດຖາທິລາດ ກ່າວຕໍ່ສື່ມວນຊົນໃນວັນຈັນທີ່ຜ່ານມານີ້ວ່າ ປີນີ້ມີຜູ້ປ່ວຍໄຂ້ເລືອດອອກເພີ່ມຂຶ້ນ ແລະ ມີຄົນມາຮັບການປິ່ນປົວພະຍາດຫຼາຍຂຶ້ນ, ຈຳນວນຄົນເຈັບທີ່ເປັນໄຂ້ເລືອດອອກຢູ່ໂຮງໝໍ ເສດຖາທິລາດ

ແມ່ນສູງຜິດປົກກະຕິ.ກະຊວງສາທາລະນະສຸກກ່າວວ່າ ການປ່ຽນແປງຂອງດິນຟ້າອາກາດ ກໍເປັນສ່ວນໜຶ່ງທີ່ພະຍາດໄຂ້ເລືອດອອກລະບາດໃນໄລຍະນີ້ ໂດຍມີຝົນຕົກ ຜິດປົກກະຕິ ໃນຕົ້ນລະດູຝົນ ເຮັດໃຫ້ເກີດມີຍຸງລາຍ ທີ່ເປັນຕົວແຜ່ພະຍາດ.ເຈົ້າໜ້າທີ່ສະກັດກັ້ນ ແລະ ຕ້ານອັກຄີໄພ ນະຄອນຫຼວງວຽງຈັນ ໄດ້ຕິດຕາມ ສະຖານະການ ຂອງການຕິດເຊື້ອ ທີ່ຈະເພີ້ມຂຶ້ນ ຍ້ອນວ່າລະດູຝົນ ຍັງສືບຕໍ່ໃຫ້ມີຍຸງລາຍ ເປັນຈຳນວນຫຼວງຫຼາຍ.

Continue Reading

ຂ່າວພາຍໃນ

ປ້າຍໃຜເຮ່ຍ ມາເອົາເດີ້ ແຖວຮ້ານສຸວັນນີ ສີໄຄ

Published

on

ນຳ້ຖ້ວມທາງ ແຖວຮ້ານສຸວັນນີ ສີໄຄ ໃນມື້ວານ. ( ປ້າຍໃຜເຮ່ຍ ໃຫ້ເອົາເອກກະສານມາຢັ້ງຢືນເອົາ ເພື່ອປ້ອງກັນມິສາຊິບ )

ນ້ຳທີ່ກິນບໍ່ມີມື້ໝົດ..ກໍ່ຄືນ້ຳໃຈ

ປະກາດຫາເຈົ້າຂອງປ້າຍລົດ

ແຈ້ງເຖິງທຸກທ່ານທີ່ທຽວທາງໃນຜ່ານເສັ້ນທາງ 13ເໜືອ ໜ້າ ສຸວັນນີ ໂຮມຊັນເຕີ ສາຂາ ສີໄຄ ບ້ານ ນາແຮ່ ມ. ສີໂຄດຕະບອງ ນະຄອນຫຼວງວຽງຈັນ,

ເຊິ່ງເປັນເຂດນ້ຳຖ້ວມໜັກ ເຮັດໃຫ້ປ້າຍທະບຽນລົດຂອງຜູ້ຂັບຂີ່ຜ່ານເຂດດັ່ງກ່າວຫຼຸດອອກຈາກລົດ ເຊິ່ງລວມຈຳນວນ 26 ປ້າຍ ແລະ ກະເປົ໋າ 1 ໜ່ວຍ ໄດ້ຖືກນ້ຳໄຫຼພັດມາທີ່ ສຸວັນນີ ໂຮມເຊັນເຕີ ສາຂາ ສີໄຄ ໂດຍມີປ້າຍທະບຽນດັ່ງນີ:

  1. ກຕ 3712
  2. ກທ 4380
  3. ກຕ 8403
  4. ກຕ 6642
  5. ກທ 5077
  6. ກລ 1309
  7. ວຄ 8118
  8. ມລ 4666
  9. ກທ 1483
  10. ກດ 6628
  11. ກວ 3722
  12. ກກ 4934
  13. ຄພ 8299
  14. ກຫ 5278
  15. ກຣ 8810
  16. ກສ 1178
  17. ກຍ 9758
  18. ກລ 3802
  19. ກຮ 7787
  20. ກວ 3452
  21. ກບ 8063
  22. ກຫ 1655
  23. ກມ 9038
  24. ກຜ 2860
  25. ກພ 1399

26. ກວ 2946

ຕິດຕໍ່ພົວພັນເອົາທະບຽນລົດ ແລະ ກະເປົ້າຂອງທ່ານ ຄືນໄດ້ທີ່ ສຸວັນນີ ໂຮມເຊັນເຕີ ສາຂາ ສີໄຄ ເດີ: ພີ່ນ້ອງ: ໂທ 020 5788 5806 (ຜູ້ຈັດການສາຂາສີໄຄ)

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້