ລະນຶກເຖິງ ປະທານສຸພານຸວົງ ໃນວັນຄ້າຍວັນເກີດ ວັນທີ 13 ກໍລະກົດ ຄົບຮອບ 111 ປີ (1909-2020)
ປະທານ ສຸພານຸວົງ ໄດ້ຮ່ວມຂະບວນການຕໍ່ຕ້ານຝຣັ່ງ ເພື່ອເອກະລາດ ຈົນໄດ້ຮັບບາດເຈັບໃນການຕໍ່ສູ້ກັບຝຣັ່ງ ທີ່ເມືອງ ທ່າແຂກ ລະຫວ່າງໜີຂ້າມແມ່ນໍ້າຂອງຂ້າມໄປຝັ່ງໄທ ໃນປີ ຄ.ສ 1946, ເພິ່ນໄດ້ສ້າງຕັ້ງກອງທັບປົດປ່ອຍປະຊາຊົນລາວ ຢູ່ເມືອງຊຳເໜືອ ແຂວງຫົວພັນ ໃນປີ ຄ.ສ 1949 ພາຍໃຕ້ການສະໜັບສະໜູນຂອງ ປະທານ ໂຮ່ຈິມິນ, ຊຶ່ງຕໍ່ມາເປັນຂະບວນການກອມມູນິດປະເທດລາວ.
ຕໍ່ມາອີກ 2 ປີ ຂະບວນການປະເທດລາວ ກໍສາມາດປົດປ່ອຍພື້ນທີ່ 1 ໃນ 3 ຂອງປະເທດໄດ້ ແລະ ຕັ້ງຖານທີ່ໝັ້ນທີ່ຍາກແກ່ການທຳລາຍໃນຖໍ້າຫິນປູນ ທີ່ເມືອງຊຳເໜືອ ແຂວງຫົວພັນ ແລະ ແຂວງຜົ້ງສາລີ ຄ.ສ 1953 ຝຣັ່ງໄດ້ຈັດຕັ້ງລັດຖະບານປະສົມຊົ່ວຄາວຂຶ້ນຢູ່ພາຍໃຕ້ການນຳຂອງນາຍົກລັດຖະມົນຕີຫຼາຍທ່ານ ທີ່ເປັນພວກຝ່າຍຂວາຈັດ ໄດ້ແກ່ເຈົ້າ ສຸວັນນະຣາດ ແລະ ເຈົ້າສຸວັນນະພູມມາ.
ໃນປີ ຄ.ສ 1974 ທ່ານໄດ້ກັບຄືນວຽງຈັນ ໄດ້ດຳລົງຕຳແໜ່ງເປັນປະທານສະພາທີ່ປຶກສາແຫ່ງຊາດ 18 ເດືອນ ຈົນສະຖາປະນາ ເປັນປະເທດ ສາທາລະນະລັດ ປະຊາທິປະໄຕ ປະຊາຊົນລາວ ທ່ານ ກໍໄດ້ຮັບເລືອກໃຫ້ເປັນ ປະທານປະເທດ ແລະ ປະທານສະພາປະຊາຊົນສູງສູດ ຜູ້ທຳອິດ. ພ້ອມກັນນັ້ນ ທ່ານກໍໄດ້ສະຫຼະຖານະເຈົ້າຊາຍ ຕັ້ງແຕ່ສະໄໝເກົ່າ.
ເຈົ້າສຸພານຸວົງ ເປັນປະທານທີ່ເຄົາລົບຮັກຂອງປວງຊົນລາວ ຈົນເອີ້ນກັນວ່າ “ລຸງສຸພານຸວົງ” ໄດ້ດຳລົງຕຳແໜ່ງປະທານປະເທດຈົນເຖິງ ຄ.ສ 1986 ຈຶ່ງລາອອກ ຍ້ອນເພິ່ນມີບັນຫາດ້ານສຸຂະພາບ.
ທ່ານໄດ້ປາກົດຕົວຕໍ່ໜ້າສາທາລະນະຊົນຄັ້ງສຸດທ້າຍໃນສະໄໝປະຊຸມພັກຄັ້ງທີ 5 ເມື່ອເດືອນ ມີນາ ຄ.ສ 1991 ເພິ່ນໄດ້ເຖິງແກ່ກຳ ເມື່ອວັນທີ 9 ມັງກອນ 1995 ທີ່ ນະຄອນຫຼວງວຽງຈັນ
