ຂໍ້ຄວາມຈາກ ຊາວເມືອງສະຫນາມໄຊ ເງິນ50% ຮອບສອງກະຍັງມາຕັດອີກ20% – ສື່ລາວ.ຄອມ
Connect with us

ຂ່າວພາຍໃນ

ຂໍ້ຄວາມຈາກ ຊາວເມືອງສະຫນາມໄຊ ເງິນ50% ຮອບສອງກະຍັງມາຕັດອີກ20%

Published

on

ຂໍ້ຄວາມຈາກ ຊາວເມືອງສະຫນາມໄຊ

ເງິນ50%ຮອບສອງກະຍັງມາຕັດອີກ20%ໃນເບື້ອງຕົ້ນຄືບໍ່ເວົ້າວ່າຊິຕັດ ບັດມາເທື່ອນີ້ຄືຕັດ ເງິນທີ່ໄດ້ມາຍັງບໍ່ໄດ້ເຄີ່ງໜື່ງທີ່ເຄື່ອງຂອງເສຍຫາຍໄປເງິນນ້ອຍທໍ່ໃດແຮງມາຕັດ ຄັນຮູ້ວ່າຊິຕັດແບບນີ້ບໍ່ເຊັນເອົາແຕ່ທຳອິດດອກ ຢາກຮູ້ຄືກັນວ່າເປັນຫຍັງຕ້ອງມາຕັດ ບໍ່ຄິດເຫັນໃຈຜູ້ປະສົບໄພແນ່ບໍ

ຄັນເລືອກໄດ້ບໍ່ມີໃຜຢາກໃຫ້ເຫດການນີ້ເກີດຂື້ນດອກບໍ່ແມ່ນວ່າຊິຢາກໃຫ້ເຂື່ອນມາແຕກໃສ່ ຄັນເຂື່ອນບໍ່ແຕກຄືຊິຈະເລີນກວ່ານີ້ເປັນ1000ເທົ່າ ກ່ອນຊິຕັດຫຍັງກະໃຫ້ຄິດແນ່ ບໍ່ແມ່ນຊິຢາກໄດ້ແຕ່ເງິນເຂົ້າຖົງໂດຍທີ່ບໍ່ຄິດເຫັນໃຈຜູ້ປະສົບໄພ ຄືບໍລິສັດSK ເຂົາກະໃຊ້ໃຫ້ໝົດແລ້ວເຂົາບໍ່ໄດ້ເວົ້າອີກວ່າຊິຕັດເງິນ20% ຂອງຜູ້ປະສົບໄພ ຜູ້ໄດ້ຫລາຍເຂົາກະຊິພໍໃຈໃຫ້ຕັດແຕ່ຜູ້ໄດ້ໜ້ອຍຊິເຫລືອຫລາຍປານໃດ

ໜີ້ທະນາຄານເຂົາກະມີໃຊ້ໜີ້ກະຍັງບໍ່ພໍແລ້ວ ເງິນຊິຊື້ກິນໃນແຕ່ລະມື້ກະບໍ່ເຫລືອຄັນຕັດ20%ນີ້ ຄືສູນປິນດົງນີ້ບໍ່ໄດ້ຫຍັງເລີຍທີ່ເປັນຂອງພັກລັດໃຫ້ບໍ່ວ່າຊິເປັນດິນທົດແທນເຮັດຮົ້ວເຮັດສວນກະບໍ່ໄດ້ຄືສູນອື່ນ ດິນຊິປຸກເຮືອນຖາວອນໃສ່ກະຍັງບໍ່ຮູ້ວ່າຢູ່ໃສ ດິນຊິມາທົດແທນໃຫ້ກະຍັງບໍ່ມີ ຄັນບໍ່ມີຄືຈັ່ງຊັ້ນກະວ່າຊິເອົາເງິນໃຫ້ຄອບຄົວລະສາມລ້ານຫາຫົກລ້ານ

ເຮັດແບບນີ້ບໍ່ຖືກບັດຄອບຄົວທີ່ມີຄົນຫລາຍເດຊິພໍກິນພໍໃຊ້ບໍ ຄອບຄົວທີ່ມີຄົນໜ້ອຍກະຊິພໍຢູ່ໃຈຢູ່ ໃນເມື່ອກ່ອນວ່າ5ຄົນຂື້ນໄປໄດ້2ເຮັກຕາ ຄັນຊິໃຫ້ເງິນເປັນຫຍັງບໍ່ໄລ່ໃຫ້ຕາມດິນຊິທົບແທນໃຫ້ຄືແຕ່ລະສູນເອົາໄປເອົາມາຜູ້ປະສົບໄພແຮງຊິທຸກເມືອໜ້າຄັນເປັນແບບນີ້

.

Continue Reading

ຂ່າວພາຍໃນ

ລັດຖະມົນຕີ ເວົ້າເດັດຂາດ ຈະເຄັ່ງຄັດ ຄວາມປອດໄພຂຶ້ນເຕື່ມ

Published

on

By

ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີກະຊວງປ້ອງກັນ ຄວາມສະຫງົບ ລົງ ເຄື່ອນໄຫວຊີ້ນໍາວຽກງານປ້ອງກັນຄວາມສະຫງົບ ຢູ່ເຂດເສດຖະກິດ ພິເສດສາມຫຼ່ຽມ-ຄໍາ ພ້ອມເນັ້ນຢໍ້າໃຫ້ພາກສ່ວນ ທີ່ກ່ຽວຂ້ອງ ໃຫ້ຄວາມ ສໍາຄັນກັບວຽກງານຄວາມສະຫງົບໃນຂົງເຂດ ດັ່ງກ່າວຫຼາຍຂຶ້ນ.

ໃນວັນທີ 28 ມັງກອນ 2023, ທ່ານ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບ ຢູ່ເຂດເສດຖະກິດພິເສດ ເມືອງຕົ້ນເຜີ້ງ ແຂວງບໍ່ ແກ້ວ,

ໂດຍການຕ້ອນຮັບຂອງ ທ່ານ ຈ້າວເຫີວຍ ປະທານສະພາຜູ້ ບໍລິຫານເຂດເສດຖະກິດພິເສດ ສາມຫຼ່ຽນຄໍາແຂວງບໍ່ແກ້ວ, ມີບັນດາ ການນໍາພັກແຂວງ, ຫົວຫນ້າ-ຮອງຫົວຫນ້າຫ້ອງວ່າການແຂວງ, ເຈົ້າເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະພັກ, ຄະນະຄຸ້ມຄອງເຂດເສດຖະກິດພິເສດ ເຂົ້າຮ່ວມ.

ໂອກາດດັ່ງກ່າວ ທ່ານ ພົອ ວິໄລ ກໍໄດ້ມີຄໍາເຫັນໂອ້ລົມຊີ້ນໍາຕໍ່ ຄະນະ ຄຸ້ມຄອງເຂດເສດຖະກິດພິເສດ ຈົ່ງພ້ອມກັນພັດທະນາເຂດເສດຖະກິດ ພິເສດໃຫ້ກາຍເປັນຕົວເມືອງທີ່ທັນສະໄຫມ, ມີພື້ນຖານເສດຖະກິດທີ່ເຂັ້ມ ແຂງ, ສັງຄົມມີຄວາມສີວິໄລຍຸຕິທໍາ, ເປັນສູນການຄ້າ-ການລົງທຶນ,ສາມາດກາຍເປັນແຫຼ່ງທ່ອງທ່ຽວລະດັບອາຊຽນ.

ພິເສດແມ່ນໃຫ້ມີຄວາມ ສະຫງົບ, ມີຄວາມປອດໄພ, ແຕ່ສິ່ງສໍາຄັນຕ້ອງຕິດພັນກັບ ຮ່ອງຮ້ອຍ ປະຫວັດສາດ, ຮີດຄອງວັດທະທໍາອັນເກົ່າແກ່ ແລະ ສ້າງໃຫ້ເຂດດັ່ງກ່າວ ກາຍເປັນການຄຸ້ມຄອງບໍລິຫານຕາມກົນໄກ ຕາມຫົວຫນ່ວຍບໍລິຫານໃນ ເງື່ອນໄຂເສດຖະກິດ ມີການເຕີຍໃຫຍ່ຂະຫຍາຍຕົວ, ເຂດພິເສດ ຕ້ອງໄດ້ ຍົກລະດັບການຄຸ້ມຄອງໃຫ້ສູງຂຶ້ນ

ໂດຍມອບໃຫ້ສູນກາງປະສານສົມທົບ ກັບທ້ອງຖິ່ນ ພ້ອມກັນຈັດຕັ້ງປະຕິບັດ, ສ້າງເປັນຫນ່ວຍງານຫນຶ່ງຄຸ້ມຄອງ ບໍລິຫານເຂດພິເສດ ເພື່ອແກ້ໄຂສະພາບທີ່ເກີດຂຶ້ນໃຫ້ທັນເວລາ ເພື່ອໃຫ້ ກາຍເປັນເມືອງທີ່ມີຄວາມສະຫງົບ, ທັນສະໄຫມ, ເປັນບ່ອນພັກຜ່ອນ, ທີ່ມີ ຄວາມເປັນລະບຽບຮຽບຮ້ອຍ, ສະຫງົບປອດໄພ, ກາຍເປັນເຂດພິເສດທີ່ ເປັນເຂດຕົວແບບ ແລະ ຄຸ້ມຄອງໃຫ້ມີປະສິດທິຜົນທີ່ດີຂຶ້ນກວ່າເກົ່າ.

ໂດຍໃນປີ 2022 ທີ່ຜ່ານມາ ສໍາລັບວຽກງານ ປ້ອງກັນຄວາມສະຫງົບ ໃນ ເຂດເສດຖະກິດພິເສດ ສາມຫຼ່ຽມຄໍາ ໄດ້ມີປະກົດການຫຍໍ້ທໍ້ເກີດຂຶ້ນ ທັງຫມົດ 153 ເລື່ອງ, x`ແກ້ໄຂໄດ້ທັງຫມົດ 107 ເລື່ອງ, ສົ່ງໃຫ້ ປກສ ແຂວງ ດໍາເນີນ 27 ເລື່ອງ ແລະ ຄະດີພວມດໍາເນີນແກ້ໄຂມີ 19 ເລື່ອງ.

ທີ່ມາ: ວຽງຈັນທາຍ

Continue Reading

ຂ່າວພາຍໃນ

ຮູ້ແລ້ວ ຍ້ອນສາເຫດນີ້ ຍິ ງ ກັນຕ າ ຍ 2 ຄົນເມືອງປາກງື່ມ

Published

on

By

ຂໍສະແດງຄວາມເສຍໃຈນຳຍາດຜູ້ເສຍຊີວິດ ເຫດ ຍິ ງ ກັ ນທີ່ເມືອງປາກງື່ມ.

ຕາມການລາຍງານຂອງ ໜ່ວຍກູ້ໄພອາສາເພື່ອປະຊາຊົນ ໃຫ້ຮູ້ວ່າ ໃນວັນທີ 1/2/2023 ເວລາ 13:30 ນາທີ ມີຄົ ນ ຍິ ງ ກັ ນເສຍຊີວິດ

ຈຸດເກີດເຫດທີ່ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ.ໃນບໍລິເວນເກີດເຫດ ມີຜູ້ປະສົບເຫດ2ຄົນເພດຊາຍ, ຜູ້ທີ່ 1 ເພດຍິງ ຖື ກ ຍິ ງ ເສຍຊີວິດຄາທີ່ ແລະ ຜູ້ທີ 2 ເພດຊາຍ ເສຍຊີວິດຢູ່ໂຮງໝໍ.

ປັດຈຸບັນເຈົ້າໜ້າທີ່ກຳລັງກວດສອບ ຖ້າມີຂໍ້ມູນເພີ່ມເຕີມຈະລາຍງານໃນພາຍຫຼັງ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້