ອົງການອານາໄມໂລກຍອມຮັບວ່າເຊື້ອໂຄວິດ-19 ແຜ່ຜ່ານລະອອງອາກາດໄດ້ – ສື່ລາວ.ຄອມ
Connect with us

ຂ່າວຕ່າງປະເທດ

ອົງການອານາໄມໂລກຍອມຮັບວ່າເຊື້ອໂຄວິດ-19 ແຜ່ຜ່ານລະອອງອາກາດໄດ້

Published

on

ເວັບໄຊ channelnewsasia ລາຍງານວ່າ ນັກວິທະຍາສາດຈາກ 32 ປະເທດກວ່າ 239 ຄົນ ລົງຊື່ໃນຈົດໝາຍເຖິງອົງການອານາໄມໂລກ (WHO) ທີ່ຖືກຕີພິມໃນວາລະສານວິທະຍາສາດ ເພື່ອຕ້ອງການໃຫ້ WHO ທົບທວນຄຳແນະນຳໃນການປ້ອງກັນການຕິດເຊື້ອໄວຣັດໂຄໂຣນາສາຍພັນໃໝ່ທີ່ເປັນສາເຫດຫຼັກຂອງການແຜ່ລະບາດຂອງໂຄວິດ-19.

ໃນຂົດໝາຍດັ່ງກ່າວລະບຸວ່າ 2 ນັກວິທະຍາສາດຈາກອົດສະຕາລີ ແລະ ສະຫະລັດມີຫຼັກຖານບົ່ງຊີ້ວ່າ ເຊື້ອໄວຣັດ SARS-CoV-2 ຫຼື ໂຄວິດ-19 ສາມາດແຜ່ກະຈາຍໃນຮູບແບບຂອງຝອຍລະອອງຂະໜາດນ້ອຍທີ່ມີປະລິມານພຽງພໍຕໍ່ການແຜ່ກະຈາຍໃນອາກາດຂະນະທີ່ມີການຫາຍໃຈອອກ, ການສົນທະນາ ແລະ ການໄອ.

ທັງນີ້, ຕາມຫຼັກຖານຂອງນັກວິທະຍາສາດເຮັດໃຫ້ສັນນິຖານໄດ້ວ່າ ຜູ້ຄົນທີ່ຢູ່ອາໄສໃນພື້ນທີ່ປິດພາຍໃນຕົວອາກາດອາດຈະມີຄວາມສ່ຽງເພີ່ມຂຶ້ນຕໍ່ການໄດ້ຮັບເຊື້ອໄວຣັດຫຼາຍກວ່າທີ່ຄາດການໄວ້ກ່ອນໜ້ານີ້.

ຕາມການລາຍງານຂອງ WHO ກ່ອນໜ້ານີ້ລະບຸວ່າ ເຊື້ອໂຄວິດ-19 ນັ້ນສາມາດແຜ່ກະຈາຍຜ່ານຝອຍລະອອງທີ່ມີຂະໜາດໃຫຍ່ ແລະ ການໄອ ຫຼື ຈາມ ຈະເຮັດໃຫ້ຝອຍລະອອງຕົກລົງພື້ນຫຼາຍກວ່າທີ່ຈະເຮັດໃຫ້ແຜ່ຜ່ານອາກາດໄດ້ ຍົກເວັ້ນຝອຍລະອອງທີ່ເກີດຈາກການໃຊ້ເຄື່ອງມືທາງການແພດເຊິ່ງຈະເຮັດໃຫ້ມີຄວາມສ່ຽງສູງກວ່າໃນການຮັບເຊື້ອ.

ກຸ່ມນັກວິທະຍາສາດກ່າວວ່າ ການທົບທວນຂໍ້ເທັດຈິງຂອງເສັ້ນທາງການແຜ່ກະຈາຍຂອງເຊື້ອໄວຣັດນັ້ນມີຄວາມສຳຄັນຫຼາຍ ເນື່ອງຈາກຫຼາຍປະເທດເລີ່ມຜ່ອນຜັນມາດຕະການປິດເມືອງທີ່ເຂັ້ມງວດລົງ. ໜຶ່ງໃນນັກວິທະຍາສາດທີ່ລົງຊື່ເຖິງ WHO ຍັງກ່າວວ່າ ດ້ວຍຂໍ້ສັນນິຖານໃໝ່ນີ້ມາດຕະການປ້ອງກັນການຕິດເຊື້ອນັ້ນອາດຈະຕ້ອງເພີ່ມມາດຕະການປ້ອງກັນການແຜ່ລະບາດທາງອາກາດເພີ່ມເຕີມຄືກັນ. WHO ອອກມາກ່າວວ່າ ກຳລັງໃຫ້ຜູ້ຊ່ຽວຊານດ້ານເທັກນິກຂອງອົງກອນທົບທວນຂອງສັນນິຖານທີ່ທາງນັກວິທະຍາສາດສະເໜີ.

Continue Reading

ຂ່າວຕ່າງປະເທດ

ພົບຊາຍ 3 ຄົນ ຊາວໄນຈີເຣຍ ລັກລອບອອກຈາກປະເທດ ໂດຍການນັ່ງລີ້ຢູ່ໜ້າກຳປັ່ນບັນທຸກນ້ຳມັນ ເປັນເວລາ 11 ມື້

Published

on

ພົບຊາຍ 3 ຄົນ ຊາວໄນຈີເຣຍ ລັກລອບອອກຈາກປະເທດ ໂດຍການນັ່ງລີ້ຢູ່ໜ້າກຳປັ່ນບັນທຸກນ້ຳມັນ

ພົບກັບຜູ້ຊາຍ 3 ຄົນ ຊາວໄນຈີເຣຍຈາກເມືອງ Lagos. ລັກລອບເຂົ້າປະເທດສະເປນໂດຍການນັ່ງລີ້ຢູ່ໜ້າກຳປັ່ນບັນທຸກນ້ຳມັນ.

ໂດຍທັງ 3 ຄົນ ນັ່ງຢູ່ຈຸດນັ້ນ ເປັນເວລາ 11 ມື້

Continue Reading

ຂ່າວຕ່າງປະເທດ

ເບິ່ງເອົາເດີ ແບບຢ່າງ ສາວປະຢັດກິນ ຕຳໝີ ມື້ລະ 18,000 ກີບ ຈົນຊື້ເຮືອນໄດ້ 3 ຫຼັງ

Published

on

ປະຢັດກິນ ຈົນຊື້ເຮືອນໄດ້ 3 ຫຼັງ ຍິງຊາວຍີ່ປຸ່ນ ໃນໄວ 34 ປີ ກິນພຽງ 200 ເຢນ (18 ພັນກວ່າກີບ) ຕໍ່ວັນ.

ຂ່າວນີ້ຖືເປັນທີ່ສົນໃຈ ເມື່ອສື່ຂອງຍີ່ປຸ່ນ ລາຍງານຊີວິດຍິງສາວຊາວຍີ່ປຸ່ນທ່ານໜຶ່ງ ທີ່ກິນພຽງກິນພຽງ 200 ເຢນ (ປະມາານ 18 ພັນກວ່າກີບ) ຕໍ່ວັນ ປັດຈຸບັນມີເຮືອນ 3 ຫຼັງ ຜ່ານເວລາໄປ 16 ປີ.

ຍິງຜູ້ນີ້ລາວພະຍາຍາມດີ້ນຮົນ ແລະ ປະຢັດອົດອອມກວ່າ 16 ປີ ແລະ ໄດ້ຊື້ເຮື້ອນຫຼັງທີ 3 ໄດ້ເດືອນພະຈິກ ປີ 2019 ເຊິ່ງລາວໄດ້ເລີ່ມວາງແຜນຕັ້ງແຕ່ອາຍຸ 18 ປີ ເມື່ອມີເປົ້າໝາຍທີ່ຈະຊື້ເຮືອນ 3 ຫຼັງ ເມື່ອອາຍຸຮອດ 34 ປີ.

ຕອນອາຍຸ 27 ປີ ລາວໄດ້ຊື້ເຮືອນຫຼັງທຳອິດໃນແຂວງໄຊຕາມະ ດ້ວຍເງິນ 10 ລ້ານເຢນ (ປະມານ 912 ລ້ານກີບ) ແລະ ຊື້ເຮືອນຫຼັງທີ 2 ໃນຄາລາ 18 ລ້ານເຢນ ( 1,6 ຕື້ກວ່າກີບ) ເມື່ອອາຍຸພຽງ 29 ປີ ແລະ ໃນປີ 2019 ລາວ ອາຍຸໄດ້ 34 ປີ ກໍ່ໄດ້ຊື້ເຮືອນຫຼັງທີ 3 ໃນລາຄາ 27 ລ້ານເຢນ (2,4 ຕື້ກວ່າກີບ).

ຈາກການລາຍງານຂອງສື່ຍີ່ປຸ່ນ ເປີດເຜີຍວ່າ: ຍິງຄົນນີ້ ລາວກິນຈະໃຊ້ຈ່າຍບໍ່ເກີນ 200 ເຢນ ( 18.000 ກວ່າກີບ) ຕໍ່ວັນສຳລັບຄ່າອາຫານເພື່ອຄວາມຢູ່ລອດ ດ້ວຍງົບປະມານທີ່ຈຳກັດ ລາວຈະເຮັດອຸດົ້ງ ແລະ ຜັກ ກິນດ້ວຍເງິນພຽງ 50 ເຢັນ (4.560 ກີບ) ສຳລັບສ່ວນປະສົມ, ລາວບອກວ່າ ຖ້າກິນອີ່ມແລ້ວ ຈະກິດຫຍັງກໍ່ບໍ່ຕ່າງກັນ.

ໃນຕອນອາຍຸ 29 ປີ ລາວຕັດຜົມ ແລະ ຂາຍຜົມຂອງຕົນເອງໃນລາຄາ 3.100 ເຢນ (282.720 ກີບ) ປັດຈຸບັນນອກຈາກເຮັດວຽກປະຈຳໃນອຸດສາຫະກຳອະສັງຫາລິມະຊັບແລ້ວ ລາວຍັງມີລາຍໄດ້ຈາກການເກັບຄ່າເຊົ່າຈາກຫ້ອງວ່າງຈາກອະສັງຫາລິມະຊັບຂອງລາວ ແລະ ເປີດຄາເຟ່ແມວ Cafe Yunaagi ຈາກເຮືອນຫຼັງທີ 3 ເຊິ່ງແມວທຸກໂຕທີ່ຢູ່ຄາເຟ່ ເປັນແມວທີ່ຊ່ວຍເຫຼືອຈາກຂ້າງທາງ.

Continue Reading

ຂ່າວຕ່າງປະເທດ

ເດືອດ! APEC 2022 ໄທວຸ້ນ ຜູ້ປະທ້ວງປະທະກັບຕຳຫຼວດຄວບຄຸມຝຸງຊົນ.

Published

on

APEC 2022 ໄທວຸ້ນ ຜູ້ປະທ້ວງປະທະກັບຕຳຫຼວດຄວບຄຸມຝຸງຊົນດຸເດືອດ.

ຜູ້ປະທ້ວງຈຳນວນຫຼາຍໄດ້ລວມຕົວກັນປະທ້ວງຕໍ່ກອງປະຊຸມ APEC ທີ່ຈັດຂຶ້ນທີ່ນະຄອນຫຼວງບາງກອກ ເຊິ່ງມີຜູ້ນຳລະດັບໂລກກຳລັງປະຊຸມກັນ.

ຮູບພາບເດັ່ນຄື ຍາພໍ່ອົງໜຶ່ງໃນນາມຜູ້ປະທ້ວງໄດ້ໂດດຖີບຕຳຫຼວດ ປານໃນໜັງ.

….

ຮູບ: ຣອຍເຕີ

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້