ຄະລຶຫາດ ມູນຄ່າ 64 ລ້ານໂດລາ ເສດຖີຊາວໄທ ຖືກໄຟໄໝ້ກ້ຽງ

ສຳນັກຂ່າວ Daily Mail ໃຫ້ຮູ້ເມື່ອວັນທີ 1 ກໍລະກົດນີ້ວ່າ ພາລາດຊະວັງ ສຸກຂະວະດີ ທີ່ ອຳນາດຈະເລີນ ສ້າງຂຶ້ນໃນມູນຄ່າ 64 ລ້ານໂດລາ ຂອງເສດຖີໄທຄົນໜຶ່ງ ຖືກໄໝ້ຢ່າງຮາບກ້ຽງໃນມື້ທຳອິດເປີດປະຕູບໍລິການນັກທ່ອງທ່ຽວ ພາຍຫຼັງໂຄວິດ-19.ພະນັກງານທີ່ເຮັດວຽກຢູ່ໃນພາລາດຊະວັງໃຫ້ຮູ້ວ່າ

ເຂົາໄດ້ຍິນສຽງລະເບີດຂຶ້ນຢ່າງແຮງ ແລະ ທັງມີໄຟລຸກຂຶ້ນພ້ອມ.ເຫດເກີດຂຶ້ນໃນລະຫວ່າງ 10 ໂມງເຊົ້າຂອງວັນທີ 1 ກໍລະກົດ. ເສດຖີທີ່ມີຊື່ສຽງຂອງໄທ ຊື່ ປັນຢາ ໂຊຕິຕາວັນ(Panya Chotitawan) ເປັນເຈົ້າຂອງພາລາດຊະວັງຫຼັງດັ່ງກ່າວ.ນອກຈາກຄ່າສິ້ນເປືອງໃນການກໍ່ສ້າງສູງເຖິງ 64 ລ້ານໂດລາແລ້ວ,

ໃນພາລາດຂະວັງຍັງເຕັມໄປດ້ວຍສິ່ງຂອງວັດຖຸທີ່ມີຄ່າ.ທັນທີ ເຈົ້າໜ້າທີ່ກູ້ໄພໄດ້ມີໜ້າຢູ່ສະໜາມເກີດເຫດ ແຕ່ກໍມີຄວາມຫຍຸ້ງຍາກໃນການມອດໄຟ ເພາະພາລາດຊະວັງກ້ວາງເກີນໄປ. ຕ້ອງເສຍເວລາ 4 ຊົ່ວໂມງຈຶ່ງສາມາດມອດໄຟໄດ້.ພາບາດຂະວັງ ສຸກຂາວະດີ ສ້າງຂຶ້ນເມື່ອປີ 2000 ໂດຍເສດຖີ ປັນຢາ ໂຊຕິຕາວັນ ເປັນເຈົ້າຂອງບໍລິສັດປະລິດຕະພັນຊີ້ນໄກ່ແຊ່ແຂງທີ່ໃຫ່ຍທີ່ສຸດໃນໄທ.

ທີ່ມາ ໜັງສືພິມລາວພັດທະນາ

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້