ສາວໃດນົກຕະຫຼອດຕ້ອງອ່ານ 5 ນິໄສໜ້າຮັກຂອງຜູ້ຍິງ ທີ່ຜູ້ຊາຍມັກ

ຢາກມີແຟນຄືເຂົາແດ່ຊິເຮັດຈັ່ງໃດນໍ ເປັນຫຍັງຄືບໍ່ມີໃຜມາລົມຈັກເທື່ອ ຖ້າເປັນແບບນັ້ນສາວໆຕ້ອງໄດ້ສຳຫຼວດຕົວເອງແລ້ວວ່າ ເຮົາມີຫຍັງທີ່ຜູ້ຊາຍເຂົາບໍ່ມັກ? ບາງຄົນງາມສົມບູນແບບ ແຕ່ກໍ່ຍັງບໍ່ມີແຟນ ຫຼື ຖືກເຂົາຖິ້ມຢູ່ເລື້ອຍໆ ມື້ນີ້ມີເຄັດ ນຳຂອງເດັດທີ່ຜູ້ຊາຍມັກມາຝາກ:

1. ບຸກຄະລິກກະພາບທີ່ດີ: ເຖິງວ່າຈະບໍ່ແມ່ນຄົນທີ່ໜ້າຕາດີ ຂໍພຽງແຕ່ບຸກຄະລິກກະພາບດີ ອ້າຍບ່າວທັງຫຼາຍກໍ່ເທໃຈໃຫ້ເຈົ້າໄດ້ເກີນເຄິ່ງແລ້ວ ແຕ່ງໂຕໃຫ້ສະອາດສະອ້ານດູດີ, ບໍ່ເຮັດຫຼັງກົ່ງ, ຍ່າງໃຫ້ສະງ່ຽມຄ່ຽມຄົມ ຯລຯ

2. ຍິ້ມແຍ້ມແຈ່ມໃສ ມີມະນຸດສຳພັນດີ: ເປັນຄົນມ່ວນຊື່ເຮຮາກັບໝູ່ກັບຄູ່ ບໍ່ເຮັດທ່າທີກິລິຍາຄືຄົນຫຼິ້ນໂຕ ຜູ້ຊາຍຈຶ່ງກ້າເຂົ້າມາລົມ.

3. ເວົ້ານົວຫົວມ່ວນ ເປັນທຳມະຊາດ: ການເວົ້າການຈາເປັນສ່ວນໜຶ່ງທີ່ສະແດງໃຫ້ເຫັນວ່າ ເຈົ້າເປັນຄົນມີມາລະຍາດດີຊຳໃດ ສ່ວນພວກທີ່ເວົ້າແອັບສຽງແບບແບ້ວໆໃຫ້ເຊົາສາຢ່າເຮັດ ມັນບໍ່ເປັນທຳມະຊາດ ຖ້າເຂົາຈະຮັກກໍ່ໃຫ້ເຂົາຮັກໃນແບບທີ່ເຮົາເປັນນິແລະ ຈຶ່ງຈະບໍ່ໄດ້ແອັບໄປຕະຫຼອດ.

4. ມີຄວາມໝັ້ນໃຈ: ຜູ້ຍິງທີ່ໝັ້ນໃຈຈະມີສະເໜ່ຫຼາຍ ເພາະເປັນຄົນທີ່ມີຄວາມເປັນຜູ້ນຳ ເບິ່ງແລ້ວບໍ່ເປັນຄົນຈູ້ຈີ້ຈຸກຈິກ ສາມາດເຮັດສິ່ງຕ່າງໆໄດ້ດ້ວຍຕົນເອງ

5. ຈິງໃຈ: ການມີຄວາມຈິງໃຈທັງຄຳເວົ້າ ແລະ ການກະທຳ ຖືເປັນສະເໜ່ຢ່າງໜຶ່ງທີ່ສຳຄັນຂອງຜູ້ຍິງທີ່ຜູ້ຊາຍຮ້ອຍທັງຮ້ອຍຕ້ອງການ