ລາວມີ 885 ກິດຈະການ ທີ່ຂຸດຄົ້ນແຮ່ທາດຢູ່ລາວ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວພາຍໃນ

ລາວມີ 885 ກິດຈະການ ທີ່ຂຸດຄົ້ນແຮ່ທາດຢູ່ລາວ

Published

on

ໜັງສືພິມວຽງຈັນທາມ ລາຍງານວ່າ ລັດຖະບານໄດ້ເອົາໃຈໃສ່ຢ່າງຕັ້ງໜ້າໃນການຄຸ້ມຄອງ ແລະ ນໍາໃຊ້ຊັບພະຍາກອນທໍາມະຊາດ ກ່ຽວ ກັບການຄຸ້ມຄອງການຂຸດຄົ້ນແຮ່ທາດ ເຊິ່ງ ມີ 885 ກິດຈະການ ໃນທົ່ວປະເທດ.

ທ່ານ ບຸນປອນ ສີສຸລາດ ກໍາມະການຄະນະປະຈໍາສະພາແຫ່ງຊາດ, ປະທານກໍາມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ໄດ້ລາຍງານຕໍ່ສະມາຊິກສະພາແຫ່ງຊາດທີ່ ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ກ່ຽວກັບການຄຸ້ມຄອງ ແລະ ນໍາໃຊ້ຊັບພະຍາກອນທໍາມະຊາດວ່າ: ລັດຖະບານໄດ້ເອົາໃຈໃສ່ຢ່າງຕັ້ງໜ້າໃນການຄຸ້ມຄອງ ແລະ ນໍາໃຊ້ຊັບພະຍາກອນທໍາມະຊາດ ໂດຍສະເພາະແຮ່ທາດ, ຫິນຜາ, ຫິນແຮ່ ແລະ ຊາຍ ຊຶ່ງໄດ້ສ້າງ ແລະ ປັບປຸງກົດໝາຍ ລວມທັງນິຕິກໍາໃຕ້ກົດໝາຍທີ່ກ່ຽວຂ້ອງຫຼາຍສະບັບ ເປັນຕົ້ນ: ກົດໝາຍວ່າດ້ວຍແຮ່ທາດ, ກົດໝາຍ ວ່າດ້ວຍການສົ່ງເສີມການລົງທຶນ, ກົດໝາຍວ່າດ້ວຍທີ່ດິນ, ກົດໝາຍວ່າດ້ວຍນໍ້າ ແລະ ຊັບພະຍາກອນນໍ້າ, ກົດໝາຍ ວ່າດ້ວຍການປົກປັກຮັກສາ ສິ່ງແວດລ້ອມ, ກົດໝາຍ ວ່າດ້ວຍການກໍ່ສ້າງ, ລັດຖະບັນຍັດປະທານປະເທດ ວ່າດ້ວຍອັດຕາຄ່າຊັບພະຍາກອນທໍາມະຊາດ.

ທ່ານ ບຸນປອນ ໄດ້ແຈ້ງໃຫ້ຮູ້ຕື່ມອີກວ່າ: ນອກນັ້ນ, ຄະນະປະຈໍາສະພາແຫ່ງຊາດໄດ້ລົງຕິດຕາມ ກວດກາ ການຈັດຕັ້ງປະຕິບັດກົດໝາຍ ກ່ຽວກັບວຽກງານແຮ່ທາດ, ແນໃສ່ ເຮັດໃຫ້ການອະນຸຍາດ, ການຄຸ້ມຄອງ ແລະ ການຕິດຕາມກວດກາການດໍາເນີນກິດຈະການດັ່ງກ່າວໃຫ້ຖືກຕ້ອງຕາມກົດໝາຍ ແລະ ນິຕິກໍາທີ່ກ່ຽວຂ້ອງ, ທັງຮັບປະກັນການຄຸ້ມຄອງ ແລະ ນໍາໃຊ້ຊັບພະຍາກອນທໍາມະຊາດ ທີ່ມີຈໍາກັດ.

ຮອດປັດຈຸບັນນີ້ ມີ 885 ກິດຈະການກ່ຽວກັບການຂຸດຄົ້ນແຮ່ທາດ ລວມທັງ ຫີນຜາ, ຫີນແຮ່ ແລະ ຊາຍ ໃນຂອບເຂດທົ່ວປະເທດ ທີ່ສູນກາງ ແລະ ທ້ອງຖິ່ນ ອະນຸຍາດ ແລະ ຍັງດໍາເນີນການຢູ່ໃນປັດຈຸບັນ. ໃນນີ້, ສູນກາງອະນຸຍາດ ມີ 320 ກິດຈະການ ຊຶ່ງ ຢູ່ໃນຂັ້ນຕອນຊອກຄົ້ນ ແລະ ສໍາຫຼວດ 113 ກິດຈະການ, ຂັ້ນຕອນສຶກສາບົດວິພາກເສດຖະກິດ-ເຕັກນິກ 65 ກິດຈະການ ແລະ ກິດຈະການທີ່ຢູ່ໃນຂັ້ນຕອນຂຸດຄົ້ນ ແລະ ປຸງແຕ່ງມີທັງໝົດ 142 ກິດຈະການ. ນອກນັ້ນ ຂັ້ນທ້ອງຖິ່ນ (ຂະແໜງພະລັງງານ ແລະ ບໍ່ແຮ່) ໄດ້ອະນຸຍາດ ໃຫ້ຂຸດຄົ້ນແຮ່ທາດອະໂລຫະສໍາລັບການກໍ່ສ້າງ ແລະ ອຸດສາຫະກໍາ ມີ 565 ກິດຈະການ.

Continue Reading

ຂ່າວພາຍໃນ

ມີຜູ້ໃຊ້ເຟສບຸກທ່ານໜຶ່ງອອກມາໂພສ ມີປີ້ຢືນ

Published

on

ເຊົ້າວັນທີ 5 ສິງຫາ 2022 ນີ້ ມີຜູ້ໃຊ້ເຟສບຸກທ່ານໜຶ່ງອອກມາໂພສວ່າ: “ທຳອິດຄິດວ່າເຮັດແບບສອບຖາມ ແລ້ວຖືກດຣາມ້າຫຼາຍ ແລ້ວແຈ້ງແຕ່ເພີ່ມຖ້ຽວຊັ້ນດອກ.

ຫຼ້າສຸດ ຊື້ປີ້ລົດໄຟໃຫ້ຫຼານລະໄດ້ປີ້ຢືນ ທຳອິດກະເປັນງົງໆ ເພາະທີ່ຊື້ປີ້ໃຫ້ຍ້ອນບໍ່ຢາກໃຫ້ນັ່ງຕັກ ກັບຢ້ານຫຍຸ້ງຍາກຜູ້ອື່ນ.. ເລີຍເລືອກຊື້ປີ້ ໄປສອບຖາມພະນັກງານແລ້ວ ທຳອິດພະນັກງານກະງົງຄືກັນ.. ແຕ່ຜູ້ອອກປີ້ບອກວ່າ “ປີ້ເຕັມ.. ກະເລີຍອອກປີ້ຢືນໃຫ້” ໂອເຄນ້ຳເບີວັນ.. ຈ່າຍເງິນເຕັມ ເພື່ອໄດ້ປີ້ຢືນ ຕາມແບບສອບຖາມເລີຍ.

ຫຼືວ່າຕອນຕອບແບບສອບຖາມ ມີຄົນຕອບເຫັນດີແມ່ນບໍ່? ກະເລີຍວ່າ ຂາຍປີ້ນັ່ງແດ່ ປີ້ຢືນແດ່ ມື້ໃດລົດໄຟເຕັມແຮງ ກະຊິຖືກເລກໄດ້ປີ້ຢືນ”.

ບັນຫານີ້ ພາກສ່ວນກ່ຽວຂ້ອງຈະອອກມາຊີ້ແຈງແນວໃດ ຕິດຕາມຂັ້ນຕອນຕໍ່ໄປ.

Continue Reading

ຂ່າວພາຍໃນ

ຍົກຍ້າຍ-ແຕ່ງຕັ້ງ ຫົວຫນ້າ ປກສ ນະຄອນຫຼວງວຽງຈັນ ຄົນໃໝ່

Published

on

ໃນວັນທີ 4 ສິງຫາ 2022 ກະຊວງ ປກສ ປະກາດຍົກຍ້າຍ ແລະ ແຕ່ງຕັ້ງ ຫົວຫນ້າກອງບັນຊາການ ປກສ ນະຄອນຫລວງວຽງຈັນ ລະຫວ່າງ ຜູ້ເກົ່າ ແລະ ຜູ້ໃຫມ່.

ໃນນີ້, ຍົກຍ້າຍພັນເອກ ສຸກພະຈັນ ບຸດດາຄຳ ຜູ້ເກົ່າ ໄປກົມໃຫຍ່ຕຳຫລວດ ແລະ

ແຕ່ງຕັ້ງ ພັນເອກ ບົວພັນ ຟອງມະນີ ຈາກຮອງຫົວຫນ້າ ກົມໃຫຍ່ຕຳຫລວດ ເປັນຫົວຫນ້າ ປກສ ນະຄອນຫລວງວຽງຈັນ ຜູ້ໃຫມ່.

Continue Reading

ຂ່າວພາຍໃນ

ເລີ່ມປະຕິບັດແລ້ວ!ຈະມີການເຄື່ອນໄຫວກວດນໍ້າປັດສະວະນັກຂັບຂີ່ເຂົ້າ-ອອກ ແຂວງບໍລິຄຳໄຊ ເລີ່ມເດືອນສິງຫາ 2022

Published

on

ເລີ່ມປະຕິບັດແລ້ວ!
ກອງບັນຊາການ ປກສ ແຂວງ ບໍລິຄໍາໄຊ ຂໍຖືເປັນກຽດ ແຈ້ງມາຍັງ ບັນດາຫົວຫນ່ວຍທຸລະກິດທາງພາກລັດເອກະຊົນ ພົນລະເມືອງລາວ ຊາວຕ່າງດ້າວ ແລະ ຕ່າງປະເທດຜູ້ທີ່ຂັບຂີ່ພາຫະນະ ເຂົ້າ-ອອກ ຜ່ານແຂວງບໍລິຄໍາໄຊໃຫ້ ຊາບ:

ປະຈຸບັນ ກອງບັນຊາການ ປກສ ແຂວງ ບໍລິຄໍາໄຊ ຈະໄດ້ຈັດຕັ້ງປະຕິບັດ, ຕັ້ງຈຸດກວດກາ ເຄື່ອນທີ່ ຕາມ ເສັ້ນທາງຕ່າງໆ ພາຍໃນແຂວງ, ເພື່ອກວດນ້ໍາປັດສະວະ ຂອງນັກຂັບຂີ່ ພາຫະນະ ທີ່ມີການພົວພັນນໍາໃຊ້ສານເສບຕິດ ເຂົ້າ-ອອກ ຜ່ານແຂວງ ບໍລິຄໍາໄຊ,

ເລີ່ມຈັດຕັ້ງປະຕິບັດໃນໄລຍະເດືອນ ສິງຫາ 12022-2023 ເຊິ່ງຢູ່ໃນແຜນຂັ້ນຕອນ ໄລຍະທີ I ຂອງການຜັນຂະຫຍາຍວາລະແຫ່ງຊາດ, ໃນການແກ້ໄຂບັນຫາຢາເສບຕິດຂອງກອງບັນຊາການ ປກສ ແຂວງ ບໍລິຄໍາໄຊໄດ້ກໍານົດໃນແຜນຈັດຕັ້ງປະຕິບັດ.

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້