ລອດຕາຍແບບວຸດວິດ ເດັກນ້ອຍພະມ່າ ອາຍຸ 9 ປີ ຖືກໂຕແຂ້ລາກລົງໄປກີນໃນນໍ້າ ໂຊກດີຄອບຄົວຊ່ວຍໄວ້ທັນ

ວັນທີ່ 1 ເດືອນ ກໍລະກົດ ປີ 2020 ເວັບໄຊ ອິລະວະດີ ລາຍງານເຫດການສຽດຄວາມຕາຍ ຂອງເດັກຍິງທີ່ລອດຈາກການເປັນອາຫານຂອງໂຕແຂ້ ແຕ່ພໍ່ ແລະ ປູ່ຊ່ວຍເອົາໄວ້ໄດ້ທັນ ເດັກຍິງຄົນນີ້ມີຊື່່ວ່າເ ຍາ ມິນ ທູ ອາຍຸ 9 ປີ ກຳລັງອາບນໍ້າໃນແມ່ນໍ້າໃກ້ໝູ່ບ້ານ ຢະວາ ທິດ ຢູ່ດີໆ ກໍ່ມີໂຕແຂ້ທີ່ມາແຕ່ໃສບໍ່ຮູ້ ພະຍາຍາມຈະກັດ ແລະລາກ ມິນ ທູ ລົງໄປກີນໃນນໍ້າ ແຕ່ໂຊກດີທີ່ຍ່າຈັບໂຕຫຼານສາວໄວ້ໄດ້ ແລະຮ້ອງຂໍຄວາມຊ່ວຍເຫຼືອ ຈົນພໍ່ ແລະ ປູ່ ໄດ້ຍິນຮີບແລ່ນມາຊ່ວຍ ແລະ ຕໍ່ສູ້ກັບໂຕແຂ້ ຈົນມັນຍອມປ່ອຍ ແລະ ກັບລົງໄປໃນນໍ້າ .
ຈາກເຫດການຄັ້ງນີ້ ມິນ ທູ ໄດ້ຮັບບາດເຈັບແຂນຊ້າຍຫັກ ແລະ ມີຮອຍກັດຈາກໂຕແຂ້ຫຼາຍບ່ອນ ພ້ອມທັງເຈັບປວດ ແລະ ທໍລະມານຫຼາຍ ເຊີ່ງຕອນນີ້ໄດ້ເຂົ້າຮັບການຮັກສາຢູ່ທີ່ໂຮງໝໍແລ້ວ

ຂໍ້ມູນສຳຫຼວດຂອງລັດຖະບານພະມ່າໃນປີ 2015 ລະບຸວ່າ: ມີໂຕແຂ້ຫຼາຍກວ່າ 110 ໂຕ ໃນເຂດຮັກສາພັນສັດປ່າ ເມອິນມາລາ ຈຸນ ທີ່ເມືອງ ໂບກາເລ ແຕ່ໂຕແຂ້ປະສົບກັບບັນຫາອາຫານຂາດແຄນ ເນື່ອງຈາກການຕັດຕົ້ນໄມ້ທຳລາຍປ່າ ແລະ ການເຮັດປະມົງຫຼາຍເກີນໄປ ຈື່ງຕ້ອງລ່າມະນຸດ ຫຼື ສັດລ້ຽງເປັນອາຫານແທນ