ຕາມແຫລ່ງຂ່າວ ຊີອາໄອຂອງຈີນ ລາຍງານວ່າ: ອົງການອະນາໄມໂລກ (WHO) ໄດ້ຈັດປະຊຸມຖະແຫລງຂ່າວ ກ່ຽວກັບ ຄວາມຄືບໜ້າ ໃນການປະຕິບັດ ການເລັ່ງຕ້ານ ພະຍາດໂຄວິດ-19 ໂດຍລະບຸວ່າ ອົງການອະນາໄມໂລກ ຈະມອບຊຸດກວດໂຄວິດ-19 ຈຳນວນ 500 ລ້ານຊຸດ ແລະ ຢາປິ່ນປົວພະຍາດ 245 ລ້ານຊຸດ ໃຫ້ແກ່ ບັນດາປະເທດ ທີ່ມີ ລາຍໄດ້ປານກາງ ແລະ ຕ່ຳ ໃນໄລຍະກາງ ປີ 2021 ພ້ອມທັງ ຈັດສັນຢາ ປ້ອງກັນພະຍາດ ໂຄວິດ-19 ຈຳນວນ 2.000 ລ້ານຊຸດ ໃຫ້ແກ່ ບັນດາ ປະເທດ ໃນທົ່ວໂລກ ກ່ອນທ້າຍປີ 2021.
ການດຳເນີນ ໂຄງການດັ່ງກ່າວ ຈຳເປັນຕ້ອງການ ບ້ວງເງິນທຶນເຖິງ 31.300 ລ້ານໂດລາ ສະຫະລັດ ພາຍໃນ12 ເດືອນຕໍ່ໜ້າ, ປະທານ ອົງການພັນທະມິດ Sເພື່ອຢາປ້ອງກັນ(The Vaccine Alliance)ຫລື Gavi ລະບຸວ່າ: ບ້ວງເງິນດັ່ງກ່າວ ແມ່ນນຳໃຊ້ເຂົ້າໃນ ການຈັດຫາ ເຄື່ອງມືກວດ SSSແລະ ຮັກສາພະຍາດ ໃຫ້ ແກ່ປະເທດ ທີ່ມີ ລາຍໄດ້ປານກາງ ແລະ ຕ່ຳ ເປັນເວລາ 12 ເດືອນ ລວມທັງ ການສະໜັບສະໜູນ ດ້ານການພັດທະນາ ແລະ ຜະລິດຢາປ້ອງກັນ ເປັນເວລາ 18 ເດືອນ.
ອົງການນີ້ ລະບຸວ່າ ປັດຈຸບັນ, ສາມາດ ລວບລວມ ບ້ວງເງິນທຶນໄດ້ 3.400 ລ້ານໂດລາສະຫະລັດ ແຕ່ຍັງຂາດອີກ 27.900 ໂດລາສະຫະລັດ, ຂະນະດຽວກັນນັ້ນ ຄະນະກຳມະການ ສະຫະພາບເອິຣົບ ແລະ ກຸ່ມປະເທດ ປະຊາສັງຄົມ ນານາຊາດ(CIVICUS) ໄດ້ຈັດກິດຈະກຳ ລະດົມທຶນ ເມື່ອວັນທີ 27 ມິຖຸນາ ຜ່ານມານີ້. ປັດຈຸບັນ, ທົ່ວໂລກ ມີຢາປ້ອງກັນ ທີ່ລົງທະບຽນ ຫລາຍກວ່າ 200 ຊະນິດ, ໃນນັ້ນ ມີ 15 ຊະນີດ ພວມມີການ ທົດລອງ ໃນ ມະນຸດ, ອົງການອະນາໄມໂລກ ໄດ້ພິຈາລະນາ ຄວາມຮ່ວມມື ໃນຂັ້ນຕໍ່ໄປ ກັບ ຄະນະພັດທະນາ ແລະ ຜະລິດຢາ ປ້ອງກັນຂອງ ຈີນ ແລະ ອື່ນໆ.
