ເສົ້າໃຈ!ຜູ້ເສຍຊີວິດຈາກ ເຫດແຜນດິນໄຫວ ກວ່າ5.000ຄົນ

ຍອດຜູ້ເສຍຊີວິດຈາກແຜນດິນໄຫວ ໃນຕວັກກີ-ຊີຣີ ເພີ່ມຂຶ້ນ ຫລາຍກວ່າ 5.000ຄົນ

ຂປລ.ຕາມ​ຂ່າວ​ຈາກ​ ເມືອງ​ອີສຕັນ​ບູລ ຂອງ​ປະ​ເທດ ​ຕວັກ​ກີ,ວັນ​ທີ7​ກຸມພາ​ນີ້,

ຍອດ​ຜູ້​ເສຍ​ຊີວິດ ​ຈາກ​ແຜນ​ດິນ​ໄຫວ ​ໃນ​ຕວັກ​ກີ ​ແລະ ຊີຣີ ​ເພີ່ມ​ຂຶ້ນ ​ຫລາຍ​ກວ່າ 5.000ຄົນ

​ແລະ ມີ​ຜູ້​ບາດ​ເຈັບ​ ຫລາຍກວ່າ 20.000 ຄົນ​ແລ້ວ. ຂະນະ​ທີ່ ​ທົ່ວ​ໂລກ ​ເດີນ​ໜ້າ ​ໃຫ້ການ​ຊ່ວຍ​ເຫລືອ

ຢ່າງແຂງແຮງ ຫລັງ​ຈາກ​ ເກີດ​ແຜນ​ດິນ​ໄຫວ​ ລະດັບ ຄວາມ​ຮຸນ​ແຮງ 7,8 ຣິກ​ເຕີ ​​ຊຶ່ງໄດ້​ສ້າງ

​ຄວາມ​ເສຍ​ຫາຍ​ ເປັນບໍລິເວນກວ້າງ ໂດຍສະເພາະ ​ເຮືອນຂອງປະຊາຊົນ ​ແລະ ສິ່ງ​ກໍ່ສ້າງ

ຫລາຍ​ກວ່າ 5.775 ​ແຫ່ງ.ສຳລັບ ​ຕົວ​ເລກ ​ຂອງ​ຜູ້​ເສຍ​ຊີວິດ ​ແລະ ຜູ້​ບາດ​ເຈັບ ຍັງ​ມີ​ທ່າ​ອ່ຽງ​

ເພີ່ມ​ຂຶ້ນ​ ຢ່າງ​ຕໍ່​ເນື່ອງ.ປັດຈຸບັນ ເຈົ້າໜ້າທີ່ໜ່ວຍ​ງານ​ ທີ່​ກ່ຽວຂ້ອງ ​ສືບ​ຕໍ່​ຄົ້ນຫາ​

ຜູ້​ສູນຫາຍ ​ໃຕ້​ຊາກ​ອາຄານ ຢ່າງ​ຮີບ​ດ່ວນ. ດ້ານ​ສຳນັກ​ຂ່າວ ​ແຫ່ງ​ຊາດ ​ຂອງ​ຊີຣີ ລາຍ​ງານ​ເຖິງ​

ຕົວ​ເລກ ​ຜູ້​ເສຍ​ຊີວິດ ​ໃນ​ເຫດການ​ ຄັ້ງນີ້ ຢ່າງ​ໜ້ອຍ1.600 ກວ່າ​ຄົນ ​ແລະ ບາດ​ເຈັບ​

ຫລາຍ​ກວ່າ 4.000ຄົນ ​ໂດຍ​ພື້ນ​ທີ່​ ໄດ້​ຮັບ​ຜົນ​ກະທົບ ​ໜັກ​ທີ່​ສຸດ ​ແມ່ນ​ພາກ​ຕາ​ເວັນ​ຕົກ ​ສ່ຽງ​ເໜືອ​ ຂອງ​ປະ​ເທດ./.

(ບັນນາທິການຂ່າວ: ຕ່າງປະເທດ), ຮຽບຮຽງຂ່າວໂດຍ: ສະໄຫວ ລາດປາກດີ