ທູດ ອາເມລິກາ ແນະນຳຢ່າຫລົງເຊື່ອ ຄົນຕົວະສາມາດແລ່ນເອກະສານຂໍອອກວີຊາ – ສື່ລາວ.ຄອມ
Connect with us

ຂ່າວພາຍໃນ

ທູດ ອາເມລິກາ ແນະນຳຢ່າຫລົງເຊື່ອ ຄົນຕົວະສາມາດແລ່ນເອກະສານຂໍອອກວີຊາ

Published

on

ພາຍຫລັງທີ່ກົມກົງສຸນ ກະຊວງການຕ່າງປະ ເທດ ໄດ້ແຈ້ງເຖິງພໍ່ແມ່, ພີ່ນ້ອງປະຊາຊົນລາວທຸກຖ້ວນໜ້າ ໂດຍອີງຕາມຈົດໝາຍແຈ້ງຈາກ ສະຖານເອກອັກຄະລັດຖະທູດແຫ່ງ ສະຫະລັດ ອາເມລິກາ ປະຈຳ ສປປ ລາວ ສະບັບເລກທີ 20-334/CONS, ລົງວັນທີ 6 ເມສາ 2020 ຊາບວ່າ: ເລີ່ມແຕ່ວັນທີ 1 ເມສາ 2020 ເປັນຕົ້ນມາ ໄດ້ງົດການອອກວີຊາ ( Visa ) ເຂົ້າ ສ ອາເມລິກາ ໃຫ້ແກ່ພົນລະ ເມືອງລາວ ທີ່ມີຈຸດປະສົງເດີນທາງໄປ ອາເມລິກາ ແບບບໍ່ເປັນທາງການ.
ເຖິງວ່າຈະມີການງົດການອອກວີຊາດັ່ງກ່າວ, ແຕ່ສະຖານທູດ ກໍຍັງສືບຕໍ່ພິຈາລະນາອອກ ວີຊາ ໃຫ້ບຸກຄົນທີ່ຈະໄປວຽກທາງການໃນຂອບເຄືອຂ່າຍຂອງອົງການສະຫະປະຊາຊາດ ຫລື ໄປປະຕິບັດໜ້າທີ່ຢູ່ສຳນັກງານຜູ້ຕາງໜ້າການທູດ ແຫ່ງ ສປປ ລາວ ທີ່ ສະຫະລັດ ອາເມ ລິກາ; ຕໍ່ບັນຫານີ້ ມີປະຊາຊົນລາວຈຳນວນໜຶ່ງ ຍັງເຂົ້າໃຈຜິດວ່າສະຖານທູດ ອາເມລິກາ ຍັງພິຈາລະນາອອກວີຊາຢ້ຽມຢາມໃຫ້ບຸກຄົນທົ່ວໄປ ຊໍ້າບໍ່ໜຳຍັງມີກຸ່ມຄົນຈຳນວນໜຶ່ງອາດໃຊ້ສະຖານະການນີ້ ມາຕົວະວ່າສາມາດຕິດຕໍ່ຄົນໃຫ້ແລ່ນເອກະສານຂໍອອກວີຊາໄດ້ໃນໄລຍະນີ້.

ທ່ານ ດຣ ປີເຕີ ເຮມ໋ອນ ເອກອັກຄະລັດຖະທູດ ສ ອາເມລິກາ ປະຈຳ ສປປ ລາວ ໄດ້ໃຫ້ສຳພາດຕໍ່ສື່ມວນຊົນ, ໃນວັນທີ 25 ມິຖຸນາ 2020 ໂດຍທ່ານໄດ້ແນະນຳໃຫ້ມີສະຕິລະວັງຕົວ ຢ່າຫລົງເຊື່ອ ຫາກມີບຸກຄົນມາບອກ ຫລື ຕົວະວ່າ ສາມາດຂໍອອກວີຊາເດີນທາງໄປ ສ ອາເມ ລິກາໄດ້; ເນື່ອງຈາກວ່າໃນໄລຍະນີ້ ໂດຍປະຕິບັດຕາມນະໂຍບາຍຂອງລັດຖະບານ ສ ອາເມລິກາ ທາງສະ ຖານທູດໄດ້ມີການງົດການອອກວີຊາ ( Visa ) ເຂົ້າ ສ ອາເມລິ ກາ ໃຫ້ແກ່ພົນລະເມືອງລາວ ທີ່ມີຈຸດປະສົງເດີນທາງໄປ ສ ອາເມລິກາ ແບບບໍ່ເປັນທາງການ ເຊັ່ນ: ທ່ອງທ່ຽວ, ຢ້ຽມ ຢາມ, ໄປເຂົ້າຮ່ວມຝຶກອົບຮົມ, ໄປສຶກສາຮໍ່າຮຽນ, ໄປອອກແຮງງານ ແລະ ໂຄງການແລກປ່ຽນຕ່າງໆ, ເດີນທາງຜ່ານ, ໄປຫາຄູ່ໝັ້ນ, ໄປຫາຜົວ ຫລື ເມຍ, ເອົາລູກໄປຢູ່ນໍາພໍ່ແມ່ ທີ່ອາເມລິກາ ແລະ ອື່ນໆ.
ສະເພາະນັກສຶກສາ ທີ່ໃຊ້ເປັນວີຊາທີ່ໄປຮຽນ ສາ ມາດໃຊ້ວີຊານັ້ນຈົນກະທັງຮຽນຈົບ ແຕ່ຖ້າຫາກກັບມາລາວແລ້ວຂໍວີຊາໃໝ່ໃນໄລຍະນີ້ອາດມີບັນຫາ; ສະຫລຸບ ຄື ທາງສະຖານທູດ ຍັງຮັບເຮັດເອກະສານວີຊາໃຫ້ແກ່ບຸກຄົນທີ່ຈະເດີນທາງໄປ ສ ອາເມລິກາ ແບບເປັນທາງການ; ສຳ ລັບບຸກຄົນທົ່ວໄປຂໍແນະນຳວ່າໃນໄລຍະນີ້ບໍ່ຂໍດີກວ່າ ຢ່າງທີ່ຮູ້ແລ້ວວ່າ ເວລາມາເຮັດເອກະສານຂໍອອກວີຊາກໍຕ້ອງມີຄ່າໃຊ້ຈ່າຍ ແຕ່ໄລຍະນີ້ທາງສະຖານທູດກໍບໍ່ສາມາດອອກວີຊາໄດ້ ຈົນກະທັ້ງທີ່ສອງລັດຖະບານຈະສາມາດຕົກລົງກັນແລ້ວ ແລະ ຈະມີແຈ້ງການໃຫ້ຊາບທົ່ວເຖິງກັນ.
ການງົດອອກວີຊາປະເພດທີ່ກ່າວມານັ້ນ ໃຫ້ແກ່ພົນລະເມືອງລາວ ຂອງສະຖານທູດ ສ ອາເມລິກາ ເປັນການສືບຕໍ່ປະຕິບັດມາດຕະການດ້ານວີຊາຂອງລັດຖະບານ ສ ອາເມລິກາ ທີ່ບັງຄັບໃຊ້ຕໍ່ ສປປ ລາວ ເຮົາ ໂດຍອ້າງວ່າ ລັດຖະບານ ສປປ ລາວ ບໍ່ສາມາດຕອບສະໜອງຕາມຄວາມຮຽກຮ້ອງຂອງລັດຖະບານ ສ ອາເມລິກາ ໃນການຮັບເອົາບຸກຄົນທີ່ກະທຳຜິດກົດໝາຍຢູ່ ສ ອາເມລິກາ ກັບຄືນ ສປປ ລາວ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading

ຂ່າວພາຍໃນ

ລ່າສຸດ! ລາຄານ້ຳມັນ +1.010ກີບ/ລິດ ກາຊວນ +420ກີບ/ລິດ

Published

on

By

ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/01/2023 ຕາມແຈ້ງການຈາກ ກຊ ອຸດສະຫະກຳແລະການຄ້າ

ເລກທີ 0056/ອຄ ລົງວັນທີ 18 ມກ 2023.

Continue Reading

ຂ່າວພາຍໃນ

ດ່ວນ! ແຈ້ງການຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາ ຕົວແທນຂອງທະນາຄານທຸລະກິດ ທົ່ວປະເທດ

Published

on

By

– ອີງຕາມກົດຫມາຍວ່າດ້ວຍທະນາຄານທຸລະກິດ (ສະບັບປັບປຸງ) ສະບັບເລກທີ 56/ສພຊ, ລົງວັນທີ 07 ທັນວາ 2018;

– ອີງຕາມກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15 /ສພຊ, ລົງວັນທີ 07 ກໍລະກົດ 2022;

– ອີງຕາມຂໍ້ຕົກລົງວ່າດ້ວຍການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022;

ອີງຕາມແຈ້ງການກ່ຽວກັບການຫັນຮ້ານແລກປ່ຽນເງິນຕາໄປເປັນຕົວແທນຂອງທະນາຄານທຸລະກິດ ສະບັບເລກທີ 111/ທຫລ, ລົງວັນທີ 12 ສິງຫາ 2021.

ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທະນາຄານທຸລະກິດ ແລະ ຮ້ານແລກປ່ຽນເງິນຕາຕົວ ແທນ ຊາບວ່າ: ເພື່ອເປັນການຜັນຂະຫຍາຍກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບ ເລກທີ 15/ສພຊ, ລົງວັນທີ 7 ກໍລະກົດ 2022, ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງວ່າດ້ວຍການບໍລິການ ແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022 ເພື່ອປ່ຽນແທນສອງຂໍ້ຕົກລົງຄື: ຂໍ້ຕົກລົງວ່າ ດ້ວຍທຸລະກິດແລກປ່ຽນເງິນຕາ ສະບັບເລກທີ 393/ທຫລ, ລົງວັນທີ 02 ກໍລະກົດ 2020 ແລະ ຂໍ້ຕົກລົງວ່າດ້ວຍການ ບໍລິການແລກປ່ຽນເງິນຕາຂອງທະນາຄານທຸລະກິດ ແລະ ຮ້ານແລກປ່ຽນເງິນຕາຕົວແທນ ສະບັບເລກທີ 449/ທຫລ, ລົງວັນທີ 14 ມິຖຸນາ 2022.

ໃນນີ້, ຂໍ້ຕົກລົງວ່າດ້ວຍການບໍລິການແລກປ່ຽນເງິນຕາສະບັບດັ່ງກ່າວໄດ້ກໍານົດໃຫ້ ທະນາຄານທຸລະກິດ ທີ່ຕັ້ງຢູ່ ສປປ ລາວ ເທົ່ານັ້ນ ສາມາດໃຫ້ບໍລິການແລກປ່ຽນເງິນຕາ. ສະນັ້ນ, ເພື່ອຈັດຕັ້ງປະຕິບັດໃຫ້ ສອດຄ່ອງກັບບັນດານິຕິກໍາທີ່ມີຜົນສັກສິດໃນປັດຈຸບັນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງບັນດາທະນາຄານທຸລະ ກິດ ແລະ ຮ້ານແລກປ່ຽນເງິນຕາຕົວແທນ ດັ່ງນີ້:

1. ທະນາຄານແຫ່ງ ສປປ ລາວ ຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທັງໝົດ 113 ຮ້ານ ທີ່ຂຶ້ນກັບ 6 ທະນາຄານທຸລະກິດ;

2. ໃຫ້ທະນາຄານທຸລະກິດທີ່ມີຮ້ານແລກປ່ຽນເງິນຕາຕົວແທນຂຶ້ນກັບ ຢຸດເຊົາການຕໍ່ອາຍຸສັນຍາ ແລະ ຍົກເລີກ ສັນຍາຕົວແທນບໍລິການແລກປ່ຽນເງິນຕາກັບຮ້ານແລກປ່ຽນເງິນຕາຕົວແທນຂອງຕົນທັງໝົດ,

ດໍາເນີນການປິດບັນຊີເງິນຝາກທີ່ອອກຊື່ຮ້ານແລກປ່ຽນເງິນຕາຕົວແທນ ຢູ່ທະນາຄານທຸລະກິດທີ່ກ່ຽວຂ້ອງ, ນໍາສົ່ງບົດບັນທຶກ ການຍົກເລີກສັນຍາການເປັນຕົວແທນແລກປ່ຽນເງິນຕາ ລະຫວ່າງ ທະນາຄານທຸລະກິດ ແລະ ຮ້ານແລກປ່ຽນ ເງິນຕາຕົວແທນ ພ້ອມທັງໜັງສືອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທີ່ ຂຶ້ນກັບທະນາຄານທຸລະກິດຕົນ ສົ່ງຄືນໃຫ້ແກ່ກົມນະໂຍບາຍເງິນຕາ ຫຼື ສາຂາທະນາຄານແຫ່ງ ສປປ ລາວ ປະຈໍາ ພາກ ທີ່ກ່ຽວຂ້ອງ ພາຍໃນວັນທີ 31 ມັງກອນ 2023;

3. ທະນາຄານທຸລະກິດທີ່ມີຈຸດປະສົງຕ້ອງການສ້າງຕັ້ງໜ່ວຍແລກປ່ຽນເງິນຕາ ແມ່ນໃຫ້ປະຕິບັດຕາມຂໍ້ຕົກລົງວ່າດ້ວຍ ການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022.

Continue Reading
ເດືອນມັງກອນ 2023
ເສົາ ​ອາ ​ຈ ​ພ​ຫ ​ສ
 123456
78910111213
14151617181920
21222324252627
28293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້