ລັດຖະບານ ກຳນົດບາງມາດຕະການຈຸດສຸມ ໃນ 6 ເດືອນທ້າຍປີ 2020. – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວພາຍໃນ

ລັດຖະບານ ກຳນົດບາງມາດຕະການຈຸດສຸມ ໃນ 6 ເດືອນທ້າຍປີ 2020.

Published

on

ລັດຖະບານ ຈະສຸມໃສ່ຈັດຕັ້ງປະຕິບັດມາດຕະການຈຸດສຸມຕ່າງໆ ໃນ 6 ເດືອນທ້າຍປີ 2020 ໂດຍຊຸກຍູ້ສົ່ງເສີມການຜະລິດເປັນສິນຄ້າ ແລະ ການຟື້ນຟູຂະແໜງການບໍລິການ ແລະ ການທ່ອງທ່ຽວ ເພືີ່ອຮັບປະກັນ ໃຫ້ແກ່ການ ຈັດຕັ້ງປະຕິບັດ ບັນດາຄາດໝາຍ ແລະ ວຽກງານຕ່າງໆ ແຕ່ນີ້ຫາທ້າຍປີ 2020 ໃຫ້ບັນລຸໄດ້ຕາມຄາດໝາຍ. ໃນນີ້, ຈະສຸມໃສ່ຊຸກຍູ້ການຜະລິດກະສິກໍາ, ການປູກຝັງ, ການລ້ຽງສັດ ເພື່ອທົດແທນການນໍາເຂົ້າ ໂດຍສະເພາະການຜະລິດເຂົ້ານາປີ ແລະ ພືດຜັກຕ່າງໆ ເພື່ອຮັບປະກັນດ້ານສະບຽງອາຫານ ໃຫ້ພຽງພໍກັບ ຄວາມຕ້ອງການພາຍໃນ, ມີສ່ວນແຮໄວ້ ແລະ ໃຫ້ມີການສົ່ງອອກເພີ່ມຂຶ້ນ ພ້ອມທັງສືບຕໍ່ຈັດສັນທີ່ດິນສໍາລັບການຜະລິດກະສິກໍາ ໃຫ້ລະອຽດ ແລະ ເປັນລະບົບຕິດພັນກັບ ທ່າແຮງ ການຜະລິດ, ສ້າງໂຄງການ ເພື່ອຊຸກຍູ້ການຜະລິດ ເປັນກຸ່ມ ແລະ ສະຫະກອນ.

ທ່ານ ທອງລຸນ ສີສຸລິດ ນາຍົກລັດຖະມົນຕີ ລາຍງານຕໍ່ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດຊຸດທີ VIII ໃນວັນທີ 24 ມິຖຸນາ 2020, ພ້ອມທັງຊີ້ໃຫ້ເຫັນມາດຕະການຊຸກຍູ້ການຜະລິດສິນຄ້າອຸປະໂພກ-ບໍລິໂພກ ເພື່ອຕອບສະໜອງຄວາມຕ້ອງການພາຍໃນ ແລະ ມີມາດຕະການຫລຸດຜ່ອນການນໍາເຂົ້າ, ຄຸ້ມຄອງ ແລະ ດັດສົມລາຄາສິນຄ້າ ທີ່ມີຄວາມອ່ອນໄຫວ ຕໍ່ການດໍາລົງຊີວິດປະຈໍາວັນຂອງປະຊາຊົນ ໃຫ້ສົມເຫດສົມຜົນ. ພ້ອມກັນນີ້, ຈະຊຸກຍູ້ສົ່ງເສີມ ແລະ ໃຫ້ຄໍາແນະນໍາ ບັນດາຫົວໜ່ວຍທຸລະກິດຂະໜາດນ້ອຍ ແລະ ກາງ ປັບປຸງ ແລະ ສ້າງເງື່ອນໄຂຄົບຖ້ວນ ໃຫ້ສາມາດເຂົ້າເຖິງແຫລ່ງທຶນ ໄດ້ສະດວກ ແລະ ວ່ອງໄວກວ່າເກົ່າ. ສືບຕໍ່ຊຸກຍູ້ສົ່ງເສີມ ແລະ ສ້າງຄວາມເຂັ້ມແຂງໃຫ້ແກ່ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ຂະໜາດກາງ ໃນການຜະລິດເປັນສິນຄ້າ ທີ່ມີຄຸນນະພາບ ແລະ ມີຕະຫລາດຈໍາໜ່າຍ.
ສຳລັບມາດຕະການ ການຟື້ນຟູຂະແໜງການບໍລິການ ແລະ ການທ່ອງທ່ຽວ ຈະສືບຕໍ່ປະຕິບັດບັນດານະໂຍບາຍ, ມາດຕະການທີ່ໄດ້ກຳນົດ ແລະ ຮີບຮ້ອນ ຄົົ້ນຄວ້າພິຈາລະນາເພີ່ມເຕີມບາງມາດຕະການ ເພື່ອກະຕຸ້ນການທ່ອງທ່ຽວພາຍໃນ (ລາວທ່ຽວລາວ) ໃຫ້ຫລາຍຂຶ້ນ ແລະ ກຽມຄວາມພ້ອມ ເພືີ່ອດຶງດູດນັກທ່ອງທ່ຽວຈາກຕ່າງປະເທດ ພາຍຫລັງການລະບາດຂອງພະຍາດ ໂຄວິດ-19 ຖືກຄວບຄຸມໄດ້, ສຸມໃສ່ປັບປຸງການບໍລິການຂົນສົ່ງສິນຄ້າຜ່ານແດນໃຫ້ສະດວກ ແລະ ວ່ອງໄວ ໄປຕາມຫລັກການຂອງສາກົນ, ມີການຕິດຕາມກວດກາ ແລະ ແກ້ໄຂສິ່ງອຸດຕັນຢ່າງເປັນປະຈໍາ, ປັບປຸງຂັ້ນຂອດການບໍລິການ ແລະ ການອໍານວຍຄວາມສະດວກໃຫ້ແກ່ການນໍາເຂົ້າ-ສົ່ງອອກສິນຄ້າ ຢູ່ບັນດາດ່ານຊາຍແດນໃຫ້ກະທັດຮັດ, ວ່ອງໄວ ແລະ ໂປ່ງໃສ. ພ້ອມກັນນີ້, ຍັງເລັ່ງຊຸກຍູູ້ບັນດາໂຄງການລົງທຶນພັດທະນາທ່າບົກ (Dry Port) ທີ່ໄດ້ອະນຸຍາດແລ້ວ ໃຫ້ມີຄວາມຄືບໜ້າ ແລະ ສໍາເລັດຕາມແຜນທີ່ວາງໄວ້.
ນອກຈາກນີ້, ລັດຖະບານ ຈະຕ້ອງສຸມໃສ່ສືບຕໍ່ຈັດຕັັ້ງປະຕິບັດ 10 ນະໂຍບາຍ ແລະ 9 ມາດຕະການ ເພື່ອແກ້ໄຂ ແລະ ຫລຸດຜ່ອນຜົນກະທົບ ຈາກການລະບາດ ຂອງພະຍາດ ໂຄວິດ-19 ທີ່ໄດ້ປະກາດໄປແລ້ວ ໃຫ້ເປັນຮູບປະທຳ; ມາດຕະການດ້ານການເງິນ-ເງິນຕາ ໂດຍການຄວບຄຸມປະລິມານເງິນ ໃຫ້ຂະຫຍາຍຕົວຢູ່ໃນລະດັບບໍ່ເກີນ 20% ທຽບໃສ່ປີຜ່ານມາ, ຄວບຄຸມອັດຕາເງິນເຟີ້ໃຫ້ຢູ່ໃນລະດັບທີ່ເໝາະສົມ, ອັດຕາແລກປ່ຽນເງິນກີບ ທຽບໃສ່ເງິນໂດລາສະຫະລັດ ເໜັງຕີງໃນຂອບອ່ອນຄ່າ ຫລື ແຂງຄ່າ ບໍ່ເກີນ 5% ທຽບໃສ່ປີຜ່ານມາ, ຄັງສໍາຮອງເງິນຕາຕ່າງປະເທດ ໃຫ້ຢູ່ໃນລະດັບທີ່ສາມາດກຸ້ມການນໍາເຂົ້າໄດ້ຢ່າງໜ້ອຍ 3 ເດືອນ, ຊຸກຍູ້ໃຫ້ຍອດເຫລືອເງິນຝາກຂອງທະນາຄານທຸລະກິດ ຢູ່ໃນລະດັບ 58,43% ຂອງ GDP ແລະ ຍອດເຫລືອສິນເຊື່ອຂອງຂະແໜງທະນາຄານ ຢູ່ໃນລະດັບ 49,56% ຂອງ GDP ພ້ອມທັງຄວບຄຸມອັດຕາສ່ວນໜີ້ບໍ່ເກີດດອກອອກຜົນ (NPL) ໃຫ້ຢູ່ໃນລະດັບບໍ່ເກີນ 3%, ສືບຕໍ່ຄວບຄຸມອັດຕາເງິນເຟີ້ ແລະ ຮັບປະກັນສະຖຽນລະພາບຂອງຄ່າເງິນກີບຢ່າງເຂັ້ມງວດ.

ຂ່າວ: ມະນີທອນ

Continue Reading

ຂ່າວພາຍໃນ

ມີຜູ້ໃຊ້ເຟສບຸກທ່ານໜຶ່ງອອກມາໂພສ ມີປີ້ຢືນ

Published

on

ເຊົ້າວັນທີ 5 ສິງຫາ 2022 ນີ້ ມີຜູ້ໃຊ້ເຟສບຸກທ່ານໜຶ່ງອອກມາໂພສວ່າ: “ທຳອິດຄິດວ່າເຮັດແບບສອບຖາມ ແລ້ວຖືກດຣາມ້າຫຼາຍ ແລ້ວແຈ້ງແຕ່ເພີ່ມຖ້ຽວຊັ້ນດອກ.

ຫຼ້າສຸດ ຊື້ປີ້ລົດໄຟໃຫ້ຫຼານລະໄດ້ປີ້ຢືນ ທຳອິດກະເປັນງົງໆ ເພາະທີ່ຊື້ປີ້ໃຫ້ຍ້ອນບໍ່ຢາກໃຫ້ນັ່ງຕັກ ກັບຢ້ານຫຍຸ້ງຍາກຜູ້ອື່ນ.. ເລີຍເລືອກຊື້ປີ້ ໄປສອບຖາມພະນັກງານແລ້ວ ທຳອິດພະນັກງານກະງົງຄືກັນ.. ແຕ່ຜູ້ອອກປີ້ບອກວ່າ “ປີ້ເຕັມ.. ກະເລີຍອອກປີ້ຢືນໃຫ້” ໂອເຄນ້ຳເບີວັນ.. ຈ່າຍເງິນເຕັມ ເພື່ອໄດ້ປີ້ຢືນ ຕາມແບບສອບຖາມເລີຍ.

ຫຼືວ່າຕອນຕອບແບບສອບຖາມ ມີຄົນຕອບເຫັນດີແມ່ນບໍ່? ກະເລີຍວ່າ ຂາຍປີ້ນັ່ງແດ່ ປີ້ຢືນແດ່ ມື້ໃດລົດໄຟເຕັມແຮງ ກະຊິຖືກເລກໄດ້ປີ້ຢືນ”.

ບັນຫານີ້ ພາກສ່ວນກ່ຽວຂ້ອງຈະອອກມາຊີ້ແຈງແນວໃດ ຕິດຕາມຂັ້ນຕອນຕໍ່ໄປ.

Continue Reading

ຂ່າວພາຍໃນ

ຍົກຍ້າຍ-ແຕ່ງຕັ້ງ ຫົວຫນ້າ ປກສ ນະຄອນຫຼວງວຽງຈັນ ຄົນໃໝ່

Published

on

ໃນວັນທີ 4 ສິງຫາ 2022 ກະຊວງ ປກສ ປະກາດຍົກຍ້າຍ ແລະ ແຕ່ງຕັ້ງ ຫົວຫນ້າກອງບັນຊາການ ປກສ ນະຄອນຫລວງວຽງຈັນ ລະຫວ່າງ ຜູ້ເກົ່າ ແລະ ຜູ້ໃຫມ່.

ໃນນີ້, ຍົກຍ້າຍພັນເອກ ສຸກພະຈັນ ບຸດດາຄຳ ຜູ້ເກົ່າ ໄປກົມໃຫຍ່ຕຳຫລວດ ແລະ

ແຕ່ງຕັ້ງ ພັນເອກ ບົວພັນ ຟອງມະນີ ຈາກຮອງຫົວຫນ້າ ກົມໃຫຍ່ຕຳຫລວດ ເປັນຫົວຫນ້າ ປກສ ນະຄອນຫລວງວຽງຈັນ ຜູ້ໃຫມ່.

Continue Reading

ຂ່າວພາຍໃນ

ເລີ່ມປະຕິບັດແລ້ວ!ຈະມີການເຄື່ອນໄຫວກວດນໍ້າປັດສະວະນັກຂັບຂີ່ເຂົ້າ-ອອກ ແຂວງບໍລິຄຳໄຊ ເລີ່ມເດືອນສິງຫາ 2022

Published

on

ເລີ່ມປະຕິບັດແລ້ວ!
ກອງບັນຊາການ ປກສ ແຂວງ ບໍລິຄໍາໄຊ ຂໍຖືເປັນກຽດ ແຈ້ງມາຍັງ ບັນດາຫົວຫນ່ວຍທຸລະກິດທາງພາກລັດເອກະຊົນ ພົນລະເມືອງລາວ ຊາວຕ່າງດ້າວ ແລະ ຕ່າງປະເທດຜູ້ທີ່ຂັບຂີ່ພາຫະນະ ເຂົ້າ-ອອກ ຜ່ານແຂວງບໍລິຄໍາໄຊໃຫ້ ຊາບ:

ປະຈຸບັນ ກອງບັນຊາການ ປກສ ແຂວງ ບໍລິຄໍາໄຊ ຈະໄດ້ຈັດຕັ້ງປະຕິບັດ, ຕັ້ງຈຸດກວດກາ ເຄື່ອນທີ່ ຕາມ ເສັ້ນທາງຕ່າງໆ ພາຍໃນແຂວງ, ເພື່ອກວດນ້ໍາປັດສະວະ ຂອງນັກຂັບຂີ່ ພາຫະນະ ທີ່ມີການພົວພັນນໍາໃຊ້ສານເສບຕິດ ເຂົ້າ-ອອກ ຜ່ານແຂວງ ບໍລິຄໍາໄຊ,

ເລີ່ມຈັດຕັ້ງປະຕິບັດໃນໄລຍະເດືອນ ສິງຫາ 12022-2023 ເຊິ່ງຢູ່ໃນແຜນຂັ້ນຕອນ ໄລຍະທີ I ຂອງການຜັນຂະຫຍາຍວາລະແຫ່ງຊາດ, ໃນການແກ້ໄຂບັນຫາຢາເສບຕິດຂອງກອງບັນຊາການ ປກສ ແຂວງ ບໍລິຄໍາໄຊໄດ້ກໍານົດໃນແຜນຈັດຕັ້ງປະຕິບັດ.

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້