ເມືອງສິງ ສົ່ງອອກອ້ອຍສ້າງລາຍຮັບ 137 ຕື້ກ່ວາກີບ – ສື່ລາວ.ຄອມ
Connect with us

ຂ່າວພາຍໃນ

ເມືອງສິງ ສົ່ງອອກອ້ອຍສ້າງລາຍຮັບ 137 ຕື້ກ່ວາກີບ

Published

on

ຕາມການໃຫ້ສໍາພາດຂອງທ່ານ ສຸດໃຈ ໄຊອິນພອນ ຮອງຫົວໜ້າຫ້ອງການກະສິກໍາ ແລະ ປ່າໄມ້ເມືອງສິງແຂວງຫຼວງນໍ້າທາໃຫ້ຮູ້ໃນວັນທີ 23 ມິຖຸນາ 2020 ນີ້ວ່າ: ປັດຈຸບັນປະຊາຊົນເມືອງສິງແຂວງຫຼວງນໍ້າທາ,ໄດ້ຕັດອ້ອຍຂາຍເປັນສິນຄ້າສົ່ງອອກໄປ ສປ ຈີນ , ພາຍຫຼັງທີ່ໄດ້ເລີ່ມລົງມືຕັດອ້ອຍມາແຕ່ກາງເດືອນພະຈິກ 2019 ເຖິງວັນທີ 3 ມິຖຸນາ 2020 ໄດ້ສໍາເລັດ 100% ໃນເນື້ອທີ່ 4.022 ເຮັກຕາ, ຈໍານວນ 36 ບ້ານ, 2.164 ຄອບຄົວ, ສະມັດຕະພາບ 76,2 ໂຕນຕໍ່ເຮັກຕາ, ຂາຍໃນລາຄາປະເພດ 1 ແມ່ນ 468.0000 ກີບຕໍ່ໂຕນ ແລະ ປະເພດ 2 ແມ່ນ 416.000 ຕໍ່ໂຕນ, ສາມາດສ້າງລາຍຮັບໄດ້ທັງໝົດ 137,2 ຕື້ກວ່າກີບ, ຖ້າທຽບໃສ່ໄລຍະດຽວກັນໃນການຕັດອ້ອຍຂາຍ ແລະ ສົ່ງອອກແມ່ນຫຼ້າຊ້າກ່ວາປີຜ່ານມາ ສາເຫດຍ້ອນການລະບາດເຊື້ອພະຍາດໂຄວິດ – 19 ເຮັດການຂົນສົ່ງອອກໄປ ສປຈີນ ພົບຄວາມຫຍຸ້ງຍາກ ແລະ ຜ່ານຕາມມາດຕະການປ້ອງກັນຢ່າງເຂັ້ມງວດ. ກຸ່ມບ້ານຕາປ້າວ-ດອນປ່ອຍແມ່ນກຸ່ມບ້ານໜື່ງທີ່ໄດ້ປູກອ້ອຍເປັນສິນຄ້າສົ່ງອອກ ສ້າງລາຍໄດ້ໃຫ້ແກ່ປະຊາຊົນພາຍໃນກຸ່ມບ້ານເປັນຈໍານວນຫຼາຍ.

ระบบน้ำในไร่อ้อย ตอนที่ 1 - สุดยอดปั๊มน้ำพ่นยา ปั๊มพ่นหมอก เครื่อง ...

ໃນໂອກາດນີ້ ທ່ານ ເກດແກ້ວ ອ່ອນປະເສີດ

ຮອງເລຂາຄະນະບໍລິຫານງານຊາວໜຸ່ມເມືອງສິງ-ຮອງເລຂາຄະນະພັກຮາກຖານ ກຸ່ມບ້ານຕາປ້າວ – ດອນປອຍ ໃຫ້ຮູ້ວ່າ ພາຍໃນກຸ່ມມີ 11 ບ້ານຂື້ນກັບ ໃນນີ້ປະຊາຊົນປູກອ້ອຍມີຈໍານວນ 6 ໝູ່ບ້ານ, 294 ຄອບຄົວ,ມີເນື້ອທີ່ສວນອອ້ຍທັງໝົດ 577,4 ເຮັກຕາ, ສະມັດຕະພາບ 41.914 ໂຕນ, ສາມາດສ້າງລາຍຮັບ 20.ຕື້ 973 ກ່ວາກີບ, ສະເລຍເຂົ້າຄອບຄົວປູກອ້ອຍໄດ້ 71 ລ້ານກີບຕໍ່ຄອບຄົວ.

ປະຊາຊົນພາຍໃນກຸ່ມບ້ານດັ່ງກ່າວເດັ່ນໃນການປູກອ້ອຍເປັນສິນຄ້າສົ່ງອອກສາມາດສ້າງລາຍຮັບດີເຂົ້າຄອບຄົວແລ້ວ, ທາງຄະນະພັກຮາກຖານຍັງໄດ້ເອົາໃຈໃສ່ແກ້ໄຂຄວາມທຸກຍາກຂອງປະຊາຊົນ ແລະ ຊຸກຍູ້ປະຊາຊົນທຳການຜະລິດກະສີກໍາເປັນສີນຄ້າ, ເອົາໃຈໃສ່ເຄື່ອນໄຫວວຽກງານວັດທະນາທຳ-ສັງຄົມຢ່າງເປັນປົກກະຕິ ແລະ ຕໍ່ເນື່ອງ, ໂດຍສະເພາະແມ່ນວຽກງານດ້ານສາທາລະນາສຸກ, ປຸກລະດົມຂົນຂວາຍ, ປຸກຈິດສຳນຶກ, ລົງຊຸກຍູ້ປະຊາຊົນຫັນເຂົ້າສູ່ການພັດທະນາເສດຖະກິດສັງຄົມ ໃຫ້ເພີ່ມຂື້ນເປັນເທື່ອລະກ້າວໂດຍຖືເອົາແຜນການດຳເນີນໂຄງການປູກອ້ອຍ ໃຫ້ປະຊາຊົນຜູ້ທີ່ຍັງບໍ່ທັນໄດ້ປູກອ້ອຍໃຫ້ໄດ້ 1-2 ບ້ານໃນຊຸມປີໜ້າ.
ຂ່າວ: ມຸນຕີ

Continue Reading

ຂ່າວພາຍໃນ

ລັດຖະມົນຕີ ເວົ້າເດັດຂາດ ຈະເຄັ່ງຄັດ ຄວາມປອດໄພຂຶ້ນເຕື່ມ

Published

on

By

ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີກະຊວງປ້ອງກັນ ຄວາມສະຫງົບ ລົງ ເຄື່ອນໄຫວຊີ້ນໍາວຽກງານປ້ອງກັນຄວາມສະຫງົບ ຢູ່ເຂດເສດຖະກິດ ພິເສດສາມຫຼ່ຽມ-ຄໍາ ພ້ອມເນັ້ນຢໍ້າໃຫ້ພາກສ່ວນ ທີ່ກ່ຽວຂ້ອງ ໃຫ້ຄວາມ ສໍາຄັນກັບວຽກງານຄວາມສະຫງົບໃນຂົງເຂດ ດັ່ງກ່າວຫຼາຍຂຶ້ນ.

ໃນວັນທີ 28 ມັງກອນ 2023, ທ່ານ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບ ຢູ່ເຂດເສດຖະກິດພິເສດ ເມືອງຕົ້ນເຜີ້ງ ແຂວງບໍ່ ແກ້ວ,

ໂດຍການຕ້ອນຮັບຂອງ ທ່ານ ຈ້າວເຫີວຍ ປະທານສະພາຜູ້ ບໍລິຫານເຂດເສດຖະກິດພິເສດ ສາມຫຼ່ຽນຄໍາແຂວງບໍ່ແກ້ວ, ມີບັນດາ ການນໍາພັກແຂວງ, ຫົວຫນ້າ-ຮອງຫົວຫນ້າຫ້ອງວ່າການແຂວງ, ເຈົ້າເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະພັກ, ຄະນະຄຸ້ມຄອງເຂດເສດຖະກິດພິເສດ ເຂົ້າຮ່ວມ.

ໂອກາດດັ່ງກ່າວ ທ່ານ ພົອ ວິໄລ ກໍໄດ້ມີຄໍາເຫັນໂອ້ລົມຊີ້ນໍາຕໍ່ ຄະນະ ຄຸ້ມຄອງເຂດເສດຖະກິດພິເສດ ຈົ່ງພ້ອມກັນພັດທະນາເຂດເສດຖະກິດ ພິເສດໃຫ້ກາຍເປັນຕົວເມືອງທີ່ທັນສະໄຫມ, ມີພື້ນຖານເສດຖະກິດທີ່ເຂັ້ມ ແຂງ, ສັງຄົມມີຄວາມສີວິໄລຍຸຕິທໍາ, ເປັນສູນການຄ້າ-ການລົງທຶນ,ສາມາດກາຍເປັນແຫຼ່ງທ່ອງທ່ຽວລະດັບອາຊຽນ.

ພິເສດແມ່ນໃຫ້ມີຄວາມ ສະຫງົບ, ມີຄວາມປອດໄພ, ແຕ່ສິ່ງສໍາຄັນຕ້ອງຕິດພັນກັບ ຮ່ອງຮ້ອຍ ປະຫວັດສາດ, ຮີດຄອງວັດທະທໍາອັນເກົ່າແກ່ ແລະ ສ້າງໃຫ້ເຂດດັ່ງກ່າວ ກາຍເປັນການຄຸ້ມຄອງບໍລິຫານຕາມກົນໄກ ຕາມຫົວຫນ່ວຍບໍລິຫານໃນ ເງື່ອນໄຂເສດຖະກິດ ມີການເຕີຍໃຫຍ່ຂະຫຍາຍຕົວ, ເຂດພິເສດ ຕ້ອງໄດ້ ຍົກລະດັບການຄຸ້ມຄອງໃຫ້ສູງຂຶ້ນ

ໂດຍມອບໃຫ້ສູນກາງປະສານສົມທົບ ກັບທ້ອງຖິ່ນ ພ້ອມກັນຈັດຕັ້ງປະຕິບັດ, ສ້າງເປັນຫນ່ວຍງານຫນຶ່ງຄຸ້ມຄອງ ບໍລິຫານເຂດພິເສດ ເພື່ອແກ້ໄຂສະພາບທີ່ເກີດຂຶ້ນໃຫ້ທັນເວລາ ເພື່ອໃຫ້ ກາຍເປັນເມືອງທີ່ມີຄວາມສະຫງົບ, ທັນສະໄຫມ, ເປັນບ່ອນພັກຜ່ອນ, ທີ່ມີ ຄວາມເປັນລະບຽບຮຽບຮ້ອຍ, ສະຫງົບປອດໄພ, ກາຍເປັນເຂດພິເສດທີ່ ເປັນເຂດຕົວແບບ ແລະ ຄຸ້ມຄອງໃຫ້ມີປະສິດທິຜົນທີ່ດີຂຶ້ນກວ່າເກົ່າ.

ໂດຍໃນປີ 2022 ທີ່ຜ່ານມາ ສໍາລັບວຽກງານ ປ້ອງກັນຄວາມສະຫງົບ ໃນ ເຂດເສດຖະກິດພິເສດ ສາມຫຼ່ຽມຄໍາ ໄດ້ມີປະກົດການຫຍໍ້ທໍ້ເກີດຂຶ້ນ ທັງຫມົດ 153 ເລື່ອງ, x`ແກ້ໄຂໄດ້ທັງຫມົດ 107 ເລື່ອງ, ສົ່ງໃຫ້ ປກສ ແຂວງ ດໍາເນີນ 27 ເລື່ອງ ແລະ ຄະດີພວມດໍາເນີນແກ້ໄຂມີ 19 ເລື່ອງ.

ທີ່ມາ: ວຽງຈັນທາຍ

Continue Reading

ຂ່າວພາຍໃນ

ຮູ້ແລ້ວ ຍ້ອນສາເຫດນີ້ ຍິ ງ ກັນຕ າ ຍ 2 ຄົນເມືອງປາກງື່ມ

Published

on

By

ຂໍສະແດງຄວາມເສຍໃຈນຳຍາດຜູ້ເສຍຊີວິດ ເຫດ ຍິ ງ ກັ ນທີ່ເມືອງປາກງື່ມ.

ຕາມການລາຍງານຂອງ ໜ່ວຍກູ້ໄພອາສາເພື່ອປະຊາຊົນ ໃຫ້ຮູ້ວ່າ ໃນວັນທີ 1/2/2023 ເວລາ 13:30 ນາທີ ມີຄົ ນ ຍິ ງ ກັ ນເສຍຊີວິດ

ຈຸດເກີດເຫດທີ່ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ.ໃນບໍລິເວນເກີດເຫດ ມີຜູ້ປະສົບເຫດ2ຄົນເພດຊາຍ, ຜູ້ທີ່ 1 ເພດຍິງ ຖື ກ ຍິ ງ ເສຍຊີວິດຄາທີ່ ແລະ ຜູ້ທີ 2 ເພດຊາຍ ເສຍຊີວິດຢູ່ໂຮງໝໍ.

ປັດຈຸບັນເຈົ້າໜ້າທີ່ກຳລັງກວດສອບ ຖ້າມີຂໍ້ມູນເພີ່ມເຕີມຈະລາຍງານໃນພາຍຫຼັງ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading
ເດືອນຕຸລາ 2023
ເສົາ ​ອາ ​ຈ ​ພ​ຫ ​ສ
 123456
78910111213
14151617181920
21222324252627
28293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້