ລາຄາຄຳ 8,149,000 ກີບ/ບາດ ແລະ ມີແນວໂນ້ມເພີ່ມສູງຂຶ້ນ – ສື່ລາວ.ຄອມ
Connect with us

ຂ່າວພາຍໃນ

ລາຄາຄຳ 8,149,000 ກີບ/ບາດ ແລະ ມີແນວໂນ້ມເພີ່ມສູງຂຶ້ນ

Published

on

ລາຄາຄຳກຳລັງສູງຂຶ້ນຕໍ່ເນື່ອງໂດຍຄຳຮູບປະພັນຢູ່ທີ່ 8 ລ້ານກວ່າກີບຕໍ່ 1 ບາດ ນັບວ່າເປັນສະຖິຕິທີ່ບໍ່ເຄີຍເກີດຂຶ້ນມາກ່ອນ ອີງຕາມລາຄາຄຳຂອງຮ້ານຄຳພູວົງ. ຫຼ້າສຸດ, ມາຮອດເຊົ້າວັນທີ 23 ມິຖຸນາ 2020 ນີ້ ລາຄາຄຳໄດ້ປັບຂຶ້ນເປັນ 8.119.000 ກີບຕໍ່ບາດ; 2.034.000 ກີບຕໍ່ສະຫຼຶງ ເຊິ່ງສະເພາະແຕ່ເຊົ້ານີ້ມີການປັບລາຄາຄຳຂຶ້ນ-ລົງ 2 ຄັ້ງແລ້ວ ເປັນການປັບຂຶ້ນຢ່າງຕໍ່ເນື່ອງ ນັບແຕ່ລັດຖະບານຜ່ອນຜັນມາດຕະການລ໋ອກດາວ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໃນຕົ້ນເດືອນພຶດສະພາຜ່ານມາ ແລະ ໄດ້ອະນຸຍາດໃຫ້ຮ້ານຄ້າເປີດ ໂດຍລາຄາຄຳ ວັນທີ 4 ພຶດສະພາ ແມ່ນ 7.309.000 ກີບຕໍ່ບາດ; 1.829.000 ກີບຕໍ່ສະຫຼຶງ.

ລາຄາຄຳຈາກຮ້ານຄຳພູວົງ

ໜັງສືພິມເສດຖະກິດ-ການຄ້າ ລາຍງານວ່າ ທ່ານ ຈັນທະວົງ ພະມີສິດ ຜູ້ອຳນວຍການຮ້ານຄຳພູວົງ, ທັງເປັນຮອງປະທານສະມາຄົມຄຳ ແລະ ອັນຍະມະນີລາວ ໃຫ້ສຳພາດກ່ອນໜ້ານີ້ວ່າ: ເຖິງແມ່ນວ່າຄວາມຮຸນແຮງຂອງການລະບາດພະຍາດໂຄວິດ-19 ຢູ່ ສປປ ລາວ ຈະບໍ່ໜັກ, ແຕ່ພາກພື້ນເອີຣົບ ແລະ ອາເມຣິກາຖືວ່າໜັກຫຼາຍ ແລະ ຕະຫຼາດຄຳເອງກໍເປັນສິນຊັບທີ່ມີລາຄາກາງທົ່ວໂລກ.

ສະນັ້ນ, ຄຳຈະມີທ່າອ່ຽງທີ່ສູງຂຶ້ນ ຈາກການລົງທຶນຈາກນັກສະຖາບັນການເງິນ ແລະ ເປັນຊັບສິນທີ່ສາມາດປ້ອງກັນເງິນເຟີ້ໄດ້ດີ ໃນສະພາບທີ່ຫຼາຍໆປະເທດມະຫາອຳນາດພິມເງິນອອກມາປະຄອງເສດຖະກິດ ແລະ ຊ່ວຍເຫຼືອປະຊາຊົນຂອງຕົນ ເຮັດໃຫ້ຄຳເປັນຊັບສິນທີ່ໜ້າຕິດຕາມ.

ທັງນີ້, ເວັບໄຊ bangkokbiznews ໄດ້ເຜີຍແຜ່ ລາຄາຄໍາຈາກການຊື້-ຂາຍໃນຕະຫຼາດໂລກ (Gold spot) ໃນເຊົ້າວັນທີ 23 ມິຖຸນາ 2020 ນີ້ ຢູ່ທີ່ 1.773 ໂດລາຕໍ່ອອນ ຫຼັງຈາກປິດຕະຫຼາດໃນຄືນວັນທີ 22 ມິຖຸນາ ເພີ່ມຂຶ້ນ 17.55 ໂດລາ ເປັນ 1.773 ໂດລາຕໍ່ອອນ ໃນຂະນະທີ່ນັກລົງທືນ ກຳລັງຫັນມາຄອບຄອງຊັບສິນທີ່ມີຄວາມສ່ຽງຕໍ່າກວ່າ ຫລັງຈາກທີ່ມີຄວາມວິຕົກກັງວົນກ່ຽວກັບການລະບາດຂອງໂຄວິດ-19 ຮອບທີ 2 ໃນຫຼາຍປະເທດ.

ຮຽບຮຽງຂ່າວ: ພຸດສະດີ laopost.com

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading

ຂ່າວພາຍໃນ

ລ່າສຸດ! ລາຄານ້ຳມັນ +1.010ກີບ/ລິດ ກາຊວນ +420ກີບ/ລິດ

Published

on

By

ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/01/2023 ຕາມແຈ້ງການຈາກ ກຊ ອຸດສະຫະກຳແລະການຄ້າ

ເລກທີ 0056/ອຄ ລົງວັນທີ 18 ມກ 2023.

Continue Reading

ຂ່າວພາຍໃນ

ດ່ວນ! ແຈ້ງການຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາ ຕົວແທນຂອງທະນາຄານທຸລະກິດ ທົ່ວປະເທດ

Published

on

By

– ອີງຕາມກົດຫມາຍວ່າດ້ວຍທະນາຄານທຸລະກິດ (ສະບັບປັບປຸງ) ສະບັບເລກທີ 56/ສພຊ, ລົງວັນທີ 07 ທັນວາ 2018;

– ອີງຕາມກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15 /ສພຊ, ລົງວັນທີ 07 ກໍລະກົດ 2022;

– ອີງຕາມຂໍ້ຕົກລົງວ່າດ້ວຍການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022;

ອີງຕາມແຈ້ງການກ່ຽວກັບການຫັນຮ້ານແລກປ່ຽນເງິນຕາໄປເປັນຕົວແທນຂອງທະນາຄານທຸລະກິດ ສະບັບເລກທີ 111/ທຫລ, ລົງວັນທີ 12 ສິງຫາ 2021.

ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທະນາຄານທຸລະກິດ ແລະ ຮ້ານແລກປ່ຽນເງິນຕາຕົວ ແທນ ຊາບວ່າ: ເພື່ອເປັນການຜັນຂະຫຍາຍກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບ ເລກທີ 15/ສພຊ, ລົງວັນທີ 7 ກໍລະກົດ 2022, ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງວ່າດ້ວຍການບໍລິການ ແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022 ເພື່ອປ່ຽນແທນສອງຂໍ້ຕົກລົງຄື: ຂໍ້ຕົກລົງວ່າ ດ້ວຍທຸລະກິດແລກປ່ຽນເງິນຕາ ສະບັບເລກທີ 393/ທຫລ, ລົງວັນທີ 02 ກໍລະກົດ 2020 ແລະ ຂໍ້ຕົກລົງວ່າດ້ວຍການ ບໍລິການແລກປ່ຽນເງິນຕາຂອງທະນາຄານທຸລະກິດ ແລະ ຮ້ານແລກປ່ຽນເງິນຕາຕົວແທນ ສະບັບເລກທີ 449/ທຫລ, ລົງວັນທີ 14 ມິຖຸນາ 2022.

ໃນນີ້, ຂໍ້ຕົກລົງວ່າດ້ວຍການບໍລິການແລກປ່ຽນເງິນຕາສະບັບດັ່ງກ່າວໄດ້ກໍານົດໃຫ້ ທະນາຄານທຸລະກິດ ທີ່ຕັ້ງຢູ່ ສປປ ລາວ ເທົ່ານັ້ນ ສາມາດໃຫ້ບໍລິການແລກປ່ຽນເງິນຕາ. ສະນັ້ນ, ເພື່ອຈັດຕັ້ງປະຕິບັດໃຫ້ ສອດຄ່ອງກັບບັນດານິຕິກໍາທີ່ມີຜົນສັກສິດໃນປັດຈຸບັນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງບັນດາທະນາຄານທຸລະ ກິດ ແລະ ຮ້ານແລກປ່ຽນເງິນຕາຕົວແທນ ດັ່ງນີ້:

1. ທະນາຄານແຫ່ງ ສປປ ລາວ ຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທັງໝົດ 113 ຮ້ານ ທີ່ຂຶ້ນກັບ 6 ທະນາຄານທຸລະກິດ;

2. ໃຫ້ທະນາຄານທຸລະກິດທີ່ມີຮ້ານແລກປ່ຽນເງິນຕາຕົວແທນຂຶ້ນກັບ ຢຸດເຊົາການຕໍ່ອາຍຸສັນຍາ ແລະ ຍົກເລີກ ສັນຍາຕົວແທນບໍລິການແລກປ່ຽນເງິນຕາກັບຮ້ານແລກປ່ຽນເງິນຕາຕົວແທນຂອງຕົນທັງໝົດ,

ດໍາເນີນການປິດບັນຊີເງິນຝາກທີ່ອອກຊື່ຮ້ານແລກປ່ຽນເງິນຕາຕົວແທນ ຢູ່ທະນາຄານທຸລະກິດທີ່ກ່ຽວຂ້ອງ, ນໍາສົ່ງບົດບັນທຶກ ການຍົກເລີກສັນຍາການເປັນຕົວແທນແລກປ່ຽນເງິນຕາ ລະຫວ່າງ ທະນາຄານທຸລະກິດ ແລະ ຮ້ານແລກປ່ຽນ ເງິນຕາຕົວແທນ ພ້ອມທັງໜັງສືອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທີ່ ຂຶ້ນກັບທະນາຄານທຸລະກິດຕົນ ສົ່ງຄືນໃຫ້ແກ່ກົມນະໂຍບາຍເງິນຕາ ຫຼື ສາຂາທະນາຄານແຫ່ງ ສປປ ລາວ ປະຈໍາ ພາກ ທີ່ກ່ຽວຂ້ອງ ພາຍໃນວັນທີ 31 ມັງກອນ 2023;

3. ທະນາຄານທຸລະກິດທີ່ມີຈຸດປະສົງຕ້ອງການສ້າງຕັ້ງໜ່ວຍແລກປ່ຽນເງິນຕາ ແມ່ນໃຫ້ປະຕິບັດຕາມຂໍ້ຕົກລົງວ່າດ້ວຍ ການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022.

Continue Reading
ເດືອນມັງກອນ 2023
ເສົາ ​ອາ ​ຈ ​ພ​ຫ ​ສ
 123456
78910111213
14151617181920
21222324252627
28293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້