ສ.ເກົາຫລີ ປະກາດເຂົ້າສູ່ການລະບາດໂຄວິດ-19 ຮອບທີ່2
ຕາມຂໍ້ມູນຈາກ ກະຊວງ ສາທາລະນະສຸກ ສ.ເກົາຫລີ ປະກາດ ໃນວັນທີ 22 ມິຖຸນາວ່າ: ສ.ເກົາຫລີ ໄດ້ເຂົ້າສູ່ ການແຜ່ລະບາດ ຂອງເຊື້ອພະຍາດ ໂຄວິດ-19 ຮອບທີ່ 2 ຫລັງຈາກ ກວດພົບຜູ້ຕິດເຊື້ອ ລາຍໃໝ່ 17 ຄົນ ໃນຈຳນວນນີ້ ເປັນຜູ້ຕິດເຊື້ອ ໃນປະເທດ 11 ຄົນ ສົ່ງຜົນໃຫ້ຍອດ ຜູ້ຕິດເຊື້ອ ສະສົມເຖິງ 12.438 ຄົນ, ປິ່ນປົວດີແລ້ວ 10.881 ຄົນ ແລະ ເສຍຊີວິດ 280 ຄົນ.
ແຕ່ຢ່າງໃດກໍ່ຕາມ ສະຖານະການໂຄວິດ-19 ໃນສ.ເກົາຫລີ ເລີ່ມສົ່ງສັນຍານບໍ່ດີ ນັບຕັ້ງແຕ່ພົບການຕິດຕໍ່ເຊື້ອພະຍາດ ຈາກສະຖານບັນເທີງ ໃນເຂດ ອີແທວອນ ຂອງນະຄອນຫລວງ ເຊອຸນ ເຊິ່ງມີຈຳນວນ ຜູ້ຕິດເຊື້ອທີ່ພົບໃໝ່ຢູ່ລະຫວ່າງ 10-50 ຄົນ ເປັນຕົ້ນມາ.