ສຶກສາແຂວງຈໍາປາສັກ ຊີ້ແຈງກໍລະນີ ຄູອາສາ ມຕ ຫ້ວຍເງິນ ລາການສິດສອນ – ສື່ລາວ.ຄອມ
Connect with us

ຂ່າວພາຍໃນ

ສຶກສາແຂວງຈໍາປາສັກ ຊີ້ແຈງກໍລະນີ ຄູອາສາ ມຕ ຫ້ວຍເງິນ ລາການສິດສອນ

Published

on

ພາຍຫລັງເກີດມີພາບ ວີດີໂອຂອງສາວຄູຄົນໜຶ່ງ ທີ່ມີນັກຮຽນທັງຍິງ ແລະ ຊາຍຫລາຍຄົນນັ່ງຢູ່ໃກ້ ແລະ ຮ້ອງໃຫ້ໃສ່ກັນດ້ວຍ ຄວາມຄິດຮອດຄິດເຖິງ ໄດ້ຖືກເຜີຍແຜ່ລົງ ໃນສື່ສັງຄົມອອນລາຍ (Facebook) ເມື່ອບໍ່ດົນຜ່ານມາ, ​ເຊິ່ງໄດ້ສ້າງຄວາມສົນໃຈໃຫ້ແກ່ສັງຄົມ ແລະ ມີຜູ້ເຂົ້າໄປສະແດງຄວາມຄິດເຫັນ ເປັນຈໍານວນຫລາຍ, ​ເຊິ່ງເຫດການດັ່ງກ່າວ ເກີດຂຶ້ນຢູ່ໂຮງຮຽນ ມັດທະຍົມຕອນຕົ້ນ ບ້ານຫ້ວຍເງິນ, ເມືອງ ແລະ ແຂວງຈໍາປາສັກ, ຫລັງຈາກສາວຄູຄົນດັ່ງກ່າວ ຈະໄດ້ອໍາລານ້ອງນັກຮຽນ ທີ່ຕົນເຄີຍສິດສອ ນມາເປັນເວລາ 5 ປີ ໄປຢ່າງໜ້າເສຍດາຍ ດ້ວຍເຫດຜົນບໍ່ໄດ້ຕົວເລກ ເຂົ້າເປັນລັດຖະກອນ. ຈາກພາບທີ່ເກີດຂຶ້ນນັ້ນ ກໍໄດ້ມີຄົນເຂົ້າມາສະແດງ ຄໍາຄິດຄໍາເຫັນ ຫລາຍຮູບແບບ ນັບແຕ່ຜູ້ທີ່ຊົມເຊີຍ ໃນຄວາມມານະ ອົດທົນສິດສອນມາເປັນເວລາ ຫລາຍປີຂອງສາວຄູ, ມີທັງຜູ້ທີ່ໃຫ້ກໍາລັງໃຈແກ່ສາວຄູ ເພື່ອໄປເຮັດໜ້າທີ່ວຽກງານໃໝ່ ແລະ ລວມເຖິງການຕໍານິວິຈານ ຕາມຄວາມເຂົ້າໃຈ ແລະ ບໍ່ເຂົ້າໃຈຂອງຄົນສັງຄົມ.

ຕໍ່ເຫດການດັ່ງກ່າວ, ທ່ານ ບົວໄຂ ສຸພາພອນ ຫົວໜ້າພະແນກສຶກສາທິການ ແລະ ກິລາ ແຂວງຈໍາປາສັກ ໄດ້ຊີ້ແຈງໃຫ້ຮູ້ວ່າ: ປັດຈຸບັນ, ທົ່ວແຂວງຈໍາປາສັກ ມີຄູອາສາສະໝັກ 740 ກວ່າຄົນ ແລະ ໃນສົກປີນີ້ ລັດຖະບານໄດ້ຈັດສັນ ຕົວເລກລັດຖະກອນ ໃຫ້ພະແນກສຶກສາແຂວງພຽງແຕ່ 69 ຄົນ, ສະເພາະ ເມືອງຈໍາປາສັກ ໄດ້ພຽງ 4 ຕົວເລກເທົ່ານັ້ນ ແລະ ກໍໄດ້ມີການຈັດການສອບເສັງ ເອົາຕົວເລກລັດຖະກອນ ຕາມລະບຽບການຂອງກະຊວງສຶກສາທິການ ແລະ ກິລາ ວາງອອກເປັນທີ່ຮຽບຮ້ອຍແລ້ວ, ໂດຍມີຄູອາສາສະໝັກທົ່ວເມືອງ ມາສອບເສັງທັງໝົດ 54 ຄົນ ແລະ ຄັດເອົາພຽງ 4 ຄົນ, ເຊິ່ງຜູ້ທີ່ໄດ້ຮັບການຄັດເລືອກຕ້ອງມີເງື່ອນໄຂສໍາຄັນຄື: ເປັນຄົນມີຄຸນສົມບັດ ສິນທໍາປະຕິວັດ, ມີຜົນງານການ

ສິດສອນດີ-ສອນເກັ່ງ ແລະ ສິດສອນມາໄດ້ຫລາຍປີ ໂດຍມີຄະນະກໍາມະການ ຂັ້ນແຂວງ-ຂັ້ນເມືອງ ໄດ້ລົງມາຕິດຕາມ ແລະ ກວດກາການສອບເສັງ ເພື່ອໃຫ້ດໍາເນີນໄປດ້ວຍ ຄວາມໂປ່ງໃສ ແລະ ຍຸຕິທໍາ. ສ່ວນສາວຄູທີ່ເປັນຂ່າວ ຢູ່ໃນສື່ສັງຄົມຄົນນັ້ນ ກໍເຂົ້າຮ່ວມສອບເສັງ ເຊັ່ນກັນ ແລະ ຜົນສອບ​ເສັງໄດ້ຄະແນນບໍ່ສູງ ຈຶ່ງບໍ່ສາມາດໄດ້ຮັບຕົວ ເລກລັດຖະກອນດັ່ງກ່າວ.

ທ່ານຫົວໜ້າພະແນກສຶກສາທິການ ແລະ ກິລາແຂວງຈໍາປາສັກ ກ່າວວ່າ: ກົດເກນຂອງການສອບເສັງ ແມ່ນຕ້ອງມີຜູ້ທີ່ໄດ້ ແລະ ບໍ່ໄດ້. ສະນັ້ນ ຂໍຮຽກຮ້ອງໃຫ້ຄູ ອາສາສະໝັກທຸກຄົນ ຈົ່ງສືບຕໍ່ຕັ້ງໃຈອົດທົນສິດສອນໃຫ້ດີ, ສູ້ຊົນແຕ່ງບົດສອນໃຫ້ເກັ່ງ, ມີຫລັກການວິທະຍາສາດ ແລະ ໝັ່ນຄົ້ນຄວ້າຮໍ່າຮຽນຫາ ຄວາມຮູ້ອັນໃໝ່ ເພື່ອໃຫ້ສາມາດ ສອບເສັງຍາດແຍ່ງ ເອົາຕົວເລກລັດຖະກອນ ໃຫ້ໄດ້ໃນຕໍ່ໜ້າ ເພື່ອສານຕໍ່ອາຊີບແມ່ພິມ ຂອງຊາດ ໃຫ້ປະສົບຜົນສໍາເລັດເປັນຢ່າງດີ.ຂ່າວ: ສຸພາສະຫວັນ ສີຊະນະມຸງຄຸນ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading

ຂ່າວພາຍໃນ

ລ່າສຸດ! ລາຄານ້ຳມັນ +1.010ກີບ/ລິດ ກາຊວນ +420ກີບ/ລິດ

Published

on

By

ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/01/2023 ຕາມແຈ້ງການຈາກ ກຊ ອຸດສະຫະກຳແລະການຄ້າ

ເລກທີ 0056/ອຄ ລົງວັນທີ 18 ມກ 2023.

Continue Reading

ຂ່າວພາຍໃນ

ດ່ວນ! ແຈ້ງການຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາ ຕົວແທນຂອງທະນາຄານທຸລະກິດ ທົ່ວປະເທດ

Published

on

By

– ອີງຕາມກົດຫມາຍວ່າດ້ວຍທະນາຄານທຸລະກິດ (ສະບັບປັບປຸງ) ສະບັບເລກທີ 56/ສພຊ, ລົງວັນທີ 07 ທັນວາ 2018;

– ອີງຕາມກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15 /ສພຊ, ລົງວັນທີ 07 ກໍລະກົດ 2022;

– ອີງຕາມຂໍ້ຕົກລົງວ່າດ້ວຍການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022;

ອີງຕາມແຈ້ງການກ່ຽວກັບການຫັນຮ້ານແລກປ່ຽນເງິນຕາໄປເປັນຕົວແທນຂອງທະນາຄານທຸລະກິດ ສະບັບເລກທີ 111/ທຫລ, ລົງວັນທີ 12 ສິງຫາ 2021.

ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທະນາຄານທຸລະກິດ ແລະ ຮ້ານແລກປ່ຽນເງິນຕາຕົວ ແທນ ຊາບວ່າ: ເພື່ອເປັນການຜັນຂະຫຍາຍກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບ ເລກທີ 15/ສພຊ, ລົງວັນທີ 7 ກໍລະກົດ 2022, ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງວ່າດ້ວຍການບໍລິການ ແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022 ເພື່ອປ່ຽນແທນສອງຂໍ້ຕົກລົງຄື: ຂໍ້ຕົກລົງວ່າ ດ້ວຍທຸລະກິດແລກປ່ຽນເງິນຕາ ສະບັບເລກທີ 393/ທຫລ, ລົງວັນທີ 02 ກໍລະກົດ 2020 ແລະ ຂໍ້ຕົກລົງວ່າດ້ວຍການ ບໍລິການແລກປ່ຽນເງິນຕາຂອງທະນາຄານທຸລະກິດ ແລະ ຮ້ານແລກປ່ຽນເງິນຕາຕົວແທນ ສະບັບເລກທີ 449/ທຫລ, ລົງວັນທີ 14 ມິຖຸນາ 2022.

ໃນນີ້, ຂໍ້ຕົກລົງວ່າດ້ວຍການບໍລິການແລກປ່ຽນເງິນຕາສະບັບດັ່ງກ່າວໄດ້ກໍານົດໃຫ້ ທະນາຄານທຸລະກິດ ທີ່ຕັ້ງຢູ່ ສປປ ລາວ ເທົ່ານັ້ນ ສາມາດໃຫ້ບໍລິການແລກປ່ຽນເງິນຕາ. ສະນັ້ນ, ເພື່ອຈັດຕັ້ງປະຕິບັດໃຫ້ ສອດຄ່ອງກັບບັນດານິຕິກໍາທີ່ມີຜົນສັກສິດໃນປັດຈຸບັນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງບັນດາທະນາຄານທຸລະ ກິດ ແລະ ຮ້ານແລກປ່ຽນເງິນຕາຕົວແທນ ດັ່ງນີ້:

1. ທະນາຄານແຫ່ງ ສປປ ລາວ ຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທັງໝົດ 113 ຮ້ານ ທີ່ຂຶ້ນກັບ 6 ທະນາຄານທຸລະກິດ;

2. ໃຫ້ທະນາຄານທຸລະກິດທີ່ມີຮ້ານແລກປ່ຽນເງິນຕາຕົວແທນຂຶ້ນກັບ ຢຸດເຊົາການຕໍ່ອາຍຸສັນຍາ ແລະ ຍົກເລີກ ສັນຍາຕົວແທນບໍລິການແລກປ່ຽນເງິນຕາກັບຮ້ານແລກປ່ຽນເງິນຕາຕົວແທນຂອງຕົນທັງໝົດ,

ດໍາເນີນການປິດບັນຊີເງິນຝາກທີ່ອອກຊື່ຮ້ານແລກປ່ຽນເງິນຕາຕົວແທນ ຢູ່ທະນາຄານທຸລະກິດທີ່ກ່ຽວຂ້ອງ, ນໍາສົ່ງບົດບັນທຶກ ການຍົກເລີກສັນຍາການເປັນຕົວແທນແລກປ່ຽນເງິນຕາ ລະຫວ່າງ ທະນາຄານທຸລະກິດ ແລະ ຮ້ານແລກປ່ຽນ ເງິນຕາຕົວແທນ ພ້ອມທັງໜັງສືອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທີ່ ຂຶ້ນກັບທະນາຄານທຸລະກິດຕົນ ສົ່ງຄືນໃຫ້ແກ່ກົມນະໂຍບາຍເງິນຕາ ຫຼື ສາຂາທະນາຄານແຫ່ງ ສປປ ລາວ ປະຈໍາ ພາກ ທີ່ກ່ຽວຂ້ອງ ພາຍໃນວັນທີ 31 ມັງກອນ 2023;

3. ທະນາຄານທຸລະກິດທີ່ມີຈຸດປະສົງຕ້ອງການສ້າງຕັ້ງໜ່ວຍແລກປ່ຽນເງິນຕາ ແມ່ນໃຫ້ປະຕິບັດຕາມຂໍ້ຕົກລົງວ່າດ້ວຍ ການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022.

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້