ອາເມລິກາ ໃຫ້ທຶນຊ່ວຍເຫລືອລາວ ເພີ່ມ 2,5 ລ້ານ ໂດລາສະຫະລັດ ສົ່ງເສີມວຽກງານຕ້ານໂຄວິດ-19

ໂດຍການຮ່ວມມືກັບລັດຖະບານ ສປປ ລາວ, ອົງການ USAID ຈະໃຫ້ທຶນເພີ່ມແກ່ບັນດາອົງການສາກົນປະຈຳ ສປປ ລາວ ໃນການຄວບຄຸມການແຜ່ລະບາດຂອງໂຄວິດ-19. “ທຶນການຊ່ວຍເຫຼືອຈາກສະຫະລັດອາເມລິກາໄດ້ຢໍ້າຄືນເຖິງຄວາມໝາຍໝັ້ນຂອງການຮ່ວມມືແບບກວມລວມລະຫວ່າງສະຫະລັດອາເມລິກາ ແລະ ສປປ ລາວ”.

ກ່າວໂດຍ #ທ່ານທູດປີເຕີ “ພວກເຮົາມີຄວາມພາກພູມໃຈຕໍ່ກັບຄວາມໝາຍໝັ້ນທີ່ຕິດພັນກັບການຊ່ວຍເຫຼືອໃນວຽກງານສະກັດກັ້ນພະຍາດໂຄວິດ-19, ເຊິ່ງມາຮອດປັດຈຸບັນໄດ້ບັນລຸເຖິງ 7.5 ລ້ານໂດລາສະຫະລັດ.

ສະຫະລັດອາເມລິກາໄດ້ໃຫ້ການສະໜັບສະໜູນ ສປປ ລາວ ເພື່ອປະກອບສ່ວນເຂົ້າໃນວຽກງານຕ້ານການແຜ່ລະບາດໄວຣັສຮ້າຍນີ້ ພ້ອມທັງປ້ອງກັນສຸຂະພາບ ແລະ ຄວາມເປັນຢູ່ທີ່ດີຂອງປະຊາຊົນລາວ.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້