ຍ້ອນ​ຄວາມ​ຫຶງ​ຫວງ ແຟນສາວ ກາຍເປັນຄາຕະກອນໂຫດ – ສື່ລາວ.ຄອມ
Connect with us

ຂ່າວພາຍໃນ

ຍ້ອນ​ຄວາມ​ຫຶງ​ຫວງ ແຟນສາວ ກາຍເປັນຄາຕະກອນໂຫດ

Published

on

ເຈົ້າໜ້າທີ່ຕຳຫຼວດໜ່ວຍ ງານຄະດີອາຍານະຄອນໄກ ສອນ ພົມວິຫານ ແຂວງສະ ຫວັນນະເຂດ ໄດ້ລາຍງານ ໃຫ້ຮູ້ວ່າ: ໄດ້ມີການທຳຮ້າຍ ຮ່າງກາຍຈົນໄດ້ຮັບບາດເຈັບ ສາຫັດຢູ່ທີ່ຫ້ອງເຊົ່າແຖວບ້ານ ສະໜາມໄຊ (ໃກ້ກັບຫ້ອງວ່າ ການປົກຄອງແຂວງ) ເຊິ່ງ ຜູ້ບາດເຈັບໄດ້ຖືກຂອງມີຄົມ ແທງຫຼາຍຈຸດບໍລິເວນລຳຕົວ ແລະມີຮອຍຄ້າຍຖືກປາດທີ່ຄໍ. ດັ່ງນັ້ນ, ເຈົ້າໜ້າທີ່ຕຳຫຼວດ ຈຶ່ງໄດ້ມີການສອບປາກຄຳພະ ຍານທີ່ເຫັນເຫດການ ພ້ອມ ທັງເບິ່ງກ້ອງວົງຈອນປິດຈຶ່ງ ຮູ້ວ່າຜູ້ກໍ່ເຫດຄື: ທ້າວ ຈັນທະ ວີໄຊ ອາຍຸ 30 ປີ, ອາຊີບກຳມະ ກອນຢູ່ບ້ານຈອມແກ້ວ, ນະ ຄອນໄກສອນພົມວິຫານ.

ສ່ວນ ຜູ້ເສຍຫາຍແມ່ນຖືກບາດເຈັບ ຊື່ນາງ ວາດສະໜາ (ມີ່) ອາຍຸ 28 ປີ, ອາຊີບຄ້າຂາຍຢູ່ບ້ານ ນາເລົ່າ, ນະຄອນໄກ ສອນພົມ ວິຫານ ແຂວງສະຫວັນນະ ເຂດ. ໄດ້ຮັບບາດເຈັບສາຫັດ ພົນລະເມືອງດີໄດ້ນຳສົ່ງໂຮງ ໝໍແຂວງ. ເຫດເກີດຂຶ້ນເມື່ອເວລາ 17 ໂມງ, ຂອງວັນທີ 7 ມິຖຸນາ 2020 ໂດຍທ້າວ ທະວີໄຊ ໄດ້ ຮັບສາລະພາບວ່າ: ຕົນເອງ ແມ່ນຢູ່ໃນອາການມຶນເມົາ ແລະໄດ້ຜິດຖຽງກັນກັບນາງ ວາດສະໜາ ໂດຍໄດ້ຖາມເລື່ອງ ມີຜູ້ບ່າວໂທລະສັບມາຫານາງ ວາດສະໜາ, ແຕ່ນາງວາດສະ ໜາບໍ່ຕອບ ຈຶ່ງເກີດມີຄວາມ ຫຶງຫວງ ແລະຢາກຮ້າຍ, ຈຶ່ງ ໂດດເຕະກ້ານຄໍນາງວາດສະ ໜາ ຈົນລົ້ມລົງດິນ, ຈາກນັ້ນ ທ້າວ ຈັນທະວີໄຊ ຈຶ່ງໄດ້ຈັບ ຄໍເສື້ອນາງ ວາດສະໜາ ແກ່ເຂົ້າ ຫ້ອງ ແລ້ວຈັບເອົາມີດຍາວປະ ມານ 20 ຊັງຕີແມັດ, ທີ່ໃຊ້ ປອກໝາກໄມ້ທີ່ວາງໄວ້ໃນ ຂອບປະຕູປ່ອງຢ້ຽມ, ມາແທງ ນາງ ວາດສະໜາ ແບບບໍ່ຢັ້ງ ແທງເຂົ້າສ້ວງເບື້ອງຊ້າຍ 1 ບາດ, ຖືກກ້ອງນົມເບື້ອງ​ຊ້າຍ 1 ບາດ ແລະປາດຄໍອີກ 1 ບາດ, ນອກ ນັ້ນ ຍັງມີບາດແຜໃນມືອີກ 1 ແຜ. ເຮັດໃຫ້ນາງ ວາດສະໜາ ນອນໝົດສະຕິຢູ່ຕໍ່ໜ້າຫ້ອງພັກ. ຈາກນັ້ນ, ທ້າວ ຈັນທະວີໄຊ ຈຶ່ງຂີ່ລົດຈັກໜີໄປ. ແຕ່ໄປບໍ່ ໄດ້ໄກເພາະວ່າທ້າວ ຈັນທະວີ ໄຊ ກໍ່ໄດ້ຮັບບາດເຈັບທີ່ຕີນ, ຄາດວ່າອາດຈະແມ່ນມີດຕົກ ໃສ່ ຖືກເສັ້ນເລືອດໃຫຍ່ເຮັດໃຫ້ ເລືອດອອກຫຼາຍຈຶ່ງໄດ້ໄປຮັກ ສາໂຕທີ່ໂຮງໝໍ ແລະເວລາ ຕໍ່ມາເຈົ້າໜ້າທີ່ຈຶ່ງໄດ້ນຳໄປຈັບ ຕົວຜູ້ກ່ຽວໄດ້ຢູ່ທີ່ໂຮງໝໍ ແຂວງ ສະຫວັນນະເຂດ. ທ້າວ ຈັນທະວີໄຊ ແລະນາງ ວາດສະໜາ ຄົບຫາກັນມາໄດ້ 1 ປີກວ່າ, ຈາກນັ້ນ ທັງສອງແມ່ນ ໄດ້ຢູ່ນຳກັນແບບຜົວ-ເມຍ ໂດຍບໍ່ຖືກຕ້ອງຕາມຮີດຄອງ ປະເພນີ ໂດຍເຊົ່າຫ້ອງຢູ່, ພາຍ ຫຼັງຢູ່ມາກໍ່ມີການຜິດຖຽງກັນ ລະແວງສົງໄສກັນ, ມີການຫຶງ ຫວງກັນວ່າທາງຝ່າຍຍິງອາດ ຈະມີຜູ້ບ່າວໂທມາລົມ ຈຶ່ງເປັນສາເຫດໃນການກໍ່ເຫດຄັ້ງນີ້. ດັ່ງນັ້ນ, ທາງເຈົ້າໜ້າທີ່ຕຳ ຫຼວດ ປກສ ນະຄອນ ໄກສອນ ພົມວິຫານ ຈຶ່ງໄດ້ກັກຕົວທ້າວ ຈັນທະວີໄຊ ເພື່ອດຳເນີນຄະດີ ໃນຂໍ້ຫາຄາຕະກຳ (ພະຍາ ຍາມຄາຕະກຳ) ເພື່ອສົ່ງສຳ ນວນໃຫ້ໄອຍະການ ແລະໃຫ້ ສານຕັດສິນຄະດີຕໍ່ໄປ.

Continue Reading

ຂ່າວພາຍໃນ

ລັດຖະມົນຕີ ເວົ້າເດັດຂາດ ຈະເຄັ່ງຄັດ ຄວາມປອດໄພຂຶ້ນເຕື່ມ

Published

on

By

ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີກະຊວງປ້ອງກັນ ຄວາມສະຫງົບ ລົງ ເຄື່ອນໄຫວຊີ້ນໍາວຽກງານປ້ອງກັນຄວາມສະຫງົບ ຢູ່ເຂດເສດຖະກິດ ພິເສດສາມຫຼ່ຽມ-ຄໍາ ພ້ອມເນັ້ນຢໍ້າໃຫ້ພາກສ່ວນ ທີ່ກ່ຽວຂ້ອງ ໃຫ້ຄວາມ ສໍາຄັນກັບວຽກງານຄວາມສະຫງົບໃນຂົງເຂດ ດັ່ງກ່າວຫຼາຍຂຶ້ນ.

ໃນວັນທີ 28 ມັງກອນ 2023, ທ່ານ ພົອ ວິໄລ ຫຼ້າຄໍາຟອງ ກໍາມະການກົມ ການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ເຄື່ອນໄຫວຊີ້ນໍາວຽກງານ ປ້ອງກັນຄວາມສະຫງົບ ຢູ່ເຂດເສດຖະກິດພິເສດ ເມືອງຕົ້ນເຜີ້ງ ແຂວງບໍ່ ແກ້ວ,

ໂດຍການຕ້ອນຮັບຂອງ ທ່ານ ຈ້າວເຫີວຍ ປະທານສະພາຜູ້ ບໍລິຫານເຂດເສດຖະກິດພິເສດ ສາມຫຼ່ຽນຄໍາແຂວງບໍ່ແກ້ວ, ມີບັນດາ ການນໍາພັກແຂວງ, ຫົວຫນ້າ-ຮອງຫົວຫນ້າຫ້ອງວ່າການແຂວງ, ເຈົ້າເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະພັກ, ຄະນະຄຸ້ມຄອງເຂດເສດຖະກິດພິເສດ ເຂົ້າຮ່ວມ.

ໂອກາດດັ່ງກ່າວ ທ່ານ ພົອ ວິໄລ ກໍໄດ້ມີຄໍາເຫັນໂອ້ລົມຊີ້ນໍາຕໍ່ ຄະນະ ຄຸ້ມຄອງເຂດເສດຖະກິດພິເສດ ຈົ່ງພ້ອມກັນພັດທະນາເຂດເສດຖະກິດ ພິເສດໃຫ້ກາຍເປັນຕົວເມືອງທີ່ທັນສະໄຫມ, ມີພື້ນຖານເສດຖະກິດທີ່ເຂັ້ມ ແຂງ, ສັງຄົມມີຄວາມສີວິໄລຍຸຕິທໍາ, ເປັນສູນການຄ້າ-ການລົງທຶນ,ສາມາດກາຍເປັນແຫຼ່ງທ່ອງທ່ຽວລະດັບອາຊຽນ.

ພິເສດແມ່ນໃຫ້ມີຄວາມ ສະຫງົບ, ມີຄວາມປອດໄພ, ແຕ່ສິ່ງສໍາຄັນຕ້ອງຕິດພັນກັບ ຮ່ອງຮ້ອຍ ປະຫວັດສາດ, ຮີດຄອງວັດທະທໍາອັນເກົ່າແກ່ ແລະ ສ້າງໃຫ້ເຂດດັ່ງກ່າວ ກາຍເປັນການຄຸ້ມຄອງບໍລິຫານຕາມກົນໄກ ຕາມຫົວຫນ່ວຍບໍລິຫານໃນ ເງື່ອນໄຂເສດຖະກິດ ມີການເຕີຍໃຫຍ່ຂະຫຍາຍຕົວ, ເຂດພິເສດ ຕ້ອງໄດ້ ຍົກລະດັບການຄຸ້ມຄອງໃຫ້ສູງຂຶ້ນ

ໂດຍມອບໃຫ້ສູນກາງປະສານສົມທົບ ກັບທ້ອງຖິ່ນ ພ້ອມກັນຈັດຕັ້ງປະຕິບັດ, ສ້າງເປັນຫນ່ວຍງານຫນຶ່ງຄຸ້ມຄອງ ບໍລິຫານເຂດພິເສດ ເພື່ອແກ້ໄຂສະພາບທີ່ເກີດຂຶ້ນໃຫ້ທັນເວລາ ເພື່ອໃຫ້ ກາຍເປັນເມືອງທີ່ມີຄວາມສະຫງົບ, ທັນສະໄຫມ, ເປັນບ່ອນພັກຜ່ອນ, ທີ່ມີ ຄວາມເປັນລະບຽບຮຽບຮ້ອຍ, ສະຫງົບປອດໄພ, ກາຍເປັນເຂດພິເສດທີ່ ເປັນເຂດຕົວແບບ ແລະ ຄຸ້ມຄອງໃຫ້ມີປະສິດທິຜົນທີ່ດີຂຶ້ນກວ່າເກົ່າ.

ໂດຍໃນປີ 2022 ທີ່ຜ່ານມາ ສໍາລັບວຽກງານ ປ້ອງກັນຄວາມສະຫງົບ ໃນ ເຂດເສດຖະກິດພິເສດ ສາມຫຼ່ຽມຄໍາ ໄດ້ມີປະກົດການຫຍໍ້ທໍ້ເກີດຂຶ້ນ ທັງຫມົດ 153 ເລື່ອງ, x`ແກ້ໄຂໄດ້ທັງຫມົດ 107 ເລື່ອງ, ສົ່ງໃຫ້ ປກສ ແຂວງ ດໍາເນີນ 27 ເລື່ອງ ແລະ ຄະດີພວມດໍາເນີນແກ້ໄຂມີ 19 ເລື່ອງ.

ທີ່ມາ: ວຽງຈັນທາຍ

Continue Reading

ຂ່າວພາຍໃນ

ຮູ້ແລ້ວ ຍ້ອນສາເຫດນີ້ ຍິ ງ ກັນຕ າ ຍ 2 ຄົນເມືອງປາກງື່ມ

Published

on

By

ຂໍສະແດງຄວາມເສຍໃຈນຳຍາດຜູ້ເສຍຊີວິດ ເຫດ ຍິ ງ ກັ ນທີ່ເມືອງປາກງື່ມ.

ຕາມການລາຍງານຂອງ ໜ່ວຍກູ້ໄພອາສາເພື່ອປະຊາຊົນ ໃຫ້ຮູ້ວ່າ ໃນວັນທີ 1/2/2023 ເວລາ 13:30 ນາທີ ມີຄົ ນ ຍິ ງ ກັ ນເສຍຊີວິດ

ຈຸດເກີດເຫດທີ່ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ.ໃນບໍລິເວນເກີດເຫດ ມີຜູ້ປະສົບເຫດ2ຄົນເພດຊາຍ, ຜູ້ທີ່ 1 ເພດຍິງ ຖື ກ ຍິ ງ ເສຍຊີວິດຄາທີ່ ແລະ ຜູ້ທີ 2 ເພດຊາຍ ເສຍຊີວິດຢູ່ໂຮງໝໍ.

ປັດຈຸບັນເຈົ້າໜ້າທີ່ກຳລັງກວດສອບ ຖ້າມີຂໍ້ມູນເພີ່ມເຕີມຈະລາຍງານໃນພາຍຫຼັງ.

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading
ເດືອນກຸມພາ 2023
ເສົາ ​ອາ ​ຈ ​ພ​ຫ ​ສ
 123
45678910
11121314151617
18192021222324
25262728  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້