ອາໄລຄັ້ງສຸດທ້າຍ… ຕົວຈາກໄປເຫຼືອໄວ້ພຽງຜົນງານໃຫ້ຈົດຈໍາ ອິນແຕ່ງ ດອກຟ້າເພັດໂພນທອງ – ສື່ລາວ.ຄອມ
Connect with us

ຂ່າວບັນເທິງ

ອາໄລຄັ້ງສຸດທ້າຍ… ຕົວຈາກໄປເຫຼືອໄວ້ພຽງຜົນງານໃຫ້ຈົດຈໍາ ອິນແຕ່ງ ດອກຟ້າເພັດໂພນທອງ

Published

on

ເຊື່ອວ່າຫຼາຍຄົນຈະໄດ້ເຫັນຂ່າວທີ່ໜ້າເສົ້າໃຈ ຕໍ່ການຈາກໄປແບບບໍ່ມີວັນຫວນກັບຄືນມາ ຂອງສາວໝໍລໍານໍ້າສຽງດີ ອິນແຕ່ງ ດອກຟ້າເພັດໂພນທອງ ທີ່ໄດ້ຕັດສິນໃຈຈົບຊີວິດຂອງຕົນເອງ ໃນວັນທີ 19 ກັນຍາ 2022 ດ້ວຍການໂດດລົງນໍ້າຂອງຈຸດຂົວຂ້າມປາກເຊ – ໂພນທອງ ຫຼ້າສຸດວັນທີ 21 ກັນຍາ 2022 ໄດ້ພົບຮ່າງໄຮ້ວິນຍານຂອງສາວ ອິນແຕ່ງແລ້ວ ແລະ ທີມຂ່າວບັນເທີງຕ້ອງຂໍສະແດງຄວາມເສຍໃຈຕໍ່ການຈາກໄປຄັ້ງນີ້ດ້ວຍ.

ມື້ນີ້ທີມຂ່າວບັນເທີງພວກເຮົາ ຈະພາແຟນໝໍລໍາມາຮູ້ຈັກປະຫວັດເບື້ອງຫຼັງຂອງສາວໝໍລຳອິນແຕ່ງກ່ອນ ວ່າເພິ່ນມີເບື້ອງໜ້າເບື້ອງຫຼັງແນວໃດ ກ່ອນມາຮອດຈຸດນີ້ທີ່ທຸກຄົນຮູ້ຈັກ ແລະ ມີຊື່ສຽງໂດ່ງດັງໃນເລື່ອງຂອງການເປັນໝໍລໍາ. ສໍາລັບສາວໝໍລຳອິນແຕ່ງ ແກ້ວບົວລາ ເປັນນັກສິລະປິນລາວໃຕ້ ທີ່ແຂວງຈຳປາສັກ ເຊິ່ງເປັນຜູ້ທີ່ມີຄວາມຮັກມັກຄວາມບັນເທີງມາແຕ່ນ້ອຍ ຈຶ່ງໄດ້ເອົາມູນຂອງພໍ່ມາສານຕໍ່ດ້ວຍການເປັນໝໍລຳ ດ້ວຍສຽງຄໍ ແລະ ລີລາທີ່ເປັນເອກະລັກ ເຮັດໃຫ້ສາວອິນແຕ່ງ ກາຍເປັນຄົນທີ່ມີຊື່ສຽງໃນວົງການສັງຄົມຢ່າງກວ້າງ ຂວາງ ເປັນຕົ້ນແມ່ນຈະໂດດເດັ່ນໃນການຂັບລຳສີພັນດອນ.

ສໍາລັບຄອບຄົວແກ້ວບົວລາ ເປັນຄອບຄົວທີ່ອະນຸຮັກວັດທະນະທຳທ້ອງຖິ່ນ ກໍຄືການຂັບລຳພາກໃຕ້ສີພັນດອນເປັນທີ່ສຸດ ພໍ່ຂອງໝໍລຳອິນແຕ່ງຊື່ພໍ່ ບຸນທອງ ແກ້ວບົວລາ ກໍເປັນໝໍລຳສີພັນດອນມາແຕ່ໃດ ແລະ ແມ່ບຸນເພັງ ແມ່ຂອງໝໍລຳສາວເອງ ກໍເປັນນາງເອກໝໍລຳເລື່ອງຕໍ່ກອນ ທີ່ໂດ່ງດັງໃນເຂດພາກໃຕ້.

ສ່ວນສາວອິນແຕ່ງ ໄດ້ໃຫ້ສຳພາດກ່ອນໜ້ານີ້ວ່າ: ກ່ອນກ້າວມາເປັນໝໍລຳ ຕອນຍັງນ້ອຍແມ່ນເຫັນພໍ່ຝຶກແອບລຳເປັນປະຈຳ ເມື່ອໄດ້ຍິນສຽງຂັບຮ້ອງຂອງພໍ່ແຕ່ລະຄັ້ງຮູ້ສຶກວ່າກ້ອງກັງວານຢູ່ໃນຫູ ຕົນຮູ້ສຶກສະອອນນຳສຽງອິ່ນອ້ອຍສຽງຂັບລຳຂອງພໍ່ ເມື່ອອາຍຸໄດ້ 9 ປີ ຄືກັບວ່າມີສິ່ງມາດົນບັນດານໃຈໃຫ້ຕົນເກີດມີ ຄວາມຮັກມັກຢາກເປັນໝໍລຳຄືກັບພໍ່ ຈຶ່ງຫັດແອບລຳນຳພໍ່ມື້ລະໜ້ອຍ ໃຊ້ເວລາຝຶກຊ້ອມມາ 5 ປີກວ່າ ພໍອາຍຸກ້າວສູ່ 15 ປີ ສາວອິນແຕ່ງ ໄດ້ອອກງານຮັບໃຊ້ສັງຄົມເປັນຄັ້ງທຳອິດ ມາໃນລຳສີພັນດອນ ເປັນລຳທີ່ຜູ້ຂັບລຳຈຳຕ້ອງຢູ່ຈົນຟ້າແຈ້ງ.

ໃນຂະນະທີ່ກຳລັງນັ່ງລຳຢູ່ນັ້ນ ຜູ້ຟັງຫຼາຍຄົນຕ່າງກໍທັກທ້ວງວ່າຄືເອົາໝໍລຳນ້ອຍມາລຳແທ້ນໍ ຊິກຸ້ມແຈ້ງບໍເດ ແຕ່ກົງກັນຂ້າມສຽງທີ່ໄທບ້ານເວົ້າກັນໄດ້ຊອດແຊກເຂົ້າມາໃນຫູຂອງສາວອິນແຕ່ງ ແລະ ກາຍເປັນສິ່ງກະຕຸກຊຸກຍູ້ໃຫ້ອິນແຕ່ງສູ້ສຸດໃຈ ເພື່ອໃຫ້ຜູ້ຊົມຜູ້ຟັງຕ້ອງຍອມຮັບໃຫ້ໄດ້.

ໃນທີ່ສຸດສິ່ງທີ່ຫວັງກໍກາຍເປັນຈິງ ແລະ ເປັນທີ່ຍອມຮັບຂອງແຟນໝໍລຳນັບມື້ຫຼາຍຂຶ້ນ ຈົນກາຍເປັນໝໍລຳອິນແຕ່ງ ທີ່ທຸກຄົນຮູ້ຈັກໃນທຸກວັນນີ້.

ມາຮອດນີ້ ທີມຂ່າວບັນເທີງ ກໍຕ້ອງສະແດງຄວາມເສຍໃຈຕໍ່ການຈາກໄປແບບບໍ່ມີວັນຫວນຄືນຂອງສາວໝໍລໍານໍ້າສຽງດີມະຫາສະເໜ່ດ້ວຍ ເຊື່ອແນ່ວ່າຊື່ສຽງ ແລະ ທຸກຜົນງານຜ່ານມາຂອງ ອິນແຕ່ງ ຈະເປັນທີ່ຈົດຈໍາຂອງແຟນໆໝໍລໍາຕະຫຼອດໄປ.

Continue Reading

ຂ່າວບັນເທິງ

ພິ້ງກີ້ ສາວິກາ ດາລາສາວຊື່ດັງຂອງໄທ ໄດ້ຮັບປະກັນໂຕແລ້ວ​ ເງິນປະກັນຕົວຈຳນວນ 5 ລ້ານບາດ.

Published

on

ພິ້ງກີ້ ສາວິກາ ຖືກກັກໂຕ ວັນທີ​ 18 ສິງຫາ​ 2022 ໃນຂໍ້ຫາຄະດີ ແຊຕ່ອງໂສ້ (Forex 3D).

ການປະກັນຕົວຄັ້ງນີ້​ ຕ້ອງເປັນໄປຕາມກຳນົດຂອງສານຄື:

ຫ້າມເດີນທາງອອກຈາກປະເທດໄທ

– ຫາກມີການຍ້າຍຖິ່ນຖານຕ້ອງແຈ້ງພາຍໃນ​ 7​ ວັນ

– ຕ້ອງລາຍງານຕົວທຸກໆເດືອນ​ ຈົກວ່າຈະມີການປ່ຽນແປງ

– ຕ້ອງແຈ້ງຕຳຫລວດ ຕມ ຮັບຮູ້ນຳ.

Cr: Thairath

Continue Reading

ຂ່າວບັນເທິງ

ຍິນດີຕ້ອນຮັບ ນັກຮ້ອງລູກທຸ່ງດັງ ໄຜ່ ພົງສະທອນ ມາທ່ຽວ ສປປ ລາວ

Published

on

ນັກຮ້ອງລຸກທຸ່ງໄທ ອີສານ ໄຜ່ ພົງສະທອນ ເດີນທາງມາລາວທ່ອງທ່ຽວແບບງຽບໆຈາກວຽງຈັນ-ຫຼວງພະບາງ ຜ່ານເສັ້ນທາງລົດໄຟ ແລະໄປນອນພັກຜ່ອນຫົວໃຈໃນນະຄອນຫຼວງພະບາງ ໃສ່ບາດຍາມເຊົ້າ ແລະໄປສັກກາລະບູຊາ ສະຖານທີ່ສັກສິດຕ່າງໆ.

ຈາກນັ້ນ ນັກຮ້ອງໜຸ່ມຍັງ ໄປທ່ຽວວັງວຽງ ດິນແດນແຫ່ງທຳມະຊາດ ໜຸ່ມໄຜ່ເລົ່າວ່າ ທີ່ນີ້ມີສາຍນ້ຳທີ່ສະອາດ ອາຫານແຊບ ປະທັບໃຈທຸກຢ່າງ ທີ່ສຳຄັນໄດ້ມິດຕະພາບທີ່ດີ ໄດ້ຮອຍຍີ້ມໄດ້ຮັບການຕ້ອນຮັບຢ່າງອົບຈາກຄົນໃນທ້ອງຖິ່ນ.

ສຳລັບຫຼວງພະບາງສິ່ງທີ່ພາດບໍໄດ້ຂອງນັກຮ້ອງດັງ ແມ່ນໄປທີ່ສູນລວມຈິດໃຈຂອງພີ່ນ້ອງຊາວຫຼວງພະບາງຄື ພະລາຊະວັງຫຼວງພະບາງ ແລະພະທາດພູສີ ໜຸ່ມໄຜ່ບອກວ່າ ໄດ້ມາທີ່ນີ້ກາບຂໍພອນດ້ວຍຕົວເອງໄດ້ເຫັນກັບຕາແລ້ວ ສວຍງາມສົມຄຳລ້ຳລື.

ຫຼັງຈາກນັ້ນ ໄຜ່ ລົງມານະຄອນຫຼວງວຽງຈັນຍັງໄປທ່ຽວປະຕູໄຊ, ໄປຫາພຣະອາຈານໃຫຍ່ ມະຫາບຸນມາ ສິມມາພົມ ປະທານສູນກາງ ອົງການພຸດທະສາສະໜາສັມພັນ ແຫ່ງ ສປປ ລາວ ເພື່ອຖວາຍຜ້າຈີວອນ ແລະເຄື່ອງຂອງຈຳນວນໜຶ່ງ.

..

..

ທີ່ມາ: ຂ່າວເສດຖະກິດ-ການຄ້າ

Continue Reading

ຂ່າວບັນເທິງ

ຫາຍາກ ຫມູ່ທີ່ລັກເເມ່ກັບຜົວໄປຫລີ້ນນຳເຮົາໄດ້ ເເພ້ເເຮງຫມູ່ເເບບນີ້ ແທັກດ່ວນ

Published

on

ຫາໃດ້ຢູ່ໃສ ຫມູ່ທີ່ລັກເເມ່ກັບຜົວໄປຫລີ້ນນຳເຮົາໃດ້ ເເພ້ເເຮງຫມູ່ເເບບນີ້.

ສາຍຝົນເນັດໄອດໍ້ ໂພສ Sayfon Thongpaseuth ຢູ່ກັບ Pabou Douangboupha ໝູ່ຂອງ ພ ເນັດໄອດໍ້ຄົນດັງຄືກັນ ທີ່ຫາກໍມີຂ່າວດີ ເປັນພາບ ແລະ ຂໍ້ຄວາມສຸດຈີດ ວ່າ“ຫາໃດ້ຢູ່ໃສ ຫມູ່ທີ່ລັກເເມ່ກັບຜົວໄປຫລີ້ນນຳເຮົາໃດ້ ເເພ້ເເຮງຫມູ່ເເບບນີ້”

ເຊິ່ງມີຫຼາຍຄົນແຊ ແລະ ສະແດງຄວາມຄິດເຫັນຕ່າງໆ.

ບໍ່ວ່າຈະເປັນ ຢາກມີີໝູ່ແບບນີ້ ເພາະສ່ວນຫຼາຍມີເມຍ ມີແຟນ ມີຜົວ ມີແລ້ວ ອາດຈະມີເວລາໃຫ້ໝູ່ນ້ອຍລົງບາງຄົນກໍແທັກໝູ່ ເປັນຄອນເທັນທີ່ຈີດໃຈຫຼາຍໆຄົນ.

ໂດຍສະເພາະຄົນທີ່ມີຫຼົວແລ້ວຫາຍຫົວ ຫາຍໜ້າ ຫາຍຕາຈາກແກ້ງຊິນະ 555

ຄລິບ:

Continue Reading
ເດືອນທັນວາ 2022
ເສົາ ​ອາ ​ຈ ​ພ​ຫ ​ສ
 12
3456789
10111213141516
17181920212223
24252627282930
31  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້