ລົດກະບະຕຳຈົວນ້ອຍສອງອົງກຳລັງບິນທະບາດແລ້ວຫຼົບໜີ ສຸດທ້າຍເກີດອຸບັດຕິເຫດໄປບໍ່ລອດ

ເຊົ້າວັນທີ 1 ກັນຍາ 2022 ມີລົດກະບະລີໂວສີຂາວ ຂັບລົດຕຳຈົວນ້ອຍ 2 ອົງທີ່ກຳລັງບິນທະບາດ ຢູ່ບໍລິເວນບ້ານໂພນແຫຼ້ ຫຼັກ 52 (ແຖວໂຮງເລື່ອຍ)

ຫຼັງຈາກເກີດເຫດລົດຄັນດັ່ງກ່າວໄດ້ຫຼົບໜີ ແຕ່ກໍ່ໄປບໍ່ລອດ ເພາະເກີດອຸບັດຕິເຫດລົດໄດ້ຕຳສົ້ນຂົວທີ່ກຳລັງມີການກໍ່ສ້າງຢູ່ບ້ານນາບອນ ເມືອງໂພນໂຮງ ແຂວງວຽງຈັນ

ອາການເບື້ອງຕົ້ນຂອງຈົວທັງສອງ ຄົນໜຶ່ງໄດ້ບາດເຈັບສົມຄວນ (ຫຍິບ 28 ເຂັມ) ແລະ ອີກອົງໜ່ງແມ່ນອາການສາຫັດ (ໂຄມ່າ)

ພາບຈາກ: ຈັນທະວົງ ອຸ່ນວິໄລຫົງ