ກົດໄລ້ກົດແຊຣ໌ ເບິ່ງດວງລາຍວັນປະຈຳວັນທີ 12 ສິງຫາ 2022 ການງານ ການເງິນ ຄວາມຮັກ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ບົດຄວາມ

ກົດໄລ້ກົດແຊຣ໌ ເບິ່ງດວງລາຍວັນປະຈຳວັນທີ 12 ສິງຫາ 2022 ການງານ ການເງິນ ຄວາມຮັກ

Published

on

ວັນຈັນ:ການ​ງານ ເຖິງ​ແມ່ນ​ການ​ງານ​ຈະ​ຊ້າ​ ແຕ່​ກໍ​ຍັງ​ວຸ້ນວາຍ​ຄື​ເກົ່າ ຄວາມ​ພະຍາຍາມ​ຈະ​ເຮັດໃຫ້​ການ​ງານ​ດີ​ຂຶ້ນ​ໄດ້​ສະເໝີ​ ການ​ເງິນ ຫາ​ໄດ້​ກໍ​ໃຊ້​ອອກ​ໄປ​ຫລາຍ​ ເປັນ​ພາລະ​ເລື່ອງ​ຂອງ​ການ​ຊ່ວຍ​ເຫລືອ​ບໍລິວານ​ ຍາດ​ພີ່ນ້ອງ​ ຫລື​ພໍ່​ແມ່ຂອງ​ຕົນ​ນັ້ນ​ເອງ​ ຄວາມ​ຮັກ​ ຍັງ​ບໍ່​ມີ​ເວລາ​ໃຫ້​ຄົນ​ຮັກ​ ເພາະ​ມີ​ພາລະ​ຫນ້າທີ່​​ຕ້ອງ​ຮັບ​ຜິດຊອບ​ຄ່ອນ​ຂ້າງ​ເມື່ອຍ​ຈຶ່ງ​ບໍ່​ມີ​ເວລາ​ປານໃດ​ວັນຄານ:ການ​ງານ ຄວາມ​ສະຫລາດ​ໃນ​ການ​ຕິດ​ຕໍ່​ເຈລະ​ຈາ​ຕ່າງ​ໆ​ ຈະ​ກໍ່​ໃຫ້​ເກີດ​ຄວາມ​ສຳ​ເລັດ​ຢູ່ໃນ​ເກນ​ທີ່​ໜ້າ​ພໍ​ໃຈ​ ການ​ເງິນ ໝຸນ​ຫາ​ໃຊ້​ຈ່າຍ​ໃນ​ເລື່ອງ​ຂອງ​ການ​ເງີນ​ໄດ້​ເລື່ອຍ​ໆ​ ແມ່ນ​ບໍ່​ສຳ​ນານ​ປານ​ໃດ​ ແຕ່​ກໍ​ຍັງ​ດີ​ທີ່​ໄດ້​ເຂົ້າ​ມາ​ເພິ່ມ​ ຄວາມ​ຮັກ ຍັງ​ດຳ​ເນີນ​ໄປ​ໃນ​ທິດ​ທາງ​ທີ່​ຄວນ​ຈະ​ເປັນ​ ໃນ​ເລື່ອງ​ຄວາມ​ສຳພັນ​ດ້ານ​ຄວາມ​ຮັກ​ຍັງ​ບໍ່​ມີ​ສິ່ງ​ໃດ​ປ່ຽນ​ແປງ​ປານໃດ​ວັນພຸດ:ການ​ງານ ຈະ​ພົບ​ອຸປະສັກ​ຄວາມ​ຊ້າ​ໃນ​ເລື່ອງ​ການ​ງານ​ໃນ​ຊ່ວງ​ນີ້​ ຕ້ອງ​ຄ່ອຍ​ໆ​ ແກ້​ໄຂ​ບັນຫາ​ສະເພາະ​ໜ້າ​ໄປ​ເທື່ອ​ລະ​ເລື່ອງ​ ການ​ເງິນ ມີ​ໂຊກ​ຈະ​ໄດ້​ເງີນ​ ມີ​ຄວາມຫມັ້ນຄົງ​ທາງ​ດ້ານ​ການ​ເງີນ​ ສັງເກດ​ໄດ້​ວ່າ​ໄລ​ຍະ​ນີ້​ມີ​ຖານະ​ດີ​ຂຶ້ນ​ກວ່າ​ແຕ່​ກ່ອນ​ ຄວາມ​ຮັກ​ ຍັງ​ຄົງ​ມີ​ພາລະ​ ຫລື​ມີ​ເລື່ອງ​ທີ່​ຕ້ອງ​ໄປ​ຈັດການ​ຫລາຍກວ່າ​ທີ່​ຈະ​ທຸ້ມເທ​ດ້ານ​ຄວາມ​ຮັກ​ໃນ​ຊ່ວງ​ນີ້​ນັ້ນ​ເອງ​ວັນພະຫັດ:ການ​ງານ ຕ້ອງ​ໃຊ້​ເທັກ​ນິກ​ ແລະ​ຄວາມ​ສາມາດ​ໃນ​ການ​ແກ້​ໄຂ​ບັນຫາ​ສະເພາະ​ໜ້າ​ເພື່ອ​ໃຫ້​ຜ່ານ​ພົ້ນ​ໄປ​ໃຫ້​ໄດ້​ດ້ວຍ​ຄວາມ​ເປັນ​ໂຊກ​ ການ​ເງິນ ຍັງ​ຢູ່ໃນ​ເກນ​ຊົງ​ຕົວ​ໃນ​ຊ່ວງ​ນີ້​ ແຕ່​ກໍ​ມີ​ເລື່ອງ​ກັງ​ວົນ​ໃຈ​ໃນ​ການ​ໃຊ້​ເງີນ​ ເພາະ​ເຖິງ​ກຳນົດ​ຜ່ອນ​ຜັນ​ ແລະ ອາດ​ເຖິງ​ເວ​ລາ​ທີ່​ຕ້ອງ​ຈ່າຍ​ແລ້ວ​ ຄວາມ​ຮັກ ຖ້າ​​ຈະ​ພົບ​ໃຜ​ໃນ​ຊ່ວງ​ນີ້​ທີ່​ຈະ​ມີ​ເຂົ້າ​ມາ​ຢູ່ໃນ​ເກນ​ຜິວ​ຂາວ​ ຫລື​ຜິວ​ສອງ​ສີ​ກໍ​ເປັນ​ໄປ​ໄດ້​ວັນສຸກ:ການ​ງານ​ ການ​ເຮັດ​ວຽກງານ​ຮ່ວມ​ກັບ​ຫຸ້ນ​ສ່ວນ​ຍັງ​ດຳ​ເນີນ​ໄປ​​ດ້ວຍ​ດີ​ ການ​ເຮັດ​ວຽກງານ​ກັບ​ໝູ່ສະນິດ​ ຫລື​ຄົນ​ຮັກ​ຈະ​ສົ່ງ​ຜົນ​ດີີ​ ເຮັດໃຫ້​ການ​ງານ​ມີ​ຄວາມ​ກ້າວ​ໜ້າ​ ການ​ເງິນ​ ຊ່ວງ​ນີ້​ບໍ່​ສາມາດ​ຄວບ​ຄຸມ​ລາຍ​ຈ່າຍ​ ມີ​ແຕ່​ເລື່ອງ​ທີ່​ຈຳ​ເປັນ​ຕ້ອງ​ຈ່າຍ​ ຈຶ່ງ​ເຮັດໃຫ້​ເກັບ​ເງີນ​ບໍ່​ຢູ່​ ຄວາມ​ຮັກ ຄູ່​ທີ່ກຄົບ​ຫາ​ເບິ່ງ​ໃຈ​ກັນ​ມາ​ດົນ​ແລ້ວ​ຈະ​ມີ​ການ​ວາງ​ແຜນ​ເລື່ອງ​ອະນາຄົດ​ຮ່ວມ​ກັນ​ ເພາະ​ເກີດ​ຄວາມຫມັ້ນ​ໃຈ​ໃນ​ກັນ​ແລະ​ກັນ​ແລ້ວ​ວັນເສົາ:ການ​ງານ​ ເຮັດ​ຕາມ​ຫນ້າທີ່​ໃຫ້​ດີ​ທີ່ສຸດ​ກໍ​ພຽງ​ພໍ​ແລ້ວ​ໃນ​ຊ່ວງ​ນີ້​ ຊຶ່ງ​ຈະ​ສົ່ງ​ຜົນ​ເຮັດໃຫ້​ເກີດ​ຄວາມ​ກ້າວ​ໜ້າ​ທາງ​ດ້ານ​ການ​ງານ​ໄດ້​ເປັນ​ຢ່າງ​ດີ​ ການ​ເງິນ ຈະ​ພົບ​ອຸປະສັກ​ກ່ຽວກັບ​ການ​ຫາ​ເງີນ​ເຂົ້າ​ມາ​ ແຕ່​ທ່ານ​ກໍ​ຈະ​ຜ່ານ​ພົ້ນ​ໄປ​ໄດ້​ສະເໝີ​ເມື່ອ​ມີ​ຄວາມ​ຕັ້ງ​ໃຈ​ ແລະ​ມີ​ແນວ​ທາງ​ໃໝ່​ ໆ​ ໃນ​ການ​ຫາ​ເງີນ​ເຂົ້າ​ມາ​ໃຫ້​ໄດ້​ໂຊກ​ ໄດ້​ເງີນ​ເຂົ້າ​ມາ​ເພີ່ມ​ຂຶ້ນ​ນັ້ນ​ເອງ​ ຄວາມ​ຮັກ​ ທ່ານ​ເປັນ​ຜູ້​ທີ່​ມີ​ສະ​ເນ່​ ແຕ່​ກໍ​ຍັງ​ບໍ່​ເລືອກ​ໃຜ​ເຂົ້າ​ມາ​ ແມ່ນ​ມີຄົນ​ຍາກ​ສານ​ຄວາມ​ສຳພັນ​ ແຕ່​ກໍ​ເລືອກ​ທີ່​ຈະ​ເບິ່ງ​ໆ​ ກັນ​ໄປ​ກ່ອນ​ນັ້ນ​ເອງ​ວັນອາທິດ:ການ​ງານ ຈະ​ເຮັດວຽກ​ໃຫຍ່​ຄວນ​ມີ​ທີ່ປຶກ​ສາ​ທີ່​ມີປະ​ສົບ​ການ​​ ສາມາດ​ໄວ້​ໃຈ​ໄດ້​ໃນ​ການ​ວາງ​ແຜນ​ ວາງ​ລະບົບ​ຕ່າງ​ໆ​ ການ​ເງິນ ວາງ​ແຜນ​ການ​ໃຊ້​ຈ່າຍ​ໄດ້​ແລ້ວ​ ໃນ​ຊ່ວງ​ນີ້​ບໍ່​ສາມາດ​ຄຸ່ມ​ລາຍ​ຈ່າຍ​ໄດ້​ຄືແຕ່​ກ່ອນ​ ເພາະ​ລາຍ​ໄດ້​ທີ່​ເຂົ້າ​ມາຍັງ​ບໍ່​ແນ່ນອນ​ນັ້ນ​ເອງ​ ຄວາມ​ຮັກ ຖ້າ​ຈະ​ພົບ​ເຈີ​ໃຜ​ທີ່​ຈະ​ມີ​ເຂົ້າ​ມາ​ໃນ​ຊ່ວງ​ນີ້​ ທ່ານ​ເປັນ​ຄົນ​ສະຫລາດ​ ຈິງ​ຈັງ​ ໃຈ​ຮ້ອນ​ ໂລ​ແມນ​ຕິກ​ ແລະ​ອາ​ຍຸ​ນ້ອຍ​ກວ່າ​

Continue Reading

ບົດຄວາມ

ກົດແຊຣ໌ ດວງລາຍວັນປະຈຳວັນທີ 22 ກັນຍາ 2022 ການງານ ການເງິນ ຄວາມຮັກ

Published

on

ຄົນເກີດວັນອາທິດ:ການ​ງານຈະ​ພົບ​ຫຸ້ນ​ສ່ວນ​ທີ່​ດີ​ຮ່ວມ​ຫຸ້ນ​ທາງ​ທຸລະກິດເຂົ້າມາຮ່ວມວຽກງານນໍາ ການ​ເງິນ​ຈະໄດ້ເງິນ​ກ້ອນ​ໃຫຍ່​ຈາກ​ການເຮັດ​ທຸລະກິດ ຄວາມ​ຮັກເກີດ​ຄວາມ​ຮູ້ສຶກ​ຄຽດ​ເລື່ອງ​ຄວາມ​ສຳພັນຕ້ອງລະວັງຄໍາເວົ້າ ເຄື່ອງມຸງຄຸນເງິນ ສີມຸງຄຸນ​ສີດໍາ ເລກ​ນຳ​ໂຊກ​5

ຄົນເກີດວັນຈັນ:ການ​ງານຈະ​ພົບ​ການ​ຍົກຍ້າຍການ​ປ່ຽນ​ແປງ​ໄດ້ວຽກ​ງານ​ທີ່​ໃໝ່ ການ​ເງິນ​ຊ່ວງ​ນີ້​ໃຊ້​ຄວາມ​ປະ​ຢັດ​ເອົາ​ໄວ້​ກ່ອນຈະເປັນການດີ ຄວາມ​ຮັກ​ພົບ​ຄົົນທີ່​ມີ​ອາ​ຍຸ​ຕ່າງ​ກັນ​ທ່ານ​ ແຕ່ລາວຈະ​ນຳ​ຄວາມ​ສຸກ​ມາສູ່​ທ່ານ ເຄື່ອງມຸງຄຸນ​  ແຫວນຄໍາ ສີມຸງຄຸນສີສົ້ມ ເລກ​ນຳ​ໂຊກ​1

ຄົນເກີດວັນອັງຄານ:ການ​ງານ​ມີ​ຂ່າວ​ດີ​ອາດ​ໄດ້​ເລື່ອນ​ຂັ້ນ​ເລື່ອນ​ຕຳແໜ່ງຂອງວຽກງານທີ່ທ່ານໄດ້ຮັບຜິດຊອບ ການ​ເງິນ ທ່ານຈະເສຍ​ເງິນ​ຊື້​ເຟີນິເຈີ​ໃໝ່ເຂົ້າມາເຮັດໃຫ້ທ່ານອາດມີລາຍຈ່າຍເພີ່ມຂື້ນ ຄວາມ​ຮັກເກີດ​ບັນຫາ​ດ້ານ​ຄວາມ​ສຳພັນ ເພາະທ່ານທັງສອງບໍ່ມີເວລາໃຫ້ກັນເລີຍ ເຄື່ອງມຸງຄຸນ​ໄຂ່ມຸກ ສີມຸງຄຸນສີ​ຂາວ ເລກ​ນຳ​ໂຊກ​1

ຄົນເກີດວັນພຸດ:ການ​ງານການ​ເລີ່ມ​ຕົ້ນ​ທຸລະກິດ​ໃໝ່​ອາດ​ເກີດ​ການ​ຜິດ​ພາດ ການ​ເງິນມີ​ຂ່າວ​ດີ​ດ້ານ​ການ​ເງິນ ແຕ່ກໍຈະມີການຈັບຈ່າຍສິ່ງຂອງທີ່ຍັງບໍ່ຈຳເປັນ ຄວາມ​ຮັກຈະພົບ​ຮັກ​ກັບ​ຄົົນທີ່​ມີ​ນິ​ໄສ​ດີອາດເປັນຄົນທີ່ທ່ານເອງກໍຮູ້ດີ ເຄື່ອງມຸງຄຸນ​​ແຫວນຄໍາ ສີມຸງຄຸນສີນໍ້າຕານ ເລກ​ນຳ​ໂຊກ​3

ຄົນເກີດວັນພະຫັດ:ການ​ງານລະ​ວັງ​ການເຮັດ​ທຸລະກິດ​ຜິດ​ພາດ​ເຮັດໃຫ້​ຂາດ​ທຶນ ການ​ເງິນ​ເດິນທາງ​ໄກ​ແລ້ວ​ຈະ​ໄດ້​ເງິນ​ກ້ອນ​ໃຫຍ່ເຂົ້າມາຊ່ວຍເຫຼືອທ່ານ ຄວາມ​ຮັກພົບ​ຮັກ​ທີ່​ດີ​ມີ​ຄວາມ​ສຸກແຕ່ຊ່ວງນີ້ຄົນຮັກບໍ່ມີເວລາໃຫ້ທ່ານເລີຍ ເຄື່ອງມຸງຄຸນ​ເງິນ ສີມຸງຄຸນສີບົວ ເລກ​ນຳ​ໂຊກ​1

ຄົນເກີດວັນສຸກ:ການ​ງານ​ລະ​ວັງ​ການ​ເກີດ​ບັນຫາ​ຂັດ​ແຍ້ງ​ກັບ​ຫຸ້ນ​ສ່ວນໃນບ່ອນເຮັດວຽກ ການ​ເງິນທ່ານຈະເສຍ​ເງິນ​ຊ້ອມແປງບ້ານ​ຂອງທ່ານ​​ທີ່​ເກີດການເສຍຫາຍ ຄວາມ​ຮັກເກີດ​ຄວາມ​ສຸກ​ໃນ​ຊີວິດ​ຮັກ ເພາະຄົນຮັກກໍາລັງເອົາໃຈທ່ານຫຼາຍກວ່າປົກກະຕິໃນຊ່ວງນີ້ ເຄື່ອງມຸງຄຸນ  ໄຂ່ມຸກ ສີມຸງຄຸນສີນໍ້າຕານ ເລກ​ນຳ​ໂຊກ​1

ຄົນເກີດວັນເສົາ:ການ​ງານພົບ​ວິທີ​ການເຮັດ​ທຸລະກິດ​ໂດຍ​ການ​ລົງ​ທຶນ​ນ້ອຍ​ແຕ່​ໄດ້​ກຳ​ໄລ​ງາມ ການ​ເງິນພົບ​ເຫດການ​ທີ່​ຕ້ອງ​ຈ່າຍ​ເງິນ​ກ້ອນ​ໃຫຍ່ອອກໄປຫຼາຍກວ່າທີ່ຜ່ານມາ
ຄວາມ​ຮັກປະຕິເສດ​ໃນ​ເລື່ອງ​ຮັກ ເພາະເປັນຊ່ວງທີ່ທ່ານຄິດແຕ່ເລື່ອງການງານຫຼາຍກວ່າເລື່ອງອື່ນ ເຄື່ອງມຸງຄຸນ​ຄໍາຝຣັ່ງ ສີມຸງຄຸນສີສົ້ມ ເລກ​ນຳ​ໂຊກ​4

Continue Reading

ບົດຄວາມ

ແດ່ ອິນແຕ່ງ ແກ້ວບົວລາ ຜູ້ເປັນດາວປະດັບຟ້າ(ປະຫວັດ)

Published

on

ອິນແຕ່ງ ແກ້ວບົວລາ ຫລື ອິນແຕ່ງ ດອກຟ້າເພັດໂພນທອງ ກຳເນີດແລະເຕີບໃຫຍ່ຢູ່ໃນຄອບຄົວໝໍລຳ. ພໍ່ເປັນໝໍລຳນັ່ງ. ສ່ວນແມ່ເປັນໝໍລຳເລື່ອງຕໍ່ກອນ. ອິນແຕ່ງ ຈິ່ງຊຶມຊັບເອົາການຂັບລຳ ໂດຍສະເພາະ ລຳໂສມ ແລະ ລຳສີພັນດອນ ຕັ້ງແຕ່ຍັງນ້ອຍ.

ທຸກຄັ້ງທີ່ລົດມາຮັບເອົາພໍ່ໄປລຳ ນາງກໍ່ຈະແອ່ວຕິດສ້ອຍຫ້ອຍຕາມໄປນຳສະເໝີ ເພາະຄວາມຢາກຮູ້ຢາກເຫັນ. ຕອນຮຽນຢູ່ຊັ້ນປະຖົມ ສາວຄູຢາກໃຫ້ອິນແຕ່ງເປັນຕົວແທນຂອງໂຮງຮຽນໄປແຂ່ງລຳ ຍ້ອນວ່ານາງເປັນລູກໝໍລຳ ຄືຊິລຳໄດ້. ແຕ່ໃນຄວາມເປັນຈິງແລ້ວ ໃນຕອນນັ້ນ ນາງລຳຍັງບໍ່ເປັນເລີຍ.

ພໍ່ຈິ່ງເລີ່ມແຕ່ງກອນໃຫ້ທ່ອງ ຈາກກອນໜຶ່ງ ເປັນສອງກອນ ແລະ ແຕ່ງໃຫ້ເລື້ອຍໆ. ເມື່ອພໍ່ຝຶກແອບໝໍລຳຄົນອື່ນ ນາງກໍ່ມັກໄປຈອບຟັງແລະຈົດຈຳ. ພໍພໍ່ຫັນມາສອນໃຫ້ພຽງເລັກນ້ອຍ ນາງກໍ່ລຳເປັນໂລດ.

ຫລັງຈາກທ່ອງກອນລຳໄດ້ຫລາຍກອນ ແລະ ລຳເປັນແດ່ ພໍ່ກໍ່ເລີ່ມໃຫ້ລອງລຳໃນງານຕົວຈິງ. ຫລັງເລີກຮຽນວັນສຸກ ແລະ ເສົາທິດ ພໍ່ກໍ່ຈະເອົາອິນແຕ່ງ ໄປນັ່ງລຳນຳ.

ທຳອິດ ນາງຈະລຳດ້າມກອນສອງກອນ ແລ້ວໄປລີ້ຫລັງໝໍແຄນເພື່ອນອນຈົນກວ່າງານຈະເລີກ. ແຕ່ພໍໄດ້ໄປລຳຫລາຍບ້ານຫລາຍເມືອງ ມີຊາວບ້ານຍ້ອງຍໍໍຊົມເຊີຍ ອິນແຕ່ງກໍ່ເລີ່ມຕິດອົກຕິດໃຈ ຢາກລຳຫລາຍກອນຂື້ນ.

ຈຸດປ່ຽນສຳຄັນໜຶ່ງຂອງຊີວິດອິນແຕ່ງ ຄືຕ້ອງໄດ້ເລືອກລະຫວ່າງການຮຽນຕໍ່ ຫລື ຊິອອກມາເປັນຫມໍລຳເຕັມໂຕ ຕອນນາງຮຽນຢູ່ຊັ້ນມໍ 3 ໃນປີ 2004-5. ຍ້ອນຜົນການຮຽນບໍ່ດີຄືໝູ່ຄົນອື່ນ, ນາງຮູ້ສຶກວ່າ ເຖິງຊິຝືນຮຽນຕໍ່ ກໍ່ບໍ່ເກີດປະໂຫຍດຫຍັງ, ປະກອບກັບຕອນນັ້ນ ສະພາບເສດຖະກິດຄອບຄົວກໍ່ຫຍຸ້ງຍາກແດ່ ນາງບໍ່ຢາກເປັນພາລະຂອງພໍ່ແມ່, ດັ່ງນັ້ນ, ອິນແຕ່ງຈິ່ງເລືອກເສັ້ນທາງເປັນໝໍລຳເຕັມໂຕ ແລະ ທຸ້ມເທທຸກຢ່າງໃຫ້ກັບອາຊີບນີ້ຕັ້ງແຕ່ນັ້ນເປັນຕົ້ນມາ.

ອິນແຕ່ງເລົ່າວ່າ:

“ອອກໂຮງຮຽນມາ ແລ້ວຍ້າຍຖິ່ນຖານມາຢູ່ບ້ານຄັນແຍງນີ້ (ເມືອງໂພນທອງ, ແຂວງຈຳປາສັກ) ແລ້ວນ້ອງບຸກທ່ອງກອນລໍາ ແບບວ່າຄັນກາງຄືນກະທ່ອງຕັ້ງແຕ່ ກິນເຂົ້າແລງແລ້ວຈົນຮອດ 8-9 ໂມງກາງຄືນຈຶ່ງໄດ້ນອນ. ແຕ່ເຊົ້າກະແມ່ນ 4 ໂມງ 5 ໂມງ ລຸກມາໜຶ້ງເຂົ້າກະທ່ອງກອນລໍານໍາ.

ຕັ້ງໃຈທ່ອງອີ່ຫລີ ຍ້ອນວ່າມັນຈໍາເປັນທີ່ເຮົານີ້ໄດ້ກອນລໍາຫລາຍໆ ເພື່ອຊິໄປລໍາເພາະວ່າຕັດສິນອອກໂຮງຮຽນມາແລ້ວ ເຮົາຊິໄປລໍາ ເປັນໝໍລໍາເຕັມໂຕ.”

ອິນແຕ່ງ ທ່ອງຈຳບົດກອນລຳທີ່ພໍ່ແຕ່ງໃຫ້ ແລະ ຝຶກແອບຢ່າງໜັກເປັນເວລາ 1 ປີ ຈິ່ງເລີ່ມຮັບງານຢ່າງຈິງຈັງ ໂດຍສະເພາະລຳນັ່ງ (ລຳສີພັນດອນ).

ຈາກໄປລຳເສີມຊ່ວຍພໍ່ ແລະ ໝໍລຳລຸ້ນໃຫຍ່, ອິນແຕ່ງ ເລີ່ມໄດ້ຮັບໂອກາດຈາກຜູ້ໃຫຍ່ ໃຫ້ເລີ່ມໄປລຳນັ່ງເປັນໂຕຫລັກ ໃນໄວພຽງ 13-14 ປີ ເທົ່ານັ້ນ.

ໃນປີ 2008-2009 ຕອນອາຍຸ ໄດ້ 15-16 ປີ, ອິນແຕ່ງກໍ່ຖືກປັ້ນໃຫ້ເປັນນາງເອກໝໍລຳເລື່ອງຕໍ່ກອນ ແທນນາງເອກປະຈຳຄະນະທີ່ກຳລັງຖືພາໃກ້ຈະຄອດລູກ. ໄລຍະທຳອິດທີ່ເປັນໝໍລຳເລື່ອງກໍ່ມັກມີຫາງສຽງຈາກຜູ້ເບິ່ງຜູ້ຟັງວ່າລຳບໍ່ຄ່ອງບໍ່ໄຫລປານໃດ. ແຕ່ນາງບອກວ່າ:

“ແຕ່ກະເປັນຄົນທີ່ຖືຄະຕິວ່າ ດ້ານໄດ້ອາຍອົດ; ລໍາໄດ້ສໍ່າໃດ ກະລໍາສໍ່ານັ້ນ. ຄົນຊິວ່າມາຈັ່ງໃດກະວ່າ. ນ້ອຍໃຈຢູ່ໜ້ອຍໜຶ່ງ ແຕ່ກະຍັງບໍ່ສູ້ຄວາມມຶນຂອງເຮົາທີ່ວ່າ ຢາກບືນລໍາ….”

ຕໍ່ມາບໍ່ນານ ອິນແຕ່ງ ກໍ່ເລີ່ມໄດ້ຮັບຄວາມຊື່ນຊົມ ແລະ ຖືກເວົ້າເຖິງເປັນວົງກວ້າງ ຍ້ອນເປັນໄວລຸ້ນ ແຕ່ມີຄວາມສາມາດໃນການຂັບລຳທ້ອງຖິ່ນພາກໃຕ້ ແລະ ມີນໍ້າສຽງທີ່ເປັນເອກະລັກ (ສຽງແຫບສະເໜ່) ເພາະຕອນນັ້ນ ໝໍລຳສ່ວນໃຫຍ່ ຈະເປັນລຸ້ນໃຫຍ່, 40-50 ປີແລ້ວ.

ການທີ່ໄວລຸ້ນລຳທ້ອງຖິ່ນໄດ້ດີ ຈິ່ງເປັນສິ່ງແປກໃໝ່ ແລະ ດຶງດູດຄວາມສົນໃຈ ຈົນເກີດມີການຈ້າງງານຢ່າງລຽນຕິດ ຈາກການບອກເລົ່າປາກຕໍ່ປາກຂອງຜູ້ເບິ່ງຜູ້ຟັງ.

ໃນໄລຍະປີ 2009-2014 ຖືເປັນໄລຍະທີ່ອິນແຕ່ງມີຊື່ສຽງແລະໄດ້ຮັບຄວາມນິຍົມທີ່ສຸດ ພ້ອມທັງຄະນະດອກຟ້າເພັດໂພນທາງ ໂດຍສະເພາະໃນບັນດາ 4 ແຂວງພາກໃຕ້. ອິນແຕ່ງເວົ້່າວ່າ: ຊ່ວງງານຫຸ້ມຫລາຍ, ເດືອນໜຶ່ງ ໄດ້ນອນເຮືອນພຽງແຕ່ 2-3 ມື້ເທົ່ານັ້ນ.

“ເພາະໃນຄວາມຄິດເຮົາຄິດວ່າເຮົາຕ້ອງຟ້າວລໍາພວມເຂົາຍັງຈ້າງ. ຄັນເຮົາຊິບໍ່ຮັບງານ ມາລຽນກັນເລີຍຫັ້ນນະ ມາຄິດພໍ້ວ່າຈັກມື້ໃດ ເຂົາຊິເຊົາຈ້າງເຮົາ. ມັນກະເລີຍເຮັດໃຫ້ເຮົາຕ້ອງໄດ້ບຸກບືນໃນ ຊ່ວງນັ້ນ ແລະ ອີກສ່ວນໜຶ່ງກະຄົນແນມເບິ່ງວ່າເຮົາຫັ້ນເຫັນແກ່ເງິນຈົນບໍ່ຈັກພັກຈັກຜ່ອນ; ເຂົາບໍ່ຮູ້ວ່າຄວາມຈໍາເປັນຂອງເຮົາເປັນແນວໃດ.”

ອິນແຕ່ງເປັນທີ່ຮູ້ຈັກໃນຖານະເປັນໝໍລຳສີພັນດອນ ແລະ ລຳໂສມ. ທຸກການສະແດງຂອງຄະນະ ກໍ່ມັກໃຫ້ນາງເປັນຜູ້ເປີດ ດ້ວຍກອນລຳສີພັນດອນ ຫລື ລຳໂສມ ເປັນປະຈຳ.

ແຕ່ພໍຮອດປີ 2015 ເປັນຕົ້ນມາ ເລີ່ມມີຄະນະໝໍລຳນ້ອງໃໝ່ເກີດຂື້ນຫລາຍ. ໃນທາງກັບກັນ, ຜູ້ຈ້າງງານພັດເລີ່ມມີໜ້ອຍລົງ ແຕ່ເລືອກຫລາຍຂື້ນ ແລະ ຕ້ອງການຈ້າງໃນລາຄາທີ່ຖືກລົງ.

ອິນແຕ່ງແລະຄະນະ ໄດ້ມີການເພີ່ມລາຍການສະແດງ ໃຫ້ມີຫລາກຫລາຍສີສັນຂື້ນ ເພື່ອຕອບສະໜອງກັບຄ່ານິຍົມທີ່ປ່ຽນໄປ ໂດຍມີທັງລຳນັ່ງ (ລຳສີພັນດອນ), ລຳເລື່ອງຕໍ່ກອນ, ລຳຊິ້ງ…. ອິນແຕ່ງເອງກໍ່ໄດ້ຫັນມາຮ້ອງເພງລູກທົ່ງບ້ານນາຫລາຍຂື້ນ ເພາະເປັນສິ່ງທີ່ນາງມັກຕັ້ງແຕ່ຍັງນ້ອຍ (ນອກຈາກການລຳ) ແລະ ໄດ້ອອກອາລະບໍ້າເພງ ແລະ ຂັບລຳ ຮ່ວມກັບໝໍລຳໃນຄະນະ.

ຜົນງານເພງທີ່ເຮັດໃຫ້ຄົນຮູ້ຈັກອິນແຕ່ງຫລາຍຂື້ນ ລວມມີ ສາວຈຳປາສັກຮັກຈິງ, ເຊົ້າສອງ ແລງສາມ, ຜ່ານຊາຍອ້າຍຍັງເອົາ….

ອິນແຕ່ງ ຖືກເຊີນໄປສະແດງທົ່ວລາວ ແລະ ປະເທດເພື່ອນບ້ານຫລາຍຄັ້ງ ພ້ອມທັງມີການຮ່ວມສ້າງຜົນງານກັບວົງດົນຕີປະເທດໄທຫລາຍຜົນງານ.

ໃນໄລຍະໂຄວິດ-19, ອິນແຕ່ງພ້ອມດ້ວຍຄະນະ ກໍ່ປະສົບປັນຫາຄືກັບຫລາຍໆອາຊີບ ທີ່ບໍ່ມີງານຈ້າງ ແຕ່ຍັງຕ້ອງໄດ້ດິ້ນຮົນໃຫ້ຢູ່ລອດ.

ນາງຫັນໄປເຮັດອາຊີບເສີມຫລາຍຢ່າງ ຕັ້ງແຕ່ຂາຍນໍ້າປັ່ນ, ເປີດຮ້ານຂາຍຕໍາແລະອາຫານຕາມສັ່ງ, ຂາຍເລກ, ເປັນແມ່ຄ້າອອນລາຍ… ເພື່ອຈຸນເຈືອຄອບຄົວ ໃນຂະນະທີ່ລໍຖ້າການຈ້າງງານໃຫ້ກັບມາເປັນປົກກະຕິ.

ອິນແຕ່ງເຄີຍເວົ້າວ່າ: ໃນໄລຍະທີ່ມີຊື່ສຽງ ນາງປຽບເໝືອນດາວປະດັບງານ ທີ່ໃຜໆກໍ່ຊື່ນຊົມແລະໝາຍປອງ.

ແຕ່ໄລຍະຫລັງໆມາ ເມື່ອກະແສຫລຸດລົງ ນາງປຽບໂຕເອງເປັນເໝືອນດັ່ງດອກໄມ້ປະດັບງານ,

“ຊິເປັນດອກໄມ້ປະດັບຍ້ອນວ່າມັນມີຫຼາຍຄົນສາມາດເຮັດໄດ້ສໍ່າກັນກັບເຮົາ. ແຕ່ເຮົາກະບໍ່ທັນທໍ້ໃຈຢູ່ບ່ອນວ່າ: ດອກໄມ້ຕົ້ນໜຶ່ງມັນຊິມີຫລາຍດອກ. ຄົນກໍ່ຈະເລືອກເອົາວ່າເຂົາຊິເອົາດອກໃດ….ອັນເຂົາມັກດອກທີ່ເກີດມາກ່ອນ ຫຼື ວ່າຊິມັກດອກທີ່ກໍາລັງຊອນມາໃໝ່ – ມັນກະກິ່ນຫອມຕ່າງກັນ; ກະແລ້ວແຕ່ຜູ້ມັກ.

ໄລຍະຜ່ານມາບໍ່ວ່າ ງານເຮົາຈະຫລຸດລົງຫລືບໍ່ຫລຸດ ແຕ່ເຮົາກໍ່ຍັງດີໃຈຢູ່ບ່ອນວ່າ ຄົນເຄີຍຈ້າງເຮົາໄປລໍາຕັ້ງແຕ່ປີ 2007-2008…ຫລາຍປີຜ່ານມາເຂົາຍັງຖາມຫາເຮົາຢູ່; ເຂົາຍັງນໍາມາຈ້າງເຮົາຢູ່…ເຮົາກະຊິບໍ່ໝົດອາຍຸການລໍາ (ໄວໆນີ້)ດອກ; ຄືຊິຍັງມີຜູ້ຟັງເຮົາຢູ່.”

Continue Reading

ບົດຄວາມ

ຊີວິດຄືຄວາມບໍ່ສົມບູນແບບ & ຄວາມງົດງາມໃນຄວາມບໍ່ສົມບູນແບບ

Published

on

By

ຊີວິດຄືຄວາມບໍ່ສົມບູນແບບ & ຄວາມງົດງາມໃນຄວາມບໍ່ສົມບູນແບບ

ບໍ່ວ່າຊີວິດເຮົາຈະເກີດເລື່ອງບໍ່ດີຫຍັງຂື້ນຢ່າມົວແຕ່ຕັ້ງຄຳຖາມວ່າເປັນຫຍັງເລື່ອງນີ້ຕ້ອງເກີດກັບເຮົາ ເພາະມັນບໍ່ສາມາດຊ່ວຍຫຍັງໄດ້ເລີຍ..ປະເດັນຄືຢ່າໄປຫາຄຳຕອບຈາກຄຳຖາມນີ້ ເພາະຄວາມໂຊກຮ້າຍເປັນເລື່ອງປົກກະຕິທີ່ສາມາດເກີດຂື້ນກັບທຸກໆຄົນໃນໂລກນີ້ຕອນໃດກະໄດ້ ຄຳຖາມຄືເຮົາຈະຢູ່ກັບມັນຈາກຕໍ່ໄປນີ້ແນວໃດ

ເພາະຊີວິດຂອງເຮົາມີແຄ່ເຮົາຄົນດຽວເທົ່ານັ້ນທີ່ຈະສ້າງມັນຂື້ນມາໄດ້ ອອກມາຈາກ comfort zone ບໍ່ມີໃຜ perfect 100% ຢ່າມົວແຕ່ຈົມປັກກັບມັນ ຖ້າເຮົາບໍ່ລຸກຂື້ນມາສ້າງຊີວິດຂອງໂຕເຮົາເອງແລ້ວໃຜຈະເປັນຄົນເຮັດ ເຮົາເອງຄືຄົນທີ່ສ້າງຊີວິດຂອງເຮົາ ຢາກໄດ້ຊີວິດແບບໃດຈົ່ງລຸກຂື້ນມາສ້າງມັນ ຢ່າສົນສາຍຕາທີ່ຄົນອື່ນເບີ່ງເຮົາ ຄຳເວົ້າທີ່ຄົນອື່ນຈະຄິດກັບເຮົາແນວໃດຖ້າຄົນໆນັ້ນບໍ່ໄດ້ມີຜົນຫຍັງກັບຊີວິດເຈົ້າ ເພາະຄົນທີ່ຈະຢູ່ຂ້າງໂຕເຮົາໄດ້ດີທີ່ສຸດໄດ້ກະຄືໂຕເຮົາເອງ

ແປກທີ່ຄົນທົ່ວໄປມັກທີ່ເບີ່ງຫາຊີວິດທີ່ເຕັມໄປດ້ວຍຄວາມສຸກແຕ່ທີ່ຈິງສິ່ງທີ່ເຮົາກຳລັງເບີ່ງຫາຄືຊີວິດທີ່ເຕັມໄປດ້ວຍຄວາມເຂັ້ມແຂງ ແລ້ວຄວາມເຈັບປວດ ບັນຫາທີ່ເຂົ້າມາໃນຊີວິດແຕ່ລະໄລຍະມັນຈະເຮັດໃຫ້ເຮົາເຂັ້ມແຂງໄດ້ທີ່ໜ້ອຍ ແລ້ວບັນຫາຊີວິດໃນມື້ນີ້ມັນຈະເປັນໜື່ງໃນອຸປະກອນທີ່ເຮັດໃຫ້ເຮົາແກ້ບັນຫາຊີວິດໃນອານາຄົດໄດ້ເພາະຊີວິດມັນຈະມີບັນຫາ ອຸປະສັກ ເຂົ້າມາຢູ່ແລ້ວເຮົາຫຼີກລ້ຽງມັນບໍ່ໄດ້ ສະນັ້ນ

#ຊີວິດທີ່ບໍ່ສົມບູນແບບຢ່າພະຍາມເຊື່ອງມັນໄວ້ແຕ່ຈົ່ງໂຊມັນອອກມາ ພາກພູມໃຈວ່ານີ້ຄືແຜເປັນໃນຊີວິດຂອງເຮົາ

ທຸກຢ່າງຫຼືຊີວິດອາດແຕກຫັກໄດ້ແຕ່ນັ້ນບໍ່ແມ່ນເຫດຜົນທີ່ຊີວິດຈະຕ້ອງຈົບລົງແຕ່ຈົ່ງໃຊ້ຊີວິດຕໍ່ໄປ ເຮັດວຽກຕໍ່ໄປ ມີຊີວິດຢູ່ຕໍ່ໄປກັບຄວາມຫວັງແລະຄວາມຝັນແທນທີ່ຈະຫຼີກໜີຈາກຄວາມເປັນຈິງ

#ບັນທຶກຝົນ11092022

Continue Reading
ເດືອນກັນຍາ 2022
ເສົາ ​ອາ ​ຈ ​ພ​ຫ ​ສ
 12
3456789
10111213141516
17181920212223
24252627282930

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້