ແລະໃນທີ່ສຸດລັດຖະບານກໍງັດໄມ້ຕາຍໄມ້ທີ 2 ອອກມາ
ແຖມເປັນໄມ້ທີ່ໃຫຍ່ສົມຄວນ ເພື່ອສູ້ກັບເງິນເຟີ້
ພາຍຫຼັງໃນເດືອນ 6 ທີ່ຜ່ານມາ
ໄດ້ປ່ອຍໄມ້ຕາຍໂຕທີ່ໜຶ່ງອອກມາ
ນັ້ນກໍຄື ການອອກພັນທະບັດ
ແຕ່ເບິ່ງຄືວ່າ ມັນໄດ້ຜົນພຽງເລັກນ້ອຍເທົ່ານັ້ນ
ເງິນເຟີ້ຂອງລາວຍັງສູງຂຶ້ນບໍ່ຢຸດ ຫຼ້າສຸດສູງ 34.05% ໄປແລ້ວ
ເມື່ອພັນທະບັດເອົາບໍ່ຢູ່
ກໍຕ້ອງໃຊ້ເຄື່ອງມືອີກໂຕໜຶ່ງກໍຄື “ການຂຶ້ນດອກເບ້ຍ”
ເຊິ່ງເປັນເຄື່ອງມືທີ່ເລີ່ມເຮັດໃຫ້ປະຊາຊົນເລີ່ມເຈັບຕົວ
#ດອກເບ້ຍນະໂບຍາຍຄືອັນໃດກັນ?
ເມື່ອວັນທີ 11/10/2022 ຜ່ານມາ
ທະນາຄານກາງຂອງລາວໄດ້ປະກາດຂຶ້ນດອກເບ້ຍນະໂຍບາຍ
ຈາກ 3.1% ເປັນ 6.5% ຖືວ່າຂຶ້ນຫຼາຍສົມຄວນ
ເອີ່ຍບໍ່ແມ່ນ…ຕ້ອງວ່າ “ຫຼາຍໂຄດໆ” ເລີຍແຫຼະ
ຫຼາຍຄົນທີ່ບໍ່ເຂົ້າໃຈວ່າ “ດອກເບ້ຍນະໂຍບາຍຄືຫຍັງ”
ດອກເບ້ຍນະໂຍບາຍຄື
ດອກເບ້ຍທີ່ທະນາຄານກາງຈ່າຍໃຫ້ ຫຼືໄດ້ຮັບຈາກທະນາຄານທຸລະກິດທົ່ວໄປ
ບໍ່ແມ່ນດອກເບ້ຍທີ່ທະນາຄານຈ່າຍໃຫ້ຄົນຝາກທົ່ວໄປເດີ
ເປັນດອກເບ້ຍລະຫວ່າງ “ທະນາຄານກາງ” ກັບ “ທະນາຄານທົ່ວໄປ”
ເຫດຜົນທີ່ໃຊ້ຄຳວ່າ ນະໂຍບາຍກໍຄື
ນະໂຍບາຍຄືແນວທາງໃນການເຮັດສິ່ງໃດສິ່ງໜຶ່ງ
ດອກເບ້ຍນະໂຍບາຍ ຫຼືບາງຄົນກໍເວົ້າວ່າ ດອກເບ້ຍພື້ນນຖານ
ຄືດອກເບ້ຍທີ່ກຳນົດແນວທາງຂອງເສດຖະກິດນັ້ນເອງ
ເມື່ອທະນາຄານກາງຂຶ້ນດອກເບ້ຍກັບທະນາຄານທົ່ວໄປ
ທະນາຄານທົ່ວໄປກໍຈະມາຂຶ້ນດອກເບ້ຍກັບປະຊາຊົນທົ່ວໄປອີກຕໍ່ໜຶ່ງ ທັງເງິນກູ້ ແລະເງິນຝາກ
ຜ່ານມາດອກເບ້ຍນະໂຍບາຍຂອງເຮົາຄື 3-4.5% ນັບຕັ້ງແຕ່ປີ 2015
>>ເຮົາໄດ້ດອກເບ້ຍເງິນຝາກປະມານ 1.98-7% ຕໍ່ປີ
>>ແລະດອກເບ້ຍເງິນກູ້ມີແຕ່ 3%-15% ຕໍ່ປີ
>>ດອກເບ້ຍສິນເຊື່ອທົ່ວໄປ 1-3% ຕໍ່ເດືອນ
#ແລ້ວການຂຶ້ນດອກເບ້ຍຈະສົ່ງຜົນເງິນກີບ
#ແລະປະຊາຊົນຄົນຕາດຳໆແນວໃດແດ່?
#ຜົນດີຂອງການຂຶ້ນດອກເບ້ຍ
ການຂຶ້ນດອກເບ້ຍ ຈະເຮັດໃຫ້ເງິນກີບແຂງຄ່າຂຶ້ນ
ເພາະເມື່ອຂຶ້ນດອກເບ້ຍ ເງິນຈະໄຫຼເຂົ້າລະບົບຫຼາຍຂຶ້ນ
ຄົນຝາກຈະໄດ້ດອກເບ້ຍຫຼາຍຂຶ້ນ
ພວກເຂົາເລີຍໄປຝາກຫຼາຍຂຶ້ນນັ້ນເອງ
ເມື່ອໄປຝາກຫຼາຍຂຶ້ນ ເງິນກີບໃນຕະຫຼາດກໍຈະໜ້ອຍລົງ
ແລະເມື່ອສິ່ງໃດມີໜ້ອຍ ສິ່ງນັ້ນກໍຈະມີຄ່າຫຼາຍຂຶ້ນ
ສຸດທ້າຍຄື ເງິນກີບແຂງຄ່າຂຶ້ນນັ້ນເອງ ໄຊໂຢ່ ຮິ້ວວວໆ
ນີ້ຄືຜົນດີຂອງການຂຶ້ນດອກເບ້ຍ ເບ້ຍ ເບ້ຍ!
#ຜົນເສຍຂອງການຂຶ້ນດອກເບ້ຍ
ແຕ່…ແຕ່ຜົນດີກໍຍ່ອມມີຜົນເສຍຄືກັນ
ນັ້ນຄື…ເມື່ອຂຶ້ນດອກເບ້ຍຈະເຮັດໃຫ້ຄົນກູ້ເງິນໜ້ອຍລົງ
ທຸລະກິດຈະຂະຫຍາຍທຸລະກິດໜ້ອຍລົງ
ພວກເຂົາຈະຫຼຸດການກູ້ຢືມເງິນລົງ
ທະນາຄານຈະປ່ອຍກູ້ຍາກຂຶ້ນໄປອີກ
ກູ້ແລ້ວ ກໍຕ້ອງເສຍດອກເບ້ຍທີ່ແພງຂຶ້ນເຖິງ 1 ເທົ່າຕົວເລີຍ
ຖ້າແຕ່ກ່ອນ ໄດ້ຈ່າຍດອກເບ້ຍ 10 ລ້ານ
ຕໍ່ໄປຕ້ອງຈ່າຍ 20 ລ້ານມີປາຍໆອີກ ໂຫດສັສສສສ!
ເມື່ອທຸລະກິດຫຼຸດການຂະຫຍາຍທຸລະກິດ
ກໍຈະເຮັດໃຫ້ພວກເຂົາຈ້າງງານໜ້ອຍລົງ
ຄົນຈະຫວ່າງງານຫຼາຍຂຶ້ນ ເດັກຈົບໃໝ່ຈະດຣາມມ່າຢູ່ໂຊຊ່ຽວຫຼາຍຂຶ້ນ
ເມື່ອຄົນຕົກງານຫຼາຍ ຄົນກໍບໍ່ມີເງິນໄປຊື້ສິນຄ້າຫຼາຍ
ທຸລະກິດຂາດກຳໄລ ລັດຖະບານກໍຂາດລາຍໄດ້ເຊັ່ນກັນ
ປະເທດຊາດພັດທະນາຊ້າໄປອິກ ເພາະລາຍໄດ້ໜ້ອຍລົງ
ທະນາຄານພັດທະນາອາຊີ (ADB) ຄາດການວ່າ
ໃນປີ 2022 GDP ຂອງລາວຈະເຕີບໂຕພຽງ 2.5% ຈາກເດີມ 3.4%
ແລະໃນປີ 2023 ຈະເພີ່ມຂຶ້ນ 3.5% ຈາກຄາດການເດີມ 3.7%
ນັ້ນຄືມະຫາພາກ ແບບໄລຍະຍາວໆໆໆໆໆ
ແຕ່ສິ່ງໜຶ່ງທີ່ໜ້າກັງວົນທີ່ສຸດ
ແລະໄດ້ຮັບຜົນກະທົບແບບເຫັນໄດ້ຊັດໆກໍຄື
ກຸ່ມຄົນທີ່ກຳລັງຜ່ອນເຮືອນ ຜ່ອນລົດ ຜ່ອນຂອງຫຼິ້ນທັງຫຼາຍແລນີ້ແຫຼະ
ເພາະຕ້ອງໄດ້ຈ່າຍດອກເບ້ຍທີ່ແພງຂຶ້ນ
ຕອນນີ້ອາດຈະຍັງບໍ່ຮູ້ສຶກ
ແຕ່ດ໋ຽວດຽວມັນຈະເລີ່ມແພງຂຶ້ນ
ແບບຫຼາຍຄົນອາດບໍ່ຮູ້ຕົວເລີຍ
ເອະ…ແລ້ວຈະແພງຂຶ້ນຫຼາຍປານໃດຫວາ
ຖ້າຕາມດອກເບ້ຍພື້ນຖານກໍຄື ຈ່າຍແພງຂຶ້ນ 2 ເທົ່າ
ຖ້າຕອນນີ້ຈ່າຍເດືອນ 1 ແສນກີບ ຕໍ່ໄປອາດຕ້ອງຈ່າຍ 2 ແສນກີບ
ແຕ່ກໍຂຶ້ນກັບເງື່ອນໄຂຂອງບາງບໍລິສັດ ແລະບາງທະນາຄານ
ເພາະບາງບ່ອນອາດ Fixed ອັດຕາດອກເບ້ຍເທົ່າເກົ່າ
ໃຜກຳລັງຈະກູ້ ຫຼືກູ້ຢູ່ ສອບຖາມດີໆກ່ອນເດີ
ຂໍຂອບໃຈທີ່ມາ: Genius Adverts
