ຜູ້ນຳກຳປູເຈຍຖືກແກວ່ງເກີບໃສ່ຫນ້າ ໃນຂະນະຖ່າຍຮູບ ທີ່ໄປຢ້ຽມຢາມອາເມລິກາ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວຕ່າງປະເທດ

ຜູ້ນຳກຳປູເຈຍຖືກແກວ່ງເກີບໃສ່ຫນ້າ ໃນຂະນະຖ່າຍຮູບ ທີ່ໄປຢ້ຽມຢາມອາເມລິກາ

Published

on

ຜູ້ນຳກຳປູເຈຍຖືກອະດີດທະຫານແກວ່ງເກີບໃສ່ໃນຂະນະໄປຢ້ຽມຢາມອາເມລິກາໃນວັນທີ 11 ພຶດສະພາທີ່ຜ່ານມາ ໄດ້ມີການບັນທຶກຄລິບວິດີໂອເຫດການທີ່ກາຍເປັນກະແສໄປທົ່ວໂລກອອນລາຍ

ໂດຍມັນເປັນເຫດການທີ່ ນາຍົກລັດຖະມົນຕີ ຮຸນ ເຊນ ຂອງກຳປູເຈຍ ໄດ້ໄປຢ້ຽມນະຄອນ ວໍຊິງຕັນ ດີຊີ, ສະຫະລັດອາເມຣິກາ ແລະ ລາວກໍເກືອບຖືກເກີບຈາກບຸກຄົນທີ່ຊັງ ແກວ່ງເຂົ້າມາໃສ່ ໃນຂະນະທີ່ ຮຸນ ເຊນ ໄດ້ຢຸດຖ່າຍຮູບກັບມວນຊົນຢູ່ໜ້າໂຮງແຮມທີ່ເຂົ້າພັກຢູ່.

TOKYO, JAPAN – MAY 30: Cambodia’s Prime Minister Hun Sen speaks during the 25th International Conference on The Future of Asia on May 30, 2019 in Tokyo, Japan. The conference where economic and academic leaders from the Asia-Pacific region discuss on regional issues and the role of Asia in the world is held through May 31. (Photo by Tomohiro Ohsumi/Getty Images)

ແຕ່ເຖິງຢ່າງນັ້ນຄົນທີ່ແກວ່ງເກີບໃສ່ນັ້ນ ກໍໄດ້ພາດເປົ້າ ໂດຍເກີບມັນໄດ້ຖືກໂທລະສັບຂອງຄົນທີ່ກໍາລັງຢືນຖ່າຍຮູບກັບ ຮຸນ ເຊນ ໂດຍໃນຂະນະນັ້ນມັນໄດ້ເຮັດໃຫ້ ຮຸນ ເຊນ ແລະ ຄົນທີ່ຢູ່ອ້ອມຂ້າງເກີດອາການໜ້າເສຍຂຶ້ນມາໃນທັນທີ.

ຕໍ່ມາໃນວັນທີ 12 ພຶດສະພາ ສຳນັກຂ່າວ Radio Free Asia ໄດ້ມີການເປີດເຜີຍວ່າ ຄົນທີ່ແກວ່ງເກີບໃສ່ຮຸນເຊນນັ້ນມີຊື່ວ່າ ອຸກ ທັຊ (Ouk Touch) , ອາຍຸ 72 ປີ ແລະ ລາວກໍເຄີຍເປັນອະດີດທະຫານກໍາປູເຈຍ ທີ່ໄດ້ຍ້າຍຖິ່ນຖານມາອາໄສຢູ່ ສະຫະລັດອາເມຣິກາ ຫຼັງຈາກໄດ້ບໍານານຈາກໜ້າທີ່ແລ້ວ.

ທັງນີ້ ອຸກ ທັຊ ໄດ້ບອກວ່າກັບສໍານັກຂ່າວວ່າຫຼັງຈາກເກີດເຫດການ ບໍດີ້ກາດຂອງຮຸນເຊນ ແມ່ນໄດ້ພະຍາຍາມທີ່ຈະເຂົ້າມາຈັບຕົວແລະທຳຮ້າຍລາວ ແຕ່ວ່າທາງເຈົ້າໜ້າທີ່ຮັກສາຄວາມປອດໄພຂອງສະຫະລັດອາເມຣິກາ ເຫັນເຫດການນັ້ນພໍດີ ເລີຍໄດ້ເຂົ້າມາໂອ້ລົມໄກ່ເກ່ຍໃຫ້ ແລະ ບອກໃຫ້ ອຸກ ທັຊ ຮິບອອກມາຈາກບ່ອນເກີດເຫດ.

ອຸກ ທັຊໄດ້ກ່າວອີກວ່າ ສິ່ງທີ່ລາວກະທຳລົງໄປນັ້ນແມ່ນໄດ້ເຮັດດ້ວຍຄວາມຕັ້ງໃຈ ແລະ ເປັນຄວາມຝັນຂອງລາວມາແຕ່ດົນນານ ເພາະລາວຮູ້ສຶກຊັງຜະເດັດການຢ່າງ ຮຸນ ເຊນ ທີ່ໃນອະດີດໄດ້ເຄີຍສັ່ງຂ້າຜູ້ບໍລິສຸດນັບບໍ່ຖ້ວນ ລວມໄປຮອດຍາດຕິພີ່ນ້ອງຂອງ ອຸກ ທັຊ ນຳ.

“ຂ້ອຍຮູ້ສຶກສະບາຍໃຈແລະນອນຫຼັບສະບາຍຫຼາຍຂຶ້ນແທ້ໆ ຫຼັງຈາກໄດ້ແກວ່ງເກີບໃສ່ຫົວ ຮຸນ ເຊນ ຂ້ອຍຕັ້ງໃຈເຮັດແບບນີ້ມາດົນແລ້ວເພາະຢາກໃຫ້ລາວ ຮູ້ສຶກອັບອາຍ ເຫດຜົນກໍມີພຽງເທົ່ານີ້”“ທີ່ຂ້ອຍເຮັດກໍພຽງໂຍນເກີບໃສ່ ຮຸນ ເຊນ

ເຊິ່ງລາວກໍເຄີຍໂຍນລະເບີດໃສ່ຊາວກຳປູເຈຍ ຄົນທີ່ອອກມາປະທ້ວງຢ່າງສັນຕິ ຮຸນ ເຊນ ຄືຜະເດັດການ ແລະ ລາວເຄີຍຂ້າຄົນມາຫຼວງຫຼາຍ ລວມຍາດຕິພີ່ນ້ອງຂອງຂ້ອຍ” ອຸກ ທັຊໄດ້ກ່າວ.

ນອກຈາກນີ້ ອຸກ ທັຊ ຍັງໄດ້ກ່າວເສີມອີກວ່າລາວຢາກທີ່ຈະຕອບໂຕ້ເຫດການປີ 1997 ທີ່ແນວຮ່ວມນາຍົກທີ່ມາຈາກການເລືອດຕັ້ງຕອນນັ້ນໃຊ້ອາວຸດເຂົ້າໂຈມຕີ ເປັນສາເຫດໃຫ້ ຮຸນ ເຊນ ສາມາດຮັກສາຕັ່ງນາຍົກລັດຖະມົນຕີເອົາໄວ້ໄດ້ຈົນຮອດປັດຈຸບັນນີ້.

ໂດຍເຫດການດັ່ງກ່າວໄດ້ມີປະຊາຊົນຊາວກຳປູເຈຍເສຍຊີວິດເຖິງ 16 ຄົນ ບາດເຈັບອີກ 150 ຄົນ ແຕ່ວ່າຜູ້ທີ່ລົງມືກະທຳໃນເຫດການດັ່ງກ່າວແມ່ນບໍ່ໄດ້ຖືກດຳເນີນຄະດີຕາມກົດໝາຍ.

Continue Reading

ຂ່າວຕ່າງປະເທດ

​ເສດຖະກິດຂອງຫວຽດນາມ ຂະຫຍາຍຕົວ ລະດັບ​ 7,7% ໄຕ​ມາດ​ 2​ ປີ​ 2022​

Published

on

ຕາມ​ຂ່າວ​ຈາກ bangkokbiznews, ສຳນັກງານ​ ສະຖິຕິ​ ຂອງ​ຫວຽດນາມ ລາຍ​ງານ​ ໃນ​ວັນ​ທີ​ 29 ​ມິຖຸນາ​ 2022​ ວ່າ: ຍອດ​ລວມ ຜະລິດ​ຕະພັນພາຍ​ໃນ​ປະ​ເທດ (ຈີ​ດີ​ພີ)​ ໄຕ​ມາດ​ທີ​ 2​ ຂອງ​ປີ​ 2022​ ຂະຫຍາຍຕົວ​ລະດັບ 7,72% ​ເມື່ອ​ທຽບ​ໃສ່ ​ປີ​ 2021​ ຊຶ່ງ​ເປັນ​ການ​ຂະຫຍາຍຕົວ ​ໄວ​ທີ່​ສຸດ​ໃນ​ຮອບເກືອບ​ 10​ ປີ ຫລັງ​ຈາກໄດ້​ຮັບ​ແຮງ​ໜູນ​ຈາກ​ການ​ຟື້ນ​ໂຕດ້ານ​ການ​ສົ່ງ​ອອກ ​ແລະ ການ​ຜະລິດ ຊຶ່ງ​ຊ່ວຍ​ ຊົດ​ເຊີຍຜົນ​ກະທົບ ຈາກ​ການ​ແພ່​ລະບາດ ​ໂຄ​ວິດ-19 ​ແລະ ການ​ເພີ່ມ​ຂຶ້ນຂອງ​ລາຄາ​ນ້ຳມັນ.

ຂະນະ​ທີ່ ຈີ​ດີ​ພີ​ ໃນ​ໄຕ​ມາດ ​ທຳ​ອິດ​ ປີ​ 2022​ ຂະຫຍາຍຕົວ ລະດັບ 6,42%​ ເມື່ອ​ທຽບ​ໃສ່ ​ປີ​ 2021​ ສູງ​ກວ່າ ນັກວິ​ເຄາະ ​ຄາດ​ການ​ໄວ້ 5,5% ​ແລະ ​ໃກ້​ຄຽງກັບ ​ເປົ້າໝາຍ ການ​ຂະຫຍາຍຕົວ ໝົດ​ປີ ທີ່​ລັດຖະບານ ​ຫວຽດນາມ ກຳນົດ​ ໄວ້​ທີ່ 6%-6,5%.

ສ່ວນ​ເສດຖະກິດ​ ຫວຽດນາມ ​ໃນ​ 6​ ເດືອນ​ຕົ້ນປີ​ນີ້ ຟື້ນ​ຕົວ​ເກືອບ​ທຸກ​ ຂະ​ແໜງ​ການ ​ໂດຍ​ສະ​ເພາະຂະ​ແໜງ ​ການ​ຜະລິດ, ການ​ສົ່ງ​ອອກ, ການ​ຄ້າ​ຍ່ອຍ, ທະນາຄານ ​ແລະ ປະກັນ​ໄພ. ​ຂະນະ​ທີ່ ລັດຖະບານ ຈະ​ຕິດຕາມ​ຢ່າງ​ໃກ້ຊິດ ກ່ຽວ​ກັບລາຄາ​ສິນຄ້າທີ່​ຈຳ​ເປັນ ​ໂດຍ​ສະ​ເພາະລາຄານ້ຳມັນເຊື້ອ​ໄຟ ​ໃນ​ໄລຍະ​ 6​ ເດືອນ​ທ້າຍປີ​ 2022​ ​ເພື່ອ​ປະ​ເມີນ​ ສະຖານະ​ການເງິນ​ເຟີ້ພາຍ​ໃນ​ປະ​ເທດ.​

ນອກ​ນີ້ ດັດຊະນີ ລາຄາ ​ຜູ້​ບໍລິ​ໂພ​ກ ​ເດືອນ​ມິຖຸນາ ປັບ​ຕົວ​ຂຶ້ນ 3,3% ​ເມື່ອ​ທຽບ​ໃສ່​ຕໍ່​ປີ,​ ຂະນະ​ທີ່ ລັດຖະບານ​ ຫວຽດນາມ ກຳໜົດເປົ້າໝາຍ ສະ​ເລ່ຍ ຂອງ​ເງິນ​ເຟີ້​ ໃນ​ປີ​ນີ້​ ໄວ້​ທີ່​ 4%, ສ່ວນ​ຍອດ​ການ​ສົ່ງ​ອອກ ​ເພີ່ມ​ຂຶ້ນ 20% ​ແລະ ຍອດ​ການ​ນຳ​ເຂົ້າ ​ເພີ່ມ​ຂຶ້ນ 16,3% ​ເປັນຕົ້ນ ຍອດ​ການ​ສົ່ງ​ອອກ​ ກາ​ເຟ ​ເພີ່ມ​ຂຶ້ນ 13,3% ລະດັບ 145.000​ໂຕນ, ຍອດ​ການ ​ສົ່ງ​ອອກ​ເຂົ້າ ​ເພີ່ມ​ຂຶ້ນ72% ລະດັບ 750.000​ ໂຕນ ​ແລະ ຍອດ​ການ​ ສົ່ງ​ອອກ​ ຢາງພາລາ ​ເພີ່ມ​ຂຶ້ນ 16,5% ລະດັບ​ 180.000​ ໂຕນ ​ໃນ​ເດືອນ​ມິຖຸນາ​ນີ້.​

ທີ່ມາຂ່າວ: ຂປລ

Continue Reading

ຂ່າວຕ່າງປະເທດ

ເຫດລົດບັນທຸກ18ລໍ້ ລັກລອບຂົນແຮງງານເຖື່ອນທີ່ອັດແໜ້ນເຕັມຄັນລົດ ເຮັດໃຫ້ມີຜູ້ເສຍຊີວິດ 46 ຄົນ

Published

on

ຂ່າວລາຍງານວ່າໃນເວລາ 18:00ໂມງ ຂອງວັນທີ 27 ມິຖຸນາ 22022 ໄດ້ມີຄົນງານໃນອາຄານໃກ້ຄຽງໄດ້ເຫັນລົດ 18 ລໍ້ມາຈອດຖີ້ມໄວ້ພ້ອມທັງໄດ້ຍິນສຽງຮ້ອງຂໍຄວາມຊ່ວຍເຫຼືອດັງມາຈາກພາຍໃນລົດ ເມື່ອເຂົ້າໄປເບີ່ງໄດ້ພົບເຫັນຜູ້ເຄາະຮ້າຍເປັນແຮງງານຕ່າງຊາດ

ທີ່ອັດແໜ້ນກັນຢູ່ພາຍໃນລົດ ຈື່ງໄດ້ແຈ້ງໄປຍັງເຈົ້າໜ້າທີ່ຕຳຫຼວດມາກວດສອບ ຈື່ງພົບວ່າພາຍໃນລົດມີຜູ້ເສຍຊີວິດ 46 ຄົນ ແລະ ບາດເຈັບ 16 ຄົນຕ້ອງນຳສົ່ງໂຮງໝໍ ຈາກການສອບສວນພົບວ່າລົດ 18 ລໍ້ຄັນດັ່ງກ່າວບັນທຸກແຮງງານເຖື່ອນທີ່ລັກລອບເຂົ້າປະເທດສະຫະລັດແບບຜິດກົດໝາຍ ສ່ວນສາເຫດການເສຍຊີວິດ

ແມ່ນອາດມາຈາກການຂາດອາກາດຫາຍໃຈເນື່ອງຈາກມື້ນັ້ນອາກາດຮ້ອນຈັດເຖິງ 40 ອົງສາ ເມືອງຊານອັນໂຕນິໂອ ຢູ່ໃກ້ກັບພົມແດນສະຫະລັດອາເມລິກາກັບແມັກຊິໂກ ມັກມີການຄ້າມະນຸດ ແລະ ຂົນສົ່ງແຮງງານເຖື່ອນເຂົ້າສະຫະລັດອາເມລິກາຕະຫຼອດ

ຂ່າວອ້າງອີງຈາກ: ຂ່າວສານຕ່າງປະເທດ

Continue Reading

ຂ່າວຕ່າງປະເທດ

ກຸ່ມ ຈີ7 ປະກາດຈຳກັດການສົ່ງອອກຄຳຈາກຣັດເຊຍ

Published

on

ຕາມ​ຂ່າວ​ຈາກ dailynews,ວັນ​ທີ27​ມິຖຸນາ​ນີ້,ກອງ​ປະຊຸມ ​ກຸ່ມ​ປະ​ເທດ​ ມະຫາ​ອຳນາດ ດ້ານ​ອຸດສາ ຫະກຳ ​ຂອງ​ໂລກ(ຈີ7)ປະກາດ​ ຈຳກັດ​ ການ​ສົ່ງ​ອອກ​ຄຳ ຈາກ ຣັດ​ເຊຍ ​ແລະ ການ​ຮ່ວມ​ ລະດົມ​ທຶນ ​ໃນ​ພາກ​ພື້ນ​ ພວມ​ພັດທະນາ ​ຫລັງ​ຈາກ ປະ​ເທດ ​ສະມາຊິກ​ ປະກອບ​ດ້ວຍ ສ.ອາ​ເມ​ລິ​ກາ, ອັງກິດ, ​ເຢຍລະ​ມັນ, ຝຣັ່ງ, ອີ​ຕາ​ລີ, ກາ​ນາ​ດາ ​ແລະ ຍີ່ປຸ່ນ ​ໄດ້​ຕົກລົງ ​ເປັນ​ເອກະ​ພາບ​ກັນ​ ໃນ​ກອງ​ປະຊຸມ​ ຄັ້ງນີ້.​

ໃນ​ໄລຍະ​ ຊຸມ​ປີ ຜ່ານມາ ຄຳ ກາຍ​ເປັນ​ ສິນຄ້າ​ ສົ່ງ​ອອກ​ ສຳຄັນ ອັນ​ດັບ 2 ຂອງຣັດ​ເຊຍ ຮອງ​ຈາກ​ ນ້ຳມັນ​ ເຊື້ອ​ໄຟ ​ໂດຍຣັດ​ເຊຍ ກວມ​ເອົາ ​ອັດຕາ​ສ່ວນ​ ເກືອບ5% ຂອງ​ຕະຫລາດ ຄຳ​ໂລກ ຄິດ​ເປັນ​ ມູນ​ຄ່າ​ ເກືອບ19​ ຕື້ໂດ​ລາ ​ສະຫະລັດ ​ເມື່ອ​ປີ2020 ​ແຕ່ຫລຸດ​ລົງ​ມາ​ ຢູ່​ທີ່​ ປະມານ 15,5ຕື້​ໂດ​ລາ ​ສະຫະລັດ ​ເມື່ອ​ທຽບ​ໃສ່ ​ປີ​ກາຍ.

ຂະນະ​ທີ່ 90%ຂອງ​ຄຳ ທີ່​ສົ່ງ​ອອກ ​ຈາກຣັດ​ເຊຍ ​ມີ​ປະ​ເທດ ​ກຸ່ມ​ຈີ7 ​ເປັນ​ລູກ​ຄ້າ​ ໃຫຍ່​ທີ່​ສຸດ ​ໂດຍ​ສະ​ເພາະ ​ອັງກິດ, ສ່ວນ​ ສ.ອາ​ເມ​ລິ​ກາ ຊື້​ຄຳ​ຈາກຣັດ​ເຊຍ ຄິດ​ເປັນ​ມູນ​ຄ່າ ​ບໍ່​ເຖິງ 1 ລ້ານ​ໂດ​ລາ ​ສະຫະລັດ ​ເມື່ອ 2ປີຜ່ານມາ./.(ພາກ​ຂ່າວ: ຕ່າງປະ​ເທດ)

ຮຽບຮຽງ​ຂ່າວ​ໂດຍ: ສະ​ໄຫວ ລາດ​ປາກ​ດີ

Continue Reading
ເດືອນກໍລະກົດ 2022
ເສົາ ​ອາ ​ຈ ​ພ​ຫ ​ສ
 1
2345678
9101112131415
16171819202122
23242526272829
3031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້