ຍັງພາກັນຈື່ໄດ້ບໍ ຈາກລູກລຳຍອງ ສູ່ ໄອດໍ້ໜຸ່ມ KPOP ຢ່າງຫຼ່ໍ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວບັນເທິງ

ຍັງພາກັນຈື່ໄດ້ບໍ ຈາກລູກລຳຍອງ ສູ່ ໄອດໍ້ໜຸ່ມ KPOP ຢ່າງຫຼ່ໍ

Published

on

ເອີ້ນໄດ້ວ່າເປັນຂ່າວທີ່ເຫຼົ່າແຟນຄັບນັ້ນຕ່າງດີໃຈກັນເປັນຈຳນວນຫຼວງຫຼາຍ ໃນທີ່ສຸດຂ່າວລືກໍ່ເປັນຈິງ ສຳຫຼັບນັກສະແດງໜຸ່ມອະນາຄົດໄກ ນ້ອງຍອດ ຍົງສິນ ທີ່ໂດ່ງດັງຈາກບົດບາດ ວັນສະເຫຼີມ ລູກຊາຍແມ່ລຳຍອງໃນລະຄອນທອງເນື້ອເກົ້າ ກຳລັງຈະໄດ້ເດບິ້ວເປັນສິລະປິນເກົາຫຼີໃນປີ 2022 ໂດຍລ້າສຸດຄ່ຳຄືນທີ່ຜ່ານມາ (19 ມັງກອນ 2565) ເຮັດເອົາໂລກອອນລາຍນັ້ນເວົ້າເຖິງກັນບໍ່ຢຸດ

ຫຼັງມີພາບ ຍອດ ຍົງສິນ ໂຜ່ໃນວິດີໂດຮ່ວມສະຫຼອງວັນເກີດກັບເຫຼົ່າເດັກຝຶກໃນນາມ Trainee A ຈາກຄ້າຍ BigHit Entertainment ຄ້າຍດຽວກັບວົງ BTS ທີ່ໂດ່ງດັງລະດັບໂລກ ເຮັດໃຫ້ແຟນໆ ຕ່າງຄາດເດົາໄປໃນທາງດຽວກັນວ່າ ໜຸ່ມຍອດ ເປັນໜຶ່ງໃນເມມເບີ້ລັບທີ່ລໍຖ້າການເປີດຕົວ ແລະ ກຽມເດບິ້ວໄວໆນີ້

ສົ່ງຜົນໃຫ້ແຮັຊແທັກ yorch_yongsin TraineeA ຍອດຍົງສິນ ທະຍານພຸ່ງຕິດເທນບໍ່ຢຸດ ແລະໃນເວລາຕໍ່ມາກໍ່ໄດ້ຮັບການເປີດເຜີຍຈາກຜູ້ຈັດການສ່ວນຕົວຂອງຍອດ ທີ່ລະບຸວ່ານ້ອງຍອດແລະຄອບຄົວ ຂອບໃຈຄ້າຍ BigHit Music ທີ່ໃຫ້ໂອກາດນ້ອງຍອດໄດ້ເປັນ 1 ໃນຄອບຄົວຂອງບໍລິສັດ @bts.bighitofficial

ແລະນ້ອງຍອດກັບທຸກຄົນໃນຄອບຄົວ ຂອບໃຈຜູ້ໃຫຍ່ທຸກໆທ່ານທີ່ເປີດໂອກາດໃຫ້ນ້ອງຍອດໄດ້ເດີນທາງຕາມຄວາມຝັນ ຊຶ່ງກໍ່ມີແມ່ລຳຍອງຢ່າງ ນຸ້ນ ວໍລະນຸດ ເຂົ້າມາຄອມເມັ້ນສົ່ງໃຈໃຫ້ ຂະນະທີ່ແຟນໆກໍ່ຮ່ວມຍິນດີກັນຢ່າງຫຼວງຫຼາຍສຳຫຼັບ ນ້ອງຍອດ ມີຊື່ແທ້ວ່າ ຍົງສິນ ວົງພະນິດນົນ ເກີດວັນທີ່ 11 ເມສາ ພ.ສ 2545

ພູມລຳເນົາເປັນຄົນຈັງຫວັດພະເຍົາ ຈົບການສຶກສາໃນລະດັບປະຖົມສຶກສາຈາກໂຮງຮຽນຣັດຕະນະບັນດິດຈິດຕະວິທະຍາ ຈົບການສຶກສາໃນລະດັບມັດທະຍົມສຶກສາຈາກໂຮງຣຽນພະແມ່ສະກົນສົງເຄາະກຳລັງສຶກສາໃນລະດັບປະລິນຍາຕີີຈາກ ສາຂາການສະແດງແລະກຳກັບການສະແດງພາບພະຍົນມະຫາວິທະຍາໄລສີນະຄະລິນທອນວິໂຣດ ວິທະຍາໄລນະວັດຕະກຳສື່ສານສັງຄົມ ມະຫາວິທະຍາໄລສີນະຄະລິນທອນວິໂຣດ

Continue Reading

ຂ່າວບັນເທິງ

ຮອດລາວແລ້ວເດີ້ ເອື້ອຍຕ່າຍ ອໍລະໄທ ສະບາຍດີວຽງຈັນ ມື້ອື່ນພໍ້ກັນເດີ້

Published

on

By

ເດີນທາງມາຮອດລາວດ ນະຄອນຫຼວງວຽງຈັນເປັນທີ່ຮຽບຮ້ອຍ ສໍາລັບ ເອື້ອຍ ຕ່າຍ ອໍລະໄທ ນັກຮ້ອງລູກທົ່ງຂວັນໃຈມວນຊົນ ໃນວັນທີ 27 ກັນຍາ 2022

ແລະມື້ອື່ນວັນທີ 28/09/2022 ຕາມນັດກັນຈະ ພົບກັບເອື້ອຍ ຕ່າຍ ອໍຣະໄທ ໃນງານມິນິຄອນເສີດ ທີ່ຕະຫຼາດເຊົ້າມໍຊັ້ນ 1 ໃນງານເປີດໂຕ “ປາແດກເພື່ອນວິນ” ເດີ້ ເລີ່ມເວລາ 10:00 am – 14:00 pm ເປັນຕົ້ນໄປ.

ມາຫາເອື້ອຍຕ່າຍຫຼາຍໆເດີ້
ບອກເລີຍມີນັດກັນນັດກັນ ກັບ ເອື້ອຍຕ່າຍ ອໍລະໄທ ນັກຮ້ອງລູກທົ່ງຂວັນໃຈມ່ວນຊົນ ທີ່ມີຜົນງານເພງຫຼາກຫຼາຍ ເຊິ່ງແຕ່ລະເພງຫຼາຍຄົນຮ້ອງໄດ້ໝົດ ເອື້ອຍເພິ່ນຈະມາລາວ

ເພື່ອມອບຄວາມສຸກໃນງານ ເປີດໂຕ “ປາແດກເພື່ອນວິນ” ຕະຫຼາດເຊົ້າມໍຊັ້ນ 1 ໃນງານເປີດໂຕ “ປາແດກເພື່ອນວິນ” ເດີ້ ເລີ່ມເວລາ 10:00 am – 14:00 pm ເປັນຕົ້ນໄປ.

ໄປຮ່ວມມ່ວນຊື່ນ ແລະ ຊິມປາແດກເພື່ອນວິນໄດ້ເລີຍ ນອກຈາກນັ້ນຍັງມີ ເຈມ (Jame Uno), ກູດ (Good GX2) ດໍາເນີນລາຍການໂດຍພິທີກອນຫຼາກຫຼາຍຄວາມສາມາດຕາໜຶ່ງ ແລະ ໂອເລ້

ພ້ອມພົບກັບເຈົ້າຂອງຜະລິດຕະພັນໜຸ່ມວິ້ນ ຫຼື ຫຼາຍຄົນຮູ້ຈັກແມ່ນເພື່ອນວິນ.

Continue Reading

ຂ່າວບັນເທິງ

ກັບບໍ່ໄດ້ (กลับบ่ได้) ປະຫວັດສາດເພງລາວ ຕິດອັບ 1 ເພງທີ່ມາເເຮງໃນລາວ ແລະ ໄທ

Published

on

By

ເພງ ກັບບໍ່ໄດ້ (กลับบ่ได้) ເພງດັງມາເເຮງໃນຕອນນີ້ ພຽງ 13 ມື້ ຫຼ້າສຸດ 5,000,000 View, 1 ເເສນ Like ເເລ້ວ ເເລະ ຍັງຕິດອັບ 1 ເພງທີ່ມາເເຮງໃນ ສ ປ ປ ລາວ ແລະ ໃນປະເທດໄທອີກດ້ວຍ

ເປັນເພງຂອງນັກຮ້ອງສອງໜຸ່ມສຽງດີຄົນລາວ Youd Salavan ແລະ STS73 ທີ່ມີເອກະລັກເປັນຂອງຕົນເອງ ເເລະ ມ່ວນຢູ່ເເລ້ວ ເມື່ອມາຮ້ອງເພງຮ່ວມກັນ ເຮັດໃຫ້ສຽງທີ່ດີຢູ່ເເລ້ວດີ ຄູນ 2 ຂຶ້ນຕື່ມ!

….

ເເລ້ວທ່ານເດ ຟັງເເລ້ວບໍ່???

ຕິດຕາມນັກຮ້ອງທັງສອງໄດ້ທາງເຟສບຸກ:

ທ້າວ ສຸລິ ນັນທະວົງ

หยุด สาละวัน

Continue Reading

ຂ່າວບັນເທິງ

ອາໄລຄັ້ງສຸດທ້າຍ… ຕົວຈາກໄປເຫຼືອໄວ້ພຽງຜົນງານໃຫ້ຈົດຈໍາ ອິນແຕ່ງ ດອກຟ້າເພັດໂພນທອງ

Published

on

ເຊື່ອວ່າຫຼາຍຄົນຈະໄດ້ເຫັນຂ່າວທີ່ໜ້າເສົ້າໃຈ ຕໍ່ການຈາກໄປແບບບໍ່ມີວັນຫວນກັບຄືນມາ ຂອງສາວໝໍລໍານໍ້າສຽງດີ ອິນແຕ່ງ ດອກຟ້າເພັດໂພນທອງ ທີ່ໄດ້ຕັດສິນໃຈຈົບຊີວິດຂອງຕົນເອງ ໃນວັນທີ 19 ກັນຍາ 2022 ດ້ວຍການໂດດລົງນໍ້າຂອງຈຸດຂົວຂ້າມປາກເຊ – ໂພນທອງ ຫຼ້າສຸດວັນທີ 21 ກັນຍາ 2022 ໄດ້ພົບຮ່າງໄຮ້ວິນຍານຂອງສາວ ອິນແຕ່ງແລ້ວ ແລະ ທີມຂ່າວບັນເທີງຕ້ອງຂໍສະແດງຄວາມເສຍໃຈຕໍ່ການຈາກໄປຄັ້ງນີ້ດ້ວຍ.

ມື້ນີ້ທີມຂ່າວບັນເທີງພວກເຮົາ ຈະພາແຟນໝໍລໍາມາຮູ້ຈັກປະຫວັດເບື້ອງຫຼັງຂອງສາວໝໍລຳອິນແຕ່ງກ່ອນ ວ່າເພິ່ນມີເບື້ອງໜ້າເບື້ອງຫຼັງແນວໃດ ກ່ອນມາຮອດຈຸດນີ້ທີ່ທຸກຄົນຮູ້ຈັກ ແລະ ມີຊື່ສຽງໂດ່ງດັງໃນເລື່ອງຂອງການເປັນໝໍລໍາ. ສໍາລັບສາວໝໍລຳອິນແຕ່ງ ແກ້ວບົວລາ ເປັນນັກສິລະປິນລາວໃຕ້ ທີ່ແຂວງຈຳປາສັກ ເຊິ່ງເປັນຜູ້ທີ່ມີຄວາມຮັກມັກຄວາມບັນເທີງມາແຕ່ນ້ອຍ ຈຶ່ງໄດ້ເອົາມູນຂອງພໍ່ມາສານຕໍ່ດ້ວຍການເປັນໝໍລຳ ດ້ວຍສຽງຄໍ ແລະ ລີລາທີ່ເປັນເອກະລັກ ເຮັດໃຫ້ສາວອິນແຕ່ງ ກາຍເປັນຄົນທີ່ມີຊື່ສຽງໃນວົງການສັງຄົມຢ່າງກວ້າງ ຂວາງ ເປັນຕົ້ນແມ່ນຈະໂດດເດັ່ນໃນການຂັບລຳສີພັນດອນ.

ສໍາລັບຄອບຄົວແກ້ວບົວລາ ເປັນຄອບຄົວທີ່ອະນຸຮັກວັດທະນະທຳທ້ອງຖິ່ນ ກໍຄືການຂັບລຳພາກໃຕ້ສີພັນດອນເປັນທີ່ສຸດ ພໍ່ຂອງໝໍລຳອິນແຕ່ງຊື່ພໍ່ ບຸນທອງ ແກ້ວບົວລາ ກໍເປັນໝໍລຳສີພັນດອນມາແຕ່ໃດ ແລະ ແມ່ບຸນເພັງ ແມ່ຂອງໝໍລຳສາວເອງ ກໍເປັນນາງເອກໝໍລຳເລື່ອງຕໍ່ກອນ ທີ່ໂດ່ງດັງໃນເຂດພາກໃຕ້.

ສ່ວນສາວອິນແຕ່ງ ໄດ້ໃຫ້ສຳພາດກ່ອນໜ້ານີ້ວ່າ: ກ່ອນກ້າວມາເປັນໝໍລຳ ຕອນຍັງນ້ອຍແມ່ນເຫັນພໍ່ຝຶກແອບລຳເປັນປະຈຳ ເມື່ອໄດ້ຍິນສຽງຂັບຮ້ອງຂອງພໍ່ແຕ່ລະຄັ້ງຮູ້ສຶກວ່າກ້ອງກັງວານຢູ່ໃນຫູ ຕົນຮູ້ສຶກສະອອນນຳສຽງອິ່ນອ້ອຍສຽງຂັບລຳຂອງພໍ່ ເມື່ອອາຍຸໄດ້ 9 ປີ ຄືກັບວ່າມີສິ່ງມາດົນບັນດານໃຈໃຫ້ຕົນເກີດມີ ຄວາມຮັກມັກຢາກເປັນໝໍລຳຄືກັບພໍ່ ຈຶ່ງຫັດແອບລຳນຳພໍ່ມື້ລະໜ້ອຍ ໃຊ້ເວລາຝຶກຊ້ອມມາ 5 ປີກວ່າ ພໍອາຍຸກ້າວສູ່ 15 ປີ ສາວອິນແຕ່ງ ໄດ້ອອກງານຮັບໃຊ້ສັງຄົມເປັນຄັ້ງທຳອິດ ມາໃນລຳສີພັນດອນ ເປັນລຳທີ່ຜູ້ຂັບລຳຈຳຕ້ອງຢູ່ຈົນຟ້າແຈ້ງ.

ໃນຂະນະທີ່ກຳລັງນັ່ງລຳຢູ່ນັ້ນ ຜູ້ຟັງຫຼາຍຄົນຕ່າງກໍທັກທ້ວງວ່າຄືເອົາໝໍລຳນ້ອຍມາລຳແທ້ນໍ ຊິກຸ້ມແຈ້ງບໍເດ ແຕ່ກົງກັນຂ້າມສຽງທີ່ໄທບ້ານເວົ້າກັນໄດ້ຊອດແຊກເຂົ້າມາໃນຫູຂອງສາວອິນແຕ່ງ ແລະ ກາຍເປັນສິ່ງກະຕຸກຊຸກຍູ້ໃຫ້ອິນແຕ່ງສູ້ສຸດໃຈ ເພື່ອໃຫ້ຜູ້ຊົມຜູ້ຟັງຕ້ອງຍອມຮັບໃຫ້ໄດ້.

ໃນທີ່ສຸດສິ່ງທີ່ຫວັງກໍກາຍເປັນຈິງ ແລະ ເປັນທີ່ຍອມຮັບຂອງແຟນໝໍລຳນັບມື້ຫຼາຍຂຶ້ນ ຈົນກາຍເປັນໝໍລຳອິນແຕ່ງ ທີ່ທຸກຄົນຮູ້ຈັກໃນທຸກວັນນີ້.

ມາຮອດນີ້ ທີມຂ່າວບັນເທີງ ກໍຕ້ອງສະແດງຄວາມເສຍໃຈຕໍ່ການຈາກໄປແບບບໍ່ມີວັນຫວນຄືນຂອງສາວໝໍລໍານໍ້າສຽງດີມະຫາສະເໜ່ດ້ວຍ ເຊື່ອແນ່ວ່າຊື່ສຽງ ແລະ ທຸກຜົນງານຜ່ານມາຂອງ ອິນແຕ່ງ ຈະເປັນທີ່ຈົດຈໍາຂອງແຟນໆໝໍລໍາຕະຫຼອດໄປ.

Continue Reading
ເດືອນກັນຍາ 2022
ເສົາ ​ອາ ​ຈ ​ພ​ຫ ​ສ
 12
3456789
10111213141516
17181920212223
24252627282930

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້