ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ,​ ລັດຖະມົນຕີກະຊວງສາທາລະນະສຸກ ກ່ຽວກັບທິດຊີ້ນຳຂອງກອງປະຊຸມກົມການເມືອງສູນກາງພັກ ຮ່ວມກັບຄະນະເລຂາທິການສູນກາງພັກ ກ່ຽວກັບການຈັດຕັ້ງປະຕິບັດມາດຕະການປ້ອງກັນ ການແຜ່ລະບາດຂອງພະຍາດໂຄວິດ-19 ແລະ ການກະກຽມເປີດການທ່ອງທ່ຽວສີຂຽວ ຄັ້ງວັນທີ 30-31 ທັນວາ 2021.

ຫ້ອງວ່າການສຳນັກງານນາຍົກລັດຖະມົນຕີ ຈຶ່ງແຈ້ງທິດຊີ້ນຳຂອງກອງປະຊຸມກົມການເມືອງສູນກາງພັກ ຮ່ວມກັບຄະນະເລຂາທິການສູນກາງພັກ ເພື່ອຈັດຕັ້ງຜັນຂະຫຍາຍ ດັ່ງນີ້:

1. ເຫັນດີໃຫ້ເປີດການທ່ອງທ່ຽວສີຂຽວ ຕາມແຜນການທີ່ໄດ້ກະກຽມໄວ້, ມອບໃຫ້ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ສົມທົບກັບພາກສ່ວນກ່ຽວຂ້ອງຄົ້ນຄວ້າຄືນ ມາດຕະການຕ່າງໆ ທີ່ໄດ້ກໍານົດອອກມານັ້ນ ຈະມີຄວາມຮັບປະກັນ ແລະ ສາມາດຮັບມືກັບການແຜ່ລະບາດຂອງພະຍາດໂຄວິດ-19 ທັງສາຍພັນໃໝ່ໂອໄມຄອນ (Omicron) ແລະ ສາຍພັນເດວຕ້າ (Delta) ໄດ້ບໍ່, ພ້ອມທັງປະເມີນຄືນຄວາມສ່ຽງແຕ່ລະໄລຍະ ເພື່ອໃຫ້ສາມາດກໍານົດມາດຕະການ ແລະ ແຜນການຮັບມືໄດ້ຢ່າງທັນການ, ພ້ອມນັ້ນ ກໍຄົ້ນຄວ້າກ່ຽວກັບມາດຕະການຜ່ອນຜັນ ດັ່ງນີ້:

2. ໃຫ້ກະຊວງສາທາລະນະສຸກ ເປັນໃຈກາງສົມທົບກັບພາກສ່ວນກ່ຽວຂ້ອງ ຈັດຕັ້ງປະຕິບັດຄື:- ເພີ່ມທະວີການຈັດຕັ້ງປະຕິບັດວຽກງານທີ່ມີຄວາມຈຳເປັນໃນໄລຍະນີ້ ເປັນຕົ້ນແມ່ນການປິ່ນປົວ ແລະ ການກວດຫາເຊື້ອໂດຍໃຫ້ພາກເອກະຊົນມີສ່ວນຮ່ວມຕື່ມ ທັງໃຫ້ມີການໂຄສະນາຮູບແບບຕ່າງໆໃຫ້ກວ້າງຂວາງ ແລະ ທົ່ວເຖິງ ສ້າງສິ່ງຈູງໃຈເພື່ອເຮັດໃຫ້ປະຊາຊົນ ຫຼື ຜູ້ບໍລິໂພກຂ່າວລັດຖະບານເຮົາ ມີຄວາມສົນໃຈ ແລະ ມີສະຕິລະວັງຕົວສູງຂື້ນ ໃນການດຳລົງຊີວິດປົກກະຕິແບບໃໝ່.