ຜູ້ນຳກຳປູເຈຍຖືກອະດີດທະຫານແກວ່ງເກີບໃສ່ໃນຂະນະໄປຢ້ຽມຢາມອາເມລິກາໃນວັນທີ 11 ພຶດສະພາທີ່ຜ່ານມາ ໄດ້ມີການບັນທຶກຄລິບວິດີໂອເຫດການທີ່ກາຍເປັນກະແສໄປທົ່ວໂລກອອນລາຍ

ໂດຍມັນເປັນເຫດການທີ່ ນາຍົກລັດຖະມົນຕີ ຮຸນ ເຊນ ຂອງກຳປູເຈຍ ໄດ້ໄປຢ້ຽມນະຄອນ ວໍຊິງຕັນ ດີຊີ, ສະຫະລັດອາເມຣິກາ ແລະ ລາວກໍເກືອບຖືກເກີບຈາກບຸກຄົນທີ່ຊັງ ແກວ່ງເຂົ້າມາໃສ່ ໃນຂະນະທີ່ ຮຸນ ເຊນ ໄດ້ຢຸດຖ່າຍຮູບກັບມວນຊົນຢູ່ໜ້າໂຮງແຮມທີ່ເຂົ້າພັກຢູ່.

ແຕ່ເຖິງຢ່າງນັ້ນຄົນທີ່ແກວ່ງເກີບໃສ່ນັ້ນ ກໍໄດ້ພາດເປົ້າ ໂດຍເກີບມັນໄດ້ຖືກໂທລະສັບຂອງຄົນທີ່ກໍາລັງຢືນຖ່າຍຮູບກັບ ຮຸນ ເຊນ ໂດຍໃນຂະນະນັ້ນມັນໄດ້ເຮັດໃຫ້ ຮຸນ ເຊນ ແລະ ຄົນທີ່ຢູ່ອ້ອມຂ້າງເກີດອາການໜ້າເສຍຂຶ້ນມາໃນທັນທີ.

ຕໍ່ມາໃນວັນທີ 12 ພຶດສະພາ ສຳນັກຂ່າວ Radio Free Asia ໄດ້ມີການເປີດເຜີຍວ່າ ຄົນທີ່ແກວ່ງເກີບໃສ່ຮຸນເຊນນັ້ນມີຊື່ວ່າ ອຸກ ທັຊ (Ouk Touch) , ອາຍຸ 72 ປີ ແລະ ລາວກໍເຄີຍເປັນອະດີດທະຫານກໍາປູເຈຍ ທີ່ໄດ້ຍ້າຍຖິ່ນຖານມາອາໄສຢູ່ ສະຫະລັດອາເມຣິກາ ຫຼັງຈາກໄດ້ບໍານານຈາກໜ້າທີ່ແລ້ວ.

ທັງນີ້ ອຸກ ທັຊ ໄດ້ບອກວ່າກັບສໍານັກຂ່າວວ່າຫຼັງຈາກເກີດເຫດການ ບໍດີ້ກາດຂອງຮຸນເຊນ ແມ່ນໄດ້ພະຍາຍາມທີ່ຈະເຂົ້າມາຈັບຕົວແລະທຳຮ້າຍລາວ ແຕ່ວ່າທາງເຈົ້າໜ້າທີ່ຮັກສາຄວາມປອດໄພຂອງສະຫະລັດອາເມຣິກາ ເຫັນເຫດການນັ້ນພໍດີ ເລີຍໄດ້ເຂົ້າມາໂອ້ລົມໄກ່ເກ່ຍໃຫ້ ແລະ ບອກໃຫ້ ອຸກ ທັຊ ຮິບອອກມາຈາກບ່ອນເກີດເຫດ.

ອຸກ ທັຊໄດ້ກ່າວອີກວ່າ ສິ່ງທີ່ລາວກະທຳລົງໄປນັ້ນແມ່ນໄດ້ເຮັດດ້ວຍຄວາມຕັ້ງໃຈ ແລະ ເປັນຄວາມຝັນຂອງລາວມາແຕ່ດົນນານ ເພາະລາວຮູ້ສຶກຊັງຜະເດັດການຢ່າງ ຮຸນ ເຊນ ທີ່ໃນອະດີດໄດ້ເຄີຍສັ່ງຂ້າຜູ້ບໍລິສຸດນັບບໍ່ຖ້ວນ ລວມໄປຮອດຍາດຕິພີ່ນ້ອງຂອງ ອຸກ ທັຊ ນຳ.

“ຂ້ອຍຮູ້ສຶກສະບາຍໃຈແລະນອນຫຼັບສະບາຍຫຼາຍຂຶ້ນແທ້ໆ ຫຼັງຈາກໄດ້ແກວ່ງເກີບໃສ່ຫົວ ຮຸນ ເຊນ ຂ້ອຍຕັ້ງໃຈເຮັດແບບນີ້ມາດົນແລ້ວເພາະຢາກໃຫ້ລາວ ຮູ້ສຶກອັບອາຍ ເຫດຜົນກໍມີພຽງເທົ່ານີ້”“ທີ່ຂ້ອຍເຮັດກໍພຽງໂຍນເກີບໃສ່ ຮຸນ ເຊນ

ເຊິ່ງລາວກໍເຄີຍໂຍນລະເບີດໃສ່ຊາວກຳປູເຈຍ ຄົນທີ່ອອກມາປະທ້ວງຢ່າງສັນຕິ ຮຸນ ເຊນ ຄືຜະເດັດການ ແລະ ລາວເຄີຍຂ້າຄົນມາຫຼວງຫຼາຍ ລວມຍາດຕິພີ່ນ້ອງຂອງຂ້ອຍ” ອຸກ ທັຊໄດ້ກ່າວ.

ນອກຈາກນີ້ ອຸກ ທັຊ ຍັງໄດ້ກ່າວເສີມອີກວ່າລາວຢາກທີ່ຈະຕອບໂຕ້ເຫດການປີ 1997 ທີ່ແນວຮ່ວມນາຍົກທີ່ມາຈາກການເລືອດຕັ້ງຕອນນັ້ນໃຊ້ອາວຸດເຂົ້າໂຈມຕີ ເປັນສາເຫດໃຫ້ ຮຸນ ເຊນ ສາມາດຮັກສາຕັ່ງນາຍົກລັດຖະມົນຕີເອົາໄວ້ໄດ້ຈົນຮອດປັດຈຸບັນນີ້.

ໂດຍເຫດການດັ່ງກ່າວໄດ້ມີປະຊາຊົນຊາວກຳປູເຈຍເສຍຊີວິດເຖິງ 16 ຄົນ ບາດເຈັບອີກ 150 ຄົນ ແຕ່ວ່າຜູ້ທີ່ລົງມືກະທຳໃນເຫດການດັ່ງກ່າວແມ່ນບໍ່ໄດ້ຖືກດຳເນີນຄະດີຕາມກົດໝາຍ.

ຂ່າວຈາກ CTV News Edmonton ໃນວັນທີ 28 ມັງກອນ 2022. ໃຫ້ຮູ້ວ່າ.

ທ່ານ ເບ ສູນດາລາ ທີ່ຄົນການາດາ ເຊື້ອສາຍລາວ ທີ່ເມືອງ Edmonton ໄດ້ຖືກເລກ ລາງວັນ 1 ລ້ານໂດລາ ທີ່ ອອກໃນວັນທີ 8 ມັງກອນ 2022 ຜ່ານມາ.

An Edmonton man plans to pay off his mortgage, help his family and go on a vacation after claiming $1 million that he won on a lotto ticket.

ໂດຍຜູ້ໂຊກດີໄດ້ໃຫ້ສໍາພາດກັບນັກຂ່າວວ່າ “ເງິນທີ່ໄດ້ຈາກໂຊກຖືກເລກຄັ້ງນີ້ ຈະນໍາໄປໃຊ້ໜີ້, ຊ່ວຍເຮືອຄອບຄົວ ແລະ ຈະໄປທ່ອງທ່ຽວ”

ຈີນສັ່ງລົງໂທດເຈົ້າໜ້າທີ່ໃຊ້ຊີວິດຟຸມເຟືອຍ-ຢຶດຖືລະບົບເຈົ້າຂຸນມຸນນາຍ, ເດືອນທັນວາຜ່ານມາເດືອນດຽວເກືອບ 20.000 ຄົນ ຜົນຈາກການບັງຄັບໃຊ້ກົດປະຢັດເຂັ້ມງວດໃນຊ່ວງຫລາຍປີຜ່ານມາ.

ຈີນລົງໂທດເຈົ້າໜ້າທີ່ຝ່າຝືນກົດປະຢັດ ທັນວາເດືອນດຽວເກືອບ 20.000 ຄົນ ເຫດຟຸມເຟືອຍ-ຢຶດຖືລະບົບເຈົ້າຂຸນມຸນນາຍວັນທີ 29 ມັງກອນ 2022 ເວັບໄຊຊິນຮົວລາຍງານວ່າ:

ໜ່ວຍງານຕໍ່ຕ້ານການສໍ້ລາດບັງຫລວງສູງສຸດຂອງຈີນປະກາດຜ່ານເວັບໄຊວ່າ: ໃນເດືອນທັນວາ 2021 ຈີນລົງໂທດເຈົ້າໜ້າທີ່ 19.489 ຄົນ ຂໍ້ຫາລະເມີດກົດລະບຽບ 8 ປະການ ວ່າດ້ວຍການຍົກລະດັບການດຳເນີນງານຂອງພັກ ແລະ ລັດຖະບານ.

ຄຳຖະແຫລງປະຈຳເດືອນຈາກຄະນະກຳມະການກວດສອບວິໄນສ່ວນກາງແຫ່ງພັກກອມມູນິດຈີນ (CCDI) ແລະ ຄະນະກຳມະການກວດສອບແຫ່ງຊາດ ລະບຸວ່າ:

ເຈົ້າໜ້າທີ່ທີ່ຖືກລົງໂທດມີສ່ວນກ່ຽວຂ້ອງໃນຄະດີການລະເມີດກົດຈຳນວນ 13.431 ຄະດີ ແລະ ມີເຈົ້າໜ້າທີ່ໄດ້ຮັບໂທດທາງວິໄນ ຫລື ທາງປົກຄອງທີ່ກ່ຽວຂ້ອງກັບການຢຶດຖືລະບົບເຈົ້າຂຸນມຸນນາຍ, ການຢຶດຖືພິທີລີຕອງ ແລະ ພຶດຕິກຳທີ່ມຸ່ງແຕ່ຄວາມສຸກສະບາຍ ຫລື ພຶດຕິກຳທີ່ຟຸມເຟືອຍ ຈຳນວນ 13.806 ຄົນ.